Estudar a Bíblia

8 Ka̱ta̱ vu ushuku Katagarda ka̱ Wila̱ ka nampa ka̱ ka̱sukpa̱ una̱ u nu ba, yongo e kusheshe ukuna u kaꞋa kanna n kayin dem, ciya̱ vu fuɗa vu tono mayin ka̱ta̱ kpamu vu yaꞋan ili i na yi punu uɗani derere. Nannai ɗa vo kokpo vuza vu uciyi n kulyaꞋa ku kelime.

Wila̱ u Vuzavaguɗu kutashi ku ɗa

105 Kadanshi ka̱ nu ki ta̱

tsu ma̱kuni e ene a̱ va̱,

kutashi kpamu a uye u va̱.

Ucigi u wila̱ u Vuzavaguɗu

97 Tsu na n cigai wila̱ u nu,

n tsu ka̱na̱ ta̱ kusheshe

ku u ɗa kanna dem.

98 Kadanshi ka̱ nu ka zuwa mu ta̱

n ciya̱i ugboji n laꞋi irala i va̱,

adama a na makyan dem

kaꞋa ki ta̱ nu mpa.

99 N ciya̱ ta̱ kuyeve n laꞋi nlum n va̱ ra̱ka̱,

adama a na mi ta̱ e kusheshe

a ukuna u kadanshi ka̱ nu.

Kutono wila̱ u Vuzavaguɗu

9 Nini ɗai ka̱ɗa̱nga̱ni ko kuyongo ciɗa?

A̱ ubuta̱ u kutono kadanshi ka̱ nu.

10 N ka̱ɗu ka̱ va̱ ra̱ka̱, n la̱nsa̱i nu,

ka̱ta̱ vu ka̱sukpa̱ mu

n katsukpa kadanshi ka̱ nu ba.

11 N sokongu ta̱ kadanshi ka̱ nu a̱ ka̱ɗu ka̱ va̱,

adama a na ka̱ta̱

n yaꞋanka wu unushi ba.

12 Vuza vu una̱singai ɗa vi, avu Vuzavaguɗu,

piꞋisaka mu ili i na vu dansai.

13 N una̱ u va̱ u ɗa n kecei

afada a na vu nekei tsu ra̱ka̱.

14 Mi ta̱ a̱ ma̱za̱nga̱ mo

kutono kadanshi ka̱ nu,

tsu na vuma u ci yaꞋan ma̱za̱nga̱

ma̱ kuciya̱ udukuyan wa̱ a̱bunda̱i.

15 Mi ta̱ a̱ kuka̱na̱ kusheshe,

a̱ ukuna wi ili i kutono i nu,

ka̱ta̱ n zuwaka n uye u nu.

16 Mi ta̱ a̱ ma̱za̱nga̱

n ili i na vu dansai,

mi a kucinukpa n kadanshi ka̱ nu ba.

7 Mi ta̱ a kucikpa wu n ka̱ɗu ka mayun,

A makyan ma na n piꞋisai

afada a̱ usuɓi u nu.

9 A kanna ka iyain ko wotoi u iyain u ka̱sukpa̱i Babila, ɗa u yawai a Urushelima a kanna ka iyain ko u tawun, adama a na kukiye ku singai ku Ka̱shile ki ta̱ n a̱yi. 10 Adama a na Ezira u neke ta̱ ka̱ci ka̱ ni u yeve wila̱ u Vuzavaguɗu n kutono u ɗa, kpamu n u piꞋisakai aza a Isaraila ili i kutono n kadanshi.

5 Cigai Vuzavaguɗu Ka̱shile ka̱ ɗa̱ n a̱ɗu a̱ ɗa̱, n wuma u ɗa̱ ra̱ka̱, koɓolo n utsura u ɗa̱ dem.✝ 6 Ka̱ta̱ wila̱ u nampa u na n nekei ɗa̱ anana wo okpo a̱ a̱ɗu a̱ ɗa̱. 7 Ka̱ta̱ i piꞋisaka muku n ɗa̱ u ɗa ayin tutu, ka̱ta̱ i yaꞋansa kadanshi ku ɗa a ayin dem, ana yi ida̱shi a iꞋuwa i ɗa̱, n ayin a na yi a nwalu, n ayin a na i vaki, n ayin a na i ɗa̱nga̱i. 8 Ka̱ta̱ i shiya le e ekiye a̱ ɗa̱ n a̱ca̱n a̱ ɗa̱ okpo ɗa̱ urotu ci ili i kuciɓasa. 9 Ɗanai le a iga̱Ꞌin yi utsutsu yi iꞋuwa i ɗa̱ n utsutsu u likuci i ɗa̱.

18 <<A makyan ma na baci u da̱sa̱ngi a kakuba ko tsugono tsu ni, wi ta̱ a̱ kupura̱ka̱ ka̱ci ka̱ ni wila̱ u nampa a katagarda ku uka̱ta̱li ka na a ɗikai a̱ ubuta̱ u anan ganu a na i aza e Levi. 19 Ka̱ta̱ ko yongo ekiye a̱ ni, u kece kaꞋa a kanna lakam a makyan ma wuma u ni, adama na u ciya̱ kuyeve tsu na u kuneke Vuzavaguɗu Ka̱shile ka̱ ni tsugbayin, ka̱ta̱ u tono wila̱ n ili i kutono i na yi punu uɗani a katagarda ka nampa mayin, 20 u yaꞋan baci nannai, wi ta̱ a̱ kusa̱nka̱ yi kuɗika ka̱ci ka̱ ni adanshi u laꞋa ta̱ otoku a̱ ni, ka̱ta̱ u sa̱nka̱ yi kukpatala a ugula̱ ko a usingai u ka̱sukpa̱ wila̱, adama a na a̱yi nu ntsukaya n ni e geshe a kulyaꞋa tsugono a Isaraila.>>

Ugiti u kuyeve

1 Ansa a Sulemanu kolobo ka Dawuda mogono mi Isaraila.

2 Na ɗa ansa a na a̱ kuɓa̱nka̱ wu,

vu yeve cicoꞋo n odoki a singai,

ka̱ta̱ e yeve kudansa i na yi usokongi

3 adama a na a̱ ciya̱,

kuyotsongusu ku cicoꞋo,

n usuɓi, n afada a mayun,

n ili i na yi mayin,

4 a zuwa vuza vu unambi u kuyeve,

wo okpo n kuyeve,

o yotsongusu a̱ɗa̱nga̱ni tsu na

a kuyaꞋan kusheshe ku singai.

5 YaꞋan vuza vu cicoꞋo u pana ka̱ta̱ u doku ciya̱ kuyeve,

vuza vu uyevi kpamu

u ciya̱ uɓa̱nki

6 adama a na e yeve i na ansa i a kadanshi,

kadanshi ka aza o cicoꞋo n iteꞋe i le.

Odoki adama A̱ɗa̱nga̱ni

1 Maku ma̱va̱, ka̱ta̱ vu cinukpa n kuyotsongusu kuva ba̱.

ama ka̱sukpa̱ ka̱ɗu ka̱ nu ke reme wila̱ u va̱.

2 Ku yotsongusu ku va̱ ki ta̱ a ku neke wu ma̱ta̱na̱ n wuma wu ugaɗi.

13 Reme odoki a nanlo a n utsura, ka̱ta̱ vu ka̱sukpa̱ a ɗa ba,

reme a ɗa mayin, adama ana wuma uɗa wa̱ nu.

23 Adama ana odoki a nampa ma̱kuni maꞋa,

kuyotsongusu ku nampa kpamu kutashi ku ɗa,

udansuki n ugbari kpamu

uye u wuma u ɗa,

6 Uma a̱ va̱ i ta̱ a̱ kukuwa̱ adama a unashi.

A na wo okpoi a̱ɗa̱ anan ganu i iwain kula̱nsa̱ kuyeve,

mpa feu mi ta̱ a ku iwan ɗa̱ a ulinga u tsuganu,

adama a na i cinukpa ta̱ n wila̱ u Ka̱shile,

mpa feu mi ta̱ a kucinukpa n muku n ɗa̱ a ulinga u tsuganu.

20 A ukuna u kadanshi ka̱ wila̱ n kuyotsongusu, a dansa baci ili i na kadanshi ka nampa ki a kudansa ba, i ɗaɗa adama a na i n kutashi ba.