Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Mazɔlɔɔ Zɛnvui wo sɔlɔɔgai, é la ga zɛnvui é wo ɠɛɛzu ga duɔiti, wo ʋa ɠɛ dɛ dualuagi zu, kɛlɛ Zɛnvu Ɲadegai ʋe, é wo ɠɛɛzu ga GALA dointi, é ma zobogi ve de ʋɛ, de ɗa wooɠula GALA ma ga: «Aɓa!», naa ɠa ga «Kɛ̀ɛ!» GALA Zɛnvui ɓɔɠɔi ɠa kolezu de-yɛnvui ʋɛ ga da ga GALA dointi. Tɔɔzei da ga ná-dointi, da ɓalaa ga pogani zeɠe nuiti, GALA ná-pogani zeɠe nuiti, ada Kilista ade ɠɛa ga pogani zeɠe nuiti ʋɔɔma, ni da ʋɔɔpɛɛna ná-kpɔlɔi ʋa, da ʋɔɔpɛɛ ɓalaa ná-lɛbiyai ʋa.
Kɛlɛ yeeɠɛɠalai é leveni, naa zeeliai ma, GALA ge ná-Doun Zunui leʋeni, é zɔlɔɔ anzanui ta ʋa tɔgi wu, naa ɠa a kɛ, zɔiti ti tɔgi wu, é naati unmɔɔ, ta é ade ɠɛ ga GALA dointi.
Tɛi wo ga ná-dointi, GALA ge ná-Doun Zunui ná-Zɛnvui leʋegɛ, é zei ade-yiimaʋɛti, é ɗa wooɠula, é ɗa ɠɛ ma: «Aɓa!», naa ɠa ga «Kɛ̀ɛ!» Naa maaʋele ma, è la mɔ ga duɔ, kɛlɛ ɗa ga doin. Ni tama è ɠɛa ga doin, ɗa ɗɔnɔ zɔlɔɔ naa zu, nii GALA ge minazeɠeai la.
Mazɔlɔɔ wo pɛ wo ɠɛa ga GALA dointi ga kidaaleʋei maaʋele Yesu Kilista ma. Wo pɛ wo ɓatizegɛ ga wo ɠili Kilista ʋa, wo Kilista loa ɠɔba. Zuifu vaa la ba, Gɛlɛki vaa la ba, duɔ vaa la ba, wɔɔlɔ vaa la ba, zunu vaa la ba, anzanu vaa la ba, zeeɠaaɠwɛɛ vaa la su, wo pɛ wa ga ani ɠila kpe nɔ, wa-ɠilibalai zu wa Yesu Kilista.
GALA ná-nɛɛbɛi maaʋele ma, é deveni ade ma ma yeeluɠɔ ga toɠa de ɠɛ ga ná-dointi, ga Yesu Kilista maaʋele. É ɠɛni pɔ ɠana ná-nuɓɔɠɔlai zu, naa ɠa a kɛ de ná-zaalai ma lɛbiyai maamusɛ, nii é daa ade ma ga nɛɛbɛ Loun Zunui maaʋele.
Kilista ná-nɛɛbɛi
Naa maaʋele ma, nà ʋilɛsu ɲiibiɠa Ɠɛɛɠɛ GALA bu, niigi é ga pɛlɛyeɠeiti pɛ ma ungi, niiti ti geeɠɔlɔgi zu ta zooi ma.
Kɛlɛ tanigaa ti yeezeini bu, ti ɠidaaleʋe ma. Tama, é zobogi veeʋɛ naati pɛ bɛ ga ti ɠɛ ga GALA dointi. Kpusɛi zu zɔlɔɔgi nii é ɠɛɛzu ga kpusɛi yiimai, ɓaa zunui yiima vai, naa laade, kɛlɛ ti zɔlɔɔgɛ GALA ba.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Ade mina ɠɛ ga tanigaani kɛʋele, de ʋa ɠɛlɛ da-maaɓɔgi ʋa, kɛlɛ ade ɓɔɠɔ iɲɔdɔ, eɠɛʋelei vɔlɔ wo ɠaazu Maliɠii ná-tukpɔɠaaleʋe voloi ʋa la, maa ɗa ɓuɠa.
À yiilɔɔ maaɠoloi wu, GALA ka wo zosu eɠɛ ná-doun zunuiti. Mazɔlɔɔ naama loun zunui ɠa mini, nii kɛɛɠɛ la ɗa ga maaɠoloa? Pelegi é ɛsɛ pɛ maaɠolozu la, ni wo la maaɠoloi zɔlɔɔni ɠana, wa ga wɛɛn lointi, wo la ga doun zunu ɠitea. Tama, de zɔlɔɔ kɛɛɠɛiti ti ɠɛni de maaɠolozu eteai zu, de ɗa unfe ti ma. De la ɓudɛzu naa maazu ɓaa, de ʋa ɠolo de-Ɠɛɛ ʋɛ, é geezuʋɛ, de ʋa zɛnvui wo? Ade-ɠɛɛni ti ɠɛni de maaɠolozu yeeɠɛɠala go vaa nɔ ma, eɠɛʋelei é zolooni da ti ɠaazu. Kɛlɛ GALA ka de maaɠolozu da-ɠulagaanɛɛzu ɠitei ma vaa ma, naa ɠa a kɛ, de dɔnɔ zɔlɔɔ ná-ɲadedai zu.
Zekana ade la, anɛɛ ni de mɔinʋɛ, de pɛ da ga kpusɛ ɠilagi, de ɠiliai Kilista ʋa, de ɠilagilagi de ɠiliʋɛ ɓɔɠɔ ʋa, eɠɛʋelei kpusɛi ʋaalobazuʋɛti ti la.
Ni kpusɛi ʋaalobazuʋɛ ta ɠa taɓai zu, zɔiti pɛ ta zoolɛzu ga ɓɔɠɔ ga tɔun maaʋele. Ni kpusɛi ʋaalobazuʋɛ gila ga lɛbiya zɔlɔɔna, zɔiti pɛ ta ɠoozunɛ ga tɔun maaʋele.
Naa ma, wo la mɔ ga wɛɛn ɓaa seikɔɠɔma nu, kɛlɛ wa niina ga zou lointi ʋɔɔma wa GALA ná-nuiti, ta wa niina ga GALA ná-pɛlɛyeɠei wu nuiti. GALA ge wo logɛ ga pɛlɛi, ma seɓasemai ɠɛ ga keelaiti ta GALA goo wo nuiti, naama ʋɛlɛi ma zɔɓelama ɠɔtu wolai ɠa é ga Yesu Kilista ɓɔɠɔi. Tɔun maaʋele ma, pɛlɛi naa pɛ togɛ ɓɔɠɔ la ga pagɔ ná pɛ, é ɠɛ GALA sei ʋɛlɛ ɲadegai Maliɠii ʋɛ. Wa-ɠilibalai maaʋele ma wa Kilista, wo logɛ ʋɔɔma, wo ɠɛ ga GALA sei ʋɛlɛi, ga GALA Zɛnvui maaʋele.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
É ti wooɠaaʋoteni, é ɠɛ ma: «Ɓɛ ɠa é ga dèe? Ɓɛɛni ka ti ga dèɠeiti?» É ɠaazulɛɛni ga zɔiti, niiti ti ɠɛni zeini, ti ɠakugai ma, é ɠɛ ma: «Wɛlɛ, niiti ka ti ga dèe ta dèɠeiti. Zɔi nɔpɛ é GALA ziimai ɠɛɛzu, naama nui ɠa é ga dèɠe zunui, ta dèɠe anzanui, ta dèe.»
Tama duɔi la ga pɛlɛyeɠei ʋaalobai ta, kɛlɛ doun zunui ɠa ga pɛlɛyeɠei ʋaalobai ta eyɛsu ɠɔ.
Yesu ɠɛni ti ma: «Ni GALA ge ɠɛni ga wo-Ɠɛɛ, wo ɓena nɔ̀un nɛɛ ʋɛ, tɔɔzei pɔ bɛ ɠa sèɠeai ná, gè ʋa. Nà ɓɔɠɔ lɛi gè ʋa da ɠisu nɔ ga gè ʋa, tɔ ɠa é tèʋega.
Kidaaleʋe nuiti sopelei
Mina zelilo zunu ɓakologi ma, kɛlɛ iɲɔdɔ eɠɛ è-ɠɛɛ. Zinipoiti so eɠɛ è-ɠɛɛleaiti, anzanu ɓakologiti eɠɛ è-leeni, anzalopoiti eɠɛ è-ʋaazeelaiti, naa ɠɛ ɲadedai pɛ su.
GALA dointi
À wɛlɛ ʋelei Ɠɛɛɠɛ ade nɛai la ʋɛ! Ná-nɛɛbɛi ɠa é kɛa ade lolisu ga GALA dointi. Tama da ga naati gaamazu. Wɛlɛ nii ɠa é kɛa eteai la de ɠwɛɛ: É la GALA kwɛɛni. Nɛ̀ɛɲɔɠɔiti, ada niina ga GALA dointi, kɛlɛ ʋelei da ɠɛ la, naa la dɛ ɠulani kɛlɛma. Tama de nii ɠwɛɛ: Siɛgi zu Kilista ɠulazu la kɛlɛma, da ɠɛ ga tɔun kɛʋele, tɔɔzei da ka, ʋelei é la.
Naa ɠa é ba, ni nɔ ma zobogi ɠa de ʋɛ, de ɗa faanɛɛi ɠɛ nɔ ɛsɛ pɛ bɛ, ma un ge daa ma ga naati, niiti ti ga de-ɠɛɛleaiti kidaaleʋei zu.