Família
A família é a primeira instituição criada por Deus. Ele a projetou para ser escola de amor, fé e formação de caráter. A Bíblia honra a família e nos ensina a cuidar dela.
Eu e minha casa
Eu e minha casa serviremos ao Senhor. A família que serve a Deus juntos permanece unida e fortalecida em todas as circunstâncias.
ଇନ୍କିନ୍ କାଜିକିୟାକିନ୍, "ପ୍ରାଭୁ ୟୀଶୁରେ ବିଶ୍ୱାସେରେଦ, ଆମ୍ ଆଡଃ ଆମାଃ ଅଡ଼ାଃରେନ୍ ଜୀଉବାଞ୍ଚାଅପେ ନାମେୟା ।"
Criar os filhos
Instrui a criança no caminho em que deve andar. O lar é a primeira escola de fé e obediência.
ମିଆଦ୍ ସିଟିଆକେ ଏନ୍ ହରାରାଃ ଇନିତୁ ଉଦୁବାଇମେ, ଅକନ୍ ହରାରେ ସେନ୍ ଲାଗାତିଙ୍ଗ୍ ତାନା ଓଡ଼ୋଃ ଚିମ୍ତାଙ୍ଗ୍ ଇନିଃ ହାଡ଼ାମ୍କଆଃଏ ଇମ୍ତାଙ୍ଗ୍ ଏନାତେ କାଏ ଗେନାଅଃଆ।
ମିଆଦ୍ ସିଟିଆକେ ଏନ୍ ହରାରାଃ ଇନିତୁ ଉଦୁବାଇମେ, ଅକନ୍ ହରାରେ ସେନ୍ ଲାଗାତିଙ୍ଗ୍ ତାନା ଓଡ଼ୋଃ ଚିମ୍ତାଙ୍ଗ୍ ଇନିଃ ହାଡ଼ାମ୍କଆଃଏ ଇମ୍ତାଙ୍ଗ୍ ଏନାତେ କାଏ ଗେନାଅଃଆ।
ହେ ଆଇଁୟାଃ ହନ୍, ଆମାଃ ଆପୁରାଃ ଇନିତୁକେ ଆୟୁମେମ୍ ଓଡ଼ୋଃ ଆମାଃ ଏଙ୍ଗାରାଃ କାଜିକେ ଆଲମ୍ ବାଗିୟା। ଚିଆଃଚି ଏନା ଆମାଃ ବହଃ ନାଙ୍ଗ୍ ମାନାରାଙ୍ଗ୍ରାଃ ମୁକୁଟ୍ ଓଡ଼ୋଃ ହଟଃରାଃ ମାଲା ଲେକା ହବାୱା।
ଆପାଙ୍ଗିର୍ କାମିତାନ୍ ବିରୁଧ୍ରେ ଚେତାଅ କାଜି
ହେ ଆଇଁୟାଃ ହନ୍, ଆମ୍ ଆମାଃ ଆପୁରାଃ କାଜି ମାନାତିଙ୍ଗ୍ମେ ଓଡ଼ୋଃ ଏଙ୍ଗାରାଃ ଇନିତୁ ତେୟାଃକ ଆଲମ୍ ବାଗିୟା।
ହେ ଆପୁକ, ଆପେୟାଃ ହନ୍କକେ ଆଲ୍ପେ ଖିସ୍ଇଚିକଆ, ମେନ୍ଦ ଇନ୍କୁକେ ପ୍ରାଭୁଆଃ ଇନିତୁ ଆଡଃ ଚେନେତାଅତେ ଜାତ୍ନାଅକପେ ।
ହେ ଆପୁକ, ଆପେୟାଃ ହନ୍କକେ ଆଲ୍ପେ ଖିସ୍ଇଚିକଆ, ମେନ୍ଦ ଇନ୍କୁକେ ପ୍ରାଭୁଆଃ ଇନିତୁ ଆଡଃ ଚେନେତାଅତେ ଜାତ୍ନାଅକପେ ।
ହନ୍କ ଆଡଃ ଏଙ୍ଗାଆପୁକ
ଏ ହନ୍କ, ପ୍ରାଭୁଆଃ ନାଗେନ୍ତେ ଆପେୟାଃ ଏଙ୍ଗାଆପୁକକେ ମାନାତିଙ୍ଗ୍କପେ, ଚିୟାଃଚି ନେଆଁଁଗି ଠାଉକାତେୟାଃ ତାନାଃ । "ଆପେୟାଃ ଏଙ୍ଗାଆପୁକକେ ମାଇନ୍କପେ" ନେଆଁଁ ବାନାର୍ସାରେ ମେସାକାନ୍ ମିଆଁଦ୍ ପାହିଲା ଆନ୍ଚୁ ତାନାଃ ।
Honrar e amar
Honra teu pai e tua mãe. A família funciona com perdão, paciência e amor incondicional entre todos os seus membros.
"ଆପେ ଆପେୟାଃ ଏଙ୍ଗା ଓଡ଼ୋଃ ଆପୁକିନ୍କେ ମାଇନ୍କିନ୍ପେ। ଏନ୍ତେ ପ୍ରାଭୁ ଆପେୟାଃ ପାର୍ମେଶ୍ୱାର୍ ଆପେକେ ଅକନ୍ ଦିଶୁମ୍ ଏମାପେୟାଏ, ଏନ୍ ଦିଶୁମ୍ରେ ଆପେ ପୁରାଃ ସିର୍ମା ତାଇନାଃପେ।
"ଆପେ ଆପେୟାଃ ଏଙ୍ଗା ଓଡ଼ୋଃ ଆପୁକିନ୍କେ ମାଇନ୍କିନ୍ପେ। ଏନ୍ତେ ପ୍ରାଭୁ ଆପେୟାଃ ପାର୍ମେଶ୍ୱାର୍ ଆପେକେ ଅକନ୍ ଦିଶୁମ୍ ଏମାପେୟାଏ, ଏନ୍ ଦିଶୁମ୍ରେ ଆପେ ପୁରାଃ ସିର୍ମା ତାଇନାଃପେ।
ଏଙ୍ଗା ଆପୁକିନ୍କେ ମାନାତିଙ୍ଗ୍କିନ୍ମେ, ଆଡଃ ଆମାଃ ହପର୍ଜାପାଃରେନ୍କକେ ଆମ୍ଲେକା ଦୁଲାଡ଼୍କମେ ।"
କଡ଼ାକୁଡ଼ିବାଗିରେୟାଃ ଇନିତୁ
ୟୀଶୁ ନେଆଁଁ କାଜି ଚାବାକେଦ୍ଚି ଗାଲିଲ୍ ବାଗିକେଦ୍ତେ ଯାର୍ଦାନ୍ନାହିଁ ହାନ୍ପାରମ୍ ଯିହୁଦା ପାର୍ଗାନ୍ତେ ସେନଃୟାନା । ପୁରାଃ ଗାଦେଲ୍ ହଡ଼କ ଇନିଃକେକ ଅତଙ୍ଗ୍କିୟା ଆଡଃ ଇନିଃ ଏନ୍ତାଃରେ ଦୁକୁହାସୁତାନ୍କକେ ବୁଗିକେଦ୍କଆଏ ।
ଚିମିନ୍ ଫାରୁଶୀକ ଆୟାଃତାଃତେ ବିଡ଼ାଅ ନାଗେନ୍ତେକ ହିଜୁଃୟାନା ଆଡଃ କୁଲିକିୟାକ, "ମୁଶାରାଃ ଆଇନ୍ ଲେକାତେ, ଚିୟାଃ କଡ଼ା ଆୟାଃ କୁଡ଼ିକେ ଜେତାନ୍ କାଜି ନାଗେନ୍ତେ ବାଗିଦାଡ଼ିୟାଏ ଚି କାହା ?"
ଇନିଃ କାଜିରୁହାଡ଼ାଦ୍କଆଏ, "ଧାରାମ୍ପୁଥିରେ କାପେଚି ପାଢ଼ାଅକାଦା, ବାବାଇନିଃ ମୁନୁରେ ଏନ୍ ବାରାନ୍କିନ୍କେ, କଡ଼ା ଆଡଃ କୁଡ଼ି ବାଇକେଦ୍କିନାଏ ? ଆଡଃ ପାର୍ମେଶ୍ୱାର୍ କାଜିକେଦାଏ, ‘ଏନା ନାଗେନ୍ତେ ହଡ଼ ଆୟାଃ ଏଙ୍ଗା ଆପୁକିନ୍କେ ବାଗିକେଦ୍ତେ ଆୟାଃ କୁଡ଼ିଲଃ ମିଦଃଆଏ, ଆଡଃ ଇନ୍କିନ୍ ବାରାନ୍କିନ୍ ମିଦଃଆକିନ୍ ।’ ଏନାମେନ୍ତେ ଇନ୍କିନ୍ ବାରିଆ ହଡ଼୍ମ ନାହାଁଲାଃକିନ୍, ମେନ୍ଦ ମିଆଁଦ୍ ହଡ଼୍ମତାନ୍କିନ୍, ଏନା ନାଗେନ୍ତେ ପାର୍ମେଶ୍ୱାର୍ ମିଦ୍ରେ ତଲାକାଦ୍ତେୟାଃ ହଡ଼ ଆଲକାଏ ବିନ୍ଗାଏକା ।"
ଫାରୁଶୀକ ୟୀଶୁକେ କୁଲିକିୟାକ, "ତାବ୍ଦ ମୁଶା ଚିନାଃମେନ୍ତେ କୁଡ଼ିକେ ବାଗିରେଆଃ ଅନଲ୍ଚିଠା ଏମ୍କେଦ୍ତେ ବାଗିକପେ ମେନ୍ତେ ଆଇନ୍ରେ ଆଚୁକାଦା ?"
ୟୀଶୁ କାଜିରୁହାଡ଼ାଦ୍କଆଏ, "ମୁଶାଦ ଆପେୟାଃ କେଟେଦ୍ମନ୍ ନାଗେନ୍ତେ ଆପେୟାଃ କୁଡ଼ିକକେ ବାଗି ଚିକାଦ୍ପେୟାଏ, ମେନ୍ଦ ଅତେଦିଶୁମ୍ରେୟାଃ ମୁନୁରାଃ ସିଦାରେ ଏନ୍ଲେକା କା ତାଇକେନା । ଆଇଙ୍ଗ୍ ଆପେକେ କାଜିୟାପେ ତାନାଇଙ୍ଗ୍, ଜେତାଏ ହଡ଼ ଆପାଙ୍ଗିର୍ କାମି ବେଗାର୍ ଏଟାଃ କାଜି ନାଗେନ୍ତେ ଆୟାଃ କୁଡ଼ିକେ ବାଗିକେଦ୍ତେ ଏଟାଃ କୁଡ଼ିକେ ଆଣ୍ଦିୟଃରେ ଆପାଙ୍ଗିର୍ କାମି କାମିୟାଏ ଆଡଃ ଇନିଃ ଆଇଃକ୍ଗି ଆପାଙ୍ଗିର୍ନିଃ ହବାଅଃଆଏ ।"
ଚେଲାକ ୟୀଶୁକେ କାଜିକିୟାକ, "କଡ଼ା ଆଡଃ ଆୟାଃ କୁଡ଼ିଆଃ ଥାଲାରେ ନେ ଲେକା ହବାଅଃତାନ୍ରେଦ ଆଣ୍ଦି କା ବୁଗିନାଃ ।"
ୟୀଶୁ ଇନ୍କୁକେ କାଜିରୁହାଡ଼୍କେଦ୍କଆଏ, "ସବେନ୍ ହଡ଼କ ନେ ଇନିତୁ କାକ ମାନାତିଙ୍ଗ୍ ଦାଡ଼ିୟା, ମେନ୍ଦ ପାର୍ମେଶ୍ୱାର୍ ଏନା ଅକନ୍କକେ ଏମାକାଦ୍କଆଏ, ଇନ୍କୁ ଏସ୍କାର୍ଗି ଦାଡ଼ିୟାକ । ଚିୟାଃଚି ଚିମିନ୍ ଚାକୁରାକ ମେନାକଆ, ଇନ୍କୁ ଏନ୍ଲେକାଗିକ ଜାନାମାକାନା, ଆଡଃ ଏଟାଃ ଚିମିନ୍କ ହଡ଼କଆଃତେ ଚାକୁରାକ ବାଇୟାକାନା, ଆଡଃ ଏଟାଃକ ସିର୍ମା ରାଇଜ୍ରାଃ କାମି ନାଗେନ୍ତେ କାକ ଆଣ୍ଦିନ୍ତାନା । ନେୟାଁ ମାନାତିଙ୍ଗ୍ ଦାଡ଼ିନିଃ ମାନାତିଙ୍ଗ୍ୟେଁକାଏ ।"
ୟୀଶୁ ହୁଡିଙ୍ଗ୍ ହନ୍କକେ ଆଶିଷ୍କେଦ୍କଆଏ
ଏନ୍ତେ ୟୀଶୁ ହନ୍କଆଃ ଚେତାନ୍ରେ ତିଃଇ ଦହକେଦ୍ତେ ବିନ୍ତିକାଏ ମେନ୍ତେ ହଡ଼କ ହୁଡିଙ୍ଗ୍ ହନ୍କକେ ୟୀଶୁତାଃତେକ ଆଉକେଦ୍କଆ ମେନ୍ଦ ଚେଲାକ ଇନ୍କୁକେକ ମାରାଙ୍ଗ୍ମଚାକେଦ୍କଆ । ୟୀଶୁ ମେତାଦ୍କଆଏ, "ହୁଡିଙ୍ଗ୍ ହନ୍କକେ ଆଇଙ୍ଗ୍ତାଃତେ ହିଜୁଃଇଚିକପେ ଆଡଃ ଇନ୍କୁକେ ଆଲ୍ପେ ମାନାକଆ, ଚିୟାଃଚି ସିର୍ମା ରାଇଜ୍ଦ ନେ ହନ୍କ ଲେକାନ୍କଆଃ ତାନାଃ ।"
ଏନ୍ତେ ଇନ୍କୁ ଚେତାନ୍ରେ ତିଃଇ ଦହକେଦ୍ତେ ଆଶିଷ୍କେଦ୍କଆଏ ଆଡଃ ଇନିଃ ଏନ୍ତାଃଏତେ ସେନଃୟାନା ।
କିସାଁଣ୍ ଧାଙ୍ଗ୍ଡ଼ା
ମିଆଁଦ୍ ଧାଙ୍ଗ୍ଡ଼ା ୟୀଶୁତାଃତେ ହିଜୁଃୟାନା ଆଡଃ କୁଲିକିୟାଏ, "ହେ ଗୁରୁ, ଜାନାଅ ଜୀଦାନ୍ ନାମେ ନାଗେନ୍ତେ ଆଇଙ୍ଗ୍କେ ଚିକାନ୍ ବୁଗିନ୍ କାମି ରିକା ଲାଗାତିଙ୍ଗ୍ୟାଁଃ ?"
ୟୀଶୁ କାଜିରୁହାଡ଼୍କିୟାଏ, "ଚିକାନାଙ୍ଗ୍ ଆଇଙ୍ଗ୍କେ ଅକ୍ନାଃ ବୁଗିନ୍ ବିଷାଏ ତାନାଃ ମେନ୍ତେମ୍ କୁଲିଙ୍ଗ୍ତାନା ? ପାର୍ମେଶ୍ୱାର୍ ଏସ୍କାର୍ ବୁଗିନ୍ନିଃ ତାନିଃ । ମେନ୍ଦ ଆମ୍ ଜୀଦାନ୍ରେ ବଲ ନାଗେନ୍ତେ ସାନାଙ୍ଗ୍ତାନ୍ରେଦ, ପାର୍ମେଶ୍ୱାର୍ଆଃ ଆନ୍ଚୁକ ମାନାତିଙ୍ଗ୍ମେ ।"
ଇନିଃ ୟୀଶୁକେ କୁଲିକିୟାଏ, "ଅକନ୍ ଆନ୍ଚୁକ ?"
ୟୀଶୁ କାଜିରୁହାଡ଼୍କିୟାଏ, "ହଡ଼ ଆଲମ୍ ଗଜିୟା, ଆଲମ୍ ଆପାଙ୍ଗିରାଃ, ଆଲମ୍ କୁମ୍ବୁଡ଼ୁଆଃ, ହସଡ଼ଗାୱା ଆଲମାଃ, ଏଙ୍ଗା ଆପୁକିନ୍କେ ମାନାତିଙ୍ଗ୍କିନ୍ମେ, ଆଡଃ ଆମାଃ ହପର୍ଜାପାଃରେନ୍କକେ ଆମ୍ଲେକା ଦୁଲାଡ଼୍କମେ ।"
ଏନ୍ ଧାଙ୍ଗ୍ଡ଼ା କାଜିରୁହାଡ଼୍କିୟାଏ, "ଏନ୍ ସବେନ୍ ଆନ୍ଚୁକଇଙ୍ଗ୍ ମାନାତିଙ୍ଗ୍କାଦା ଆଡଃ ଚିକ୍ନାଃ ଆଇଙ୍ଗ୍କେ ରିକା ଲାଗାତିଙ୍ଗ୍ୟାଁଃ ?"
ୟୀଶୁ କାଜିରୁହାଡ଼୍କିୟାଏ, "ପକ୍ତାମ୍ ସାନାଙ୍ଗ୍ତାନ୍ରେଦ, ମିଆଁଦ୍ କାଜି ଆମ୍କେ ରିକା ଲାଗାତିଙ୍ଗ୍ୟାଁଃ, ଜୁ, ଆମାଃ ସବେନାଃ ଆଖ୍ରିଙ୍ଗ୍କେଦ୍ତେ ରେଙ୍ଗେଃକକେ ହାଟିଙ୍ଗ୍ଆଁକମ୍, ଆଡଃ ଆମ୍ ସିର୍ମାରେ ଖୁର୍ଜିମ୍ ନାମେୟା । ଏନ୍ତେ ରୁହାଡ଼୍କେଦ୍ତେ ଅତଙ୍ଗ୍ଇଙ୍ଗ୍ମେ ।"
ଏନ୍ ଧାଙ୍ଗ୍ଡ଼ା ନେ’କାଜି ଆୟୁମ୍କେଦ୍ତେ ହୁଡିଙ୍ଗ୍ଜୀଉୟାନ୍ତେ ସେନଃୟାନା ଚିୟାଃଚି ଇନିଃ ପୁରାଃଗି କିସାଁଣ୍ ତାଇକେନାଏ ।
ୟୀଶୁ ଆୟାଃ ଚେଲାକକେ କାଜିୟାଦ୍କଆଏ, "ସାର୍ତିଗିଙ୍ଗ୍ କାଜିୟାପେତାନା, କିସାଁଣ୍ ହଡ଼କନାଙ୍ଗ୍ ସିର୍ମା ରାଇଜ୍ରେ ବଲଃ ପୁରାଃଗି ହାମ୍ବାଲାଃ । ଆଡଃଗିଇଙ୍ଗ୍ କାଜିପେତାନା, ପାର୍ମେଶ୍ୱାର୍ଆଃ ରାଇଜ୍ରେ କିସାଁଣ୍ ହଡ଼ ବଲ ଦାଡ଼ିଏତେ, ସୁଇ ଉଣ୍ଡୁଃରେ ଉଁଟ୍ ପାରମଃତେୟାଃ ରାୱାଲାଃ ।"
ଚେଲାକ ନେଆଁଁ ଆୟୁମ୍କେଦ୍ତେ ପୁରାଃଗିକ ଆକ୍ଦାନ୍ଦାଅୟାନା, ଆଡଃ ଆକ ଆକରେକ କୁପ୍ଲିୟାନା, "ତାବ୍ଦ ଅକଏ ଜୀଉ ବାଞ୍ଚାଅ ନାମ୍ ଦାଡ଼ିୟାଏ ?"
ୟୀଶୁ ଇନ୍କୁକେ ଆରିଦ୍କେଦ୍ତେ କାଜିକେଦ୍କଆଏ, "ହଡ଼କ ନାଗେନ୍ତେ ନେଆଁଁ କା ଦାଡ଼ିୟଃ କାମିତାନା ମେନ୍ଦ ପାର୍ମେଶ୍ୱାର୍ତେ ହବାଦାଡ଼ିୟଆଃ ।"
ଏନ୍ତେ ପାତ୍ରାସ୍ କାଜିକିୟାଏ, "ନେଲେମେ, ଆଲେଦ ସବେନାଃ ବାଗିକେଦ୍ତେ ଆମ୍କେଲେ ଅତଙ୍ଗ୍କେଦ୍ମେୟାଁ । ଆଲେ ଚିକ୍ନାଃଲେ ନାମେୟା ?"
ୟୀଶୁ ଇନ୍କୁକେ ମେତାଦ୍କଆ, "ସାର୍ତିଗିଙ୍ଗ୍ କାଜିୟାପେ ତାନାଇଙ୍ଗ୍, ସବେନାଃରାଃ ନାୱାଗି ବାଇରୁହାଡ଼୍କେଦ୍ତେ, ମାନୱାହନ୍ ଆୟାଃ ମାନାରାଙ୍ଗ୍ରେୟାଃ ରାଜ୍ଗାଦିରେ ଦୁବାଃଏ ଇମ୍ତା ଆପେ ଆଇଙ୍ଗ୍କେ ଅତଙ୍ଗ୍କାଦିଙ୍ଗ୍କଗି ଗେଲ୍ବାର୍ ରାଜ୍ଗାଦିରେ ଦୁବ୍କେଦ୍ତେ ଇସ୍ରାଏଲ୍ରେନ୍ ଗେଲ୍ବାର୍ କିଲିକଆଃ ଚେତାନ୍ରେ ରାଇଜେୟାପେ । ଆଡଃ ଜେତାଏ ହଡ଼ ଆଇଙ୍ଗ୍ ମେନ୍ତେ ଅଡ଼ାଃ ଚାଏ ହାଗା ଚାଏ ମିଶି ଚାଏ ଆପୁ ଚାଏ ଏଙ୍ଗା ଚାଏ ହନ୍ଗାଁଣା ଚାଏ ଅତେହାସା ବାଗିତାରେଦ, ଇନିଃ ଏନା ସାଅଗୁନା ଆଦ୍କାଏ ନାମେୟା ଆଡଃ ଜାନାଅ ଜାନାଅରେୟାଃ ଜୀଦାନ୍ ନାମେୟାଏ । ମେନ୍ଦ ପୁରାଃ ଆୟାର୍ରେନ୍କ ତାୟମଃଆ ଆଡଃ ତାୟମ୍ରେନ୍କ ଆୟୁରଃଆ ।
ମେନ୍ଦ ମିହୁଡ଼୍ ଆଡଃମିହୁଡ଼୍ଲଃ ଦାୟା ଆଡଃ ଲେବେଃ ମନ୍ସୁରୁଦ୍ ହବାଅଃପେ ଆଡଃ ଖ୍ରୀଷ୍ଟ୍ଆଃ ହରାତେ ପାର୍ମେଶ୍ୱାର୍ ଆପେକେ ଛାମାକାଦ୍ପେ ଲେକାଗି ଆପେ ମିହୁଡ଼୍ ଆଡଃମିହୁଡ଼୍କେ ଛାମାକପେ ।
ମେନ୍ଦ ନେଆଁଁ ଆପେ ନାଗେନ୍ତେୟଗି ଲାଗାତିୟାଁ । ମିମିଆଦ୍ କଡ଼ା ଆପ୍ନାଃ କୁଡ଼ିକେ ଆପ୍ନାଃ ଲେକାଗି ଦୁଲାଡ଼ିକାଏ ଆଡଃ ମିମିଆଦ୍ କୁଡ଼ି ଆପ୍ନାଃ କଡ଼ାକେ ମାଇନ୍ ଲାଗାତିଙ୍ଗ୍ୟାଁଃ ।
ଜେତାଏ ପାର୍ମେଶ୍ୱାର୍କେ ଦୁଲାଡ଼୍ ତାନିଙ୍ଗ୍ ମେନ୍ତେ କାଜିକେଦ୍ତେ ଖ୍ରୀଷ୍ଟ୍ ହାଗା ଚାଏ ମିଶିକେ ହିଲାଙ୍ଗ୍ରେଦ, ଇନିଃ ହସଡ଼ ତାନିଃ । ନେଲାକାଇ ହାଗା ଚାଏ ମିଶିକେ କାଏ ଦୁଲାଡ଼୍ରେଦ, କା ନେଲାକାଇ ପାର୍ମେଶ୍ୱାର୍କେ ଚିଉଲାଅ କାଏ ଦୁଲାଡ଼୍ ଦାଡ଼ିୟା ।
Cuidar da família
Quem não cuida dos seus negou a fé. A família é responsabilidade sagrada — prover, proteger e abençoar é mandamento divino.
ମେନ୍ଦ ଜେତାଏ ଆୟାଃ କୁଟୁମ୍କଆଃ ଆଡଃ ଆୟାଃ ଅଡ଼ାଃରେନ୍କଆଃ ଯାତାନ୍ ଇଦି କାଏ ଦାଡ଼ିନିଃ ବିଶ୍ୱାସ୍କେ ବାଗିକାଦା ଆଡଃ ଇନିଃ କା ବିଶ୍ୱାସ୍ତାନ୍କଏତେ ପୁରାଃଗି ଏତ୍କାନଃଆ ।
ମେନ୍ଦ ଜେତାଏ ଆୟାଃ କୁଟୁମ୍କଆଃ ଆଡଃ ଆୟାଃ ଅଡ଼ାଃରେନ୍କଆଃ ଯାତାନ୍ ଇଦି କାଏ ଦାଡ଼ିନିଃ ବିଶ୍ୱାସ୍କେ ବାଗିକାଦା ଆଡଃ ଇନିଃ କା ବିଶ୍ୱାସ୍ତାନ୍କଏତେ ପୁରାଃଗି ଏତ୍କାନଃଆ ।
ମେନ୍ଦ ଜେତା ରାଣ୍ଡିକୁଡ଼ିଆଃ ହନ୍ଗାଁଣା ଚାଏ ଆୟାଃ ଜାଇହନ୍କ ମେନାକରେଦ, ଇନ୍କୁ ସିଦାତେ ଆକଆଃ ଅଡ଼ାଃରେନ୍କକେ ଭାକ୍ତି ଦେଖାଅ ନାଗେନ୍ତେ ଆଡଃ ଏଙ୍ଗାଆପୁକଆଃ ବୁଗିନାଃ ରିକା ନାଗେନ୍ତେକ ଇତୁନ୍କା, ଚିୟାଃଚି ନେଆଁଦ ପାର୍ମେଶ୍ୱାର୍ଆଃ ନେପେଲ୍ରେ ସୁଗାଡ଼ାନ୍ଗିଆ ।
କାଲିସିୟାରେ ବିନ୍ଗାଅ
ହେ ହାଗା ମିଶିକ, ପ୍ରାଭୁ ୟୀଶୁ ଖ୍ରୀଷ୍ଟ୍ଆଃ ନୁତୁମ୍ତେ ଆଇଙ୍ଗ୍ ଆପେକେଇଙ୍ଗ୍ ବିନ୍ତିପେ ତାନା, ଜାଗାର୍ତାନ୍ ଇମ୍ତା ମିଦ୍ମନ୍ତେଗି ଜାଗାରେପେ । ଏନାରେ ଆପେ ଥାଲାରେ ଜେତାନ୍ ବିନ୍ଗାଅ କା ହବାଅଃଆ, ଆଡଃ ମିଦ୍ ମନ୍, ମିଦ୍ ଉଡ଼ୁଃରେ ପକ୍ତାକେଦ୍ତେ ମେସାଅଃପେ ।
Unidade familiar
A coroa dos velhos são os filhos dos filhos. O casamento, os filhos e a comunhão familiar são bênçãos de Deus.
ହନ୍କ ପୁର୍ଖା ହାଡ଼ାମ୍କଆଃ ମୁକୁଟ୍ ଓଡ଼ୋଃ ହନ୍କଆଃ ମାନାରାଙ୍ଗ୍ ଆକଆଃ ଆପୁକ ତାନ୍କ।
ହନ୍କ ପୁର୍ଖା ହାଡ଼ାମ୍କଆଃ ମୁକୁଟ୍ ଓଡ଼ୋଃ ହନ୍କଆଃ ମାନାରାଙ୍ଗ୍ ଆକଆଃ ଆପୁକ ତାନ୍କ।
ଗାତି ସବେର୍ ଇମ୍ତା ଦୁଲାଡ଼୍ ରିକାଃଏ ଓଡ଼ୋଃ ଇନିଃ ସାଙ୍କାଟ୍ ଇମ୍ତା ହାଗା ହବାଅଃଆଏ।
ଅକଏ ପୁରାଃ ଗାତି ବାଇୟାଃଏ, ଇନିଃ ଆପ୍ନାଃ ଜିୟନ୍ ନାଗେନ୍ତେ ଏନ୍ଲେକା ରିକାଃଏ। ମେନ୍ଦ ମିଆଦ୍ ଦୁଲାଡ଼୍ତାନ୍ନିଃ ମେନାଇୟାଃ ଇନିଃ ହାଗା ଏତେ ହଁଗି ଆପ୍ନାଃ ହେପାଦ୍ରେ ତାଇନାଃ।
ଆପ୍ନାଃ ଗାତି ଓଡ଼ୋଃ ଆପୁରାଃ ଗାତିକେ ଆଲମ୍ ବାଗିୟା, ଓଡ଼ୋଃ ଆମାଃ ସାଙ୍କାଟ୍ ସାମାଏରେ ଆପ୍ନାଃ ହାଗାରାଃ ଅଡ଼ାଃତେ ଆଲମ୍ ସେନାଃ। ସାଙ୍ଗିନ୍ରେ ତାଇନ୍ତାନ୍ ହାଗା ହେତେ ହେପାଦ୍ରେ ତାଇନ୍ ତାନ୍ ହୋପର୍ଜାପାଃନିଃ ବୁଗିନ୍ ତାନିଃ।
ହେ ଆଇଁୟାଃ ହନ୍ ଆମାଃ ମନ୍ସୁରୁଦ୍ ସେଣାଁନ୍ ହବାଅଃ ରେଦ ଆଇଁୟାଃ ମନ୍ସୁରୁଦ୍ ରାସ୍କା ହବାୱା।
ଧାର୍ମାନ୍ ହଡ଼ରାଃ ଆପୁ ପୁରାଃଗି ରାସ୍କାନାଃ ଓଡ଼ୋଃ ସେଣାଁନ୍ ହନ୍କେ ଜାନାମ୍କାଇ ଏଙ୍ଗା ରାସ୍କାନାଏ।
ସୁଲିମାନ୍ରାଃ ବୁଗିନ୍ ଇନିତୁ
ସୁଲିମାନ୍ରାଃ ବୁଗିନ୍ ଇନିତୁ କାଜି, ସେଣାଁନ୍ ହନ୍ ନାଗେନ୍ତେ ଆପୁ ରାସ୍କାଅଃଆଏ ମେନ୍ଦ ଡଣ୍ଡ ହନ୍ ନାଗେନ୍ତେ ଏଙ୍ଗାରାଃ ଦୁକୁ ହବାଅଃଆ।
ଆପ୍ନାଃ କାମି ବାହାରିରେ ସେକାଡ଼୍ ରିକାଏମେ, ଲୟଙ୍ଗ୍ରେ ଆପ୍ନାଃ ନାଙ୍ଗ୍ ବାଇୟେମେ, ଏନ୍ତେ ଆପ୍ନାଃ ଅଡ଼ାଃ ବାଇୟେମେ।
ହାୟାନିଃ ଆୟାଃ ଅଡ଼ାଃରେନ୍ ହଡ଼କକେ ଦୁକୁ ଏମାଃଏ, ମେନ୍ଦ ଅକଏ ଘୁସ୍ରେୟାଃ ଟାକାକେ ହିଲାଙ୍ଗ୍ ରିକାଃଏ, ଇନିଃ ଜୀହିଦଃଆଏ।
ଅକଏ ଆୟାଃ କୁଟୁମ୍କକେ ଦୁକୁ ଏମାଃଏ, ଇନିଃ ହୟ ଲେକା ଆକ୍ତେୟାର୍ ନାମେୟାଏ ଓଡ଼ୋଃ ଡଣ୍ଡ ହଡ଼, ସେଣାଁନ୍ ହଡ଼ରାଃ ଦାସି ହବାଅଃଆ।
Casamento e família
O homem deixará pai e mãe e se unirá à sua mulher. A família começa no casamento — aliança sagrada diante de Deus.
ନେଆଁ ନାଗେନ୍ତେ କଡ଼ା ଆୟାଃ ଏଙ୍ଗା ଓଡ଼ୋଃ ଆପୁକେ ବାଗିକେଦ୍ତେ ଆପ୍ନାଃ କୁଡ଼ିଲଃ ମେସାନାଏ ଓଡ଼ୋଃ ଏନ୍ ବାରାନ୍କିନ୍ ମିଆଦ୍ ହଡ଼୍ମ ହବାଅଃଆକିନ୍।
ଏନ୍ତେ ପାର୍ମେଶ୍ୱାର୍ ଇନ୍କିନ୍କେ ଆଶିଷ୍କେଦ୍ତେ କାଜିକେଦ୍କିନା, "ଆବେନାଃ ପୁରାଃଗି ହନ୍ ହବାଅଃକାକ ଓଡ଼ୋଃ ଆବେନାଃ କିଲିକ ଅତେରେ ପୁରାଃଗି ପସାଇଦିତାନ୍ଲଃ ଆକ୍ତେୟାର୍ ରିକାଏକାକ। ଆଇଙ୍ଗ୍ ଇନ୍କୁକେ ହାକୁ, ଚେଣେଁ ଓଡ଼ୋଃ ବିର୍ରେନ୍ ଜାଁତୁକଆଃ ଚେତାନ୍ରେ ହଁଗି ଆକ୍ତେୟାର୍ ରିକା ନାଗେନ୍ତେ ଏମାକାଦ୍କଆଇଙ୍ଗ୍।"
ଆମ୍ ଅକଏକେ ପୁରାଃଗି ଦୁଲାଡ଼୍ ତାନାମ୍, ଏନ୍ ଆମାଃ କୁଡ଼ିଲଃ ସବେର୍ ହୁଲାଙ୍ଗ୍ ରାସ୍କାତେ ତାଇନ୍ମେ । ଚିୟାଃଚି ସିଙ୍ଗି ଲାତାର୍ରେ ପାର୍ମେଶ୍ୱାର୍ ଆମ୍କେ ଚିମିନ୍ ମାହା ଜାକେଦ୍ ଜିନିଦ୍ ତାଇନ୍ ରେୟାଃ ଦିପିଲି ଏମାକାଦ୍ମେଆ, ଏନା ଆମାଃ ନାଗେନ୍ତେ ସାମାଃ ତାନା ଓଡ଼ୋଃ ଆମ୍ ଆମାଃ ଜୀୱାନ୍ ନାଗେନ୍ତେ ଅକ କାମିକ ରିକାଏତାନା, ଏନ୍ କାମିରେୟାଃ ନାଲା ଏନାଗି ତାନା ।
ମେନ୍ଦ ପୁଥିରେ ଅଲାକାନ୍ ଲେକା, ‘ଅତେଦିଶୁମ୍ରାଃ ବାଇୟଃ ମୁନୁରେ ପାର୍ମେଶ୍ୱାର୍ ମାନୱା କିନ୍କେ କଡ଼ା ଆଡଃ କୁଡ଼ି ବାଇକାଦ୍କିନାଏ ।’ ‘ଏନାମେନ୍ତେ କଡ଼ା ଆୟାଃ ଏଙ୍ଗା ଆଡଃ ଆପୁକିନ୍କେ ବାଗିକିନାଏ, ଆଡଃ ଆୟାଃ କୁଡ଼ିତାୟାଃଲଃ ମିଦଃଆଏ, ଆଡଃ ଇନ୍କିନ୍ ମିଆଁଦଃଆକିନ୍ ।’ ଏନାମେନ୍ତେ ଇନ୍କିନ୍ ବାରିଆ ହଡ଼୍ମ ନାହାଁଲାଃକିନ୍, ମେନ୍ଦ ମିଆଁଦ୍ ହଡ଼୍ମତାନ୍କିନ୍ । ଏନା ନାଗେନ୍ତେ ପାର୍ମେଶ୍ୱାର୍ ମିଦ୍ରେ ତଲାକାଦ୍ତେୟାଃ ହଡ଼ ଆଲକାଏ ବିନ୍ଗାଏକା ।"
ଏନ୍ତେ ଆପେ ଏତ୍କାନ୍କ ତାଇନ୍ରେୟ, ଆପେୟାଃ ହନ୍କକେ ବୁଗିନାଃ ଏମଃପେ ସାରିୟା, ତାବ୍ଦ ଆପେୟାଃ ସିର୍ମାରେନ୍ ଆପୁ ଅକନ୍କଚି ଆଇଃକ୍କେ ଆସି ତାନାକ, ଇନ୍କୁକେ ଏନାଏତେ ଆଦ୍କା ପାବିତାର୍ ଆତ୍ମା କାଏଚି ଏମାକଆ !"
ଚିୟାଃ ଏଙ୍ଗା ଆୟାଃ ଜାନାମ୍କାଇ ହନ୍କେ କା ଦୁଲାଡ଼୍କେଦ୍ତେ
ଚିୟାଃ ଆୟାଃ ତଆ ଆନୁଇତାନ୍ ହନ୍କେ ରିଡ଼ିଙ୍ଗ୍ ଦାଡ଼ିୟା ?
ହାଁ, ଇନ୍କୁ ରିଡ଼ିଙ୍ଗ୍ ଦାଡ଼ିୟା ମେନ୍ଦ ଆଇଙ୍ଗ୍ କାଇଙ୍ଗ୍ ରିଡ଼ିଙ୍ଗ୍ପେୟା।
ନେଲେମେ, ଆଇଙ୍ଗ୍ ଆଇଁୟାଃ ବାରାନ୍ ତିଃଇରେୟାଃ ପାପ୍ଲିରେ ନୁତୁମ୍ ତାମାଃ ଅଲାକାଦାଇଙ୍ଗ୍
ଓଡ଼ୋଃ ଆମାଃ ପାଚ୍ରି ସବେନ୍ ଇମ୍ତା ଆଇଁୟାଃ ଆୟାର୍ରେ ମେନାଃ।
ହେ ଦୁଲାଡ଼୍ ହାଗା ମିଶିକ, ନାହାଁଃ ଆବୁ ପାର୍ମେଶ୍ୱାର୍ଆଃ ହନ୍କ ତାନ୍ବୁ, ମେନ୍ଦ ହିଜୁଃତାନ୍ ଦିପିଲିରେ ଚିନାଃବୁ ହବାଅଃଆ ଏନା କା ସାରିୟଃତାନା । ମେନ୍ଦ ୟୀଶୁ ଖ୍ରୀଷ୍ଟ୍ ଆଡଃମିସା ହିଜୁଃରେ ଆବୁହ ଆୟାଃ ଲେକାଗିବୁ ହବାଅଃଆ, ଚିୟାଃଚି ଇନିଃକେ ଆଇଃକ୍ଗି ତାନିଃ ଲେକାବୁ ନେଲିୟା । ଆଡଃ ଇନିଃରେ ଆସ୍ରା ଦହକାଦ୍କ, ଇନିଃ ଫାର୍ଚିଗି ମେନାଇଲେକା, ଇନ୍କୁ ଫାର୍ଚିଗିକ ତାଇନ୍କା ।