Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Ko na Tuna isa sa na malakapina na Tamasa beto na Tuna tugu sa na kirena sosoto na Tamasa, ko na Tuna tugu sa aru tamana vaikamuniria pa nona paranga neneqidi sira doru sakasava. Pa liguna sa roitinia isa sa na vuvulasana na sela tadira na tinoni poni sa sa toqo bangara pa noka pa kale matuana na Tamasa ululuna jola sisa.
Na Tuna na Tamasa sa poreveveina jolaniria ira na mateana
Na Tuna na Tamasa sa sa tavaporeveveina jolaniria ira doru mateana, vaitoto vei tugu na isongo sa teku isongia isa ba sa poreveveina jolaniria na isongo tadira na mateana.
Ego sa lame tini tinoni sa na paranga ko sa suvere vaisomanai tamigei ko agei qe dogoria sa na ona malakapi jojonga, isa na malakapi jojonga vei tana Tuna mekai sa koko vei tana Tamana beko ko sa pugelia na vairoqu vaialona beto na sosoto sisa.
Kepore sa kai tinoni bi tei batini matana tu mai sa na Tamasa, goto na Tuna mekai gu, isa na Tamasa, isa sa togasa tana Tamana, isa sa sa ule vakabare vanigita sa na Tamasa.
Ba sa pojaniria i Jisu sira, <<Ara na Tamaqu sa sa roiti lao gu doru totoso. Ko ara ba mana roiti vei tugu,>> sau.
Totonai sa paranga vei inara isa sa qai tagigiri sira na mamata Jiu, ko qai nyorogua vivitigi vamatea si Jisu, ura nake mekana gu na rane Minere sa majai isa, goto sa pojai tugu vei sa na Tamasa sa na Tamana mekana sau, ko sa vei sa sa vakai muqisi podeke mulenia mekana tana Tamasa sisa.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
I Pita sa Ule Votunia na Karisito
Ego sa taloa riu si Jisu ko sa lao pa kai ia tata pa gugusu lavata pa Sizaria Pilipae. Ko ketakoi sa sa nanasaria i Jisu sira na ona sepele, <<I sei qaqarigunia ira na tinoni sa na Tuna na Tinoni?>> sau sisa.
Poni pira qarigu sira na sepele, <<Kaki qai paranga i Jone Paputaiso qarigu, kaki i Elaija qarigu, kaki i Jeremae ba palu kame ira kaki goto tinoni kokorotai qarigu,>> qarigu.
Poni pira sauniria, <<Goto agou sa i sei ququgunisiu sara?>> sau.
Poni sa oe i Saimone Pita, pira sau, <<Ao sa na Karisito, na Tuna na Tamasa toana,>> sau sisa.
Ko isa tugu sa tapaputaiso ko sa iolo loai na pie si Jisu, poni sa api sa tarevanga vania isa sa na oka, ko sa batia isa sa na Gagalana Tamasa sa igoro gore lagere vei kai kuru ko sa lagere togai sisa. Beto api sa kai ovovele sa koko lagere vei pa noka, pira sau, <<Api sa na Tuqu qa roroqua ara; isa qa qera vivitiginia ara,>> sau.
Na tinoni sa ule votunia sa i Jisu sa na Tuna na Tamasa sau, sa na Tamasa sa togasa tana tinoni isa beto na tinoni isa sa togasa tana Tamasa.
Pira sa vei beto sa bola votu tadagita sa na vairoqu tana Tamasa: na Tamasa sa garunu lagerenia pa kasia gusu na Tuna Mekai, ko ta toa gita sau. Api sa na vairoqu: nake gita mai taqe roroqua sa na Tamasa, goto isa tu mai sa roroqugita beto sa garunu lagerenia na Tuna ko isa sa na vavakukuvu garona sa vulasaria na oda sela.
Na tinoni sa roitinia na sela sa na ona na bangaradi na tomate, ura na bangaradi na tomate sa sela podalai pa popodalaina tu. Ko na ginuana sa bola votu na Tuna na Tamasa sa vei ko mi piara paleria sira na roiti tana bangaradi na tomate sau.
Na tinoni sa tekua na Tuna sa isongia sa na toa api, goto na tinoni sake tekua na Tuna na Tamasa sa sake isongia sa na toa.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Ura pa soana vei api sa roroqua na Tamasa sa na kasia gusu: sa valamea isa sa na Tuna mekai, ko ira doru mai rangea isa sa maike mate manyao goto mai tekua na toa jola.
Sa vaitoto vei tugu sa vatoa muleria na Tamana sira qai tei matedi tu ko sa vaniria na toa, poni sa na Tuna ba sa vaniria tugu na toa sira sa nyorogua vaniria. Na Tamana mekana ba sake pitua kai tinoni, goto sa tei ia lao vania tu na Tuna sa na neqi ko na Tuna sa mina pituria sira na tinoni. Ko mai valavatia ira doru tinoni sa na Tuna, vaitoto vei tugu qai valavatia ira sa na Tamana. Na tinoni sake valavatia na Tuna sa sake valavatia tugu sa na Tamana isa sa garunia sa na Tuna.
Sosoto pa sosoto ma pojanigou ara sagou: sa korapa lalameona sa na totoso, ko kopira tugu sa na totoso isa, tonai mai nongoria ira na tinoni qai tei matedi tu sa na ovovelena na Tuna na Tamasa, ko ira mai nongoria sa mai toa. Ura na Tamana mekana sa na kutana na toa, beto ko sa tei vania tu na neqi vei sa na Tuna ko na Tuna tugu sa na kutana na toa.
Ba ira doru qai vakamua ko qai vasosotoa sa nisongona isa, poni sa isa sa ianiria na neqi ko qai podo koburu tana Tamasa sira. Qaike podo pa soana kolena bi pa masa na orungu babi pa roroqu tana marene sira, goto na Tamasa tu mekana sa vapodoria.
Ko kopira nake ara mekaqu sa qa korapa toa, goto na Karisito sa korapa toa pana taqu. Pana qua toa kopira qa totoravusia ara sa na Tuna na Tamasa, isa sa roroqusiu beto sa malumu matepaenisiu sara.
Ba tonai sa kamua sa na totoso tavilena tana Tamasa, poni sa sa garunu lagerenia na Tamasa sa na Tuna. Ko sa lagere podo pana kai rereko, ko sa podo beto sa lavata sae pana Vavanau tadira na Jiu sisa, ko mi ruvataria sira na tinoni qai tapiunia sa na Vavanau beto ko gita ta boka tagigala na koburu tana Tamasa sau. Ko kopira na koburu tana Tamasa sa gita, ko sa vei isa na Tamasa sa garunu lagerenia pa buloda gita sa na Gagalana na Tuna, ko na Gagala isa sa paranga votu vei pira, <<Aba! Ao na Tamaqu!>> sau.
Tonai tu taqe korapa suvere kanai gita sa na Tamasa ba isa sa vaibulenigita pana matena na Tuna. Ko kopira ko na baere sosoto tana Tamasa sa gita, ko na tagigila vatalena sa isa kode mina alogita sa gita pana toa tana Tuna.