Evangelização

19 Uime sin imichibh-se, agus dèanaibh deisciobail de gach uile chinneach, gam baisteadh ann an ainm an Athar, agus a’ Mhic, agus an Spioraid Naoimh;

20 A’ teagasg dhaibh na h-uile nithean a dh’àithn mise dhuibh a choimhead. Agus, feuch, tha mise maille ribh a-ghnàth, gu deireadh an t-saoghail. Amen.

15 Agus thubhairt e riu, Imichibh air feadh an t-saoghail uile, agus searmonaichibh an soisgeul do gach dùil.

8 Ach gheibh sibh cumhachd nuair a thig an Spiorad Naomh oirbh: agus bidh sibh nur fianaisean dhòmhsa, araon ann an Ierusalem, agus ann an Iudèa uile, agus ann an Samaria, agus gu iomall na talmhainn.

14 Is sibhse solas an t-saoghail. Chan fhaodar baile a tha air a shuidheachadh air sliabh fhalach.

13 Is sibhse salann na talmhainn: gidheadh ma chailleas an salann a bhlas, ciod leis an saillear e? Chan eil feum ann o sin suas, ach a thilgeadh a-mach, agus a shaltairt fo chasan dhaoine.

15 Agus cha las daoine coinneal a-chum gun cuir iad i fo shoitheach, ach ann an coinnleir, agus nì i solas do na bheil a-staigh.

16 Guma h-ann mar sin a dhealraicheas ur solas an làthair dhaoine, a-chum gum faic iad ur deagh obraichean, agus gun toir iad glòir dur n-Athair a tha air nèamh.

17 O sin a-mach thòisich Iosa air searmonachadh, agus air a ràdh, Gabhaibh aithreachas, oir tha rìoghachd nèimh am fagas.

16 Oir cha nàir leamsa soisgeul Chrìosd: oir is e cumhachd Dhè e a-chum slàinte do gach neach a chreideas, don Iùdhach air tùs, agus mar an ceudna don Ghreugach.

17 Uime sin, is ann o èisdeachd a thig creideamh, agus èisdeachd tre fhacal Dhè.

2 Oir chuir mi romham gun eòlas a ghabhail air nì sam bith nur measg, ach air Iosa Crìosd, agus esan air a cheusadh.

1 Os bàrr, a bhràithrean, tha mi a’ cur an cèill dhuibh an t-soisgeil a shearmonaich mi dhuibh, ris an do ghabh sibhse mar an ceudna, agus anns a bheil sibh nur seasamh;

2 Tro mar an ceudna a bheil sibh air ur tèarnadh, ma chumas sibh gu daingeann an nì a shearmonaich mi dhuibh, mura do chreid sibh gu dìomhain.

14 A-chum an do ghairm e sibh tre ar soisgeul-ne, a-chum sibh a dh’fhaotainn glòir ar Tighearna Iosa Crìosd.

15 Ach naomhaichibh an Tighearna Dia nur cridheachan: agus bithibh ullamh a-ghnàth a-chum freagradh a thoirt, maille ri ceannsachd agus eagal, do gach uile dhuine a dh’iarras oirbh reuson an dòchais a tha annaibh:

35 Le seo aithnichidh na h-uile dhaoine gur sibh mo dheisciobail-sa, ma bhios gràdh agaibh fhèin da chèile.

8 An seo tha m’Athair-sa air a ghlòrachadh, gun toir sibhse mòr-thoradh uaibh; agus bidh sibh nur deisciobail dhòmhsa.

47 Oir is ann mar sin a dh’àithn an Tighearna dhuinn, ag ràdh, Chuir mi thu mar sholas do na Cinnich, a-chum gum biodh tu mar shlàinte gu iomall na talmhainn.

24 Ach chan eil suim agam de nì air bith, cha mhò a tha mi a’ meas m’anama fhèin luachmhor dhomh, a-chum gun crìochnaich mi mo thuras le aoibhneas, agus gun coilean mi a’ mhinistrealachd a fhuair mi on Tighearna Iosa, a dhèanamh fianais do shoisgeul gràs Dhè.

18 Tha Spiorad an Tighearna orm, do bhrìgh gun d’ung e mi a shearmonachadh an t-soisgeil do na bochdan; chuir e mi a shlànachadh na muinntir aig a bheil an cridhe briste, a ghairm fuasglaidh do na braighdean, agus aiseag am fradhairc do na doill, a thoirt saorsa don mhuinntir a tha brùite,

29 Ach fhreagair Iosa, agus thubhairt e, Gu deimhinn tha mi ag ràdh ribh nach eil neach sam bith a dh’fhàg taigh, no bràithrean, no peathraichean, no athair, no màthair, no bean-phòsda, no clann, no fearann, air mo shon-sa agus airson an t-soisgeil,

30 Nach faigh a cheud uiread anns an aimsir seo fhèin, taighean, agus bràithrean, agus peathraichean, agus màthraichean, agus clann, agus fearann, maille ri geur-leanmhainn; agus anns an t-saoghal a tha ri teachd, a’ bheatha mhaireannach.

35 Oir ge bè neach leis an àill a anam fhèin a choimhead, caillidh e e; ach ge bè neach a chailleas a anam air mo shon-sa, agus airson an t-soisgeil, coimheadaidh esan e.

1 O thugaibh buidheachas don Tighearna; gairmibh air a ainm; foillsichibh am measg nan sluagh a ghnìomharan.

4 Agus anns an là sin their sibh, Molaibh an Tighearna, gairmibh air a ainm; cuiribh an cèill a ghnìomharan am measg nan cinneach; cumaibh air chuimhne gu bheil a ainm air àrdachadh.

27 Dom bu toil le Dia fhoillseachadh ciod e saoibhreas glòir an rùin-diamhair seo am measg nan Cinneach; neach as e Crìosd annaibhse, dòchas na glòire;

1 Ach labhair thusa na nithean a thig ri teagasg fallain:

23 Mar seo nì mi mòr mi fhèin, agus naomhaichidh mi mi fhèin: agus aithnichear mi ann an sùilean mòran chinneach, agus bidh fhios aca gur mi an Tighearna.