Estudar a Bíblia

11 On sas buter otkerde prekal o lav sar o Židi andral e Tesalonika. Priile o lav radišagoha a sako džives rodenas andro Lav le Devleskro, či oda hin čačes avke.

15 Ker sa prekal oda, hoj tut te sikaves anglo Del sar manuš, savo pes na mušinel te ladžal vaš peskri buči a savo mištes vakerel o čačipnaskro lav avke, sar kampel.

15 Bo imar ciknovarestar prindžares le Devleskre lava, so tut den goďi pre oda, hoj te aves zachraňimen le pačabnaha andro Ježiš Kristus. 16 Sa, so hin pisimen andre le Devleskro lav, avel andral le Devleskro muj a hino lačho pre oda, hoj le manušes te sikavel, te dovakerel leske andro dživipen, te karhinel les a te bararel les avri andro spravodľišagos, 17 hoj o manuš le Devleskro te avel pripravimen the vizbrojimen pre dojekh lačhi buči.

13 Medik me avava, gen o Lav, kazin a sikav le manušen.

39 Roden andro Pisišagi, bo gondoľinen tumenge, hoj andre lende tumen hin o večno dživipen a ipen ola Pisišagi svedčinen pal ma.

8 Ma preačh te genel kada zvitkos le zakonoskro pre tumare zhromažďeňja! Gondoľin pal leste rat-džives, hoj te doľikeres savoro, so hin andre pisimen, bo ča akor tuke savoro avela avri a savoro kereha goďaha.

105 Tiro lav hin e momeľi mire pindreske

a o švetlos mire chodňikoske.

97 Ó, sar igen kamav tiro zakonos!

Calo džives pal leste gondoľinav.

98 Tire prikazaňja hine furt manca,

a vašoda mandar keren goďavereder,

sar hine mire ňeprijaťeľa.

99 Goďavereder som savore mire učiťeľendar,

bo gondoľinav pal tire prikazi.

9 Sar peske o terno manuš šaj doľikerel o žužo dživipen?

Avke, hoj dživela pal tiro lav.

10 Cale jileha tut rodavas;

ma domuk, hoj man te visarav tire prikazaňjendar!

11 Andro jilo mange garuďom tiro lav,

hoj te na kerav binos angle tute.

12 Av barardo, RAJEJA!

Sikav man tire zakoni!

13 Mire vuštenca vakerav avri

savore prikazi, so tu phenďal.

14 Radisaľuvav tire prikazaňjendar

avke sar le bare barvaľipnastar.

15 Pal tire prikazi gondoľinav

a pozorinav tire chodňiki.

16 Andre tire zakoni man hin radišagos,

pre tiro lav na bisterav.

Gimel

7 Paľikerava tuke le žuže jilestar,

sar sikľuvava tire čačipnaskre zakoni.

9 Ešebno džives andro ešebno čhon odgeľa andral o Babilon a andro ešebno džives andro pandžto čhon dogeľa andro Jeruzalem, bo o Del upral leste ľikerelas peskro vast. 10 O Ezdraš sas cale jileha oddino te sikľol o Zakonos le RAJESKRO, te doľikerel les a te sikavel le Izraeliten o prikazi the o zakoni.

5 Kameha le Rajes, tire Devles, andral calo tiro jilo, andral caľi tiri duša the andral caľi tiri zor. 6 Kala lava, so tuke adadžives dav, ľikereha andre tiro jilo 7 a sikaveha len tire čhaven; vakereha pal lende, sar bešeha andre tiro kher, sar džaha pro drom, sar džaha te pašľol the sar ušťeha. 8 Priphand tuke len pro vast sar znameňje a pro čekat sar leperiben. 9 Pisin len pro zarubňi tire khereskre the pre tire brani.

18 Sar ačhela kraľiske, mušinel peske te prepisinel o zakonos andral o zvitkos, pre savo dodikhen o levitska rašaja. 19 Mi el oda zvitkos le zakonoskro paš leste, hoj peske andral te genel, medik dživela, a hoj te sikľol te daral le RAJESTAR, peskre Devlestar, a te doľikerel savore lava the prikazi ole zakonoskre. 20 Te kada kerela, na gondoľinela pal peste, hoj hino feder sar savore manuša andral o Izrael, a na visarela pes le zakonostar aňi pre jekh sera aňi pre aver. Avke the ov the leskre potomki kraľinena andro Izrael pro furt."

Pre soste hin o goďaver lava

1 O goďaver lava le Šalamunoskre, le Davidoskre čhaskre, le Izraeloskre kraľiskre.

2 Kala prislovja tuke pomožinena

te prindžarel o goďaveripen,

bararena tut avri,

dena tuke te achaľol o goďaver lava;

3 sikavena tut sar te dživel andre bari goďi,

te kerel, so hin lačho, čačipnaskro the spravno;

4 le manušes, saves nane goďi, dena goďi

a le terne manušes dena o prindžaripen the o achaľuvipen.

5 O goďaver manuš len mi šunel a mi barvaľol andro prindžaripen,

a oda, ko hino avrisikado, mi prilel e lačhi rada,

6 hoj te achaľol o goďaver lava the o podobenstva,

o lava le goďavere manušengre the lengro garuďipen.

O goďaveripen anel o požehnaňje

1 Čhavo miro, ma bister pre oda, so tut sikaďom,

a ľiker andro jilo mire prikazi.

2 Miro sikaviben tuke dothovela o berša ko dživipen

a anela tuke o smirom.

13 Chude tut zorales mire sikavibnastar, ma domuk les te džal het,

stražin tuke les, bo hino tiro dživipen.

23 Kala prikazaňja hine sar e lampa, o sikaviben sar o švetlos,

o dovakeribena la kazňakre hine o drom le dživipnaskro,

6 Mire manuša meren, bo man na prindžaren.

Vašoda, hoj tumen odčhiďan o prindžaripen,

me tumen odčhivava andral e rašajiko služba.

Vašoda, hoj bisterďan pro zakonos tumare Devleskro,

the me bisterava pre tumare čhave.

20 Phučen le Devlestar pal o sikaviben the pal o sveďectvos. Te o manuša na vakerena avke, sar phenel o lav, akor hine andro kaľipen.

24 O Ježiš lenge odphenďa: „Tumen čačes ňisoske na achaľon, bo na prindžaren le Devleskro Lav aňi leskri zor.

4 Se savoro, so sas varekana pisimen, sas pisimen prekal amende, hoj te sikľuvas, te ľikeras avri, te radisaľuvas a avke amen te avel naďej.

17 Vašoda, mire lačhe phralale, te oda imar anglal džanen, chraňinen tumen, hoj tumen te na scirden o bijedevleskre manuša le klamišagoha a te na odperen andral tumaro zoralo pačaben. 18 Ale baron andre milosť le Rajeskri, hoj feder te prindžaren le Ježiš Kristus, amare Rajes the Spasiťeľis. Leske e slava the akana the pro furt!

Amen.

10 Kadi zachrana igen rodenas a skuminenas o proroka, save prorokinenas pal e milosť le Devleskri, savi sas pripravimen prekal tumende. 11 A skuminenas, kana oda časos ela a sar oda avela, a o Duchos le Kristoskro, savo sas andre lende, anglal phenelas avri pal o cerpišagi le Kristoskre the pal e slava, so avela paľis.