Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
काहाकी तुहुंं काजे गुलामी कराड़ने वाळी आत्मा नी जड़ी की तुहुंं अळी बीहणे बाजी जावु, बाकुन खुळे-लेणी आत्मा जड़ली छे, तेरी सी आपणु भगवान काजे ए बास, कह्वीन आयड़जे। आत्मा आपसीत हामरी आत्मा साते गवाय देय, की आपणु भगवानेन अवल्यात छे; ने कदी अवल्यात छे ती जागरीन हकदर्या बी छे, बाकुन भगवानेन जागरी ने मसी साते ने तेरी जागरीन हकदर्या छे, जत्यार आपणु मसी साते दुख झेलसुन ती तेरे साते सेक-सींगार मां हय्न जासु।
बाकुन जत्यार भगवान बासेन टाकली टेम पुरी हय गुय, ती चु आपसा बेटा ईसु काजे ईनी धरती पर मकल्यु। चु एक बायर सी पयदा हयु, ने मुसा सी लिखला नीयमेन कब्जाम मां रवीन चे आखा नीयम फालतु जाय्न जीयु, तेरे सी चु ईसु, मुसा सी लिखला नीयमेन कब्जा मां रहणे वाळा आपणु आखा काजे छुड़ावे, ने आपणु काजे भगवानेन खुळे लेदला बेटा-बेटी बणावे।
हय हामु ने तुहुंं आखा भगवानेन बेटा-बेटी बण गुयला छे, ने भगवान आपणा मन मां आपसा बेटासेन चुखली-आत्मा काजे मकेल्लु छे, जु चुखलु जीव-आत्मा आपणे भेळु भेसकायन भगवान काजे असु आयड़ीन बुलावे, "ए अब्बा, ए बास।" हय तुहुंं नीयमेन गुलाम पावर्या नी हय, बाकुन भगवानेन बेटा-बेटी छे, ने हय तुहुंं भगवानेन मरजी सी वारीस बण गुयला छे।
तुहुंं बी आखा ने आखा मसी ईसु पर भुरसु करने वाटे, भगवानेन बेटास बण गुयला छे, भले यहुदी हय, ते ने भले नी-यहुदी आड़जात्या हय। ने ईसु मसी मां एक हवणे करीन, तुहुंं आखा ने आखा बपतीस्मा लीन, ईसु मसी काजे नवला पुथल्यान तसा पेहेर लेदला छे। तुहुंं हय एक घरन्या बण गुयला छे, ने हय तुंद्रेम काय बी छीट नी रय, भले तुहुंं यहुदी माणसे हय नीते युनानी माणसे हय नीते आड़जात्या हय, भले गुलाम पावर्यु हय नीते मालीक हय, भले अदमी नीते बायर हय, तुहुंं आखा ईसु मसी मां एक हय गुयला छे।
ने भगवान आपणु काजे ईसु मसी सी तेरा खुळे लेदला पुर्या-पारी बणावणे करीन पेहेल सीत नक्खी करलु। ने जीत भगवानेन मरजी हतली, ने तीनी वातेम चु बेसकु खुस हतलु। ने तेरेत अनसारे चु आपसा लाटेक्ला पुर्या ईसुन साहरे आपणे पर गीण-दया देखाड़लु छे, काहाकी आपणु भगवानेन ईनी गीण-दया सी जलम तेरी सेक-सींगारेन बड़ाय करता रवजे।
मसीन परम
ती मे तीना भगवान बासे अगळ मांडा टेकीन लीलघायु। जु सरग वाळान ने धरती वाळा आखा काजे आपसात घराणा मां भेळा हवणे करीन बुलावे।
बाकुन जतरा बी माणसे तीनाक आपसा जीवेम आवरीन, तेरा नाव पर भुरसु करे, चु तीनु आखा काजे भगवानेन अवल्यात बणनेन हक आप्यु। चे नी ते खुन सी, ने नी ते डीलेन मरजी सी, नी आयस बासेन मरजी सी, बाकुन भगवानेन मरजी सी पयदा हया।
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
काहना-काहना ईसु पर भुरसु करीन बी, ईसुन मंडळीन मां जाणु छुड़ देदला छे। तुहुंं असला माणसेन चाल मां धरु। बाकुन एक दीसराक समजाड़ीन सांती आपता रहु। ने जसा-जसा ईसुन आवणेन दाहड़ा धड़े आवता जाय, तसा तुहुंं अळी-अळीन भेळा हय्न भगवानेन वात सीकता रहु, ने भगवानेन सेवा भक्ती करता रहु।
तुंद्रे पर दुख आवे ती ज समजीन सेण कर लेजु की भगवान बास सुदारने करीन हामुक डंड आप रयु। काहाकी भगवान तुहुंंक आपसा पुर्या समजीन तुंद्रे साते असु वेहवार करे। वीच्यार करु! असु काहनु बास हसे, चु आपसा पुर्याक सुदारने करीन डंड नी आप्यु हय? कदी भगवान आपसा दीसरा पुर्याक सुदारने करीन डंड नी आपे, ती तुहुंं बासेन खास पुर्यु नी हय, बाकुन दीसरान पुर्या कहवायसु। आपणा धरती पर वाळा बासे आपणुक सुदारने करीन डंड आपतेला, तेबी आपणु तींद्री ईज्जत करतेला, ती वीच्यार करु! धरती पर वाळा बासेन ईज्जत करे, तेरे सी बी जादा आपणा जीव-आत्मान बासेन, ईज्जत नी करनु चाहजे काय? हेरेन करीन की तीना जीव-आत्मान बासेन हक मां रय्न आपणुक अमर जीवन जड़े। ईनी कळीन बास ते दसो समज आवतेलो, तसु ईनी कळीम वाळी आपणा-आपणा जीवन काजे सुदारने करीन डंड आप्या करतेलु, बाकुन भगवान ते, आपणी जलमेन भलाय वाटे आपणुक डंड आपे। हेरेन करीन की आपणु तेरा चुखला साजल्या बण जाजे।
तसात आपणु बी बेसका हय्न बी ईसु मसी मां एकुत डील मां भेसकायन एक दीसरु डील छे।
हेरेसी कदी एक भाक काजे दुख जड़े, ती आखा भाक हेरेसी ते जड़े; ने कदी एक भाकन बड़ाय हवे, ती हेरे साते आखा भाक खुसी मनावे।
ने हय तुहुंं पेहलेन तसा दीसरा ने अन्जाण्या नी हय, बाकुन भगवानेन चुखला माणसे पुठ्ये भेसकायन उळखाय्ता हय्न आखी वातेम साजल्या बण गुया। ने खरान हय तुहुंं भगवानेन घराणाम मां भेसकाय गुयला छे। ने ईसुन नेवताळान काम ने भगवानेन अघली वात बताड़ने वाळा माणसे ईना घराणा वाटे घरेन नेहान पाया साय छे, ने ईसु मसीत ईना नेहान खुणान दगड़ा साय छे। ने तेरेमां आखो काय एकतु हय्न मालीक मां एक चुखलु मंदीर बणतु जाय। तेरेमां तुहुंं बी आत्मा सी भगवानेन रहणेन घर हवणे करीन भेळात बणता जाय।
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
ईसु जपाप आप्यु, "मारी माय ने मारु भायस कुण छे?" ने ईसु चां आड़े-धड़े बसी रवला, तींद्रे चारे मेर भाळीन कह्यु "सामळु, जे अतरात मारी माय ने मारु भायस छे। जे कुय भगवानेन मरजी पर चाले, चु मारु भायस ने मारी बहणीस ने माय छे।"
एक घरेन पावर्यान बारामां वीच्यार करु। मालीकेन पावर्यु नी बाकुन मालीकेन खरलु बेटुस घरेन हकदार्यु छे, ने चु अतरुत घर मां जलम रय सके,
ईसु तीनु यहुदी माणसेक कह्यु, "भगवान तुंद्रु बास नी हय। कदी भगवान तुंद्रु बास रवतु, ती तुहुंं मेसेक उळखीन परम करता काहाकी मे मारी मरजी सी नी आयु। बाकुन भगवान मेसेक मकेल्लु छे। करीन मे भगवान बासेम सी नीकाळीन आवलु छे, ने मे हय जां हजुर छे।
भुरसु करने वाळा साते कसु वेहवार करनु चाहजे तेरी सीकापण
काहना बी डाहला माणसे काजे लड़जी घुण, बाकुन तीनाक बास जाणीन समजाड़ देजी, ने जुवान काजे भायस जाणीन समजाड़ देजी। ने डाहली बायरा काजे आयस जाणीन समजाड़ देजी; ने जुवान बायरा काजे चुखला वीच्यार सी बहणीस जाणीन समजाड़ देजी।
हामु भगवानेन पुर्या छे
देखु, बास हामरे सी कसु परम कर्यु, की हामु भगवानेन अवल्यात कवाया, ने हामु छे बी; हेरे वजे सी कळीन माणसे हामुक नी जाणता, काहाकी कळीन माणसे भगवान काजे बी नी जाणे। ए लाटेक्ला साथी, हय हामु भगवानेन अवल्यात छे, ने हय लग उजेंतो नी हयो, की हामु काय नी हवसुन! अतरो जाणजे, की जत्यार ईसु मसी उजेंतु हवसे ती हामु बी हेरेन तसा रवसुन, काहाकी हामु हेरेन असुत देखसुन जसु चु छे।
ने मुखु जड़तात आखान वारु करनु चाहजे, खास करीन जे ईसु पर भुरसु करे, तींद्री भलाय ते करनुत चाहजे।