11 బెరయాలోని యూదులు థెస్సలొనీకలో ఉండే వారికంటే వాక్యాన్ని శ్రద్ధతో స్వీకరించి పౌలు చెప్పిన సంగతులను సత్యమేనా అని తెలుసుకోవడానికి ప్రతిరోజు లేఖనాలను పరిశీలిస్తూ వచ్చారు.

15 ఆమోదించబడినవానిగా, సిగ్గుపడనక్కరలేని పనివానిగా, సత్య వాక్యాన్ని సరిగా బోధించేవానిగా నిన్ను నీవు దేవునికి నిరూపించుకోవడానికి ప్రయాసపడు.

15 క్రీస్తు యేసులో విశ్వాసం ద్వారా కలుగు రక్షణ గురించిన జ్ఞానాన్ని నీకు కలుగజేయడానికి శక్తిగల పరిశుద్ధ లేఖనాలు బాల్యం నుండే నీకు తెలుసు. 16 ప్రతి లేఖనం దేవుని ప్రేరణ చేతనే కలిగింది, అది బోధించడానికి, గద్దించడానికి, సరిదిద్దడానికి, నీతిలో నడిపించడానికి ఉపయోగపడుతుంది. 17 ఈ లేఖనాలను బట్టి, దేవుని సేవకుడు ప్రతి సత్కార్యం చేయడానికి పూర్తిగా సిద్ధపడి ఉండాలి.

13 నేను అక్కడికి వచ్చేవరకు నీవు సంఘంలో పరిశుద్ధ వాక్యాన్ని బిగ్గరగా చదువుతూ, హెచ్చరిస్తూ, బోధించడం మానకుండ జాగ్రత్తగా చూసుకో.

39 మీరు వాటిని జాగ్రత్తగా పఠిస్తున్నారు ఎందుకంటే మీరు లేఖనాల్లో మీకు నిత్యజీవం ఉందని మీరనుకుంటున్నారు. ఈ లేఖనాలే నా గురించి సాక్ష్యం ఇస్తున్నాయి.

8 ఈ ధర్మశాస్త్ర గ్రంథం ఎప్పుడు నీ పెదాల మీద ఉండాలి; పగలు రాత్రి దానిని ధ్యానించాలి, తద్వార నీవు దానిలో వ్రాయబడి ఉన్న ప్రతిదీ శ్రద్ధగా చేయగలవు. అప్పుడు నీవు విజయవంతంగా వర్ధిల్లుతావు.

105 మీ వాక్కు నా పాదాలకు దీపం,

నా త్రోవకు వెలుగు.

97 ఓ, మీ ధర్మశాస్త్రం అంటే నాకెంత ఇష్టమో!

నేను రోజంతా దానిని ధ్యానిస్తాను.

98 మీ ఆజ్ఞలు ఎల్లప్పుడు నాతో ఉండి

నా శత్రువుల కన్నా నన్ను జ్ఞానిగా చేస్తాయి.

99 నేను మీ శాసనాలను ధ్యానిస్తాను కాబట్టి

నా ఉపదేశకులందరి కంటే నేను ఎక్కువ పరిజ్ఞానం కలిగి ఉన్నాను.

9 యువత పవిత్ర మార్గంలో ఎలా ఉండగలరు?

మీ వాక్యాన్ని అనుసరించి జీవించడం వల్లనే.

10 నేను నా హృదయమంతటితో మిమ్మల్ని వెదకుతున్నాను;

మీ ఆజ్ఞల నుండి నన్ను తొలగిపోనివ్వకండి.

11 నేను మీకు విరోధంగా పాపం చేయకూడదని

మీ వాక్యాన్ని నా హృదయంలో దాచుకున్నాను.

12 యెహోవా, మీకు స్తుతి కలుగును గాక;

మీ శాసనాలను నాకు బోధించండి.

13 మీ నోట నుండి వచ్చే న్యాయవిధులన్నిటిని

నా పెదవులతో వివరిస్తాను.

14 ఒకడు గొప్ప ఐశ్వర్యాన్ని బట్టి సంతోషించునట్లు

నేను మీ శాసనాలను పాటించడంలో సంతోషిస్తాను.

15 మీ శాసనాలను నేను ధ్యానిస్తాను

మీ మార్గాలను పరిగణిస్తాను.

16 మీ శాసనాలను బట్టి నేను ఆనందిస్తాను;

నేను మీ వాక్యాన్ని నిర్లక్ష్యం చేయను.

ג గీమెల్

7 నేను మీ నీతి న్యాయవిధులను తెలుసుకున్న కొలది

యథార్థ హృదయంతో నేను మిమ్మల్ని స్తుతిస్తాను.

9 తన దేవుని కరుణాహస్తం అతనికి తోడుగా ఉన్నందుకు అతడు మొదటి నెల మొదటి రోజున బబులోను నుండి బయలుదేరి, అయిదవ నెల మొదటి రోజున యెరూషలేము చేరుకున్నాడు. 10 యెహోవా ధర్మశాస్త్రాన్ని అధ్యయనం చేసి దాని ప్రకారం చేయాలని, ఇశ్రాయేలీయులకు దాని శాసనాలను, న్యాయవిధులను నేర్పించాలని ఎజ్రా నిశ్చయించుకున్నాడు.

5 మీ పూర్ణహృదయంతో, మీ పూర్ణాత్మతో, మీ పూర్ణబలంతో మీ దేవుడైన యెహోవాను ప్రేమించాలి. 6 ఈ రోజు నేను మీకు ఇస్తున్న ఈ ఆజ్ఞలు మీ హృదయాల్లో నిలిచి ఉండాలి. 7 వాటిని మీ పిల్లలకు నేర్పించాలి. మీరు ఇంటి దగ్గర కూర్చున్నప్పుడు, దారిలో నడుస్తున్నప్పుడు, మీరు పడుకున్నప్పుడు, లేచినప్పుడు, వాటి గురించి మాట్లాడాలి. 8 వాటిని సూచనలుగా మీ చేతికి కట్టుకోండి, మీ నుదిటి మీద బాసికాలుగా కట్టుకోండి. 9 మీ ఇళ్ళ ద్వారబంధాల మీద, ద్వారాల మీద వాటిని వ్రాయండి.

18 అతడు తన రాజ్యసింహాసనం మీద ఆసీనుడైనప్పుడు, లేవీయ యాజకుల దగ్గర ఉన్న ధర్మశాస్త్రాన్ని చూసి తన కోసం ఒక ప్రతిని వ్రాసుకోవాలి. 19 అది అతని దగ్గర ఉండాలి, అతడు దానిని తన జీవితకాలంతా చదువుతూ ఉండాలి తద్వార అతడు తన దేవుడైన యెహోవాకు భయపడడం నేర్చుకొని, ఈ ధర్మశాస్త్రంలోని మాటలన్నిటిని, శాసనాలను జాగ్రత్తగా అనుసరిస్తాడు, 20 తన తోటి ఇశ్రాయేలీయునికన్నా తాను గొప్పవాడినని భావించడు, ధర్మశాస్త్రం నుండి కుడికి గాని ఎడమకు గాని తొలగిపోడు. అప్పుడు అతడు, అతని సంతానం ఇశ్రాయేలు రాజ్యాన్ని ఎక్కువకాలం పరిపాలిస్తారు.

1 దావీదు కుమారుడును ఇశ్రాయేలీయులకు రాజునైన, సొలొమోను యొక్క సామెతలు:

2 జ్ఞానాన్ని ఉపదేశాన్ని పొందడం కోసం;

అంతరార్థంతో కూడిన పదాలను గ్రహించడం కోసం;

3 వివేకంతో కూడిన ప్రవర్తన కోసం,

సరియైనది, న్యాయమైనది చేయడానికి ఉపదేశం పొందడం కోసం;

4 సామాన్యులకు* బుద్ధి కలిగించడం కోసం,

యవ్వనస్థులకు తెలివి వివేకం కలిగించడం కోసం,

5 జ్ఞానులు ఈ సామెతలు వింటారు, మరింత తెలివైనవారవుతారు,

వివేకంగలవారు ఉపదేశం పొందుకుంటారు.

6 వారు సామెతలు, నీతికథలు,

జ్ఞానుల సూక్తులు, చిక్కుప్రశ్నలను గ్రహిస్తారు.

1 నా కుమారుడా, నా ఉపదేశాన్ని మరచిపోవద్దు,

నా ఆజ్ఞలను నీ హృదయంలో భద్రపరచుకో,

2 అవి నీ జీవితకాలాన్ని అనేక సంవత్సరాలు పొడిగిస్తాయి,

నీకు సమాధానాన్ని వృద్ధిని కలిగిస్తాయి.

13 ఉపదేశాన్ని పట్టుకో, దానిని విడచిపెట్టకు;

అది నీకు జీవం కాబట్టి దానిని జాగ్రత్తగా ఉంచుకో.

23 ఈ ఆజ్ఞ దీపంగా

ఈ బోధ వెలుగుగా

క్రమశిక్షణ కోసమైన దిద్దుబాట్లుగా

జీవమార్గాలుగా ఉండి,

6 జ్ఞానం లేక నా ప్రజలు నశిస్తున్నారు.

"మీరు జ్ఞానాన్ని త్రోసివేశారు కాబట్టి,

నేను కూడా మిమ్మల్ని నా యాజకులుగా ఉండకుండా త్రోసివేస్తున్నాను;

మీరు మీ దేవుని ఉపదేశాన్ని పట్టించుకోలేదు కాబట్టి,

నేను కూడా మీ పిల్లలను పట్టించుకోను.

20 దేవుని బోధను, హెచ్చరిక సాక్ష్యాన్ని దృష్టి నిలపండి. ఈ వాక్యం ప్రకారం మాట్లాడని వారికి ఉదయపు వెలుగు ఉండదు.

24 అందుకు యేసు, "మీకు వాక్యం కాని దేవుని శక్తిని కాని తెలియదు కాబట్టి మీరు పొరపాటు చేయట్లేదా?

4 గతంలో వ్రాయబడిన సంగతులన్ని, లేఖనాల్లో బోధించబడిన ఓర్పు ద్వారా అవి ఇచ్చే ప్రోత్సాహాన్ని బట్టి మనం నిరీక్షణ కలిగి ఉండడం కోసం మనకు బోధించడానికి వ్రాయబడ్డాయి.

17 కాబట్టి, ప్రియ స్నేహితుల్లారా, మీరు ముందుగా హెచ్చరించబడిన ప్రకారం మీ సుస్థిర స్థానం నుండి భ్రష్టులు కాకుండా, అన్యాయస్థుల తప్పిదాల వల్ల పెడత్రోవ పట్టి దుర్మార్గులు కాకుండా ఉండడానికి జాగ్రత్తగా ఉండండి. 18 అయితే, మన ప్రభువును రక్షకుడైన యేసు క్రీస్తు యొక్క కృపలో జ్ఞానంలో వర్ధిల్లండి.

ఆయనకు ఇప్పుడు ఎల్లప్పుడు మహిమ కలుగును గాక! ఆమేన్.

10 మీకు కలుగబోయే ఆ కృపను గురించి ప్రవచించిన ప్రవక్తలు ఈ రక్షణను గురించి తీవ్రంగా చాలా జాగ్రత్తగా విచారించి పరిశోధించారు. 11 క్రీస్తు అనుభవించాల్సిన కష్టాలను, దాని వలన వచ్చే మహిమ గురించి వారు ప్రవచించినప్పుడు వారిలో ఉన్న క్రీస్తు ఆత్మ ఏ పరిస్థితులను ఏ సమయాన్ని సూచించాడో వారు తెలుసుకోవడానికి ప్రయత్నించారు.