Família de Deus

A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.

Adotados por Deus

Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.

15 Ntɔn bɛ làwɛl anki dweelà làmwɛy lan’kwo mubuul bɛ asɔ anà mukàlapà bɔɔmà, wɛɛ Dweelà mwɛy afàlabuul bàŋàywaaŋ nkà, waa anà bi ikuub in’kwɛŋ: « Wɔɔ Taa! » 16 Dweelà nde ŋakwo afàtà imbäl akà dweelà abi naa bi ibà baan a Nzam. 17 Abun, ntɔn bi ibà baan, bi sye ibà akyee a kwal: akyee a Nzam anà akyee a kwal mbwo mwɛy anà Klistɔ, ntɔn bi ban’wal yar unsà mpay ande, bi sye isàwal yar unsà làkoo ande.

Romanos 8:15-17

4 Wɛɛ umpal làkwe taaŋ, Nzam kàtöm Mwan ande: bun’bör akà un’kaar mwɛy, bun’bör ungyɛl a un’kɔɔn, 5 ntɔn mutsuuŋ baar bàkäl ungyɛl a un’kɔɔn, ntɔn bi ibulà baan aŋàywaaŋ nkà.

6 Ntɔn làbà bɛ baan, Nzam waa kàtöm Dweelà a Mwan ande uboo a mpem abi, Dweelà afàsà un’kwɛŋ naa: « Aba » iswaŋà naa Taa! 7 Kyakin, ngye afàkal un’tsüüŋ anki, wɛɛ mwan. Ngye sye awà ikyee asànaa amà an’yilà a Nzam.

Gálatas 4:4-7

26 Ntɔn bɛ banswà, bɛ làbà baan a Nzam u mbwo a làkwikilà amu Yɛsu Klistɔ. 27 Inye, bɛ banswà abà làwɛl ndüümà amu Klistɔ, bɛ làkyàbwaar Klistɔ. 28 Kyakin, Un’yudà itàkal Un’gɛlɛki ufàkal anki. Un’tsüüŋ itàkal un’nsaay ufàkal anki. Baal itàkal un’kaar ufàkal anki. Ntɔn bɛ banswà làbà mwɛy amu Yɛsu Klistɔ.

Gálatas 3:26-28

5 Nzam kilɔ̈ɔ̈n kusà mukal iywaaŋ nkà ande u mbwo a Yɛsu Klistɔ, mulab ukwen ande unsà ubwaŋ ande. 6 Abun, wɛy bi isyäŋà Nzam ntɔn kab a ntsà kipɛ nde amu Mwan ande wànkween.

Efésios 1:5,6

Ukwen a Klistɔ

14 Lalan, in’fàbwà mɛ an’köm kusà a Taa. 15 Ikɔb a bɔr lanswà, u du anà u mɛɛn, ifàfà amu nde,

Efésios 3:14,15

12 Wɛɛ akà baar bun’wɛl, akà baar bàfàsà làkwikilà kà ikɔb ande, nde kapɛ ikɔ̈b mubulà baan a Nzam. 13 Baar abanà babör anki unsà an’kil, itàkal unsà ukwen a ndür, itàkal unsà ukwen a mbuur, wɛɛ unsà ukwen a Nzam.

João 1:12,13

A comunidade de fé

Não abandonem a congregação. Somos um corpo em Cristo, membros uns dos outros, chamados a amar e a servir.

25 Bi twon ban’tiin nköŋ abi, asànaa bàyii baar bumwɛy. Wɛɛ, wɛy bi ipɛɛl ngwal, ntɔn bɛ làkimanà naa Ilä a Mwol kyàmusin.

Hebreus 10:25

7 Mpay làmànà bɛ yi yà ntɔn musuub bɛ. Nzam afàlawal asànaa baan. Nkye we anà mwan mpa ufun’weey taarànde? 8 Isàkal naa bɛ ntaaŋàmbar làfàwal anki asànaa bàfàwal baan banswà, iswaŋà naa bɛ làbà baan a mbɔ̈, kà baan a bɔr anki. 9 Bi bàkäl anà ataaràbi bàmɛɛn: ba bàfipaa ntaaŋàmbar anà bi ba bàfapaa làzir. Waa kamanà Taa a dweelà, nkye bi bun’wem anki ntɔn muwal mɔ̈ɔ̈? 10 Ataaràbi bipɛɛ ntaaŋàmbar u taaŋ ikikye, asànaa bàkweenà ba ŋakwo. Wɛɛ Nzam afipà ntaaŋàmbar ntɔn ubwaŋ abi, ntɔn bi ikäl bàŋin’kyɛɛl asànaa Nde.

Hebreus 12:7-10

5 Kyakin, itàkal naa bi ibà mbɔɔn, bi ibà ndür mwɛy unsà Klistɔ, ntɔn bi ibàŋàtüüb amwɛy anà bumwɛy, asànaa itiir a ndür mwɛy.

Romanos 12:5

26 Isàkal naa itiir imwɛy kyà anà usaay, itiir byanswà byan’kab usaay aban. Isàkal naa itiir imwɛy bàmusyäŋà, itiir byanswà byan’saŋ anà nde.

1 Coríntios 12:26

19 Abun, bɛ làfàkal anki angyey, itàkal alyaaŋ a mbwo, wɛɛ bɛ làbà aŋàbul mbwo mwɛy anà aŋin’kyɛɛl, baar a bɔr a Nzam. 20 Bɛ, bɛ bàkyàlabiil unsà ntööŋ, un’bään a ya antööm anà aŋangɔɔm, anà Klistɔ Yɛsu nde ŋakwo wà nkɔŋ a twɛrà. 21 Yà u mbwo ande, waa ndwà yanswà yàmutsim anà yàmuyɛl ntɔn mubulà idwà in’kyɛɛl unsà Mwol. 22 Amu nde, bɛ sye làbà mbwo mwɛy bàŋàbilà uboo a ntööŋ ntɔn mubulà ndwà a Nzam u mbwo a Dweelà.

Efésios 2:19-22

Quem é minha família?

Jesus disse: quem faz a vontade de Deus, esse é meu irmão e irmã. A família de Deus inclui todos os que creem.

33 Nde kafuur naa: « Maa anà atɔŋ amɛ bànà? » 34 Apan, nde kàler baar bàkäl aŋàbwaay apà nde, waa kàtɛn naa: « Làler maa anà atɔŋ amɛ! 35 Mbuur wanswà afàsyääl ukwen a Nzam, nde wà un’tɔŋ amɛ wàbaal, un’tɔŋ amɛ wà un’kaar anà maa. »

Marcos 3:33-35

35 Un’sɔ ufàbwaay anki ipepey u ndwà, wɛɛ mwan afàbwaay ipepey kwo.

João 8:35

42 Yɛsu kafuur naa: « Yàlàkal naa Nzam wà Taaràbɛ, bɛ làlàkyer an’kwen. Ntɔn mɛ, mɛ an’too amu Nzam anà mɛ sye an’fà kwo. Mɛ, mɛ kàyi anki a ukwen amɛ ŋakwo, wɛɛ Nde kan’töm.

João 8:42

Nsyääl ntɔn aŋàlàkwikilà

1 Twon aŋän a ngwal baal aŋànün, wɛɛ un’lɛɛl asànaa taaràŋà. Awɛl atö asànaa atɔŋ, 2 andweer akaar asànaa bàmaa, asyee asànaa ampääŋ, unsà mpem aŋàbwaŋ.

1 Timóteo 5:1,2

Baan a Nzam

1 Taaràbi kikwen mbɔɔn, lalan kipɛ nde kab: bi bibeelà baan a Nzam, ndandaa bi ibà abwɛy! Kyakin, mɛɛn miyöb anki, ntɔn ma màyöb anki Nzam. 2 Ankwen amɛ, sɛmà apanà bi ibà baan a Nzam, wɛɛ ayà isàkal bi ŋàtàmɛnà anki. Bi ikyàyöb naa umpal usàmɛnà nde, bi isàkal asànaa nde, ntɔn bi isuman asànaa awà nde.