Família de Deus

A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.

Adotados por Deus

Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.

15 Sababu Ma Ngagara 'Ofi-'Ofi ga’a Ma Jou’ongu Madutu 'a pula’a ra ngini, si’a’a ua ngini ni dadi ngowa’a budaka, singadolo ngini ni 'ahu mojongo ma hukumu ra Ma Jou’ongu Madutu. Siḏibo ḏi’i, Ma Ngagara 'Ofi-'Ofi 'i si’a’a ngini dadi Unanga 'ai ngowa-ngowa’a nau’u. Re sababu Ma Ngagara 'Ofi-'Ofi ma kuasa, ngene nga’unu wo 'aro’o Ma Jou’ongu Madutu, "Baba, ngene nanga Ḇaḇa." 16 Ma Ngagara 'Ofi-'Ofi masiretene 'i sisakisi mamete’e ra ngene nanga roh, mangale ngene Ma Jou’ongu Madutu 'ai ngowa-ngowa’a. 17 Re sababu ngene Unanga 'ai ngowa-ngowa’a, tantu ḏua ḏuanga i’a ngene wo sanga warisi ga’a Unanga 'o sidodahe di’a 'Ai ngowa-ngowa’a. Re ngene ḏuanga i’a sanga warisi gena-ge mamete’e ra Kristus. Sababu toma dungia nena-ne ngene wo sanga sikisa ma tero sa’olo Kristus, dadi ḏuanga i’a ngene wo sanga 'Ai mulia ma balangu ḏi’i.

Romanos 8:15-17

4 Mada’a wakutu ma 'orasa ri ngadolo, ga’a Ma Jou’ongu Madutu ro sitantukanga pasala ḏua, Unanga 'o siḏingoto 'ai Ngowa’a Nau’u sapolo toma dungia. Re we-were’a matengo mu sibuoro Unanga. Sababu gena-ge sa’olo ngowa’a Yahudi, Unanga balasu 'o ta’aloko ra Musa 'ai hukumu. 5 Unanga 'o sapolo di’a 'O tuusu ngowa-ngowa’a ga’a Musa 'ai hukumu 'i parenta manga 'ahu, la ngene nyengara wo dadi Ma Jou’ongu Madutu 'ai ngowa-ngowa’a nau’u.

6 Re sababu ngini mode-mode’e reni dadi Ma Jou’ongu Madutu 'ai ngowa-ngowa’a nau’u, Unanga gena-ge 'o siḏingoto 'Ai Ngowa’a Nau’u 'Ai Roh, di’a 'i osama ra ngini ninga 'akala re sinyingara ma dara. 'Ai Roh gena-ge 'i munara ra ngini ninga 'akala re sinyingara ma dara singadolo ngene nyengara wo maḏigaro’o ra Ma Jou’ongu Madutu, "Baba, 'ari Ḇaḇa!" 7 Sababu gena-ge, 'orasa nange-ne, ngini ni dadi budaka riwara mada’a reni dadi Ma Jou’ongu Madutu 'ai ngowa-ngowa’a nau’u. Sababu gena-ge, ngini reni dadi warisi ma jengeta’a ḏi’i re Ma Jou’ongu Madutu ḏuanga i’a 'o pula’a 'ai barakati mo-moini ra ngini, ga’a Unanga ro sijaji pasala ḏua.

Gálatas 4:4-7

26 Siḏibo ḏi’i, sababu ngini reni ngaku Kristus Yesus, ngini mo-moini ni dadi Ma Jou’ongu Madutu 'ai ngowa-ngowa’a. 27 Re sababu ngini mo-moini reni sanga baptis ra Kristus 'ai lomanga, ngini reni dawongo Kristus ma tero sa’olo ni mapake 'Ai pakeanga. 28 Sababu gena-ge, ngini mo-moini ni ma tero: bae Yahudi bolo Yahudi ua, bae budaka bolo budaka ua, bae na-nau’u bolo we-were’a. Gena-ge 'i dadi sababu ngini mo-moini ni marimoi ra Kristus Yesus.

Gálatas 3:26-28

5 'Ua re 'au wali moju, sababu Ma Jou’ongu Madutu 'o dadalara ngene Unanga ro sitantukanga 'o 'oro ngene sa’olo 'ai ngowa-ngowa’a nau’u madutu. Gena-ge ri dadi sababu Yesus Kristus 'ai se-sengene. Mo-moini gena-ge Ma Jou’ongu Madutu 'a si’a’a mete’e Unanga 'ai mau, la sisanangi Unanga 'ai 'akala re sinyingara. 6 Sababu gena-ge, ngene wo puji re silamo’o Ma Jou’ongu Madutu sababu Unanga 'ai mura re dadalara lai lamo’o ra ngene. Unanga ro sijumu mode-mode’e 'ai mura re dadalara sababu ngene rewo marimoi ra Yesus. Unanga gena-ge ga’a Ma Jou’ongu Madutu 'U dadalara.

Efésios 1:5,6

Paulus 'o manyiata di’a jama’ata Efesus

14 Sababu mo-moini gena-ge, ngoi to maḏipolono di’a to manyiata ra Ma Jou’ongu Madutu, nanga Ḇaḇa. 15 Unanga ga’a Ro dadi ngowa’a ngaku Yesus mo-moini manga Ḇaḇa. Re ananga gena-ge raḏi dadi 'Ai ngitu re ngale: bae toma soroga, bae toma dungia.

Efésios 3:14,15

12 Mada’a 'a guna ḇato 'o dawongo re 'o ngaku Unanga, Unanga 'o pula’a haku ra ananga di’a 'aḏi dadi Ma Jou’ongu Madutu 'ai ngowa-ngowa’a. 13 Ananga gena-ge 'aḏi dadi ua Ma Jou’ongu Madutu 'ai ngowa-ngowa’a, sababu manga ete re dotumu, bolo manusia manga nyafusu, bolo nau’u 'ai nyafusu. Mada’a ananga gena-ge 'aḏi dadi Ma Jou’ongu Madutu 'ai ngowa-ngowa’a sababu 'ahu su-sungi ga’a ma 'asala ra Unanga.

João 1:12,13

A comunidade de fé

Não abandonem a congregação. Somos um corpo em Cristo, membros uns dos outros, chamados a amar e a servir.

25 Ino ngene wo malomu tau-taunu. Awa ngene ma tero sa’olo ngowa’a lelegu ga’a 'aḏi malomu riwara. Siḏibo ḏi’i, ngene balasu lebe cufala ma’u babata matengo re matengo di’a malomu, sababu ngene wo waro mangale ti’ara riwara Ma Jou ḏuanga i’a 'o sapolo moju.

Hebreus 10:25

7 Dadi, wakutu ngini ni sanga sangisara, balasu ni tahana. Sababu Ma Jou’ongu Madutu 'o pake sangisara di’a 'O doto’o ngini ma tero sa’olo ḇaḇa 'o pake hukumu di’a 'o doto’o 'ai ngowa’a nau’u. Sanga ua, ḇaḇa 'o doto’o 'ai ngowa’a nau’u so’o gena-ge ua. 8 Na’o ngini sanga hukumu ua taninga ḇaḇa toma dungia nena-ne, ngini ngimono madutu ua. So’o gena-ge Ma Jou’ongu Madutu 'o pake sangisara di’a doto’o 'ai ngowa’a nau’u mo-moini. Na’o so’o gena-ge ua, ngene 'Ai ngowa’a nau’u ua, mada’a ngowa’a haram. 9 Sidogo ḏi’i, ngene renanga ḇaḇa toma dungia, unanga na sihukumu di’a doto’o ngene, re dadi ngene wo silamo’o unanga, ma la-lamo’o i’a ḏi’i nanga Ḇaḇa toma soroga! Tantu ḏua ngene lebe wo ta’aloko ra Unanga, la ngene sanga 'ahu kasingado-ngadolo i’a. 10 Nanga ḇaḇa toma dungia nena-ne, ananga 'aḏi sihukumu di’a 'aḏi doto’o ngene toma dungia mete’e 'oru ga’a la-la tamanga fikirana re pa’i ti’ara ua. Mada’a Ma Jou’ongu Madutu 'o pake sangisara di’a doto’o ngene mete’e 'oru ga’a la-la di’a ngene, la wo dadi 'ofi-'ofi mamete’e ra Unanga.

Hebreus 12:7-10

5 So’o gena ḏi’i di’a ngene: Ngene lao repe mada’a rewo dadi ma tero sa’olo lese rimoi, sababu wo marimoi ra Kristus. Sidogo ḏi’i, ngene matengo re matengo ma’u marimoi, sababu wo lese moi.

Romanos 12:5

26 Na’o bageanga rimoi enanga 'i siḏi, bageanga mo-moini 'i basono siḏi. Na’o bageanga rimoi ngowa’a ya sitoro, bageanga mo-moini 'i maroanga.

1 Coríntios 12:26

19 Sababu gena-ge, 'au nga’ene ngini ga’a ngowa’a Yahudi ua ma tero sa’olo ngowa’a tagi-tagi ino, toma 'orasa nange-ne, so’o gena-ge riwara. Siḏibo ḏi’i, ngini reni dadi Ma Jou’ongu Madutu 'ai 'umata, re reni osama nyo-nyoimi ra Ma Jou’ongu Madutu 'ai ngitu re ngale. 20 Ngini ḏi’i ma tero sa’olo maḏi ga’a ngowa’a ya sifato toma wala ma bangini ma re’u. Bangini gena-ge ma tero sa’olo Yesus 'ai so-soma’a re nabi-nabi re bangini ma maḏi ma re’u i’a gena-ge Kristus Yesus. 21 Wala gena-ge 'i te’e sababu 'i simomi’i toma bangini ma maḏi ma re’u i’a, gena-ge Kristus Yesus ga’a 'A dogo lebe lamo’o i’a singadolo 'i dadi Ma Jou’ongu Madutu 'ai Wala ga’a 'i patasa di’a Unanga. 22 Sababu ninga 'ahu marimoi ra Kristus, ngini ḏi’i ni mamete’e reo ngowa’a lelegu, ni simomi’i sa’olo wala ḏu moi di’a Ma Jou’ongu Madutu. Wala gena-ge, Ma Ngagara 'Ofi-'Ofi 'i tegoro.

Efésios 2:19-22

Quem é minha família?

Jesus disse: quem faz a vontade de Deus, esse é meu irmão e irmã. A família de Deus inclui todos os que creem.

33,34 Unanga 'a sangoro, "Ngoi 'ari ngina ngo guna? Ngoi 'ari ioro re 'Ari nongoḏu 'a guna?" Ḏua Unanga 'o tatamo i’a toma ngowa’a repe gena-ge ga’a sigoloḏi re 'o kanau, "Ngini nena-ne ngoi 'ari ngina re 'Ari ioro re 'Ari nongoḏu ḏi’i! 35 'A guna ḇato 'o 'a’a re 'o mete’e Ma Jou’ongu Madutu 'ai 'akala ma mau, ananga gena-ge Ngoi 'ari ngina re 'Ari ioro re nongoḏu re 'Ari biḏanga."

Marcos 3:33-35

35 Re ngowa’a budaka, unanga 'o sanga ngi’i tatapu ua toma tuanga 'ai ngitu re ngale. Mada’a na’o tuanga 'ai ngowa’a nau’u, tantu ḏua unanga gena-ge 'o sanga ngi’i tatapu kasingado-ngadolo i’a.

João 8:35

42 Ḏua Yesus 'o kanau ra ananga, "Na’o mode-mode’e Ma Jou’ongu Madutu ngini ninga Ḇaḇa, ngini ni dadalara Ngoi, sababu Ngoi reto sapolo ra Ma Jou’ongu Madutu ino re nange-ne Ngoi 'ane. Ngoi reto sapolo mete’e Ngoi 'ari 'akala ma mau masiretene ua, mada’a Unanga ga’a Ro 'utusu Ngoi, Unanga gena-ge 'Ai 'akala ma mau.

João 8:42

Ma duhu sa’olo sioḏi’i ngowa-ngowa’a ngaku Yesus matengo re matengo

1 Awa ngana no ḇangata ngowa’a 'aḏi ioro i’a rani demo lai te’e, mada’a na’u ajele ma ngale la-la ma tero sa’olo ngowa’a gena-ge 'ani ḇaḇa. Ngowa’a ra-ramasa ie na’u ajele ma ngale sa’olo 'ani nongoḏu. 2 re we-were’a ioro i’a, na’u ajele ma ngale sa’olo 'ani ngina, re were’a mosolese na’u ajele ma ngale rani 'akala re sinyingara 'ofi-'ofi sa’olo ni biḏanga madutu.

1 Timóteo 5:1,2

Ma Jou’ongu Madutu 'ai ngowa-ngowa’a

1 Ngene mode-mode’e wo heranga ma duhu sa’olo Ma Jou’ongu Madutu na dadalara ngene: Ngene nena-ne, Unanga 'o si’aro’o 'Ai ngowa-ngowa’a! Re mode-mode’e ngene Ma Jou’ongu Madutu 'ai ngowa-ngowa’a! Ngowa’a ga’a ngaku Yesus ua 'aḏi mangaku ua ngene sa’olo Ma Jou’ongu Madutu 'ai ngowa-ngowa’a, sababu ananga gena-ge 'aḏi nana’o Ma Jou’ongu Madutu ua. 2 Ioronongoḏu ngo-ngaku rimoi ngoi tunu dadalara! Kalaha ngene nange-ne Ma Jou’ongu Madutu 'ai ngowa-ngowa’a, ngene wo waro nyangu mangale ḏuanga i’a nanga ḏe-ḏegoro ma duhu sa’olo. Sababu Ma Jou’ongu Madutu na siajele nyangu. Mada’a ngene rewo waro wakutu Kristus dadunu 'o sapolo moju, ngene wo dadi sa’olo Unanga, sababu wo oḏi’i Unanga 'ai ḏe-ḏegoro 'i ti-tiai.

1 João 3:1,2

10 Sababu gena-ge, 'age renanga donga moju ra ngene, ngene balasu wo madaga’a 'ori i’a ma la-la ra guna ḇato, ma la-lamo’o i’a toma ngowa-ngowa’a ga’a manga ngo-ngaku 'i marimoi ra ngene.