Estudar a Bíblia

11 Beeriya asay Tasolonqe asaappe aadhdhidi akeekara diza asa. Gaasoykka hayssi yo7ozi tumeesha? gi giidi Geeshsha Maxaafata qaalaa wontiin wontiin pilggi xeellidi ufayssan ekkides.

15 Tumu Xoossaa qaala yootizaade, yeellachchontta oosanchchanne asi ne gishshas lo7o markkattizaade gidada nenateththaa wursa Xoossa sinth shiishshanaas minna.

15 Ne guuththa naateththafe ha7i gakkanaas Yesus Kirstoosa ammanon atoteththi beettiza timirte immiza Geeshsha Maxaafata lo7eththa eradasa. 16 Geeshsha Maxaafati wurikka Xoossa Ayanay kaaleththiin xaafettidayta; isttika as tamaarsanaas, hanqanaas, suurisanaas qasseka xilloteththa ogen kaaleththanaas go7eettes. 17 Hessika Xoossa asi lo7o ooso ubbaas bessizaade gidana malassa.

13 Ta hee baana gakkanaas qaalaa nababanaas, zoranaassinne tamaarsanaas minna.

39 Inttes Geeshsha Maxaafatappe mernaa de7o demmanaas misatiin maxaafata pilggeeta; maxaafatikka ta gishshas markkatteettes.

8 Hayssi woga Maxaafay ne doonappe shaakettofo; iza giddon dizayssa ne lo7eththa naagettada polana mala gallas gidiin omars zaara zaara qoppa; ne hessaththo ooththiko ne qoppida ubbay nees suurananne hanana.

105 Ne qaalay ta tohos xomppe;

ta ogeska poo7o.

97 Tani ne woga ay keena siiqazinaa!

Gallas kumeth

tani iza yuushsha qoppays.

98 Ne azazoti ubba wodekka

tanara diza gishshas

ta morkketappe aaththidi

tana akeekanchcha histtida.

99 Ne woththida woga

yuushsha qoppiza gishshas

tana tamaarsida ubbaafe

wozinama gidadis.

9 Naateththi ba oge geeshshateththan

wostti naaganaas dandayzee?

Ne qaalay giza mala

de7ikko dandayees.

10 Tani ta kumeththa wozinappe

nena koyays;

ne azazotappe kare kezontta mala

tana naaga.

11 Tani ne bolla

nagara ooththontta mala

ne qaala ta wozinan qottadis.

12 Abeet GODAWU! Neni galatetta!

Ne maara tana tamaarsa.

13 Ne doonappe keziza maara ubbaa

tani ta inxarsan yootays.

14 Asi ba dureteththan ufayettiza mala

tani neni immida maara

kaallashe ufayettays.

15 Ne woththida wogata

yuushsha qoppays;

ta wozinakka

ne ogetan woththadis.

16 Ne awajjay tana ufayssees;

ne qaalaakka tani dogikke.

Gaamel

7 Ne xillo pirda tani tamaarda keena

suure wozinappe nena galatana.

9 Gita Xoossa wolqqay iza bolla diza gishshas Baabilooneppe koyro aginan koyro gallas dendidi ichchashanththo aginan koyro gallas Yerusalaame gakkides. 10 Izray ba de7o ubbaan Xoossa woga pilggi eranaas, ooththanaassinne Xoossa azazotanne wogata kumeththa Isra7eele nayta tamaarsanaas banateththaa aaththi immides.

5 GODAA ne Xoossaa ne kumeththa wozinappe, ne kumeththa shemppofenne ne kumeththa wolqqafe siiqa.✝ 6 Hach ta nena azazida azazota wozinan woththa. 7 Hayta azazota ne nayta tamaarsa; neni neson uttiza wode gidiin oge bashekka, ichchiza wode gidiin beeggiza wode ubbaan haytantta akeekashe yuushsha qoppa. 8 Nees malata gidana mala ne kushe bolla qachcha qasseka ne piidhe bolla woththa. 9 Ne keeththa qosilaththa bollanne gibbe penge bolla xaafa.✝

18 Izi ba kawoteththa algan uttiza wode Xoossa woga maxaafa Lewe qommo gidida qeeseta matappe baas duuqqi ekko. 19 He maxaafaza ba matan woththidi ba de7o layth ubbaan nababo; izi histtiko GODAA ba Xoossaa bonchchonne he maxaafan xaafettida wogatanne maarata keehi naagettidinne ammanettidi polo taamarana. 20 Histtiko izi ba wozinan, «Tani ta laggetappe aadhdhays» giidi Isra7eele asaa bolla otorettenna; GODAA ba Xoossaa wogappe hadirsinne ushach geenna; izi daro layth kawotana; iza naytikka Isra7eele biittan daro layth kawotana.

Leemisota Wostti Go7ettanaakko Bessiza Oge

1 Hayti Isra7eele Kawo Dawite naa

Solomoone leemisota.✝

2 Leemisoti asay aadho erateththa,

seeranne erateththa haasaya

akeekanaas maaddeettes.

3 Isttika de7ana de7on

aadho erateth,

xilloteth, suure pirdanne

suure hano tamaarsizayta.

4 Erateththi paccidaytas akeeka,

naateththatas erateththinne

wozinamateth immizayta.

5 Aadho eranchchati

ha leemisota siyidi

erateth gujjeettes;

akeekanchcha asatikka

lo7o zoreta ekkeettes.

6 Hessa malan leemisotanne

istta birsheththata,

aadho eranchchata haasayanne

istta maaleththo

akeekanaas dandayeettes.

Godaan Ammaneteth

1 Ta naazoo!

Tani nena tamaarsizayssa

dogoppa;

ta azazotakka

ne wozinan woththa.

2 Istti ne layth adussana;

ishalo de7onne

saroteth nees gujjana.

13 Ta timirte lo7eththa oykka;

izo yeddofa;

iza nees de7o gidida gishshas

izo naaga.

23 Ays giikko ha azazoti nees xomppe;

timirtetikka poo7o;

qasse seeraykka

de7okko efiza oge.

6 Ta derezas erateththi

paccida gishshas dhaydes.

Intte tana eranaas

koyontta gishshas

tanikka intte taas qeeseta gidi

ooththana mala koykke.

Intte ta woga balettida gishshas

tanikka intte nayta balana.

20 Wogaakkonne markkateththa qaalaakko biite! Istti hayssa mala qaala inttes yootontta aggiko wontta poo7oy isttas poo7enna.

24 Yesusikka isttas, «Intte balettizay Geeshsha Maxaafatanne Xoossa wolqqa erontta gishshassa.

4 Nuni Geeshsha Maxaafatappe demmiza dandayaynne minoteththi nuus daana mala koyroppe xaafettidayssi wurikka nu izappe nuus timirte demmana mala xaafettides.

17 Ta ishatoo! Intte qasse hessa kasetidi erida gishshas hankko makkallata balaa gaason gooshetti biidi kase intte minni dizasoppe kundontta mala naagettite. 18 Hessafe bollara nu Godaanne nu dhale Yesus Kirstoosa kiyateththaninne iza shaakki eron pude diccite; izas ha7ikka mernaaskka bonchchoy gido. Amiin.

10 He atoteththaza gishshas inttes imettana kiyateththaas kase nabeti lo7eththi wozinappe pilggi xeellida. 11 Kase isttan diza Kirstoosa Ayanay Xoossafe tiyettidayssa bolla gakkana waayezanne he waayezappe guye izi demmana bonchchoza gishshas kase baas woththides; istti qasse hessi wurikka ayde waani hananaakko yuushshi qoppida.