Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Agou ko na Gagala qu tekua sa sake vaivapinausu ko bu kole matagutunia mule na Tamasa. Goto na Gagala qu tekua agou sa isa sa teku pausugou pana tatamana tana Tamasa ko isa sa boka vaparanga veinigita pira lao tana Tamasa, <<Aba! Ao na Tamaqu!>> sau. Na Gagalana mekana na Tamasa sa somana ule votunia vei sa pojai na gagalada gita sa gita sa na koburu tana Tamasa. Ko kopira na koburu tana Tamasa sa gita ke, ko kode tana somana isongoria tugu sira na mana sa vakole kale vaniria na Tamasa ira nona tinoni. Ego ko kode tana somana isongoria sira na mana sa vakoleria na Tamasa ke, ko kode tana somana isongoria tugu sira na mana vei tugu na Karisito sa isongoria. Ko vei tana somana gosoria gita sa na vitigi tonai tana roitinia na roiti jongana sa vei na Karisito, poni sa kode tana somana tavalavata tugu sa gita.
Ba tonai sa kamua sa na totoso tavilena tana Tamasa, poni sa sa garunu lagerenia na Tamasa sa na Tuna. Ko sa lagere podo pana kai rereko, ko sa podo beto sa lavata sae pana Vavanau tadira na Jiu sisa, ko mi ruvataria sira na tinoni qai tapiunia sa na Vavanau beto ko gita ta boka tagigala na koburu tana Tamasa sau. Ko kopira na koburu tana Tamasa sa gita, ko sa vei isa na Tamasa sa garunu lagerenia pa buloda gita sa na Gagalana na Tuna, ko na Gagala isa sa paranga votu vei pira, <<Aba! Ao na Tamaqu!>> sau. Ko kopira nake pinausu sao. Na ona koburu na Tamasa sao ko kode muna isongia tugu vei sa na taringunguti sa vakole vaniria isa ira nona koburu.
Agou doru tinoni Jiu beto nake Jiu sa kopira na tuna beto na Tamasa pana miu kole kame tana Karisito ura qu tei rangea tu agou sa na Karisito. Tonai qu tapaputaiso ko qu kole kame pana tana Karisito, poni sa qu toa vei na Karisito mekana sagou. Ko tonai qu kole kame pana tai Jisu Karisito poni sa qu vaitoto gu pana dodogoro tana Tamasa sagou doru. Kepore sa na vaipikatai Jiu babi na tinoni karovona, na pinausu babi na tinoni taruvatana, na rereko babi na marene. Kepore sa kame bi poreveveina jolania sa kame.
ko sa vei sa sa tei vile momoegita tu ko tana tagigala na tuna isa sa gita, ko taqe boka tagigala na tuna isa sa gita pana korapana na roiti sa roitinia i Jisu Karisito. Isa sa na roroqu sa qerania na Tamasa. Ta vatarasaea na Tamasa sa gita ura sa vaivagabara jola sa na ona vairoqu vaialona sa vanigita pana tana Tuna isa sa roroqu vivitigia.
Na vairoqu lavata tana Tamasa
Ko tonai qa doro laoria ara sira na roiti sa roitiniria na Tamasa aipira poni sa qa toqo sori tutungu pa moena na Tamasa ko qa vavara lao tana sara. Na Tamada gu isa sa vaniria na isongo sira doru pupuku tinoni pa noka beto pa peso.
Ba ira doru qai vakamua ko qai vasosotoa sa nisongona isa, poni sa isa sa ianiria na neqi ko qai podo koburu tana Tamasa sira. Qaike podo pa soana kolena bi pa masa na orungu babi pa roroqu tana marene sira, goto na Tamasa tu mekana sa vapodoria.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Take aru loloai sa na oda vavaikamu pana toa vinatarasaena na Tamasa. Ira kaki sa qai tei toa vei tu ko sake jonga sa sa vei isa. Goto gita sa ta mekarai paranga vaivaneqi ura qu gigilaimiu agou sa na rane tana Bangara sa rijo tata lame sa kopira.
Mu vangaju veiniria na vavanau agou sira na vitigi qu tomeria. Na vitigi qu gosororia sa ulenia sa na Tamasa sa korapa veinigou na tuna sagou. Ura kepore sa kai koburu bike tavavanau pana tana tamana. Na Tamasa sa vavanauria sira doru tuna. Ko vei munake tavavanau sagou, poni sa nake tuna sosoto isa sagou goto na podo soanamiu gu. Ira gu na tamada pa peso ba tonai qai vavanaugita poni sa taqe pangaganiria tu. Ko sa poreveveina jola sa tana tutiria sira na vavanau tana Tamada pana Gagala ko tana toa. Ira na tamada mekada sa qai vavanaugita pana totoso papakana gu pana soana qai rove veinia sa tuvisi. Ba na Tamasa sa roiti vei ko mi tokanigita gita ko ta somana tekua sa na toa liosona vei sa toania isa sau.
Ko pana soana vei tugu isa sa gita sa na soku ba taqe tavakai tini gu pana oda kole kame tana Karisito, ko taqe vaiisongai lao lame sa gita doru.
Ko vei bi gosoria na vitigi sa kai kobu tini, sa doru kobu tini sa qai mekarai vitigi tugu. Vei bi tavatarasae sa kai kobu tini, poni sa doru kobu tini sa qai mekarai qeqera tugu.
Ko sa vei inara sa, agou kopira nake tinoni gotomiu beto nake tinoni karovomiu, goto kopira qu somana tavitiria gu ira na puku tinoni tana Tamasa beto qu somana pana ona tatamana. Ko agou ba qu kai muqisi podeke vei tugu na ruma sa tavaturu pa kokovana qai vatoqoa ira na tinoni tagarunudi beto ira na tinoni kokorotai, ko na Karisito mekana sa na patu poreveveina jola sa patubiti vamauria na ruma. Ko isa sa aru vaikamu vamauria sa na ruma doruna ko sa turu sae ko mina kai zelepade madina tana Bangara. Pana miu somana kole kame tavitia na Karisito sa agou beto ira doru sa qu korapa tugu taaru vaikamu pana roitina na susuverena ketakoi sa suvere na Gagalana na Tamasa.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Poni sa oe laoria i Jisu sira, pira sau, <<I sei sa na tinaqu beto ko ira sei sira na tasiqu marene ara?>> sauniria.
Beto sa doro vailivutainiria sira qai toqo pa vavailivutaina beto pira sauniria, <<Doro! Aipira tugu sira na tinaqu beto na tasiqu marene ara. Na tinoni sa roitinia isa vei sa nyoroguania na Tamasa sa isa tugu sa na tasiqu marene, na luluqu rereko, beto na tinaqu ara,>> sau sisa.
Na pinausu sa nake suvere togasana pa tatamana, goto na tuna tu sa na suvere togasana ketakoi ko mina kamua na kamua.
Poni sa pira sauniria i Jisu sira, <<Vei na Tamasa tugu sa bi tamamiu sosoto agou, poni bu roroqusiu tu sara, ura ara sa na koko lamequ tana Tamasa beto sa qa lame kamu lani. Ara sa qake lame pa qua neqi mekaqu, goto isa tu sa garunusiu.
Na Uana tana Tinoni Mamata lao tadira Goto Tinoni
Muke toke sasururia sira na baragoso goto mu paranga vaneqi veiniria na tamamu mekamu sira. Ira na marene koregadi mu veiniria na tasimu marene. Ira na qoqoele mu veiniria na tinamu. Ira na rereko koregadi mu veiniria na lulumu pana doru uana liosona.
Mu vainongoronia api agou ko! Sa vavagua jola sa na vairoqu tana Tamada, ko taqe tagigala na koburu tana Tamasa sa gita ko gita sa na koburu tana Tamasa sa kopira. Na kasia gusu sake gigilai sa gita sa na koburu tana Tamasa, ura na kasia gusu sake gigilai sa na Tamasa. Ka visa baere jonga, kopira na koburu tana Tamasa sa gita, ba na Tamasa sa oqoro vakabere vanigita sa ai tana tinoni vevei sa gita. Ba taqe gigila vatalea sa tonai mina bola votu na Karisito sa gita sa kode tana dogoro vei isa, ura kode tana dogoria sa na Karisito sosoto.
Ko inara sa vei sa totonai taqe korapa isongia gita sa na totoso, poni sa ta roiti laoniria na roiti jongadi tadira doru tinoni. Ba isa sa poreveveina jola sa gita ta roiti laoniria na roiti jongadi tadira na tinoni ira gita taqe kai tatamana pana tutina na Karisito.