12 But hou many euer resseyueden hym, he yaf to hem power to be maad the sones of God, to hem that bileueden in his name; the whiche not of bloodis,13 nether of the wille of fleische, nether of the wille of man, but ben borun of God.

16 For God louede so the world, that he yaf his oon bigetun sone, that ech man that bileueth in him perische not, but haue euerlastynge lijf.

31 But these ben writun, that ye bileue, that Jhesus is Crist, the sone of God, and that ye bileuynge haue lijf in his name.

26 For alle ye ben the children of God thoruy the bileue of Jhesu Crist.27 For alle ye that ben baptisid, ben clothid with Crist.

4 But aftir that the fulfilling of tyme cam, God sente his sone,5 maad of a womman, maad vndur the lawe, that he schulde ayenbie hem that weren vndur the lawe, that we schulden vnderfonge the adopcioun of sones.

7 And so ther is not now a seruaunt, but a sone; and if he is a sone, he is an eir bi God.

14 For who euere ben led bi the spirit of God, these ben the sones of God.15 For ye han not take eftsoone the spirit of seruage in drede, but ye han taken the spirit of adopcioun of sones, in which we crien, Abba, fadir.

16 And the ilke spirit yeldith witnessyng to oure spirit, that we ben the sones of God;

8 that is to seie, not thei that ben sones of the fleisch, ben sones of God, but thei that ben sones of biheeste ben demed in the seed.

10 And the noumbre of the sones of Israel schal be as grauel of the see, which grauel is with out mesure, and it schal not be noumbrid; and it schal be in the place, where it schal be seid to hem, Ye ben not my puple; it schal be seid to hem, Ye ben the sones of God lyuynge.

1 Be ye the sones of youre Lord God; ye schulen not kitte you, nether ye schulen make ballidnesse,2 on a deed man, for thou art an hooli puple to thi Lord God, and he chees thee that thou be to hym in to a special puple, of alle folkis that ben on erthe.

1 Se ye what maner charite the fadir yaf to vs, that we be named the sones of God, and ben hise sones. For this thing the world knewe not vs, for it knew not hym.

10 In this thing the sones of God ben knowun, and the sones of the feend. Ech man that is not iust, is not of God, and he that loueth not his brothir.

9 Blessid ben pesible men, for thei schulen be clepid Goddis children.

15 Jhesus seide to hem, But whom seien ye me to be?16 Symount Petre answeride, and seide, Thou art Crist, the sone of God lyuynge.17 Jhesus answeride, and seide to him, Blessid art thou, Symount Bariona; for fleisch and blood schewide not to thee, but my fadir that is in heuenes.

7 Abide ye stille in chastising; God proferith hym to you as to sones. For what sone is it, whom the fadir chastisith not?8 That if ye ben out of chastising, whos parteneris ben ye alle maad, thanne ye ben auowtreris, and not sones.