Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Mansh «Niho! no nihono!» etaat it s’eegirwo na’ok’o woti Shayiro it dek’i bako shatoon beyosh aani guuts woti Shayiro de’atste. Ik' Shayiro no Shayironton wotar Ik' nanaúwotsi nowottsok’o noosh gawituwe. Eshe Ik' nanaúwotsi nowotiyakon bín naatetuwots noone, Krstosntonuwere naatetuwone, andowere Krstos gond bek’o kaytsuwotsi nowotiyal maniyere okoon b́ mango kayituwotsi wotituwone.
Ernmó eteets dúro b́bodtsok’on Ik’o b́naayi noosh b́woshi, bíwere nemi shirots wotat máátsatse b́shuweyi. Hano b́k’al Mesee nemi shirotse teshtswotsi aani kewdek’onat noonowere Ik' nana’úwotskok’o noon woshoshe.
Ik' nana’úwotsi it wottsosh Ik’o «Nihono!» ett s’eegiru naayo shayiro no nibots b́woshi. Mansh eshe haniyak na’a neena bako guuts neenaliye, na’a nwotiyalo Ik’atse tuutson naatetwots neene.
Iyesus Krstosi amanon it jametswor Ik' nanaúwotsi woterte, Gúpeyon Krstosnton ik wotts it únetswots Krstosi tahok’o tahadek’rte. It jametswor Krstos Iyesusn ik it wottsotse ayhudiyonat Girikiyon, gútsonat guuts woterawon, núngushonat máátson dagotse eegoru k’osh k’osheyo aaliye.
Ik’o b́ geetso sheeng keew b́ wottsotse Iyesus Krstos finon b́ nanaúwotskok’o no wotish bale noon marat’b́dek’i. Hanowere b́ k’al b́shune na’o weeron beenon noosh b́ imts mang wotts s’aato b́ úditwok’owe.
Krstos shuno
Eshe Ik’o Niho shinats t gubron tuk’umalde’k’aat Ik’o t k’onir han jangoshe. Daronat datsatse fa’a ik ik maa asho koni b́ wottsok’o b́ daatsit Ik’okne.
Wotowabako b́ keewu dek’tswotsnat b́ shútson amants jamwots Ik’o nana’uwotsi bowotitwok’owe alo boosh b́mi. Bowere Ik’atse shuwekno bako ash naaratse, man etonwere meetsi shnunon wee nungshe mááts gonkewon shuweratsne.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
jam aawo gonkeyaar no atsatsewo kup’shwoone bako, ik ikwots bok’alfok’o nokakwewo k’azk’ayonee, ikinwor, doonzo weyi aawo b́ karntsok’o gawde’e iki bogshde’er k’aluworee.
Ik’o b́ nanaúwotsk’o itn b́tawtsotse b́ sezo k’amoore, b́ niho bín b́ sezraw na’o kone? Nana’a wotts jamwots bo daatsiru sezo it were daatso it k’azal dik’al itna boko nana’a itnaliye. Haniyere okoon, noúnetsi sezf meetsi nihwots detsfone b́teshi, bonowere mangiye nomangifoni, bere kashon beyosh kashi weeron nih wottsosh iki bogshde azazewo aawk’oneya noosh geyiwo b́k’azeti! Bosh sheengo araat b́ be’etsok’on muk' gizewush noon sezrne, bímo b́ S’ayino kayitwotsi nowotish sheengosh noon sezfe.
Mank’owere noo ayuwotsi wotat nobefere Krstosn ik ats noone, ik atsi kayuwotsi nowottsok’on noatsatsewo desheeknone.
Ik atsi kayo b́ kic’iyal k’osh atsi kaywotsuwere jamon bíntoniye bo kic’iti, ik atsi kayonu mango b́ daatsor k’osh atsi kaywotswere bínton ikn bo geneúwiti.
Mansh eshe it S’ayinwotsnton ik datsi ashuwotsnat Ik’i maa ashuwots itna bako haniyere okoon ibonat ashdatsi ashuwots itnaliye. Woshetswotsnat nebiywotsn need’itsats agerte, ageyiru maamansh tungúshatse shutswotse kaatsde detset shúts kup’o Iyesus Krstosiye. Maa eenmanu b́ jamon bín ikok desheyarr doonzo S’ayin Ik' moo wotarr eenetwe. Ik’o b́ shayiron bíts b́ beet moo wotosh itwere Krstosn tohaar ageetute.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Bí were «Tind kone? Tí eshwots konotsne?» ett bí aani. Bín gúrdek’t́ beyiru ash aywots maantsan s’iilfetst, «Eshe! tindnat ti eshwots hanotsiye! Ik' etts jamo k’alitwo ti’eshu, tmishu, tindu bíne.» bí et.
Guutso jam aawosh mootse beerake, na’onmó jam aawosh mootse b́befoni.
Iyesuswere hank’o boosh bíeti, «Ik’o it nihi b́wotink’ermó taan shunank’te b́ teshi, taa hanok t weyiye Ik’okne, taan woshtso bína bako taa ttookon waratse.
T’oow máátswots jangosh izets izo
Ash eeno nihok’o woshde izuwe bako fayk’aye, jawetsono eshuwotskok’owa, Gaawer máátsuwotsno indok’o woshde s’iile, baruwotsno mish mishuwotsk’o woshde s’aynon boon s’iile.
Ik' nana’úwotsi
Ik' nana’uwotsi erŕ nos’eegeetwok’o niho awuk’o shuno noosh b́imtsok’o aab́ s’iilere! arikon noowere Ik' nana’a noone, datsan Ik’o b́dartsosh nonowere danatse. T shuntswotso! and no Ik' nana’a noone, shinomaantsish eeg nowotitwok’o daneerafa’ee, ernmó Krstos b́be’et aawots bí aro arikon eeg bíarok’o nobek’etwotse bínowere noaritwok’ó danfone.
And wotts aawo nodetstsotse ash jamwotssh bítsnor amaniru ashuwotssh sheeng keewo k’alwone.