Estudar a Bíblia

8 Tte atzim pa Nnwẹr nwa kw’Aphaangi anning-ọ k’ẹmma aha; chibhi odik okhuri bẹ k’erungi ọmaana k’ẹya, ifha afha atzọkha ogbe asi odik kpenamkpen kwa bẹ akkeri mẹ. Mẹ wọ osi, kọ ákhaama ojibhada ọmaana ẹnaanga.

5 Bọng akhaambi Ọvaar Ibinọkpaabyi kw’ode Ibinọkpaabyi kwabọng, ọdaak bọng ttara nttem obungisẹ, ọmaana agbagba pabọng biphyir ttara ẹfa chabọng biphyir. 6 Bọng hok asana mba pa nnangi bọng mayina, ka nttem sabọng. 7 Bọng akpebhi va pabọng asana mba. Bọng kpebhi bẹ asana k’ogbe kwa bọng awobh k’ihọhm, ọmaana k’ogbe kwa bọng areng ka nden, ọmaana k’ogbe kwa bọng ayim-oyima, ttara k’ogbe kwa bọng aphyọbh. 8 Bọng kpa va pabọng asana mba ka mbọhk mach’ẹkhọhkha, bọng akpaama bẹ k’otzitzikha-ttem fabọng mach’ojima. 9 Bọng kkẹr bẹ ka mkpọmmachi s’ihọhm sabọng, ọmaana ka mbaakhamma sabọng.

18 Idikha okk’ẹvaar ch’obhon kwẹ ọdabha, kẹ ọkhaambi ọkkẹr aphaangi p’ọtzọk k’afọhnẹja p’ẹnọmma cha Lẹvi ka nnwẹr, ọnang for sẹ. 19 Kẹ ohok nnwẹr nwa kw’aphaangi mba, kẹ ọkhaaambi oyeri aphaangi mba k’akpen pẹ biphyir, ifha kẹ okpebhi bi ọnang Ọvaar Ibinọkpaabyi kw’ode Ibinọkpaabyi kwẹ ikpokpobha, obiro ọtzọkha ogbe ọtzọn atzim biphyir p’aphaangi ọmaana akpebhi pẹ abẹ. 20 Kẹ kọ̀khaambi for sẹ ibar-ẹ odik, iyọhnga ayokh-ammana p’Israẹl, kọ̀khaambi ọkpa nnam ọbọra aphaangi mba, okke okkeri k’odimbọhk kaambi kwabọhk wọ. Mẹ wọ osi, kẹ ọmaana va pa va ádabh ẹkhọma ch’Israẹl k’ogbe-bhirada.