Evangelização

19 Sababu gena-ge, ni tagi toma bangsa mo-moini toma dungia sitabi donga, ni singadolo Habari mangale Ngoi, la ngowa’a 'aḏi dadi 'Ari me-mete’e. Ni baptis ananga gena-ge re siterongo Ḇaḇa 'ai lomanga, Ma Ngowa’a Nau’u 'ai lomanga, re Ma Ngagara 'Ofi-'Ofi ma lomanga.✝ 20 Re ni doto’o 'Ari me-mete’e gena-ge di’a 'aḏi 'ahu mete’e 'Ari parenta mo-moini ga’a Ngoi reta siajele pasala ḏua ra ngini. Re 'elingi nena-ne: Ngoi ḏuanga i’a tini sieanga i’a ua ngini, singadolo dungia nena-ne ma ḏo-ḏogumu."

15 Ḏua, Yesus 'o kanau ra ananga, "Ni tagi sikoloḏi dungia, re ni singadolo Habari Roanga da’u ra Ma Jou’ongu Madutu tala toma ngowa’a mo-moini.✝

8 Mada’a ḏuanga i’a ngini ni sanga kuasa wakutu Ma Ngagara 'Ofi-'Ofi 'i 'uci re nu ḏegoro. Toma 'orasa gena-ge, ngini ni dadi 'Ari sakisi-sakisi toma limau Yerusalem, toma daeraha Yudea re daeraha Samaria mo-moini re ngadolo toma dungia sitabi donga."✝

14 Ngini ga’a mete’e Ngoi, ngini ma tero sa’olo tarangi di’a dungia nena-ne. Sanga ua, limau toma sau ma tubu, ngowa’a ya oḏi’i ua!✝

Ngowa’a ga’a 'aḏi mete’e Yesus ma tero sa’olo g̱asi re tarangi

13 "Ngini ga’a mete’e Ngoi, ngini ma tero sa’olo g̱asi di’a dungia nena-ne. Na’o g̱asi 'i rasa riwara, sanga ua ni siḏibo moju enanga ma rasa. Dadi enanga ma faeda ri cua, pa’i na upa’a re ngowa’a ya to’u-to’u.✝

15 Re matengo i’a mai ua tagala 'o poci, kara 'a sidamunu reo tampayanga! Siḏibo ḏi’i, 'a sigare toma poci ma ngi’i, la 'i sitarangi ngowa’a mo-moini toma wala ma dara.✝ 16 So’o gena ḏi’i, ninga ga’a ma la-la ga’a ma tero sa’olo tarangi, balasu na sijumu toma mandan, la ngowa’a ya oḏi’i kara 'aḏi puji re silamo’o nanga Ḇaḇa toma soroga."✝

17 Mulaingi toma 'orasa gena-ge, Yesus 'o singadolo ma habari nena-ne: "Ni maḏibo toma ngo’omo boloto, sababu ti’ara riwara Soroga ma Pareta* 'i ngadolo."✝

Habari Roanga ma kuasa

16 Sababu ngoi to ngaku ti-tiai toma Habari Roanga ga’a kuasa ra Ma Jou’ongu Madutu tala di’a sisalamata ngowa’a ga’a raḏi ngaku mo-moini: Siḏa-siḏa ngowa’a Yahudi, kara nange-ne ngowa’a Yahudi ua ḏi’i.✝

17 Sababu gena-ge ngowa’a pa’i nyengara 'aḏi ngaku ḇato Kristus, na’o 'aḏi 'isene 'Ai habari. Re habari gena-ge ananga pa’i nyengara ya 'isene ḇato, na’o ngowa’a ya’u singadolo habari mangale Kristus.

2 Tari 'akala re sinyingara ma dara, ngoi reta sitatapu tala, ma di’ara sa’olo ngoi to tegoro taninga sigolona, ngoi to kanau 'ori i’a ma lelegu ua; pa’i mangale Yesus Kristus ga’a ngowa’a 'U sisalib.

Mangale Yesus dadunu 'o 'ahu moju

1 Ioronongoḏu ngo-ngaku rimoi, nange-ne ngoi to si’elingi ngini mangale Habari Roanga ga’a 'au nga’ene ngoi reta singadolo ra ngini. Re ngini rena dawongo Habari Roanga gena-ge singadolo 'i dadi ma tero sa’olo ninga ngo-ngaku ma ba-bangini. 2 Na’o ngini na cako’o namo-namoto Habari Roanga gena-ge ḏuanga i’a ngini sanga salamata. Mada’a na’o ngini ni ngaku 'ori i’a ga’a 'i banari ua, tantu ḏua ngini ninga ngo-ngaku enanga ma faeda 'i cua.

14 Sababu di’a gena-ge, Ma Jou’ongu Madutu 'o 'aro’o ngini, la ḏuanga i’a ngini ni sanga mulia mamete’e ra Yesus Kristus nanga Jou. Gena-ge 'i dadi sababu ngomi singadolo Habari Roanga ra ngini.

15 Mada’a taninga 'akala re sinyingara ma dara, ngini balasu ni ngaku re ni silamo’o Kristus, sa’olo ninga Jou. Na’o ngowa’a 'aḏi sano mangale ninga ngo-nganono, ngini balasu ni ḏu-ḏuanga ḏua na sitarangi ra ananga mangale ngo-nganono taninga 'akala re sinyingara ma dara. Mada’a ngini ni 'a’a mete’e 'akala re sinyingara mereoso re ni silamo’o ananga.✝

35 Na’o ngini matengo re matengo ni ma’u dadalara, ngowa’a mo-moini ḏuanga i’a ya waro mangale ngini Ngoi 'ari me-mete’e."

8 Na’o ngini ninga sowo’o lai repe, 'Ari Ḇaḇa ngowa’a 'U silamo’o re ngini mode-mode’e ni dadi 'Ari me-mete’e.

47 Sababu Ma Jou’ongu Madutu 'o soma’a ngomi re Unanga 'o kanau:

‘Ngoi ta sitatapu pasala ḏua, ngana balasu no dadi ma tero sa’olo lapuru ma tarangi di’a ngowa-ngowa’a Yahudi ua,

la ananga toma dungia sitabi donga ḏuanga i’a sanga 'ahu kasingado-ngadolo i’a.’ "✝

24 Mada’a ngoi ta kalesanga ua mangale ngoi 'ari 'ahu. Ngoi balasu ta siḏuanga 'ari munara nena-ne ga’a Ma Jou Yesus 'a siwatasa ḏua ra ngoi di’a ta singadolo Habari Roanga mangale Ma Jou’ongu Madutu 'ai mura re dadalara singadolo 'ari 'ahu ma ḏo-ḏogumu.✝

18 "Ma Jou’ongu Madutu 'ai Ngagara 'Ofi-'Ofi marimoi ra Ngoi.

Sababu Ma Jou’ongu Madutu 'o cumutu ḏua Ngoi di’a ta singadolo

Habari Roanga toma ngowa-ngowa’a ma dinga’unu ua.

Ma Jou’ongu Madutu 'o 'utusu Ngoi di’a to singadolo habari mangale:

Ngoi ḏuanga i’a to sisupu ngowa-ngowa’a toma 'Iblisi ma pareta re si-la ngowa-ngowa’a hafu re ta’u sibebasa ngowa-ngowa’a ga’a 'aḏi sanga sikisa

29 Yesus 'o sangoro, "Ni ngaku mode-mode’e 'Ari demo-demo nena-ne: 'A guna ḇato ra sisoi’i tala 'ai wala, 'ai iḏanga re biḏanga, 'ai ḇaḇa re 'ai ngina, 'ai ngowa-ngowa’a, bolo 'ai guḏa sababu unanga 'o mete’e Ngoi re 'o singadolo Habari Roanga, 30 unanga gena-ge ḏuanga i’a 'o dawongo maḏibo siduolo latu moi toma 'orasa nange-ne (wala, iḏanga re biḏanga, ngina, ḇaḇa, ngowa-ngowa’a re guḏa mada’a unanga 'o sanga sikisa ḏi’i) re toma 'orasa biono unanga gena-ge 'o sanga 'ahu kasingado-ngadolo i’a.

35 Sababu 'a guna ḇato ga’a 'o kadiarata pa’i 'ai 'ahu toma dungia nena-ne, unanga gena-ge 'o sanga ua 'ahu kasingado-ngadolo i’a. Mada’a 'a guna ḇato 'o mete’e 'ai mau masiretene riwara sababu 'o mau mete’e Ngoi re di’a Habari Roanga ra Ma Jou’ongu Madutu ino, unanga gena-ge ḏuanga i’a 'o sanga 'ahu kasingado-ngadolo i’a.✝

27 Ma Jou’ongu Madutu mau 'a siwaiti Tai 'umata mangale 'ai rahasia ga’a 'i rousu re mulia gena-ge di’a ngini, ngowa’a Yahudi ua. Rahasia gena-ge Kristus 'o tegoro taninga 'akala re sinyingara ma dara. Dadi ngini ni waro mode-mode’e ḏuanga i’a Ma Jou’ongu Madutu 'o pula’a 'Ai mulia ma balangu ra ngini.

Do-doto’o banari ma dasara

1 Mada’a Titus, ngana balasu na’u sidoto’o 'oru ḇato 'i mete’e do-doto’o ma banari.