Estudar a Bíblia

11 Bha iad sin na b’uaisle na muinntir Thesalonìca, oir ghabh iad am facal dan ionnsaigh leis an uile thogradh, a’ rannsachadh nan sgriobtar gach aon là, a dh’fheuchainn an robh na nithean sin mar sin.

15 Dèan dìcheall air thu fhèin a nochdadh dearbhte do Dhia, ad shaothraiche nach ruig a leas nàire a ghabhail, a’ roinn facal na fìrinn gu ceart.

15 Agus o bha thu ad leanabh gum b’aithne dhut na sgriobtairean naomha, a tha comasach air do dhèanamh glic a-chum slàinte, tre an chreideamh a tha ann an Iosa Crìosd.

16 Tha an sgriobtar uile air a dheachdadh le Spiorad Dhè, agus tha e tairbheach a-chum teagaisg, a-chum spreigeadh, a-chum leasachaidh, a-chum oilein ann am fìreantachd:

17 A-chum gum bi òglach Dhè coileanta, làn-deas a-chum gach uile dheagh obrach.

13 Gus an tig mi, thoir an aire do leughadh, do earail, do theagasg.

39 Rannsaichibh na sgriobtairean, oir tha sibh a’ saoilsinn gu bheil a’ bheatha mhaireannach agaibh annta; agus is iad sin a tha a’ toirt fianais mum thimcheall-sa.

8 Cha tèid leabhar an lagha seo as do bheul; ach beachd-smaoinichidh tu air a là agus a dh’oidhche, a-chum gun toir thu an aire gun dèan thu a rèir gach nì a tha sgrìobhte ann: oir an sin bheir thu air do shlighe soirbheachadh leat, agus an sin nì thu gu glic.

105 Is lòchran d’fhacal dom chois agus solas dom cheum.

97 O cia ionmhainn leam do lagh-sa! Gach là is e mo chùis-smaoineachaidh.

98 Led àithne rinn thu mi nas glice na m’eascairdean, oir tha i a-ghnàth maille rium.

99 Os cionn mo luchd-teagaisg uile tha mi a’ tuigsinn, oir is iad do theisteis mo chùis-smaoineachaidh.

9 Ciod leis an glan an t-òganach a shlighe? Trìd faicill, a rèir d’fhacail.

10 Lem uile chridhe dh’iarr mi thu; na leig dhomh dol air seachran o d’àitheantan.

11 Am chridhe dh’fhalaich mi d’fhacal, a-chum nach peacaichinn ad aghaidh.

12 Is beannaichte thusa, a Thighearna; teagaisg dhomh do reachdan.

13 Lem bhilean chuir mi an cèill uile bhreitheanais do bheòil.

14 Ann an slighe do theisteis rinn mi gàirdeachas, mar os cionn gach uile shaoibhreis.

15 Air d’àitheantan beachd-smaoinichidh mi, agus dearcaidh mi air do cheuman.

16 Ann ad reachdan gabhaidh mi tlachd; cha dìochuimhnich mi do bhriathran.

GIMEL

7 Molaidh mi thu le treibhdhireas cridhe, nuair a dh’fhòghlamas mi breitheanais do cheartais,

9 Oir air a’ chiad là den chiad mhìos thòisich e air dol suas o Bhàbilon, agus air a’ chiad là den chòigeamh mìos thàinig e gu Ierusalem, a chionn gu robh làmh mhath a Dhè air.

10 Oir dh’ullaich Esra a chridhe a dh’iarraidh lagh an Tighearna, agus ga dhèanamh, agus a theagasg ann an Israel reachdan agus bhreitheanas.

5 Agus gràdhaichidh tu an Tighearna do Dhia led uile chridhe, agus led uile anam, agus led uile neart.

6 Agus bidh na briathran seo, a tha mi ag àithneadh dhut an-diugh, ann ad chridhe;

7 Agus teagaisgidh tu iad dod chloinn, agus labhraidh tu orra nuair a shuidheas tu ad thaigh, agus nuair a dh’imicheas tu air an t-slighe, agus nuair a laigheas tu sìos, agus nuair a dh’èireas tu suas.

8 Agus ceanglaidh tu iad mar chomharradh air do làimh, agus bidh iad mar aodannain eadar do shùilean.

9 Agus sgrìobhaidh tu iad air ursainnean do thaighe, agus air do gheatachan.

18 Agus nuair a shuidheas e air rìgh-chathair a rìoghachd, an sin ath-sgrìobhaidh e dha fhèin an lagh seo ann an leabhar, as an leabhar sin a tha an làthair nan sagart, na Lèbhithich.

19 Agus bidh e aige, agus leughaidh e ann, uile làithean a bheatha: a-chum gum fòghlaim e eagal an Tighearna a Dhia a bhith air, uile bhriathran an lagha seo a ghleidheadh, agus na reachdan seo, a-chum an dèanamh:

20 A-chum nach bi a chridhe air a thogail suas os cionn a bhràithrean, agus nach claon e on àithne a-chum na làimhe deise no na làimhe clìthe; air chor is gum buanaich e a làithean na rìoghachd, e fhèin agus a chlann ann am meadhon Israeil.

1 Gnàth-fhacail Sholaimh, mac Dhaibhidh, rìgh Israeil;

2 A dh’aithneachadh gliocais agus teagaisg, a thuigsinn briathran na tuigse;

3 A ghabhail teagasg a’ ghliocais, a’ cheartais, agus a’ bhreitheanais, agus na còrach;

4 A thoirt gèire dhaibhsan a tha baoghalta, eòlais agus cèill don òganach.

5 Eisdidh duine glic, agus meudaichidh e fòghlam; agus sealbhaichidh duine tuigseach comhairlean glice:

6 A thuigsinn gnàth-fhacail, agus eadar-mhìneachaidh; faclan nan daoine glice, agus am briathran dorcha.

1 A mhic, na dìochuimhnich mo lagh; ach gleidheadh do chridhe m’àitheantan:

2 Oir làithean buan, agus saoghal fada, agus sìth bheir iad dhut.

13 Dèan greim daingeann air teagasg; na leig as e; coimhead e, oir is e do bheatha e.

23 Oir is lòchran an àithne, agus is solas an reachd, agus is iad slighe na beatha achmhasain teagaisg;

6 Tha mo shluagh-sa air an sgrios le dìth eòlais. A chionn gun do chuir thu cùl ri eòlas, cuiridh mise fòs cùl riutsa, air chor is nach bi thu agam ad shagart: a chionn gun do dhearmaid thu lagh do Dhè, dearmadaidh mise fòs do chlann-sa.

20 Iarradh iad a-chum an lagha agus a-chum na fianais: mura labhair iad a rèir an fhacail seo, is ann a chionn nach eil solas annta.

24 Agus fhreagair Iosa agus thubhairt e riu, Nach eil sibh uime sin ann am mearachd, do bhrìgh nach eil eòlas agaibh air na sgriobtairean no air cumhachd Dhè?

4 Oir ge bè nithean air bith a sgrìobhadh roimhe seo, is ann a-chum ar teagaisg-ne a sgrìobhadh iad; a-chum tre fhoighidinn agus chomhfhurtachd nan sgriobtar gum biodh dòchas againne.

17 Ach sibhse, a mhuinntir mo ghràidh, o is aithne dhuibh na nithean seo ro-làimh, thugaibh an aire air eagal air dhuibhse mar an ceudna a bhith air ur tarraing air falbh le seachran nan daoine an-diadhaidh, gun tuit sibh o ur seasmhachd fhèin:

18 Ach fàsaibh ann an gràs, agus ann an eòlas ar Tighearna agus ar Slànaighir, Iosa Crìosd. Dhàsan gu robh glòir a-nis agus gu sìorraidh. Amen.

10 Slàinte mun d’fhiosraich na fàidhean, agus mun do rinn iad geur-rannsachadh, muinntir a rinn fàidheadaireachd mun ghràs a bha gu teachd dur n-ionnsaigh-se;

11 A’ rannsachadh ciod i, no ciod a’ ghnè aimsir a bha Spiorad Chrìosd anntasan a’ foillseachadh, nuair a rinn e fianais ro-làimh air fulangasan Chrìosd, agus a’ ghlòir a bha gu an leantainn.