Fé: o que é, como funciona e sua prática diária

1 А вера ёсьць пэўнасьць у тым, чаго спадзяемся, перакананасьць у рэчах нябачных.(Гебраяў 11:1)

6 А бяз веры спадабацца [Богу] немагчыма, бо той, хто прыходзіць да Бога, мусіць верыць, што Ён ёсьць і тым, хто шукае Яго, нагароду дае.(Гебраяў 11:6)

11 Вераю і сама Сара атрымала сілу на зачацьце насеньня і не па часе веку нарадзіла, бо верным прызнавала Таго, Які абяцаў.(Гебраяў 11:11)

2 углядаючыся на Пачынальніка і Завяршальніка веры, Ісуса, Які замест радасьці, што была перад Ім, вытрываў крыж, пагардзіўшы сорамам, і сеў праваруч пасаду Божага.(Гебраяў 12:2)

38 «А праведны з веры жыць будзе»; і: «Калі хто будзе хістацца, не ўпадабае яго душа Мая».(Гебраяў 10:38)

8 Бо ласкаю [Божай] вы збаўленыя праз веру; і гэта не ад вас — Божы дар:

9 не праз учынкі, каб ніхто не хваліўся.(Эфэсцаў 2:8,9)

17 Бо ў ім адкрываецца праведнасьць Божая ад веры ў веру, як напісана: «А праведны з веры жыць будзе».(Рымлянаў 1:17)

5 а таму, хто ня робіць, але верыць у Таго, Хто апраўдвае бязбожніка, вера ягоная залічваецца за праведнасьць.(Рымлянаў 4:5)

1 Дык, апраўдаўшыся вераю, мы маем мір з Богам праз Госпада нашага Ісуса Хрыста,(Рымлянаў 5:1)

10 бо сэрца верыць дзеля праведнасьці, а вусны вызнаюць дзеля збаўленьня.(Рымлянаў 10:10)

17 Таму вера — ад слуханьня, а слуханьне — праз слова Божае.(Рымлянаў 10:17)

20 Я ўкрыжаваны з Хрыстом, і ўжо ня я жыву, але жыве ў-ва мне Хрыстос. А што цяпер жыву ў целе, жыву праз веру ў Сына Божага, Які палюбіў мяне і выдаў Сябе за мяне.(Галятаў 2:20)

26 бо ўсе вы — сыны Божыя праз веру ў Хрыста Ісуса.

27 Бо ўсе тыя, хто ў Хрыста ахрысьціліся, у Хрыста апрануліся.(Галятаў 3:26,27)

20 А Ісус сказаў ім: «Дзеля недаверства вашага. Бо сапраўды кажу вам: калі вы маеце веру, як гарчычнае зерне, і скажаце гары гэтай: "Перайдзі адгэтуль туды", дык яна пяройдзе; і нішто ня будзе немагчымым для вас.(Мацьвея 17:20)

21 А Ісус, адказваючы, сказаў ім: «Сапраўды кажу вам: калі вы будзеце мець веру і ня будзеце сумнявацца, ня толькі зробіце тое, што з дрэвам фігавым, але калі і гары гэтай скажаце: "Будзь узятая і кінутая ў мора", — станецца.(Мацьвея 21:21)

22 І ўсё, што будзеце прасіць у малітве з вераю, атрымаеце».(Мацьвея 21:22)

29 Тады Ён дакрануўся да вачэй іхніх, кажучы: «Паводле веры вашае няхай станецца вам».(Мацьвея 9:29)

28 Тады, адказваючы, Ісус сказаў ёй: «О, жанчына! Вялікая вера твая; няхай станецца табе, як ты хочаш». І была аздароўленая дачка ейная з тае гадзіны.(Мацьвея 15:28)

23 Ісус жа сказаў яму: «Калі можаш верыць, усё магчыма таму, хто верыць».(Марка 9:23)

22 І, адказваючы, Ісус гаворыць ім: «Мейце веру Божую!(Марка 11:22)

24 Дзеля гэтага кажу вам: Усё, пра што ў малітве будзеце прасіць, верце, што атрымаеце, і будзе вам.(Марка 11:24)

37 Бо ў Бога ніводнае слова ня будзе бяз сілы».(Лукі 1:37)

26 Бо, як цела бяз духа мёртвае, гэтак і вера мёртвая без учынкаў.(Якуба 2:26)

3 ведаючы, што выпрабаваньне вашае веры робіць цярплівасьць.(Якуба 1:3)

5 Калі ж у каго з вас не хапае мудрасьці, няхай просіць у Бога, Які дае ўсім шчыра і не дакараючы, і будзе яму дадзена.

6 Але няхай просіць з вераю, ані не сумняваючыся, бо той, хто сумняецца, падобны да хваляваньня марскога, якое вецер уздымае і ганяе.

7 Дык няхай не мяркуе гэтакі чалавек, што нешта атрымае ад Госпада.

8 Двудушны чалавек няцьвёрды на ўсіх шляхах сваіх.(Якуба 1:5-8)

6 З гэтага радуйцеся, крыху цяпер, калі трэба, ад розных спакусаў пасмуткаваўшы,

7 каб выпрабаваньне веры вашае, якая шмат каштоўнейшая за золата, што гіне, хоць і агнём выпрабоўваецца, было знойдзена на хвалу, і пашану, і славу ў адкрыцьці Ісуса Хрыста,

8 Якога, ня бачыўшы, любіце і дзеля Якога, хоць не аглядаючы, але верачы [ў Яго], радуецеся радасьцю невымоўнаю і найслаўнейшаю,

9 атрымліваючы вынік веры вашае — збаўленьне душаў.(1 Пятра 1:6-9)

9 Супрацьстаньце яму цьвёрдай вераю, ведаючы, што такія самыя пакуты здараюцца з братамі вашымі ў сьвеце.(1 Пятра 5:9)

16 і па-над усё ўзяўшы шчыт веры, якім зможаце затушыць усе распаленыя стрэлы злога.(Эфэсцаў 6:16)

2 І калі я маю прароцтва, і ведаю ўсе тайны і ўсякае веданьне, і калі маю ўсю веру, каб і горы перастаўляць, а любові ня маю, я — нішто.(1 Карыньцянаў 13:2)

13 Чувайце, стойце ў веры, будзьце мужнымі, умацоўвайцеся.(1 Карыньцянаў 16:13)

7 Бо мы ходзім вераю, а ня бачаньнем.(2 Карыньцянаў 5:7)

5 Спадзявайся на ГОСПАДА ўсім сэрцам тваім і не абапірайся на розум твой.

6 Думай пра Яго на ўсіх шляхах тваіх, і Ён выпрастуе сьцежкі твае.(Прыповесьці 3:5,6)

15 Бо гэта кажа Госпад ГОСПАД, Сьвяты Ізраіля: «Калі вы навернецеся і будзеце ў супакоі, будзеце збаўленыя, бо ў сьцішанасьці і спадзяваньні будзе сіла вашая». Але вы не захацелі.(Ісая 30:15)

13 А Бог надзеі няхай напоўніць вас усякай радасьцю і супакоем у веры, каб памножыць у вас надзею моцаю Духа Сьвятога.(Рымлянаў 15:13)

11 А ты, чалавек Божы, уцякай ад гэтага, але імкніся да праведнасьці, пабожнасьці, веры, любові, цярплівасьці, пакоры,(1 Цімафея 6:11)

7 Змагаўся я добрым змаганьнем, бег зьдзейсьніў, веру захаваў.(2 Цімафея 4:7)

13 калі мы ня верым, Ён застаецца верным, бо ад Сябе адрачыся ня можа.(2 Цімафея 2:13)

4 Бо кожны, хто народжаны ад Бога, перамагае сьвет; і гэтая перамога, што перамагла сьвет, — вера нашая.(1 Яна 5:4)

16 Бо так палюбіў Бог сьвет, што Сына Свайго Адзінароднага аддаў, каб кожны, хто верыць у Яго, не загінуў, але меў жыцьцё вечнае.(Яна 3:16)

35 Ісус жа сказаў ім: «Я ёсьць хлеб жыцьця. Хто прыходзіць да Мяне, ня будзе галодны, і хто верыць у Мяне, ня будзе смагнуць ніколі.(Яна 6:35)

25 Ісус сказаў ёй: «Я ёсьць уваскрасеньне і жыцьцё. Хто верыць у Мяне, хоць і памрэ, жыць будзе.

26 І ўсякі, хто жыве і верыць у Мяне, не памрэ на вякі. Ці верыш гэтаму?»(Яна 11:25,26)

15 Хоць бы і забіў мяне [Бог], буду мець у Ім надзею і буду абараняць шляхі мае перад абліччам Ягоным.(Ёў 13:15)