Evangelização

19 Waitileni want’hu wose mwe isi zose, muwatende kunda wanamp’hina wangu, mkawabatiza kwa zina dya Tate, na dyo Mwana, na dya Muye ywa Mnungu. 20 Naho wahinizeni kuyatimila yadya yose niwasigiileni nyuwe. Naho mmanye kugamba miye ni hamwenga na nyuwe mazuwa yose, mpaka kwo uheelo we zimbuli zose."

15 Niyo awagamba, "Iteni mwe isi yose mkabilikize Mbuli Yedi kwa want’hu wose.

8 Mna, nomhokele udahi umwo akawezilani Muye ywa Mnungu, nomnde walonga uwona wangu, mwo mzi wa Yelusalemu na mwe isi yose ya Yuda ne isi ya Samalia na mwe isi zose.

14 "Nyuwe mwi ung’azi we isi. Mzi una zengwa henukile haukudaha kukefisa.

Munyu no ung’azi

13 "Nyuwe mwi munyu we isi. Mna uneva munyu unabanika, hahana cho kuutenda uuiye ukimunyu wakwe. Hiwo wedi naho, waduulwa kuse niyo wajatwa ni want’hu.

15 Naho hahali mnt’hu akukweleza lumuli, niyo alwiika kwe divungu. Mna nolwiikwe hant’hu henukile vileke want’hu wose wauone ung’azi mwe nyumba. 16 Viligane na ivo, ung’azi wenyu nanywe ung’ale mwa want’hu, vileke wakaule ayedi mkudamanya, wamtogole Tati yenyu ywa kwe mbingu.

17 Kukongela aho, Yesu andaga akabilikiza akagamba, "Lekeni wavu wenyu, kwaviya Useuta wa Mnungu uhagihi!"

Udahi we Mbuli Yedi ya Yesu Kilisito.

16 Hikuionela soni Mbuli Yedi, kwaviya ni ludole lwa Mnungu lukwigala uyokozi kwa wose wakuhuwila, nk’hongo Wayahudi, na want’hu hi Wayahudi.

17 Naivo elo mhuwi weza kwa kuwiva ulosi, no ulosi walawa mwe mbuli kwa kumbilikiza Kilisito.

2 Umwo nandaga kwenyu, nehinda na ulamuzi wo kujala kila kint’hu mna kummanya Yesu Kilisito, Kilisito awambigwe mwo msalaba.

Kuuyuka kwa Kilisito

1 Naho naunga niwakumbuseni wandugu zangu, Mbuli Yedi niwabilikizeni, nanywe niyo mwaihokela, nayo niyo yanda nk’hokovi lwo mhuwi wenyu, umwo mkukimaila mtogile. 2 Ulosi nibilikize kwenyu uwo nuwo Mbuli Yedi. Mnautoza nomyokolwe, uneva hamna utozile mhuwi wenyu nounde hi kint’hu.

14 Mnungu awetangilagani mbuli ino kwombokela Mbuli Yedi iyo kiwabilikizeni vileke nanywe mnde uumwo mwo ukulu utendese wa Zumbe ywetu Yesu Kilisito.

15 Mna mtunyeni Kilisito kunda Zumbe mwe mioyo yenyu, ikaleni lumwe kumhitula yeyose akuwauzani mbuli mwe dikawiilo mnanadyo, mna mdamanye kwa ujalamu na wogofi,

35 Mnaungana, kila yumwenga naamanye kugamba muwanamp’hina wangu."

8 Nyuwe mna damanya mbuli zedi Tate naatogolwe, naivo nemanyike kindedi kugamba mwi wanamp’hina wangu.

47 Kwaviya ivi nivo akisigiile Zumbe,

‘Himitendani nyuwe mng’aze want’hu hi Wayahudi,

vileke want’hu wose we isi wakombolwe.’ "

24 Mna hiuone ugima wangu kunda kint’hu kitendese, mna du niunk’hintize udya utume wangu ne ndima idya nink’higwe ni Zumbe Yesu niidamanye, niilonge mwa want’hu Mbuli Yedi ya uwedi wa Mnungu.

18 "Muye wa Zumbe wimnanga mwangu,

kwaviya kanisagula miye niwabilikize wakiwa mbuli yedi.

Naho kanisigiila hawagambile wavugailwa kulekelwa kwawe,

na mant’hunt’hu kuwona vituhu,

naho kuwakombola wanamakunt’ho.

29 Yesu niyo awagamba, "Heiye, namigambilani ikindedi, mnt’hu yeyose asile kaya na wanduguze we kigosi na walumbuze na nine na ise na wanawe na migunda kwa ajili ya miye hamwenga na Mbuli Yedi, 30 naahokele vitendese mwe mazuwa aya, naho nahokele malavo gana, zinyumba na wandugu we kigosi na walumbu na wa mami na wana na migunda, hamwenga na masulumizo. Na mwe isi ikwiza naahokele ugima wa ulo na ulo.

35 Mnt’hu akuunga aukombole ugima wakwe, nawazaganye, mna mnt’hu akuunga auzaganye ugima wakwe kwa ajili ya Miye na kwa ajili ya Mbuli Yedi ya Mnungu, naayokolwe.

27 Mnungu mwenye kasagula kuwatenda want’hu wakwe wamanye ikinyele ivo kili no wedi utendese no ukulu, kugamba Kilisito emndani umwenyu, nanywe nomnde hamwenga mwo ugoli no uwedi utendese wa Mnungu.

Mahinizo yo ugima

1 Mna weye hiniza mahinizo yana ugima.