Família

31 Balo balamukumbuleti, "Koshoma muli Mwami Yesu, obe ne ba mung’anda yakobe nimukapuluke."

4 Ne njamwe bamashali, kamutambilanga bana benu maswi eshi kubakalalisha, nsombi kamubakulisha ne kubalela pakubeyisha ncebela kwinsa mubwikalo bwabo bwa ciklistu.

4 Ne njamwe bamashali, kamutambilanga bana benu maswi eshi kubakalalisha, nsombi kamubakulisha ne kubalela pakubeyisha ncebela kwinsa mubwikalo bwabo bwa ciklistu.

Bana ne bamashali babo

1 Mobana amwe, cebo cakwambeti mobakendi Mwami, neco kamunyumfwilani bamashali benu, pakwinga calulama kwinseco. 2 Mabala alambangeti, "Cindika baiso ne banyoko" Uwu emulawo utanshi muli lulayo lwa kwambeti,

19 lemekesha baiso ne banyoko, kayi suna munobe mbuli ncolisuni omwine."

Yesu lambanga sha kulekana

1 Yesu mpwalapwisha kwamba, walafumako ku Galileya, walaya mucibela ca Yudeya kutala kwa mulonga wa Yolodani. 2 Nomba likoto lya bantu lyalamukonkela, kopeloko walasengula balwashi bangi.

3 Bafalisi nabambi balesa kuli Yesu pakuyanda kumutapa mukanwa pakumwipusheti, "Sena casuminishiwa mu Mulawo, muntu kuleka mukashendi pa cebo ciliconse?" 4 Nendi Yesu walabakumbuleti, "Sena nkamuna mubelengapo kwambeti kumatatikilo, Mulengi walabalenga mutuloba ne mutukashi?" 5 Neco walambeti, "Ecebo cakendi mutuloba nakashiye baishi ne banyina, ne kuya kupamankana ne mukashendi, neco bantu babili aba nibakabeti mubili umo?" 6 Neco nkabacilipo babili sobwe, nsombi mubili umo, palico Lesa ncalapamankanya pamo kapataba muntu shikupansanya.

7 Basa Bafalisi balamwipusheti, "Inga Mose walambila cani kwambeti mutuloba welela kupa mukashendi cipepala cakumuleka?" 8 Yesu walabakumbuleti, "Mose walamusuminisha kuleka ba makashenu, pakwinga kumwiyisha amwe cayuma, nsombi kumatatikilo a cindi, nkacali kubeco sobwe" 9 Lino ndamwambilishingeti, "Uliyense lalekenga mukashendi pacebo ciliconse, cabula kuba mulandu wabupombo, ne kuya kweba naumbi, ukute mulandu wabupombo."

10 Beshikwiya bakendi balamwambileti, "Anu nacilico pakati pa mulume ne mukashendi, cilicena kwikala bunkonta." 11 Nendi Yesu walabambileti, "Ciyisho ici nkacelela kutambulwa cena ne bantu bonse sobwe, nsombi abo bonka balapewa. 12 Pali bintu bingi bikute kupa bantu kuteba batukashi, nabambi encobalasemwa, nabambi nicebo cakulakilwa kakowa pamukombo, pali nabambi balasala bene bonka kuteba kwambeti basebensele cena Lesa. Uyo welela kucikonsha kukonkela ciyisho ici, akonkele."

Yesu lalelekenga batwanike

13 Nabambi bantu balaleta bana babo kuli Yesu kwambeti abike makasa akendi palyendibo, ne kubapailila, nomba beshikwiya bakendi balabakalalila. 14 Nomba Yesu walambeti, "Balekeni bana bese kuli njame, kamutabakanishanga sobwe, pakwinga Bwami bwakwilu ni bwa bantu bali mbuli aba." 15 Popelapo walabika makasa palyendibo, panyuma pakendi walafumapo.

Mutuloba wabubile

16 Mutuloba naumbi walesa kuli Yesu ne kumwipusheti, "Bashikwiyisha, ni cipeyo cintu caina ncondelela kwinsa kwambeti nkacane buyumi butapu?" 17 Nendi Yesu walamukumbuleti, "Inga ulanjipushilinga cani sha cintu caina pakwinga pali umowa Waina? Na usuni kucana buyumi butapu, konkela Milawo." 18 Nendi walepusheti, "Milawo cini?" Yesu walakumbuleti, "Kotashina, kotapombola, kotaiba, kotapa bukamboni bwabwepeshi, 19 lemekesha baiso ne banyoko, kayi suna munobe mbuli ncolisuni omwine." 20 Usa muntu walambeti, "Milawo yonseyi ndalatatika kwikonkela kufuma kaindi, inga ncondicili ndabulilwa nicani kayi?" 21 Yesu walamwambileti, "Na ulayandanga kuba muntu walulama, koya ulishe bintu byonse mbyokute. Mali ngoshucanemo uyabile bapenshi, buboni bwakobe nukabucane kwilu, wapwisha kwinseco, wise unkonke." 22 Usa muntu mpwalanyumfwa maswi awo walafumapo kali wongumana mumoyo, pakwinga walikuba mubile cikamba.

23 Yesu walambila beshikwiya bakendi, "Cakubinga ndamwambilishingeti, nicapatali ku muntu mubile kwingila mu Bwami bwakwilu." 24 Kayi ndambangeti, "Nicapafupi munyama munene ukute kukwiweti ngamila kupita mukamulyango ka nyeleti, kupita muntu mubile kwingila mu Bwami bwa Lesa." 25 Beshikwiya mpobalanyumfweco, balakankamana ne kwambeti, "Anu na cilico, nomba niyani wela kupuluka?" 26 Yesu walabalangishisha walambeti, "Ibi nkabikonsheke ne bantu sobwe, nsombi bintu byonse bikute kukonsheka ne Lesa." 27 Popelapo Petulo walakumbulapo, "Afwe twalashiya bintu byonse ne kumukonkela, nomba afwe lino ni tukatambulepo cani?" 28 Nendi Yesu walabakumbuleti, "Cakubinga ndamwambilishingeti, Lesa akabibambulula cena bintu byonse, Mwana Muntu nakekale pa Cipuna cakendi ca Bulemeneno ca Bwami, ne njamwe omulankonkelenga ni mukekale pa bipuna likumi ne bibili bya Bwami, kamombolosha mikowa likumi ne ibili ya Baislayeli. 29 Neco uliyense walashiya ng’anda, bakwabo batuloba, nambi nkashi, nambi baishi, nambi banyina, nambi banabendi, nambi mabala pacebo cakame, uyo nendi nakatambule bingi byapita tunkanda mwanda, panyuma pakendi kayi nakapewe buyumi butapu. 30 Nomba abo pa cino cindi bali kuntangu nibakabe kunyuma, kayi abo bali kunyuma pacino cindi, nibakabe kuntangu."

32 Nomba kamubani baina moyo, kamubani baliyaba kunyamfwa bantu, beshi kulekelelana umo ne munendi mbuli Lesa ncalamulekelela kupitila muli Klistu.

33 Nambi kulico, alambanga pali njamwe, mutuloba uliyense asune mukashendi mbuli ncalisuni mwine, neye mukashi acindike ibendi.

20 Na muntu wambeti ndimusuni Lesa nsombi nkatasuni mukwabo ekwambeti labepenga, pakwinga muntu utasuni mukwabo ngwalabononga nkela kusuna Lesa uyo ngwatana abonapo.

8 Nomba na muntu katanyamfwa banse bendi makamaka bamung’anda yakendi, lakana lushomo kayi waipa kupita muntu wabula lushomo.

8 Nomba na muntu katanyamfwa banse bendi makamaka bamung’anda yakendi, lakana lushomo kayi waipa kupita muntu wabula lushomo.

4 Nomba na mukalubingi ukute bana, nambi bashikulu, abo bana ne bashikulu batangune kwinshila mukowa wabo ncalayandanga Lesa. Mukwinseco bakute kubweshela bashali ne bamankambushabo ncebalikubenshila, ico cikute kukondwelesha Lesa.

Kupansana mu mubungano

10 Lino ndamusengenga mobanse mu Lina lya Mwami wetu Yesu Klistu kwambeti kamusuminishananga kapatabanga kupansana pakati penu, kamunyumfwananga cakupwililila, muyeyo umo, ne nshila imo yakwinshilamo bintu.

6 Nsombi pacitatiko Lesa mpwalalenga bintu byonse, mbuli mabala ncalambanga, Lesa ‘walababumba mutuloba ne mutukashi.’ 7 Pacebo ici, mutuloba nakashiye baishi ne banyina ne kuya kupamankana pamo ne mukashendi. 8 weco aba bantu babili nibakabe umo. Neco nkabacilipo babili sobwe, nsombi umo. 9 Neco aba babili Lesa mbwalapamankanya pamo, kapataba muntu shikubapansanya."

13 Nomba amwe, mobantu baipa, mukute kupa bana benu byaina, nomba bata ba kwilu ngabalilweconi kupa Mushimu Uswepa kuli abo balamusengenga?"

2 Mobanse omwasunika tobana ba Lesa, nomba nkatucinshi moshitukabele. Nsombi tucinshi kwambeti Yesu akesa nitukaboneke mbuli ncabele pakwinga nitukamubone ncabele. 3 Uliyense ukute lushomo ne kupembelela muli Yesu Klistu ukute kuliswepesha mwine mbuli ncabele Yesu kuswepa.