Filhos

14 Bɔŋ ndʉʉ ndə Jiso nyíɛ, tʉʉ-i byʉ́ʼ, ɔ ghɔ̀ŋ tʉ bɔŋ mbɔ, "B̈ii mɛ̀ʼtə v̈âambuɔ gwè tʉ mɔ, kə bii mə leʼ chíe bɔŋ fɛ bʉʼka Sɔ́ʼ-Nyii nɔ bɛ tʉ ntɛ bʉə nə bɔ̄ŋbə.

11 Kaʼ mbəŋ-yii ndʉʉmɛ, ndə bii bɛ bʉə-bʉ̂ʼʉ, kínə məkɔ́ yʉʼ kəkɔ tʉ vâa-bii, ndʉʉmɛ i nɔ buŋ dʉ̀ʼ yɔ́ŋyɔ́ŋ mbɔ Tie-yii ndə ɔ bɛ yuo bu kɔ́ yʉʼ kəkɔ tʉ bʉə ndə bɔ̂ŋ bíʼtə tʉ ɔŋ!

52 Jiso kə́ kóʼ nə mukətʉ-súunə ghɔŋbə mbʉə-e. Buuŋ-Nyii bʉ̀ʉ ndə ɔŋ, bʉə bənchəŋ kʉ̀ʉ ɔ.

1 B̈ii nyíɛ ntɛ ŋkʉ̂ʉ ndə mbʉ Tie kʉ̀ʉ bʉʼʉ nə yɔŋ! Ŋkʉ̂ʉ-i tʉ bʉʼʉ nɔ yɔ́ŋ daa tə bə kə́ tíi bʉʼʉ nə vâa-Nyii, bɔŋ ndə ŋgie-shʉəŋ-kə, bʉʼʉ nɔ leʼ bɛ vâa-bi. Nukə ndə i chìi təmə bʉə-kəwʉʉnəmbi kínə bʉʼʉ fɛ, nɔ bɛ mbɔ bɔ̂ŋ kə kínə ɔŋ fɛ.

Vâambuɔ ghɔŋbə bətie-bʉə

1 Vâambuɔ, bʉʼka bii bɛ fɔkə imɔʼ biibə Tiekətʉ, b̈ii yʉ́ chu bətie-bii, nɔ bɛ nukə ndə i kʉ̀ʼnə. 2 Bə nɔ nyɔ̀ʼ mu ŋwɔʼnə-Nyii mbɔ, "Kɔ́ kuŋhə tʉ naa-aŋ ghɔŋ tie-a." Nɔ bɛ fəŋ ŋkahə nɔ ndə i kie ŋkɔʼnə, 3 "mbɔ nubə inchəŋ chʉʼ bʉ̀ʉ tʉ a, a bɔŋleʼ chí kəwʉʉnəmbi dɔ̀ŋnə."

4 Bətie-vâa, kə bii mə kə́ byìi tʉʉ vâa-bii fɛ, b̈ii chìi b̈ɔ̂ŋ kóʼ nə nuʼ ghɔŋbə tʉ̂ʼ-Tiekətʉ.

20 Vâambuɔ, bii nɔ kie ndə məyʉ́ chu bətie-bii ndə nubə inchəŋ, bʉʼka i nɔ tʉʼ kɔ́ tʉʉjyu tʉ Tiekətʉ.

21 Bətie-vâa, kə bii mə kə́ byìi tʉʉ vâa-bii fɛ, təmə mbʉəhə-ʉə bu lʉ́ʉtə.

7 B̈ii yá fyiihə-ii ndə ŋgʉəʼ ndə bii bɛ muŋgɔ ndə i bɛ nə ŋgwɔŋ ndə tie-vaa gwúu vâa-bi nə yɔŋ. Ŋgʉəʼ-yii nɔ tʉʼ dʉ̀ʼ mbɔ Nyii nɔ tʉʼ lʉ̀ bii nə vâa-bi. Vaa bɛ ghɔ ndə tie-e gòʼ təmə kə́ gwúu ɔ fɛ mɛ? 8 Kaʼ ɔ gòʼ təmə kə́ gwúu bii ndə ɔ gwúu vâa-bi bənchəŋ fɛ, i dʉ̀ʼ mbɔ bii kaa ŋkɛŋ vâa-bi fɛ, təmə bii nɔ bɛ vâa-bəghaa.

4 Bɔŋ kaʼ kwuʼ woke kie vâa byuunɔ vâavâa, b̈ɔ̂ŋ fəŋ yétə ndə məchímbi ndə ntɛ ndə i bu kə́ kɔ́ kuŋhə tʉ Nyii mu yʉə-yə chunjaatə, nɔ bɛ ntɛ nɔ ndə bɔ̂ŋ bu leʼ tyú ŋgʉəʼ ghɔ tʉ bətie-bʉə. Bʉʼka nɔ nukə nɔ ndə i bʉ̀ʉ shʉ-Nyii.

21 Ndʉʉ ndə ỹɔʼ-Nyii-kə byùu woke nɔ, ɔ bɛ vínəvínə bʉʼka ndʉʉ-i nɔʼ gwè, bɔŋ ndʉʉ ndə ɔ bí nɔ, ɔ leʼ kwɛ́nə ŋgʉəʼ ndə ɔ kə tíŋ hə chɔ fɛ, bʉʼka tʉʉjyu mbɔ ɔ nɔ bí woməsʉʉ kəwʉʉnəmbi.