Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
आव परमेश्वर उन महिमा अन्द ऊजुळ अदिक आऊन स्वरूप इन छाप हुन, अदिक सप्पा वस्तुगोळी तान सामर्थ्य अन्द वचन देल संभाळ्सतान. आव मंळसा जाती इन पापगोळी माफ माळकु स्वर्ग दा होगकु महामहिम परमेश्वर उन ऊमा कय दी होगकु कुरतुन;
परमेश्वर-पार उन महानता
ई प्रकार पार स्वर्गदूतगोळ से महान माळकु आदुन, अदा प्रकार ह्यांग परमेश्वर आऊक स्वर्गदूतगोळ से वळ्लीद हेसुर कोट्टुन.
अदिक वचन देहधारी आत; अदिक अनुग्रह अदिक सच्चाई देल परिपुर्ण आगकु नाम न्याड्या ड्यारा हाक्त, अदिक नाव अदुर्द हिंग महिमा नोळदेव, जसा आप्प उन ऊंद ठैसा अन्द महिमा.
परमेश्वर उक याऊ यागलु नोळीदील, ऊंद ठैसा पार जो आप्प उन क्वारा दा आन, आवा परमेश्वर उक प्रगट माळदुन.
इदुर मा यीशु आंदुर से अंदुन, "नान आप्प ईगासताका क्याल्सा माळतान, अदिक ना भी क्याल्सा माळतीन." ईद कारण यहूदी अदिक भी यक्कुल आऊक कोंद बुळोद कोशिश माळली कुरतुर, यतिकी आव ना सिर्फ आराम इन दिन इन विधी अक मुरोन, लेकीन परमेश्वर उक तान आप्प अंदकु तान तान इक परमेश्वर उन घाई भी ठहरूसतोगोन.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
पतरस उन यीशु उक मसीह स्वीकार माळोद
यीशु कैसरिया फिलिप्पी इन प्रदेश दा बंदुन, अदिक तान चेलागोळ से केळली कुरतुन, "लॉकुर मंळसा अन पार उन बारा दा येन अनतार?"
आंदुर अंदुर, "यारारा यूहन्ना बपतिस्मा कोळावाळा अंतार, अदिक यारारा एलिय्याह, अदिक यारारा यिर्मयाह या भविष्यवक्तागोळ दा टु ऊंद यावारा अंतार."
यीशु आंदुर से अंदुन, "लेकीन नीव नानी येन अंतीर?"
शमौन पतरस उत्तर कोट्टुन, "नी जित्ता परमेश्वर उन पार मसीह हुय."
अदिक यीशु बपतिस्मा ताकोमकु तुरन्त नीर दा टु म्याकुच बंदुन, अदिक अदा समय आऊन साटी स्वर्ग खुल्सेत, अदिक आव परमेश्वर उन आत्मा अक कबूतर इन घाई ईळुतेला अदिक तान म्याकुच बरतेला नोळदुन. अदिक स्वर्ग टु ईद आकाशवाणी आत "ईव नान प्रिय पार हुन, ईऊन से ना हापाळ खुश आईन."
जो यावारा ईद मान्स कोमतान कि यीशु परमेश्वर उन पार हुन, परमेश्वर आऊन दा बन्सकु ईरतान, अदिक आव परमेश्वर दा
जो प्यार परमेश्वर नाम से ईटतान, अद ईदुर देल प्रगट आग्याद कि परमेश्वर तान ऊंद ठैसा पार उक दुनिया दा कळ्यान कि नाव आऊन द्वारा जीवन प्राप्त माळेव. प्यार इदुर दा हैलेच कि नाव परमेश्वर से प्यार माळदेव, लेकीन इदुर दा आद कि आव नाम से प्यार माळदुन अदिक नाम पापगोळ्द माफ अन साटी तान पार उक कळुदुन.
जो यावारा पाप माळतान आव शैतान दी टु आन, यतिकी शैतान पयले टु उच पाप माळ्त बंदान. परमेश्वर उन पार इदुरसाटी प्रगट आदुन कि शैतान उन क्याल्सागोळ्द नाश माळकु छुटकारा कोळुल.
यार हात्ती पार आन, आऊन हात्ती जीवन आद, अदिक यार हात्ती परमेश्वर उन पार हैलेच, आऊन हात्ती जीवन भी हैलेच.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
"यतिकी परमेश्वर दुनिया से हिंग प्यार ईटदुन कि आव तान ऊंद ठैसा पार कोट बुट्टुन, ताकी जो यावारा आऊन मा विश्वास माळ्यान आऊन नाश आगबाळुल, लेकीन आऊक अनन्त जीवन सिकुल.
ह्यांग आप्प सोत्तुरी नेगुतान अदिक जित्ता माळतान, हांग अच पार भी यारी चाहासतान आंदरी जित्ता माळतान. आप्प यारदु न्याय माळालुन, लेकीन न्याय माळोद सप्पा क्याल्सा पार उक कोट्ट बुटुन, कि सप्पा लॉकुर ह्यांग आप्प उन आदर माळतार हांग अच पार उन भी आदर माळुल. जो पार आदर माळालुन, आव आप्प उन यारी आव कळ्यान, आदर माळालुन.
"ना नीम से खरा खरा अनतीन अद समय बरतद, अदिक ईग आद, यारदा सायावाळेर परमेश्वर उन पार उन आवाज केळ्यार, अदिक जो केळ्यार आंदुर जित्ता ईत्तार. यतिकी याता रीति देल आप्प तान तान दा जीवन ईटतान, अदा रीति देल आव पार उक भी ईद अधिकार कोटान कि तान तान दा जीवन ईटुल;
लेकीन यास मुंदुर आऊक ग्रहण माळदुर, मतलब आंदरी जो आऊन हेसुर मा विश्वास ईटतार, आव आंदरी परमेश्वर उन औलाद आगोद अधिकार कोट्टुन. आंदुर ना रा स्वाभाविक तरीका देल परमेश्वर उन औलाद बन्सदुर, मतलब मानवीय आप्प उन देल पैदा आगीदील बल्की परमेश्वर खुद आंदुरव आप्प ईरोन.
ना मसीह अन सांगुळ क्रूस मा येर्सकु आगीन, ईग ना जित्ता ईतीदील, लेकीन मसीह नान दा जित्ता आन; अदिक ना मय दा ईग जो जित्ता आईन रा सिर्फ आ विश्वास देल जित्ता आईन जो परमेश्वर उन पार उन मा आद, याव नान से प्यार माळदुन अदिक नान साटी तान तान इक कोट बुट्टुन.
लेकीन याग समय पुरा आत, रा परमेश्वर तान पार उक कळुदुन जो आर्त देल पैदा आदुन, अदिक व्यवस्था अन हात्ती पैदा आदुन, ताकी व्यवस्था अन हात्ती गोळी कोंडकु बिळ्स कोमुल, अदिक नामी पार आगोद हक्क सिकुल. अदिक नीव जो पार हुईर, इदुरसाटी परमेश्वर तान पार उन आत्मा अक, जो "हे अब्बा, हे आप्प" अनकु कारूतान, नाम दिलगोळ दा कळ्यान.
यतिकी याग नाव परमेश्वर उन दुश्मन ईरेव लेकीन परमेश्वर तान पार उन मृत्यु उन द्वारा नाम सांगुळ मेल मिलाप माळदुन, रा ईग नाव परमेश्वर उन संगी आयेव रा आ मसीह अन जीवन इन द्वारा नाम हापाळ यक्कुल उद्धार आदीत.