Falar

21 Тілде өмір мен өлімнің билігі болар,

Сөзге үйір соның жемісін татар.

Ізгі сөз бен іс берекелі

1 Жәбір сөз ашу туғызар,

Биязы жауап ашуды басар.

4 Мейірімді тіл өмір сыйлайтын ағашқа ұқсар,*

Өтірікші тіл рухыңды жаншып-басар.

23 Дәл айтылған жауап адамды қуантар,

Уақтылы айтылған сөз бір ғанибет болар.

22 Кеңессіз құрған іс аяқсыз қалар,

Көптің ақылымен ол жүзеге асар.

19 Сөзуар құтыла алмас күнәдан,

Ал ақылды өз аузына ие болған.

3 Аузына ие болған өмірін сақтар,

Аузын айқара ашқан пәлеге ұшырар.

28 Үндемесе тіпті наданды саналы дер,

Аузына ие болса, ол дана болып көрінер.

13 Өсек тасыған сырыңды ашар,

Адал жан ісіңді құпия сақтар.

8 Ал сен, өзі үшін үндей алмайтындардың

Сөзін сөйлеп, ісін қорға байғұстардың.

12 Дананың сөздері мейірім көрсетер,

Ал ақымақ өз сөзінен зиян шегер,

36 Сендерге шын айтамын: адамдар өздері айтқан әрбір жағымсыз* сөздері үшін қиямет сотында жауап береді.

Күнәлі бауырласын тура жолға қайтаруға ұмтылу

15 Егер бауырласың* саған қарсы күнә жасаса, оған барып, істегені туралы оңаша сөйлесіп, әшкереле. Егер де айтқаныңа құлақ асса, бауырласыңды қайтадан тапқаның.

7 Құдайға сиынғанда жалған тәңірлерге құлшылық етушілер* іспетті құр сөз сөйлей бермеңдер! Олар көп сөз айтсақ еститін болады деп есептейді.

3 Сондықтан қараңғыда айтқандарың жарықта естіледі, үй ішінде құлаққа сыбырлағандарың жұртқа жария болады.*

45 Ізгі адам жан дүниесіндегі игілікті қазынадан игілік алып шығады, ал зұлым адам арам жан дүниесінен арамдық алып шығады. Жан дүниең* неге толса, ауызың соны айтар.

9 Өз аузыңмен Исаны Жаратқан Ием деп мойындасаң, жүрегіңде Құдайдың Оны өлімнен қайта тірілткеніне сенсең, онда құтқарыласың.

Әлсіреген бізді Киелі Рух қолдайды

26 Сонымен қатар әлсіреген бізді Киелі Рух та қолдайды. Тәңір Иеден не тілейтінімізді дұрыстап білмесек те, Киелі Рухтың Өзі біз үшін өтініш етіп,* сөзбен айта алмас ыңқыл, күрсінісімізді Оған жеткізеді.

29 Ауыздарыңнан жаман сөз емес, жақсы сөз ғана шығып, тыңдап тұрғандардың сенімдерін жетілдіріп, игілік сепсін.

Құдайдың хабарын есту және іске асыру

19 Ал енді, сүйікті бауырластарым, мынаны ескеріңдер: «Әркім тыңдауға жүйрік, ал сөйлеуге шабан, ашулануға баяу болсын».*

2 Бәріміз де көп қате жібереміз. Ал кім сөзінде қате жібермесе, сол — денесін тұтастай меңгере алатын жетілген адам.

9 Жамандыққа жамандықпен, қорлыққа қорлықпен емес, ақ батамен жауап беріңдер. Себебі Құдай сендерді шақырғанда Өзінің ақ батасына ие болсын деп мақсат еткен еді.

18 Балаларым менің, сөз жүзінде емес, іс жүзінде шынайы сүйіспеншілік білдірейік!

Тұрақсыз халқының Құдайдан кешірім сұрауы

1 Мадақтаңдар Жаратқан Иені!

Жаратқан Ие ізгі, мақтаңдар Оны,

Мәңгі ұласады берік рақымы!

8 Ол билік құрады теңізден теңізге дейін,

Евфрат өзенінен жердің шетіне дейін,