Estudar a Bíblia

11 AmaJuda eBheriya wona ayelesimilo esingcono kulaleso esamaThesalonika, ngoba alemukela ilizwi ngomfutho omkhulu njalo ayihlola iMibhalo insuku zonke ukuze abone ukuthi lokho uPhawuli ayekutsho kwakuliqiniso na.

15 Yenza ubungcono bakho ukuba uzethule kuNkulunkulu njengohloliweyo, isisebenzi esingadingi ukuba sibe lenhloni njalo esiliphatha kuhle ilizwi leqiniso.

15 lokuthi kusukela ebuntwaneni wayazi njani imibhalo eNgcwele engakwenza uhlakaniphele ukusindiswa ngokukholwa kuKhristu uJesu. 16 IMibhalo yonke yaphefumulelwa nguNkulunkulu njalo ilosizo ekufundiseni, lokukhuza, lokuqondisa, lokufundisa ngokulunga, 17 ukuze umuntu kaNkulunkulu ayilungisele ngokupheleleyo yonke imisebenzi emihle.

13 Zinikele ekufundeleni uzulu imibhalo, ekutshumayeleni kanye lasekufundiseni ngize ngifike.

39 Liphenyisisa imibhalo liyihlola ngoba licabanga ukuthi ngayo lilakho ukuphila okungapheliyo. Yiyo le imibhalo efakaza ngami,

8 INcwadi yoMthetho le kayingasuki emlonyeni wakho, cabanga ngayo emini lebusuku ukuze unanzelele ukugcina konke okulotshwe kuyo. Ngokwena njalo uzaphumelela.

105 Ilizwi lakho liyisibane ezinyaweni zami

liyikukhanya kwendlela yami.

97 Oh, ngiwuthanda kangakanani umthetho wakho!

Ngikhumbula ngawo ilanga lonke.

98 Imilayo yakho iyangihlakaniphisa kulezitha zami,

ngoba ngihlezi ngilayo.

99 Ngicacile ukuqedisisa kwami kulabafundisi bami,

ngoba ngiyanakana ngezimiso zakho.

9 Ijaha lingaphila njani impilo ehlambulukileyo?

Ngokuphila ngendlela yelizwi lakho.

10 Ngikudinga ngenhliziyo yami yonke;

ungangiyekeli ngiphambuke emilayweni yakho.

11 Ilizwi lakho ngilifihlile enhliziyweni yami

ukuze ngingenzi isono kuwe.

12 Udumo kalube kuwe, Oh Thixo;

ngifundisa izimemezelo zakho.

13 Ngezindebe zami ngiyayibala yonke

imithetho ephuma emlonyeni wakho.

14 Kuyangithokozisa ukulandela izimiso zakho

njengomuntu ethabela inotho enkulu.

15 Ngiyanakana ngezimiso zakho

ngikhumbule ngezindlela zakho.

16 Ngiyathokoza ngezimemezelo zakho;

angiyikulidela ilizwi lakho.

ג Gimel

7 Ngizakudumisa ngenhliziyo eqotho

ngilokhu ngiyifunda imithetho yakho elungileyo.

9 Wayeqalise uhambo lwakhe esuka eBhabhiloni ngelanga lakuqala lenyanga yokuqala, wafika eJerusalema ngelanga lakuqala lenyanga yesihlanu, ngoba isandla somusa sikaNkulunkulu sasiphezu kwakhe. 10 Ngoba u-Ezra wayezinikele ekufundeni lokugcina uMthetho kaThixo lokufundisa izimiso zawo ko-Israyeli.

5 Thanda uThixo uNkulunkulu wakho ngenhliziyo yakho yonke langomphefumulo wakho wonke kanye langamandla akho wonke. 6 Imilayo le engikupha yona lamuhla kumele ibe sezinhliziyweni zenu. 7 Igcizeleleni ebantwaneni benu. Likhulume ngayo nxa lihlezi emakhaya enu lalapho lihamba endleleni, lapho lilala lanxa livuka. 8 Ibopheleni ezandleni zenu ibe luphawu, liyibophele lasemabunzini enu. 9 Ibhaleni emigubazini yezindlu zenu kanye lasemasangweni enu.

18 Nxa isithatha isihlalo sobukhosi bombuso wayo kayithathe umqulu izilobele kulo umthetho lo iwuthatha encwadini yabaphristi abangabaLevi. 19 Umqulu lowo kawuhlale ukuyo, ihlale iwubala zonke insuku zokuphila kwayo ukuze ifunde ukwesaba uThixo uNkulunkulu wayo, ilandele ngokunanzelela wonke amazwi omthetho lo lalezi izimiso, 20 njalo ukuze ingazenzi ongcono kulabanye abakibo, ingaphambuki emthethweni iye ngakwesokunene loba ngakwesokhohlo. Ngakho yona kanye lezizukulwane zayo bazabusa isikhathi eside embusweni wayo ko-Israyeli."

1 Izaga zikaSolomoni indodana kaDavida, inkosi yako-Israyeli:

2 ukuba abantu bazuze ukuhlakanipha lokuzithiba;

ukuba bazwisise amazwi okuqedisisa;

3 ukuba bazuze impilo yokuzithiba lobuqotho,

besenza okulungileyo, okufaneleyo lokuqondileyo;

4 ukunika ulwazi kwabayizithutha,

ulwazi lokukhetha okuqondileyo kwabatsha

5 ukuthi ohlakaniphileyo alalele engeze ukufunda kwakhe,

kuthi obonisisayo azuze izeluleko,

6 ukuba abantu bazwisise izaga lemizekeliso,

izitsho lamalibho abahlakaniphileyo.

Eminye Njalo Imivuzo Emihle Yokuhlakanipha

1 Ndodana yami, ungakhohlwa imfundiso yami,

kodwa ugcine imilayo yami enhliziyweni yakho,

2 ngoba izakwandisa impilo yakho okweminyaka eminengi,

ikuphe ukuthula.

13 Bambelela iziqondiso, ungayekethisi;

zigcine kuhle ngoba ziyikuphila kwakho.

23 Ngoba imilayo le iyisibane,

imfundiso le iyikukhanya,

leziqondiso zokuzithiba ziyindlela yokuphila,

6 abantu bami bachithwa yikungabi lolwazi.

Njengoba likwalile ukwazi,

lami ngiyalala njengabaphristi bami;

ngoba kaliwunakanga umthetho kaNkulunkulu wenu,

lami angiyikubanaka abantwana benu.

20 Emthethweni lakubo ubufakazi! Nxa bengakhulumi ngokumayelana lelizwi leli, kabalakho ukukhanya kokusa.

24 UJesu waphendula wathi, "Kalilahleki yini ngoba lingayazi imibhalo loba amandla kaNkulunkulu?

4 Ngoba konke okwalotshwa kudala kwalotshelwa ukusifundisa, ukuze kuthi ngokubekezela langokukhuthazwa yimibhalo sibe lethemba.

17 Ngakho-ke, bangane abathandekayo, njengoba selike lenqatshelwa, qaphelani ukuze lingedukiswa yibubi babantu abangelamthetho beselisiwa ezindaweni zenu eziqinileyo. 18 Kodwa khulani emuseni lasekwazini iNkosi yethu loMsindisi uJesu Khristu.

Inkazimulo kayibe kuye khathesi lanininini! Ameni.

10 Mayelana lokusindiswa lokhu, abaphrofethi abakhuluma ngomusa owawuzakuza kini, badingisisa ngesineke esikhulu, 11 bezama ukwazi isikhathi lomumo okwakutshiwo nguMoya kaKhristu owayekubo lapho atsho mandulo ngezinhlupheko zikaKhristu lenkazimulo eyayizalandela.