Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Ayaw gooppe, nuuni nu kooshshaa d’ok’k’u ootsiide, «Abbaa! Ta Aabboo» yaagiide s’eesiyaa, nuuna S’oossaa naanaa kessiyaa Geeshsha Ayaanaa S’oossaappe akkeeddoppe attin, laa’entsuwaa yayyanaw ayile kessiyaa ayaanaa akkibeykko. S’oossaa Ayyaanay bare huup’ew nu ayyaanaanna gidiide, nuuni S’oossaa naanaa gidiyaawaa markkattee. Nuuni Aa naanaa gidooppe, I bare asaw minjjeedda anjjuwaa laattana; k’ay nuuni S’oossay Kiristtoosaw minjjeeddawaakka aanana laattana; nuuni Kiristtoosa waayiyaa aanana shaakkooppe, Aa bonchchuwaakka aanana shaakkana.
Shin yaanaw bessiyaa wodii gakkeedda wode, S’oossay mac’c’awunippe yelettowaa, Muse higgew moodettiyaa asaa garssan yeletteeddawaa, bare Na’aa kiitteedda. Ayaw kiitteeddee gooppe, higgiyan moodettiide de’iyaawantta wozanawunne nuuna bare naanaa ootsanaw kiitteedda.
S’oossay hintte Aa naanaa gidiyaa diraw, «Abbabboo, ta Aabboo» giide waassiyaa bare Na’aa Ayaanaa, nu wozanaa giddo kiitteedda. Hewaa diraw, hawaappe sintsaw neeni S’oossaa na’aa gidiyaawaappe attin, ayile gidakka; k’ay neeni Aa na’aa gidooppe, Kiristtoosa baggana S’oossay k’aalaa geleeddabaa laattiyaawaa.
Hinttenttu ubbay ammanuwaa baggana Kiristtoosa Yesuusan ittuwaa gideedda S’oossaa naanaa. Ayaw gooppe, hintte Kiristtoosanna ittuwaa gidana mala s’ammak’etteedda ubbatuu Kiristtoosa mayyeeddita. Hewaa diraw, Ayihuda asaa giddoninne Giriike asaa giddon dummatetsay baawa; ayiliyaa woy womaannuwaa giddon dummatetsay baawa; attumawaa woy mac’c’a asaa giddon dummatetsay baawa. Ayaw gooppe, hinttenttu ubbaykka Kiristtoosa Yesuusan itti asaa.
S’oossay bare sheniyaan bare doseeddawaadan, Yesuusi Kiristtoosa baggana nuuna bare naanatuwaa ootsanaw kasetiide k’oppi wotseedda. S’oossay bare siik’iyaa Na’aa baggana nuw c’oo immeedda aad’d’o keekatetsaa bonchchuwaa diraw, nuuppe galataa akkanaw hewaa ootseedda.
Kiristtoosa Siik’uwaa
Hewaa diraw, taani saluwaaninne sa’aan de’iyaa ammaniyaa golliyaa Asay ubbay aappe yeedda S’oossaa sintsan gulbbatay.
Gidoppe attin I barena shiishshi akkeedda ubbatoo, bare suntsaan ammaneeddawanttoo, S’oossaa naanaa gidana mala, maataa immeedda. Unttunttu S’oossaappe yeletteeddinoppe attin, Asay yeliyaa maaraan woy ashuwaa sheniyaan woy attuma asaa sheniyaa s’alalaan yelettibeykkino.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Ittuu ittuu shiik’uwaa dooyaa ootsiide shiik’iyaawaadan, nuunikka ittippe shiik’iyaawaa aggokko; shin Godaa gallassay matattiyaawaa hinttenttu be’iyaa diraw, ittuu ittuwaa mentsetseetto.
S’oossay hinttentta muriyaa wode genc’c’ite. Ayaw gooppe, I hinttentta naanaadan ootsee. Aawuu seerenna na’ay de’ii? Naanaa ubbaa seeriyaawaadan, hinttentta murenaan aggooppe, karen yeletteeddawantta gidiitappe attin, tumu naanaa gidikkita. Hewaa bollan k’ay, nuuna yeleedda nu aawotuu nuuna mureedda wode, nuuni unttuntta bonchcheeddo. Yaatina, nuuni waaniide ayaanaa Aabboo loytsi darssi moodettiide de’okkoo? Ayaw gooppe, nuuna yeleedda nu aawotuu barentta lo"owaadan, amareeda wodiyaa nuuna mureeddino; shin S’oossay nuuni Aa geeshshatetsaa akkana mala, nuuna maaddanaw muree.
Hawaadan, nuuni c’ora asaa gidooppekka, Kiristtoosa baggana itti asaa. K’ay nuuni itti asatetsaa k’ommotuwaadan, ittuu ittuwaanna oyk’etti utteeddo.
Bollaa asatetsatuwaappe ittuu seelettooppe, bollaa asatetsatuu ubbaykka aanana seelettiino; bollaa asatetsatuwaappe ittuu bonchchettooppe, bollaa asatetsatuu ubbay aanana nashettiino.
Simmi hintte Ayihuda gidenna asatuu hawaappe sintsaw allaga woy imatsaa gidikkita; ha"i hinttenne geeshshatuu itti biittaa asaa; k’ay S’oossaw hintte soy asaa. Yesuusi kiitteeddawanttunne timbbitiyaa odiyaawanttu baaseeda baasuwaa bolla hinttekka kees’etteeddita; godaa s’ap’uwaa minisiyaa waanna shuchchay Kiristtoosi Yesuusa. I golliyaa ubbaa ittippe shiishshi oyk’k’iide, S’oossaa baggana Geeshsha, S’oossaa Geeshsha golle gidana mala dichchee. Hintte k’ay S’oossay bare Ayyaanan de’iyaa golliyaa gidanaw, haratuwaa ubbaanna ittippe Kiristtoosan kees’ettiita.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Yesuusi zaariide, «Ta daaya oonee? K’ay ta ishatuu oonee?» yaageedda. Bare matan utteedda asaa yuushshi aatsi s’eelliide, «Be’ite; ta daayanne ta ishatuu hawanttushi. S’oossay koyyiyaawaa ootsiyaa ubbay ta ishaa, ta michchatonne ta daayo» yaageedda.
Ayilii ubbaa wode soyin de’enna; shin na’ay med’inaw gollen de’ee.
Yesuusi unttuntta, «Hinttenttu S’oossaa naanaa tumu gideeddentto, Taana siik’ana; ayaw gooppe, Taani S’oossaa matappe yaade hawaan de’ay. Taana I kiitteeddawaappe attin, Taani Ta sheniyaan yabeykke.
Am"etuwaa Zoreedda Zoriyaa
C’ima asaa ne aabba bonchchiyaawaadan bonchchappe attin, toochchoppa. Yalagatuwaa ne ishaadan, k’ay c’ima mac’c’a asaa ne aattiidan, yalaga mac’c’a asaa ne michchatiidan, kumentsaa geeshshatetsaan bonchcha.
S’oossaa Naanatuwaa
Nuuni S’oossaa naanatuwaa geetettiide s’eesettana mala, S’oossay nuuna ay keenaa siik’eeddenttonne be’ite. Nuuni tumukka Aa naanatuwaa. Ha alamii S’oossaa erenna diraw, nuunakka erenna. Ta siik’atoo, ha"i nuuni S’oossaa naanatuwaa; nuuni ayaa hananentto biro erettibeenna; shin Kiristtoosi k’onc’c’iyaa wode, nuuni Aa malatanawaa ereetto. Ayaw gooppe, I tumu Aa gidiyaawaa nuuni kumentsan be’ana.
Hewaa gidooppe ha ootsanaw nuuni danddayiyaawaan, asaa ubbaw lo"obaa ootsoytte; shin ubbaappe aatsiide, nuunanna ammanuwaan de’iyaawanttoo lo"obaa ootsoytte.