Estudar a Bíblia

11 आता बिरुया येथील यहूदी थेस्सलनीकातील लोकांपेक्षा थोर चरित्राचे होते, त्यांनी संदेश मोठ्या उत्सुकतेने ऐकला पौलाची विधाने खरी आहेत की नाहीत, हे ते प्रतिदिवशी वचनांची तपासणी करून पाहात असत.

15 तू सत्यवचन नीट सांगणारा, लाज वाटण्यास कोणतेही कारण नसलेला, परमेश्वराच्या पसंतीस उतरलेला कामकरी, असा तू स्वतःस परमेश्वराला सादर करण्याचा प्रयत्न कर.

15 लहानपणापासूनच पवित्रशास्त्र तुला माहीत आहे. हेच पवित्रशास्त्र ख्रिस्त येशूंमधील विश्वासाच्याद्वारे परमेश्वराचे तारण स्वीकारण्यासाठी तुला सुज्ञ करते. 16 संपूर्ण पवित्रशास्त्र परमेश्वराच्या प्रेरणेने रचलेले आहे आणि शिक्षण, निषेध, सुधारणा, नीतिमत्वाचे शिक्षण याकरिता उपयोगी आहे. 17 यासाठी की, परमेश्वराचा सेवक* पूर्णपणे प्रत्येक चांगल्या कामासाठी सज्ज व्हावा.

13 मी तिथे येईपर्यंत सार्वजनिक शास्त्रवाचन करण्यात, बोध करण्यात, शिक्षण देण्यात तत्पर राहा.

39 तुम्ही मेहनतीने शास्त्रलेख शोधून पाहता*, कारण त्यांच्यामध्ये सार्वकालिक जीवन आहे, असे तुम्हाला वाटते. तेच शास्त्रलेख माझ्याबद्दल साक्ष देतात;

8 शास्त्रग्रंथातील हे नियम नेहमी तुझ्या मुखात असू दे; दिवसा आणि रात्री त्यांचे मनन कर, त्यात लिहिलेल्या सर्व गोष्टींचे काळजीपूर्वक पालन करशील, तर तुझी भरभराट होईल आणि तू यशस्वी होशील.

105 तुमचे वचन माझ्या पावलांकरिता दिवा

व माझ्या मार्गावरील प्रकाश आहे.

97 अहाहा, मी तुमच्या विधिनियमांवर कितीतरी प्रीती करतो!

मी दिवसभर त्यांचे चिंतन करतो.

98 तुमची वचने सतत माझ्यासह असतात,

आणि ती माझ्या शत्रूंपेक्षा मला अधिक ज्ञानी करतात.

99 मला माझ्या सर्व शिक्षकांहून अधिक शहाणपण आहे,

कारण तुमच्या नियमांचे मी सतत मनन करतो.

9 तरुण मनुष्य शुद्ध मार्गावर कसा चालत राहील?

ते तुमच्या वचनानुसार आचरण करूनच.

10 तुम्हाला शोधण्याचा मी पूर्ण हृदयाने प्रयत्न केला आहे;

त्या आज्ञेपासून मला बहकून जाऊ देऊ नका.

11 मी तुमची वचने माझ्या हृदयात जपून ठेवली आहेत,

जेणेकरून मी तुमच्याविरुद्ध पाप करू नये.

12 हे याहवेह, तुमचे स्तवन होवो;

तुमचे विधी मला शिकवा.

13 तुमच्या मुखातून निघालेले सर्व नियम

आपल्या ओठांनी मी त्या सर्वांची पुनरुक्ती करतो.

14 तुमच्या नियमांचे पालन करण्यात मला असा अत्यानंद होतो,

जसा अमाप धनसंपत्ती मिळाल्यावर होतो.

15 मी तुमच्या नीति-सिद्धांताचे मनन करतो,

आणि तुमच्या मार्गाचा आदर करतो.

16 मी तुमच्या नियमांनी हर्षित होतो;

मी तुमच्या वचनांची उपेक्षा करणार नाही.

ג गिमेल

7 जेव्हा मी तुमच्या सर्व धार्मिक नियमांचे पालन करेन,

तेव्हा सात्विक हृदयाने तुमचे उपकारस्मरण करेन.

9 पहिल्या महिन्याच्या पहिल्या दिवशी त्यांनी बाबेल सोडले, पाचव्या महिन्याच्या पहिल्या दिवशी ते यरुशलेमला पोहोचले, कारण परमेश्वराचा वरदहस्त त्यांच्यावर होता. 10 कारण एज्रा याहवेहच्या नियमांचा अभ्यास करण्यास, ते पाळण्यास, व ते नियम इस्राएली लोकांना शिकविण्यासाठी समर्पित होता.

5 याहवेह तुमच्या परमेश्वरावर तुमच्या पूर्ण हृदयाने, तुमच्या पूर्ण जिवाने आणि तुमच्या पूर्णशक्तीने प्रीती करा. 6 या ज्या आज्ञा मी आज तुम्हाला देणार आहे, त्या तुमच्या अंतःकरणात सदैव असाव्या. 7 त्या तुमच्या मुलांवर बिंबवा. घरी बसले असताना, वाटेवर चालत असताना, झोपण्याच्या वेळी व झोपेतून उठल्यानंतर त्याबद्दल बोलत राहा. 8 त्या तुम्ही आपल्या हातावर चिन्ह म्हणून बांधून ठेवा आणि आपल्या कपाळपट्टीवर बांधा. 9 त्या तुमच्या घरातील दाराच्या चौकटीवर व तुमच्या फाटकांवर लिहा.

18 जेव्हा तो आपल्या राजासनावर बसेल, तेव्हा त्याने लेवी याजकांच्या जवळ असणार्‍या नियमशास्त्रामधून हे सर्व नियम व आज्ञा स्वतः लिहून काढाव्यात. 19 ती प्रत नेहमीच त्याच्याजवळ असेल. त्याने त्या नियमांचे दररोज वाचन करावे म्हणजे तो याहवेह त्याच्या परमेश्वराचा आदर करण्यास शिकेल आणि या नियमाचे आणि विधीचे सर्व शब्द काळजीपूर्वक पाळेल 20 व त्याने स्वतःला आपल्या इस्राएली बांधवांपेक्षा अधिक श्रेष्ठ समजू नये आणि नियमांपासून उजवीकडे किंवा डावीकडे वळू नये. मग तो आणि त्याचे वंशज अनेक पिढ्या इस्राएलावर दीर्घकाळ राज्य करतील.

नीतिसूत्रांचा उद्देश व विषय

1 इस्राएलचा राजा दावीदाचा पुत्र शलोमोनाची नीतिसूत्रे:

2 सुज्ञान आणि शिक्षण मिळविण्यासाठी;

अंतर्ज्ञानाचे शब्द समजून घेण्यासाठी;

3 समंजसपणाने शिक्षणाचा स्वीकार करण्यासाठी,

जे योग्य आहे आणि न्याय्य आणि वाजवी आहे ते करण्यासाठी;

4 जे साधे भोळे आहेत त्यांना समंजसपणा देण्यासाठी,

तरुणांना ज्ञान आणि विवेकबुद्धी देण्यासाठी—

5 शहाण्यांनी ऐकावे आणि त्यांचे ज्ञान वाढवावे,

आणि विवेकी मनुष्याला मार्गदर्शन मिळावे—

6 ज्ञानी मनुष्याची नीतिसूत्रे व बोधकथा,

प्रसिद्ध वचने आणि कोडे समजण्यासाठी ही नीतिसूत्रे उपयुक्त होतील.

सुज्ञान कल्याण प्रदान करते

1 माझ्या मुला, माझे शिक्षण विसरू नकोस,

परंतु माझ्या आज्ञा तुझ्या अंतःकरणात ठेव;

2 कारण ते तुझे आयुष्य अनेक वर्षापर्यंत वाढवतील,

आणि तुला शांती आणि समृद्धी देतील.

13 बोधवचने अंमलात आण, ती सोडून देऊ नकोस;

त्यांचे चांगले रक्षण कर, कारण त्यातच तुझे जीवन आहे.

23 कारण ही आज्ञा एक दीपक आहे,

आणि हे शिक्षण म्हणजे प्रकाश आहे;

आणि ही सुधारणा व बोधवचने

जीवनाचे मार्ग आहेत.

6 ज्ञान नसल्यामुळे माझ्या लोकांचा नाश होत आहे,

"कारण, तुम्ही ज्ञानाला नाकारले आहे,

म्हणून मी तुम्हाला माझे याजक म्हणून नाकारत आहे;

कारण तुम्ही तुमच्या परमेश्वराच्या नियमांकडे दुर्लक्ष केले आहे,

म्हणून मी सुद्धा तुमच्या मुलांकडे दुर्लक्ष करेन.

20 परमेश्वराच्या सूचनेचा आणि चेतावणीच्या साक्षीचा सल्ला घ्या. जर कोणी या शब्दाप्रमाणे बोलत नसेल तर त्यांच्याकडे पहाटेचा प्रकाश नाही.

24 येशूंनी उत्तर दिले, "तुम्ही चुकत नाहीत काय, कारण ना तुम्ही धर्मशास्त्र जाणता, नाही परमेश्वराचे सामर्थ्य ओळखता?

4 कारण जे काही पूर्वी लिहिण्यात आले, ते सर्व आपल्याला शिक्षण मिळावे म्हणून लिहिले गेले, यासाठी की धीर धरून शास्त्रलेखापासून मिळणार्‍या प्रोत्साहनाद्वारे आपण आपल्या आशेला दृढ धरून राहवे.

17 प्रिय मित्रांनो, तुम्हाला आधी इशारा देऊन ठेवला आहे, म्हणून तुम्ही अनीतिमान लोकांच्या चुकीच्या प्रवाहात सापडून आपल्या सुरक्षित स्थितीतून ढळू नये यासाठी जपून राहा. 18 परंतु आपले प्रभू आणि तारणारे येशू ख्रिस्त यांच्या कृपेत आणि ज्ञानात वाढत राहा.

त्यांना गौरव आता आणि सदासर्वकाळ असो! आमेन.

10 तुमच्याकडे जी येणार होती, त्या कृपेबद्दल ज्या संदेष्ट्यांनी तुम्हाला सांगितले, त्यांनी या तारणासंबंधी लक्षपूर्वक शोध घेतला आणि मोठ्या काळजीने, 11 त्यांच्यामध्ये असणार्‍या ख्रिस्ताच्या आत्म्याद्वारे त्यांनी ख्रिस्ताचे दुःखसहन आणि त्यानंतर येणार्‍या गौरवी गोष्टीबद्दल भविष्य केले, तेव्हा त्यांनी ती वेळ आणि परिस्थिती शोधण्याचा प्रयत्न केला.