Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
'Unakau 'o nyawa yamake ma Jo’oungu ma Dutu 'awi kumati. 'Una 'awi di-diai de wi gokoie kaimatero de ma Jo’oungu ma Dutu. 'Unau mita wapa-paliara 'o diwanga de 'o tonaka ne’ena de 'awi demo gee posironga de ma kuasaka. Ma ngale 'unau so 'o nyawa manga sowonoka yakisipidili, ge’ena 'ipasa de womasidapareta de ma Jo’oungu ma Dutu gee 'awi kuasa de 'awi kumati ma batingi koi’iwa.
Ma Jo’oungu ma Dutu 'awi Ngowaka 'ifoloi wodaduie de 'o sagala mala’ekati
Ge’ena 'iodumu 'isidumutu 'ato 'o Ngowaka gu’una 'ifoloi wodaduie de 'o mala’ekati 'iodumu, de 'una wisironga ma Jo’oungu ma Dutu 'awi Ngowaka ge’ena ma horomati 'ifoloi 'idaduie de 'o sagala mala’ekati.
'O Demo gu’una womadadiokau 'o nyawa,
de womanoa naga ngoneka,
de ngone pamakekau 'awi kumati.
'Awi kumati ge’ena ma Jo’oungu ma Dutuno to 'una 'awi Dea. Ngano 'una ge’ena ma Jo’oungu ma Dutu 'awi Ngowaka womatengo-tengoka.
Ma ngekomo 'una, ngone pakokimake ma Jo’oungu ma Dutu 'awi singina ma sure
de 'awi dora, de posironga wotiaioka.
Komoiwasi wimake ma Jo’oungu ma Dutu
duga ka to 'una 'awi Ngowaka womatengo-tengoka
gee naga de ma Dea de ka 'o singina moi.
'Unau wosidumutu ngoneno ma Jo’oungu ma Dutu ge’ena nagu’una.
Ma 'o Yesus wongose 'onaka, << 'Ai Dea kowomaogoruwa womanarama ma ngale 'o nyawa wakiriwo sigado ne’ena, so ngoi mita salingou tomanarama.>>
'O demo-demo ge’enau sigado 'o Yahudioka manga balu-balusu 'ifoloiosi yosikanonu yomau wito’oma. 'Ona koge’ena yodiai ge’ena bukangi la duga kawaparene 'o 'agama ma 'atorangi ma ngale Pomaoma-omasa ma Wange, ma mita sababu wongose 'ato ma Jo’oungu ma Dutu ge’ena to 'una 'awi Dea; ma ngale 'una womasitero de ma Jo’oungu ma Dutu.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
'O Petrus wi ngo-ngaku 'o Yesusika
'O Yesus wotagi 'o Kaisarea Filipi ma kota ma daeraa ma dateoka. Ge’enaka 'una wakisano wi do-domoteika, <<Moteke 'o nyawa manga demo, 'o Nyawa ma Ngowaka ge’ena nagu’una?>>
'Awi do-domoteke yosango, <<Munuka yongose 'o Yohanes Wo’osi-'osiki, de munuka yongose 'o Elia, de munukali yongose, 'o Yeremia, bolo 'o nabii wimoi.>>
<<Ma moteke ngini ma sirete, ngoi ne’ena nagu’una?>>
De 'o Simon Petrus wosango, << 'Aba, ngona ge’ena ma Jo’oungu ma Dutu wi Ngiriki, ma Lahatala wowango kaisi’ado-'adonika wi Ngowaka.>>
Wi’osiki 'iduanga so womabaorie de 'o diwanga 'ipelenga de 'o Yesus wamake ma Jo’oungu ma Dutu wi Ngomasa 'i’uti dakuuku 'isoka 'o pombo ngai moi de widangiku. Ge’enaka de ma Jo’oungu ma Dutu wi 'ilingi 'ingose konee, <<Ne’ena to ngoi 'ai Ngowaka towisiboso-bosono, 'una 'ai singina wasanangi.>>
Nago’ona yongaku 'o Yesus ge’ena ma Jo’oungu ma Dutu wi Ngowaka, ma Jo’oungu ma Dutu wo’ahu de de 'ona, de 'ona yo’ahu de ma Jo’oungu ma Dutu.
Ma Jo’oungu ma Dutu 'awi dora wosidumutu ngoneno ge’ena la wisiguti 'awi Ngowaka 'o duniaku, la ngone pamake 'o 'ahu sababu 'o Ngowaka gu’una. Ko ngonewa powidorakau ma Jo’oungu ma Dutu, ma 'ena ma Jo’oungu ma Dutu wonadora ngone de wosiguti 'awi Ngowaka, la ma ngekomo 'una to ngone nanga so-sowono ma Jo’oungu ma Dutu kowosi-singinawau. Ne’enau 'o dora.
Ma 'o nyawa gee koyomaogo-ogoruwa 'o sowono yodiai, 'ona ge’ena 'o Tokata ma Koana ma ngowaka, sababu 'o Tokata ma Koana 'ena 'isowonokau ka ma guruenosi. Ma ngale ne’enau so ma Jo’oungu ma Dutu 'awi Ngowaka woboa la waisanga 'o Tokata ma Koana ma manarama.
Nago’ona wika’elino ma Jo’oungu ma Dutu 'awi Ngowaka, 'ona yamake 'o 'ahu kaisi’ado-'adonika; de nago’ona kowika’elinowa ma Jo’oungu ma Dutu wi Ngowaka, 'onaka koi’iwa 'o 'ahu ge’ena.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Sababu ma Jo’oungu ma Dutu wadora ma sala 'o nyawa 'o duniaka ne’ena, sigado wokula 'awi Ngowaka womatengo-tengoka, la nago’ona yongaku de yomasiga-gao 'unaka, ge’ena koyobinasawa ma yamake 'o 'ahu kaisi’ado-'adonika.
'Isoka 'ai Dea gu’una wosimomiki 'o nyawa yosonge-songenuku de wakikula 'o 'ahu 'ika-kakali, koge’enali mita ngoi to 'una 'awi Ngowaka. Ngoi takikula 'o 'ahu 'ika-kakali 'o nyawaka gee tomau yamake 'o 'ahu. 'Ai Dea ma sirete kowakihakimuwa nago’ona bato. Sababu 'o kuasa 'iodumu ma ngale wohakimi, wokulakau ngoino 'awi Ngowakino. 'Ai Dea koge’ena wodiai la 'o nyawa 'iodumu 'i’isene ngoino 'isoka 'ai Deaka. 'O nyawa gee koi’isenuwa ngoino, ge’ena kowi’isenuwa mita 'ai Deaka gee woisulo-suloko toboano.
Ngoi ma Jo’oungu ma Dutu wi Ngowaka, tinisidemo ne’ena: Dua 'asa ma 'orasi ya’adono, de ne’ena 'iboakau, 'o nyawa yosonge-songene ma ngale yo’ahu ko de ma Jo’oungu ma Dutuwa 'asa yo’isene 'ai 'ilingi. De gee yo’ise-'isene de yosingou-ngounu go’ona 'asa yowango. 'Isoka 'ai Dea ma sirete 'una ge’ena 'o 'ahu ma titi, koge’enali mita ngoi woidiai 'o 'ahu ma titi.
Ma 'o nyawa 'iodumu gee widawongo de wingaku 'unaka,
wakidiai 'ona yodadi ma Jo’oungu ma Dutu 'awi ngowa-ngowaka.
'Ona yodadi ma Jo’oungu ma Dutu 'awi ngowa-ngowaka ge’ena koimaterowa de ngone 'o nyawa polahiri.
Ngone polahiri ge’ena ka 'o nyawa ma du-duaka, ma 'ona yodadi ma Jo’oungu ma Dutu 'awi ngowa-ngowaka ge’ena sababu 'una ma sirete wakisidadi.
Ma ngale to’ahu ne’ena duga ka ngoiwau ma 'ena de ma Kristus. Ngoi to’ahu ne’ena ge’ena la to’ahu sababu tongaku ma Jo’oungu ma Dutu wi Ngowaika gee woisiboso-bosono, de womasisarakaniokau wiso-songene sababu woidora ngoi.
Ma ma 'orasi yadae-daenuku gee ma Jo’oungu ma Dutu wositatapuokau, so ma Jo’oungu ma Dutu wosiguti 'awi Ngowaka 'o duniaku. 'O ngowaka gu’una 'o ngeweka mimoi mosilahiri de wamoteke 'o 'agama ma besesongo. De ge’enau 'una wakisipidili 'o nyawa gee yo’ahu 'o 'agama ma besesongo yakiparetano; la ngone poodumu podadi ma Jo’oungu ma Dutu 'awi ngowa-ngowaka.
Sababu ngini ge’ena ma Jo’oungu ma Dutu 'awi ngowa-ngowaka, so ma Jo’oungu ma Dutu wosuloko 'awi Ngowaka wi Ngomasa 'iwosanga to ngone poodumu nanga singinaka. 'O Ngomasa 'Itebi-tebini ge’enau 'inasi’asa so ngone pomasigasoko, <<Ee 'Aba, 'ai Dea!>>
Ma sira ngone pomalawani ma Jo’oungu ma Dutuka, ma 'una wonadiai ngone pomarimoiokali de de 'una ma ngekomo 'awi Ngowaka wosongene. 'Ifoloiosi gee to ngone nanga rimoi de ma Jo’oungu ma Dutu 'isurekau, ma raiokau ngone 'asa 'inasilaha ma ngekomo ma Kristus wo’ahu ngoneka.