Filhos
Os filhos são herança do Senhor — bênção e responsabilidade sagrada. A Bíblia orienta sobre a criação dos filhos com amor, disciplina e instrução nos caminhos de Deus.
Herança do Senhor
Os filhos são herança do Senhor e o fruto do ventre é seu galardão. Bem-aventurado o homem que enche deles a sua aljava.
Satotuuna ana umane sumai o rahumati minaaka i KAWASANA OPU,
tee o antona kadhuma satotuuna saangu fahala.
Mboomo anana pana i limana samia suludadu,
mboo sumaimo manga ana umane i wakutuuna amangura.
Amasanaamo mia mopabukena
dhingkanana panana tee anana pana.
Incia inda bheapotibhaaka kaea,
wakutuuna apogau tee manga musuna i bhambana lawa kota.
Laguna ziara.
Amasanaamo o mia momaekana i KAWASANA OPU,
tee adhadhi aose parintana.
Ingkoo bheukande minaaka i hasilina kanguleana bukumu;
ingkoo bheumasanaa, tee o dhadhimu bheamalape.
Bhawinemu bheamembali mboomo puuna angguru mosuburu
i nuncana bhanuamu,
tee manga anamu mboomo tunana puuna zaitun
i saripina mejamu.
Satotuuna, mboo sumaimo rahumati bheadhawuaka
to mia momaekana i KAWASANA OPU.
Laguna ziara.
Amasanaamo o mia momaekana i KAWASANA OPU,
tee adhadhi aose parintana.
Ingkoo bheukande minaaka i hasilina kanguleana bukumu;
ingkoo bheumasanaa, tee o dhadhimu bheamalape.
Bhawinemu bheamembali mboomo puuna angguru mosuburu
i nuncana bhanuamu,
tee manga anamu mboomo tunana puuna zaitun
i saripina mejamu.
Maasangia manga anata umane
mboomo penembula motuwuna amembali amaoge,
tee manga anata bhawine
mboomo manga arii makesa
mobhelokina manga singkuna malige.
Manga opu-opuana bheakokuasa i alamu,
tee siwulu momakatena incana bheatobarakati.
Aulataʼala abarakatimo manga incia tee afirimani i manga incia, "Koana-anamo koopu-opuamo tee ahandamo kabharina. Pabukemea alamu tee mangantaloakea siitu. Kokuasamo to manga ikane i tawo tee manu-manu i laiana, tee bhari-bharia binata mopondelena i tana."
Instruir e disciplinar
Instrui a criança no caminho em que deve andar, e quando envelhecer não se desviará dele. Disciplina é amor em ação.
O amor de Deus por crianças
Deixai vir a mim as crianças. Jesus acolheu, abençoou e honrou as crianças como modelo de fé e humildade.
Wakutuuna Isa akamata giu incia sumai, Incia aʼamara tee apogau, "Taroakamea manga anaana sumai aumba i Iaku. Bholi ujoli-jolia, roonamo manga miamo mboo sumai momembalina uumatina Pamarintana Aulataʼala.
Jadi, ande ingkomiu momadhakina pewauna umatau to upekadhawuaka momalapena to anamiu, ntaranamo uka o Amamiu i sorogaa! Atantumo Incia bheapekadhawuaka momalapena to manga mia moemanina i Incia.
Isa sii juluna eo, julu amaoge, julu abukeaka hikimati, julu amaasiakea Aulataʼala tee uka maanusia.
Mboomo samia ama amaasiaka manga anana,
mboo sumaimo o KAWASANA OPU amaasiaka manga mia momaekaia.
Kamatea! Tapanamo kaoge o kaasi idhawuakana Ama to ingkita, sabutuna tatosarongi manga anana Aulataʼala, tee inciamo ingkita o anana Aulataʼala! Rampaakanamo sumai o dunia sii inda mangamatau, roonamo dunia uka inda apomatau tee Aulataʼala.
Bênção e promessa
O Senhor te abençoe e te guarde. Os filhos dos justos serão abençoados e suas gerações caminharão na retidão.
Sio-siomo Aulataʼala bheadhawuko alo minaaka i laiana,
tee manga tampa mosuburu i alamu,
tee gandum tee uwena angguru ataralabhi-labhi.
Sio-siomo manga lipu amembali bhatuamu,
tee manga lipu asuju i aroamu.
Maasangia umembalimo opu to manga witinaimu,
tee sio-siomo manga anana inamu asuju i ingkoo.
Atotundamo mia motundako,
tee abarakatimea mia moemaniakana kabarakati to ingkoo."
Roonamo Ingkoo mopadhaangiana bhari-bharia parewana badaku;
Ingkoo mopebhanguiaku i nuncana kadhumana inaku.
Iaku kusukuru i Ingkoo roonamo upadhaangiaaku tee cara inda momentela.
Bhari-bharia ipewaumu inda amentela,
tee atotuu-totuu kumataua o giu incia sumai.
Manga bukuku ukamatea,
wakutuuna upadhaangiaaku i tampa rahasia,
tee upebhanguiaku i wetana alamu moporitambena mpuu.
Ingkoo ukamataaku wakutuu dhaangiapo kumembali satongka raa,
tee i nuncana kitabimu bhari-bharia giu incia sumai padhamo atoburi
to eo-eona mopadhana ipatantuakamu to iaku
wakutuuna indapo aumba saangu eo minaaka i manga incia.
Maka Ingkoomo mopalimbaaku minaaka i nuncana kadhuma,
tee ujaganiaku i sangoana inaku.
Pepuu minaaka kumangura sakawana kumancuana,
indapo mina kukamata mia mobanara abholia KAWASANA OPU,
atawa o siwuluna amembali pande pengkaemani.
Incia abukeaka kaasi tee sadia apekapaadha,
tee manga anana amembali barakati to incia.
Ingkami inda bhetabuniakea minaaka i anaanana manga incia,
maka ingkami bhetapetulatulaakea i siwuluna sapadhana ingkami
manga kapujia to KAWASANA OPU tee kakaana,
tee manga giu inda momentela mopadhana ipewauna.
Criação e obediência
Pais, criai vossos filhos na disciplina e instrução do Senhor. Filhos, obedecei a vossos pais — isto é justo e agradável a Deus.
E manga anaana, osea o parintana mancuanamiu i nuncana sarona Kawasana Opu, roonamo giumo incia sii mobanarana ipewaumiu. I nuncana Kitabi Momangkilo dhaangia tee parinta mboo sii, "Horomatia o ama tee inamiu." Parinta incia sii satotuuna o parintana Aulataʼala mobhaa-bhaana apapooseakea tee janjina mboo sii, "mamudhaakana amalape dhadhimu tee amarambe umurumu i dunia sii."
E manga witinai momembalina ama! Bholi uumbaaka amara i nuncana ngangarandana manga anamiu, maka manga incia tabeana upekaogeakea kaadhari tee naasehati mominaakana i Kawasana Opu.
E manga anaana, osea bhari-bharia parintana inamiu tee amamiu, roonamo giu incia sumai amasanaakea incana Kawasana Opu.
E manga witinai momembalina ama, bholi upekapii incana manga anamiu, mamudhaakana manga incia inda amate o akalana.
Horomatia amamu tee inamu, mamudhaakana amarambe umurumu i tana idhawuakana KAWASANA OPU, Aulataʼalamu, i ingkoo.
Maka ande samia iaiaro dhaangia tee anana atawa tee opuana, taroakamo anana atawa opuana sumai aporikanapo apengkaadhari alaiani Aulataʼala tee aperangoi opea ifaraluuna witinaina karona. Tee mboo sumai, manga incia amembali abholosi kalapena mancuanana tee opuana, tee giu incia sumai amasanaakea incana Aulataʼala.
Giu incia sumai apokana tee samia bhawine bhemopalaahirina anaana. Incia bheanarakaa i wakutuuna akawa henggana apalaahiri anana. Maka sapadhana apalaahiri anana, incia indamo audhania o kanarakaana. Incia akaunde-unde mpuu roonamo padhamo apalaahiri samia anaana i dunia.