Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Ana God Wam moglkwa i, God abuglagemo podo sumere yegl ye abuglagemo podo sugwa te, God siragl mere moglkwa i, ye kuno ere i nogugl ede norukwa. Te, God Wam kamo yobuglomo podo paugwa pre ye ka dumara i mina taragl pra pra suglno moglkwa. Ama nono deno muduno tadaglme paikran, pe sinabedi konbauna yauro noro, okuo ye ede heven ibo pidre, God mogl mitna kaima edugwa i, ogo wo kra ame di moglkwa.
God Wam mogl mitna ede angelo togwa
Ana God ye Wam kagie podo kide togwa pre ye kagie pai mitna edugo, angelo mudu kagno pai atne edugo, erukwa. Yegl pre God Wam swara i, mogl mitna kaima edidre, angelo mudu egre togwa.
Ka i u yoba pidre, ede makandigle ugo, no yoba bogl akie munga. Mungo, ye siragl mere wakai yene moglkwa i kamga. Wakai yene moglmedi kamga i, God Wam swara moglkwa i, wakai yene yegl morabuka. Te, ye moglkwa i, ye ege ege dem muduo yoko kaima norsre, ka kaima keme di norukwa.
Nono yoba munga i, ege swara ta gumuglno mina God kankrumga. God Wam swara ye God Nem bogl swara kaima miurko, te ye ama God moglkwa i, ye swara God Nem siragl mere moglkwa i, i nogugl ede norukwa.
Di kide yei meglko, Jisas prisre, ye meglmara u ye yegl di togwa, Na Nina moglkwa i, ye kogon ege ege ersre, ede u erme pra, kogon ere moglkwa. Te, na moglka i, ama ege ege kogon ere moluwe di, Jisas yegl dugwa. Yegl dugwa pre Juda yoba kade ye kide kaima pre, Jisas si goramnedi prikwa. I siragl pre ye prikwa i, ye wakan kade ege yagl ta ere wakai ere togwa i, ye lo mane dumara kogon erumedi prisre, lo si biglke dumedi prikwa. Te, Jisas ye God kagie daglsre, Na Nina we dugwa i, ye God bogl kuno kaima muluwe dugwa pre Juda yoba kade ama kide pre, ye si goramnedi prikwa.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Pita Jisas ira moglkwa i, di poglkwa
Ana Jisas ede pi dumo ta taun Sisaria Filipai we dimara magigl yogwa i pidre, ye duglo beglkwa yagl di pre, yegl dugwa, Na Yoba Wam moglka i, yoba na ira moglme dime? dugwa. Yegl dugo, ye di ikne ede, yegl digwa, Ene Jon yoba nigl bugl togwa yagle ikra adigl u kor enga, motniwe digwa. Te, tau digwa i, ene Elaija motniwe digwa. Te, tau digwa i, Jeremaia mo ka kep yoba okna ibo meglkwa i, swarano ta u kor enga, motniwe di, yegl dime digwa. Yegl di kodigo, Jisas yegl dugwa, Ana ene we? Ene na ira moglme di prime? dugwa. Yegl dugo, Saimon Pita di ikne ede, yegl dugwa, Ene God Kere Yugwa Yagl moglsre, God kor aimadi moglkwa i, Wam motniwe dugwa.
Ana Jon ye Jisas ake nigl atne ede, nigl bugl te kodugo, Jisas ede egli ugo, tabre kaima kamun mitna ibo ede u koglo koglo ogo, God Murubuglomo u kua yumugl mere yegl pidre, pru di ede atne u Jisas moglmara akugo, Jisas kanugwa. Kanugo, God heven ibo ka ta di atne edidre, yegl dugwa, I na Wana moglmiwa. Na ye wakai kaima kan, dena mudna mina gun yeiwe di, yegl dugwa.
Yoba ta ere mogl, Jisas ye God Wam moglmiwe dinabuka yobamo i, God ye moglmara mogl togo, ye God bogl si dakagl miurka.
Te, God dem muduo norukwa ede nogugl ugwa kamga i, yegl paugwa, nono u kor enaiglmedi God ye Wam swara moglkwa i, di makadigle edumara i mina i nogugl edugwa. Deno muduno tenamga mabuno i, yegl paugwa, nono komono kana God wakai kankrumga ba ye komono kana nono wakai kaima kandre, ye Wam nono tadaglmeno kumapmo tenabedi dedugwa i paugwa.
Ba yoba tadaglme erikwa i, yagl kide moglmere kaima meglkwa. I siragl pre okna ibo ede u erme pra, yagl kide tadaglme keme erukwa. Ba God Wam ugwa i, yagl kide kogonmo ere kide ere tenagledi ugwa.
Yoba ta God Wam yugwa i, ye aimadi kamin kor morabuka i, i kodugwa ba yoba ta God Wam ikrukwa i, ye aimadi kamin kor morabuka i, ta ikrukwa.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Jisas yegl didre, ama yegl dugwa, Na Nina ye yoba geglkwa i, ere i kor edumere yegl, na ye Wam moglka i, nana primere yoba kor moraiglkwa i, teiga. Te, Na Nina moglkwa i, ye yoba kotno prisre, pre yubu si, yegl ta erekrukwa. I siragl pre na ye Wam moglka i, kogon yegl mere nare kodugwa pre nana yoba mudu kotno prisre, pre yubu sinaglka. Na Nina kogon yegl mere narukwa i, yoba ye kagie kade teimere yegl, na ama kagna kade naraiglmedi pre kogon yegl narukwa. Yoba ta na kagna kade narekran, ye God na dedugwa i ama kagie kade tekrumiwe di, Jisas yegl dugwa.
Ana Jisas ka yegl di kodidre, ama yegl dugwa, Na ene ka kaima di teiga, Ege okuo ta unan, Na God Wam moglka i, ka ta dibo, yoba geglkwa i prisre, adigl u kor enaiglkwa. Te, erme pra, yoba geglkwa tau ama na kana prisre, adigl u kor pi kodigwa. I siragl pre Na Nina ye kor meglkwa mabuno moglmere yegl, ye na kor meglkwa mabuno nare kodugwa pre yoba kor aimadi moraiglkwa mabuno i, na moglka.
Ba yoba tau ye ira moglkwa pre kan ersre, pre mediglkwa i, ye God gagiglma moraiglmedi ere edugwa. Yoba u God gagiglema eigwa i, gak kiglmere mere yegl mo yoba yobuglno mina mo yoba nomaneno mina mo i ta manugwa. God swara ere edugo, u gagiglma eigwa.
Na Krais bogl akie ede prak mina guglka pre nana kor moglkrika ba Krais na moglmara suna moglko, no akie kor muglka. Te, erme na mogl pai erika i, God Wam swara pre medigl mogl pai erika. Jisas dem muduo podo narsre, na ere inagledi goglkwa.
Kane pamga ba God yene ege ta paduglkwa i plau dugo, ye Wam dedugo, abu ta kugl yogo, ye lo mina atne mogl yakugwa. Lo atne mogl yakugwa pre nono lo mina kane pamga i, nono topo si ikne edidre, God gagiglma moraiglmedi erabuka kuno erukwa.
Ye gagiglma mungo, God ye Wam Murubuglomo i, nono deno muduno mina suna morabedi dedugwa. Dedugo, ye u suna mogl, God Nem di tedre, Nina yo! dugwa.
Ene prio! Nono okna God kudamo ikne munga ba ye Wam goglmara i mina aglke kor nono yu yene moglmara magigl edugo, nono ye bogl deno muduno swara yei, akie munga. Jisas goglmara i mina God nono yu yene moglmara magigl edugwa pre Jisas erme adigl u kor pidre, kor moglmara i mina nono aimadi kamun wakai kaima moramga keme paugwa. God okuo nono ka tage norabuka i ta kuno erekrabuka.