Estudar a Bíblia

11 Wanhu wa Beleya wakala otegeleza vinogile ng’hani kubanza wanhu wa Sesalonike. Wauhulika usenga awo kwa kusulukila, kila siku wakala ogalolesa goya Maandiko Gang’alile, one kamba Paulo kakala yolonga kweli.

15 Wamba ng’hani kusang’hana ganogile mgameso ga Imulungu na uwe msang’hanaji yeliduhu kinyala kwa sang’hano yake, yofundiza goya usenga wa ukweli wa Imulungu.

15 Na gweye kojuwa kuwa toka haudodo kugajuwa Maandiko Gang’alile, godaha kukugwaa nzewele zigala ukombola kubitila kumtamanila Yesu Kilisito. 16 Maandiko Gang’alile gose gana mhumuzi ya Imulungu, na gofaya kwa kufundizila ukweli, gofaya kuwazuma wanhu, gofaya kugagolosa ago ganyolodoke, na gofaya kuwalanguliza wanhu wawe na ugima unogile mgameso ga Imulungu, 17 avo munhu yomsang’hanila Imulungu yadahe kutenda goya, na yadahe kusang’hana kila sang’hano inogile.

13 Mbaka vondanize, sang’hanila kipindi chako kwa kusoma Maandiko Gang’alile mgameso ga wanhu na kuwapetela wanhu na kuwafundiza.

39 Mogasoma Maandiko Gang’alile kwavija mogesa kulawa mumo moupata ugima wa milele. Na kuno Maandiko gago gago gandika mbuli zangu!

8 Sikuuleke kuzilonga mbuli za kitabu kino cha malagizo, uzigelegeze imisi na ikilo, ili uifunze kutenda gose gandikigwe mumo. Abaho mbuli zako zokucholela goya na komweda.

105 Mbuli yako ayo taa ya magulu gangu,

na mulenge mnzila yangu.

97 Malagizo gako nogalonda ng’hani,

nogagelegeza imisi yose.

98 Malagizo gako gokala na niye milele,

gonigwaa ubala kubanza iwanhu onihila.

99 Notanga ng’hani kubanza wose wanifunzile,

kwavija nozigelegeza amuli zako.

9 Koigendeleza vilihi mbwanga nzila yake ing’ale?

Kwa kutegeleza na kukweleleza mbuli yako.

10 Kwa moyo wangu wose nikuzahila,

sikuundeke nyage kutali na malagizo gako.

11 Mmoyo wangu niika mbuli yako,

ili sikunikutende nzambi.

12 Go Mndewa Imulungu, utogolwe,

unifunze malagizo gako.

13 Kwa mulomo wangu nolonga,

nhaguso zose za mulomo wako.

14 Nodeng’helela kukweleleza amuli zako,

kamba munhu kuwa na mali nyingi.

15 Noifunza malagizo gako,

nogagelegeza goya mafundizo gako.

16 Nogadeng’helela malagizo gako,

siisemwa mbuli yako.

7 Nokushukulu kwa moyo unogile,

nahaifunza nhaguso za haki yako.

5 Mnogeleni Mndewa Imulungu, Imulungu wako kwa moyo wako wose na kwa loho yako yose na kwa nguvu zako zose. 6 Sikumugasemwe malagizo gano goniwagwaa lelo. 7 Muwafunze wanenu, muwasimulile mwahakala ukae hebu mwahawa mmwanza hebu mwahawasa ikilo hebu imitondo mwahalamuka. 8 Gafungeni mmakono genu na mugavale mvihanga venu kamba kinhu cha kukumbuka. 9 Gandikeni uchanha ya milango ya ng’anda zenu na mzinyivi za kwingilila mmabuga genu.

18 Vonda yakalile ikigoda cha undewa, yandike kitabu kwa kwiga ikitabu cha malagizo gano, kili mmakono ga iwalava nhosa, awo Iwalawi. 19 Kitabu acho kokala nacho na yakisome siku zose za ugima wake ili yaifunze kumdumba Mndewa Imulungu, Imulungu wake, na yagagoge malagizo gano na mafundizo gano, 20 na sikuyaikweze mwenyego kubanza ndugu zake na sikuyageke kutali na heyo malagizo gano kwa mbuli yoyose, ili yasigale muutawala siku nyingi heyo na ulelo wake mwiisi ya Izilaeli.

Kusonga kwa nongezi

1 Zino azo nongezi za Sulemani mndewa wa Izilaeli, mwanage Daudi. 2 Nongezi zino zowatenda wanhu watange ubala na mafundizo, na kutambula mbuli za nzewele, 3 zowafunza wanhu kutanga mbuli zili na nzewele, haki na kusang’hana ganogile na kusang’hana kamba viilondeka. 4 Zowagwaa ubala mizozolo, zowagwaa wabwanga kutanga vinhu na kusagula goya. 5 Yeli na ubala yategeleze na yongeze ubala wake, na mwene nzewele zomfunza. 6 Odaha kutanga nongezi na mafambulo gake, ozitanga mbuli za wanhu weli na ubala na vitendawili vao.

Usenga kwa wana

1 Mwanangu, sikuugasemwe mafundizo gangu,

kwa moyo wako ugagoge malagizo gangu.

2 Kwavija zokongezela siku nyingi,

na miyaka ya ugima na tindiwalo.

13 Gagoge mafundizo ga nzewele sikuugaleke gakupulusuke,

gagoge kwavija awo ugima wako.

23 Kwavija malagizo gago, acho kiwenge,

na mafunzo gago, awo mulenge.

Mbuli azo zomzuma na zomfundiza munhu nzila ya ugima.

24 Yesu kawedika, "Mweye mopotela! Kwavija hamugajuwile Maandiko Gang’alile hebu udahi wa Imulungu.

4 Kila kinhu chandikigwe ako umwaka chandikigwa kutufunza siye, ili kwa kubetela na kuigangamiza tumtamanile Imulungu kubitila Maandiko Gang’alile.

17 Avo, ndugu zangu, kwavija muzijuwa mwaka mbuli zino zose, mwinege sikumuzoligwe na gehile ga wanhu hawamtonga Imulungu na kuleka hanhu henu hakukalizigwa. 18 Lakini gendeleleni kukula mna ing’hekewa na kumjuwa Mndewa wetu na Mkombola wetu Yesu Kilisito. Ukulu uwe kumwake, sambi na siku zose! Ona.

10 Watula ndagu wa Imulungu, walongile mbuli ya ng’hekewa iwezile mweye, walolesa na kuzahila ng’hani mbuli ya ukombola wenu. 11 Walonda kujuwa kipindi gani mbuli ino vonda ilawilile. Kwavija Loho wa Kilisito yakalile mgati mmwao kawalagusila avo walagula magayo ga Kilisito na ukulu onda wize.