Filhos de Deus
Ser filho de Deus é o maior privilégio da existência humana. Pela fé em Cristo, recebemos o direito de ser chamados filhos de Deus — herdeiros de Deus e co-herdeiros com Cristo.
O direito de ser filho
A todos que creram no nome de Jesus, deu-lhes o poder de serem feitos filhos de Deus — nascidos não do sangue, mas de Deus.
पर ज़ुंणी बी सह मनअ अर तेऊ दी विश्वास किअ, तिन्नां लै दैनअ तेऊ परमेशरे लुआद हणैंओ हक। तिंयां निं संसारे रिती दी परमेशरे लुआद बणै ज़िहै संसारै मणछ बैह करी शोहरू लै ज़ल्म दैआ। पर तिन्नों बाब आसा परमेशर अर तेऊ दैनअ तिन्नां लै नऊंअ ज़ल्म।
"किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।
पर ईंयां गल्ला लिखी मंऐं एते तैणीं कि तम्हैं विश्वास करी सके कि ईशू ई आसा मसीहा परमेशरो पूत अर तेऊए नाओंआं दी विश्वास करी भेटणीं तम्हां सदा रहणैं आल़ी ज़िन्दगी।
ज़ांऊं तम्हैं मसीहे नाओंऐं डुबकी लई, थारअ च़ाल-च़लण हुअ मसीहा दी नऊंअ ज़िहअ कुंण नऊंऐं झिकल़ै बान्हां। इहअ करै हुऐ तम्हैं सोभै परमेशरे लुआद ज़ांऊं तम्हैं मसीहा ईशू दी विश्वास किअ।
पर ज़ांऊं ठीक बगत पुजअ, परमेशरै छ़ाडअ आपणअ पूत संसारा लै अर तेऊओ ज़ल्म हुअ होरी मणछा ज़िहअ ई एकी ज़नानीए ओदरा का। तेऊओ ज़ल्म हुअ यहूदी खिंबा दी अर तेऊ किई सोभै गल्ला मोसा गूरे बधाने साबै। ताकि ज़ुंण बधाने डरा हेठै आसा, तिन्नां लै मोल दैई छ़ुटकारअ होए, अर हाम्हां बी गोद लऐ दै शोहरू ज़िहअ हक भेटे।
ऐबै निं तम्हैं गलाम रहै, पर ऐबै आसा तम्हैं परमेशरे पूत। ऐबै ज़ै हाम्हैं परमेशरे पूत आसा, तेऊ दैणीं हाम्हां लै तिंयां सोभै गल्ला ज़ुंण तेऊ आपणैं पूता लै आसा डाही दी।
A identidade dos filhos
O Espírito testifica com nosso espírito que somos filhos de Deus. E se filhos, também herdeiros — herdeiros de Deus.
तैही ज़ेतरै बी लोग परमेशरे आत्में साबै ज़िन्दगी काटा, तिंयां ई आसा परमेशरे लुआद।
किल्हैकि तम्हां निं एही आत्मां आथी भेटी दी ज़ुंण तम्हां गलाम बणांए ज़हा डअर हआ लागी दी। पर तम्हां आसा पबित्र आत्मां भेटी ज़ुंणी तम्हैं आपणीं लुआद हणां लै भोसल़ै ढाकै। ज़हा लै हाम्हैं बाबा, बाबा बोली हाक्का लाआ।
पबित्र आत्मां परखा ऐहा गल्ला आप्पै कि म्हारी आत्मां किज़ै बोला, कि हाम्हैं आसा परमेशरे लुआद।
मतलब ऐहा संसारे देहीए साबै ज़ुंण पैईदा हुऐ तिंयां निं परमेशरे लुआद आथी पर ज़सरै बारै परमेशरै आबरामा का करार किई ती तिंयां ई गणै आजू आबरामे आद-लुआद।
इज़राईल देश बणनअ भिई
"पर तज़ी बी हणैं आजू इज़राईली समुंदरे रेता ज़िहै इहै खास्सै कि तिन्नां निं कुंण गणी सकदअ। एभै बोला हुंह तिन्नां लै, ‘तम्हैं निं मेरी परज़ा आथी।’ पर तेभै बोल़णअ तिन्नां लै, ‘तम्हैं आसा ज़िऊंदै परमेशरे लुआद।’
होरी लोगा ज़िहअ निं शोग बी करी
मोसा बोलअ इज़राईली लै इहअ, "इज़राईलीओ, तम्हैं आसा थारै परमेशर बिधाते शोहरू-शोहरी। ज़ेभै तम्हैं मणछ मरी करै शोग करे, तेभै निं तम्हैं पराई ज़ातीए लोगा ज़िहअ आपणीं देही दी च़िरअ या आपणीं भृहुंईए शराल़ छाम्बी। किल्हैकि तम्हैं आसा बिधाते अर तेऊ आसा तम्हैं धरतीए सोभी देशे लोगा मांझ़ै आपणीं पबित्र परज़ा हणां लै छ़ांटै दै।
Viver como filhos
Vede que grande amor o Pai nos concedeu: que fôssemos chamados filhos de Deus! E é isso que somos.
सोठा, बाब परमेशरै हाम्हां संघै केही झ़ूरी किई, कि हाम्हैं तेऊए लुआद हई सके। हाम्हैं तेऊए लुआद आसा बी, तैही निं संसार हाम्हां बछ़ैणदअ, किल्हैकि तिन्नैं निं प्रभू, म्हारअ बाब परमेशर बी बछ़ैणअ।
एता ई करै बछ़ैणियां परमेशरे लुआद अर राख्से लुआद। ज़ुंण बी धर्में काम नांईं करदअ, सह निं परमेशरा का आथी अर सह बी निं परमेशरो आथी ज़ुंण आपणैं भाई संघै झ़ूरी निं डाहंदअ।
परमेशर दैआ तिन्नां लै बर्गत ज़ुंण मेल़-ज़ोल़ करा,
तिंयां हणैं परमेशरे लुआद।
तेखअ पुछ़अ तेऊ तिन्नां का, "तम्हैं किज़ै बोला मुल्है? हुंह कुंण आसा?"
शमौन पतरासै बोलअ, "तूह आसा ज़िऊंदै परमेशरो पूत मसीहा।"
ईशू बोलअ तेऊ लै, "शमौन, जोने शोहरूआ, परमेशर आसा ताह करै खुश। अह गल्ल निं लोहू अर मास्सा करै हुई। पर मेरअ बाब ज़ुंण स्वर्गै आसा, तेऊ किई अह गल्ल ताह दी प्रगट।
तम्हैं ज़िरा दुख सबक समझ़ी, परमेशर करा तम्हां संघै शोहरू समझ़ी बर्ताअ, इहअ कुंण शोहरू आसा, ज़हा तेऊओ बाब नैरदअ निं आथी?
ज़ै तम्हां बाब तिहअ नांईं नैरा ज़िहअ सह आपणैं होरी शोहरू नैरा, एतो मतलब आसा इहअ कि तम्हैं निं तेऊए असली शोहरू आथी तै आसा तम्हैं कहा होरीए लुआद।