Evangelização
A evangelização é a missão suprema da Igreja. Jesus mandou: ide por todo o mundo e pregai o evangelho a toda criatura. O evangelho é poder de Deus para a salvação de todo aquele que crê.
A Grande Comissão
Ide, fazei discípulos de todas as nações. Jesus confiou a seus seguidores a missão de levar a boa notícia ao mundo inteiro.
Kaɗaat ŋ cuuɓ ciŋ adinaani jen, ɗu tum ɓooɓi taalube, ɗu ɓokit ɓa ŋ tiikiŋ Baabi na Kuɓki na Fuuɗsi Hoolohngaani, ɗu jangiɗ ɓa po ɓa taambiɗ nakoh ci ŋ eɗ ɗu jen. Te ambaat ne : Ŋ hey nike na ɗu Kooh-nu-wiis po mbaɗna Adina reehan. »
A hannda ɓa woo ne : « Kaɗaat ŋ adinaani jen, ɗu woo ɓooɓi feru jen Yegɗohiŋ Muci.
Waaye Fuuɗsi Hoolohngaani ruhus nga ɗu ɗah, ɗu hey rahse hatil te ɗu hey nike seedeeciŋ ngo ŋ Yerusalem, na ŋ kur caŋ Yudee jen na caŋ Samari jen po ɗiska Adina top. »
E ɗu siñaariŋ adinaani, kur ki nik ŋ jol tango, wa minɗi ɗembɗu.
E ɗu meɗaamiŋ Adina. Waaye meɗa kaɗ po wa jemisɗi ɗah, wa min jemɗohissu na ye ? Wa na raakisseeɗi etoh ɗal, wa mbetu, ɓooɓi dakee nga.
Te ali ɓo' na fuuɗeeɗi laampa ne a kuna na kanoh, a degana kay ŋ degohaaniŋ wa ne wa ñiiniɗ ɓi tuuƴi jen. Siñaariŋ ɗu joy ñiinoh ɗaa ŋ fiki ɓooɓi, ne ɓa hot tumohaaɗ ciŋ ɗu baahiɗ ci, ɓa yakiɗ Kooh Baabiŋ ɗu yi nik ŋ Eel ci.
Ini amboh ndeem, Yeesu cammba woytoh ɓooɓa ŋ ini kaɗ ŋ waas Kooh an : « Ɓoƴsohaat pesohaaɗ, Nguuriŋ-Ɗafki reɓiɗ. »
O poder do evangelho
O evangelho é poder de Deus para a salvação. A fé vem pelo ouvir, e o ouvir pela Palavra de Cristo.
Laam ŋ supukɗi woo Yegɗohiŋ Muci ; Yegɗohiŋ Muci, weɗ hatiliŋ Kooh, weɗ a na mucɗohe yaa nu kos ɗah, wa camboh ŋ Yawuut ci, ɓi nikɗi Yawuut taammba nga.
Kon, kos na pulohe ŋ ini kerhu, te ini kerhu na pulohe ŋ yegɗohi kaɗ ŋ Kiristaani.
Ŋ woyee ne, ŋ waaɗɗi ɗu teeɓ ne ŋ inhiɗ in wiiriis ɗal ini kaɗ ŋ Yeesu Kiristaa, na daaƴi a daaƴu ŋ kurwaa.
Ɓaah ciŋ ngo, mi yii naandis ɗu Yegɗohiŋ Muci ŋ woyee ɗu, yegɗohi ɗu rahas te po woti ɗu ris amb nga ndengiɗ. E yegɗoheem na mucɗee ɗu ne ɗu amba baahiɗ findi ŋ yegɗoh ɗu wa ɗah ; ɗu tumohɗi wa findi ŋ woyoha ɗah, kosiŋ ɗu ɓarang ɓarang.
A waaɗee ne ɗu rahas ineem, weɗ tah a ɓeeɗukka ɗu taamboh ŋ Yegɗohiŋ Muci ɓoo woyee ɗu, ne ɗu min ɓaah ŋ yaki Heɗ ɓoo Yeesu Kiristaa yak.
Testemunhar e proclamar
Estai sempre preparados para responder com mansidão a todo aquele que pedir razão da vossa esperança.
Waaye ambaat ŋ keeñ ciŋ ɗu ne Kiristaani a yi hool wuu Kooh, te a yi Heɗi ; te ɓooɓi meekis ɗu ŋ oolki ɗu ooluk in ciŋ Kooh na haye ɗah, tufkaat ne ɗu lof ɓa.
Ɗu waaɗtiɗoh ŋ harmban ɗu ɗah, ɓooɓi jen hey inhe ne ɗu taalubeeciŋ ngo. »
Ɗu raak rim laayiɗ ɗah, ɗu hey teeɓohe ne ɗu taalubeeciŋ ngo te wa hey teeɓohe yaki Baabiŋ ngo yak.
Laam weɗ ini Heɗi nak ɓoo, wi a woo ne : " Ŋ tufkiɗiɗ ɗa ne fu nik siñaariŋ cuuɓ ci, fu ɓay muci po ɗisik nu ɗisik ŋ Adina. " »
Mi nak, kipes kiŋ ngo ɓitɗi so ; nga so, wa raakɗi njiriñ. Ini nikiɗ to weɗ ne ŋ waaɗ kaɗ po ŋ reehɗohaana, ŋ mitiɗ pangki Yeesu Heɗi dengkoh ho, weɗ ne ŋ woo Yegɗohiŋ Muci na teeɓohe baahohiŋ Kooh.
« Fuuɗsiŋ Heɗ ɓoo yii nga so,
laam a yi kooɗ to ne ŋ kom ñakiɗ ci Yegɗohiŋ Muci,
a yi woos so ne ŋ woo ambuuɗ ci faɗsuukiŋ ɓa,
ŋ woo fuuliɗ ci ne ɓa hey hote
te ŋ nam puliɗ torhiɗuuɗ ci ŋ miskiɗiŋ ɓa,
Yeesu loffa ɗe ne : « Ñam na woyee ɗu wa te wa keeh, ɓo' nu faɗ kahan, wala taambɗoh ƴaar mbaa ɓitiɓ, yaay, baab, kuɓu wala yohon saguuso na Yegɗohiŋ Muci ɗah, ɓoyeem hey raake, ŋ jamanoonii, ini ree waas teemet ŋ kahan, taambɗoh, yaay, baab, kuɓu, na yohon. Wa hunan na tolfiɗu ŋ kehƴi, waaye, kim a hey raake kipes ki heyɗi reehe.
Laam ɓo' nu waaɗ muciɗ kipes kiŋ ɗe ɗah, a hey wa ñake. Waaye ɓo' nu ñak kipes kiŋ ɗe saguuso na Yegɗohiŋ Muci ɗah, a heya mucɗe.
Fazer conhecer
Dai graças ao Senhor, invocai o seu nome, fazei conhecidas as suas obras entre os povos.
Kooh waaɗee ɓoo inhiɗ yaki ini ɗasɗuuɗeem yak na raak-raaki nik nga wuu ɓi nikɗi Yawuut. Ini ɗasɗuuɗeem weɗ ne : Kiristaani yii nga ɗu, ɗu oolkiɗ yaki in ci na haye yak !
Ini kaɗ nga ɗa nak, Tit, woya ini hun na jangɗohi wiriɗi.