Filhos

3 Kàli abâna ngalo ya Nyakasane, akarhenga omu nda luhembo.

4 Ababurhirwa ebusole, kwo bali nka bisonga omu nfune z’entwâli.

5 Ali w’iragi omulume obumbire omurhana gwâge myampi ya bene eyo,

enshonyi zirhâmubumbe amango ababisha bamujà aha lusò.

Omugisho oku muntu okenga Lulema

1 Lwimbo lwa kusôka.

Iragi lyâwe we rhînya Nyakasane,

we shimba enjira zâge.

2 By’omu maboko gâwe wâlye

obone iragi onasîme.

3 Mukâwe kwo ali nka muzâbîbu

guyâna bwenêne omu mwâwe.

Abâna bâwe kwo bali nka mirhô ya muzêti,

bazungulusire ecîbo omu bululi bwâwe.

4 Kwo agishwa ntyo, omuntu orhînya Nnâmahanga.

Omugisho oku muntu okenga Lulema

1 Lwimbo lwa kusôka.

Iragi lyâwe we rhînya Nyakasane,

we shimba enjira zâge.

2 By’omu maboko gâwe wâlye

obone iragi onasîme.

3 Mukâwe kwo ali nka muzâbîbu

guyâna bwenêne omu mwâwe.

Abâna bâwe kwo bali nka mirhô ya muzêti,

bazungulusire ecîbo omu bululi bwâwe.

12 Ecabona bagala bîrhu bayûshûsire nka mburho enazire omu busole bwâbo, na bâli bîrhu nka mitungo minjinjà na mibinje nka nkingi z’omu bwâmi bwa Nyamuzinda.

2 iburha lyâge lyâyishilushana hano igulu, n’obûko bw’abashinganyanya bwâbona omugisho.

28 Nnâmahanga àbagisha anababwîra, erhi: «Muburhe muluge, mubumbe igulu, mulirhambule munarhegeke* enfî z’omu nyanja n’orhunyunyi rhw’emalunga, na ngasi cizîne cigera oku idaho.»

4 Yâbà eri ngishe emburho y’omu nda yâwe, emburho y’ebintu byâwe, n’emyêzi enkafu yâwe erimwo n’eyi ecibuzi byâwe birimwo kwo na kwo.

14 Wabà mugishe kulusha agandi mashanja goshi, emwâwe erhakabà ngumba ya mulume erhi ya mukazi erhi omu bintu byâwe.

6 Oyigîrize omwâna wâwe enjira âgeramwo, âbà akola mushosi erhi yo anacibâmwo.

15 Obuhwinja bubà bunanîre oku murhima gw’omwâna, akarhi k’obuhane kanamulikûze kuli bwo.

24 Obîkiriza ehirhi hyâge, erhi omugala anashômba, omusîma bwenêne amukubûla.

15 Okushûrhwa n’okukalihirwa binahe omuntu oburhimanya omwâna balekêrera ye bonesa nnina nshonyi.

13 Orhahîraga okababalira omwâna mpu orhâmuhana, bulyâla erhi wankamushûrha, akarhi karhâmuyîrhe.

Okucîshoga oburhimanya

1 Bâna bâni, yumvi enyigîrizo za sho, murhege okurhwiri lyo mumanya obwenge.

Oburhimanya n’obuhwinja

1 Migani ya Salomoni. Omwâna murhimanya ye mushagalusa* w’îshe. Omwâna musirhe burhè anajira nnina.

6 Ebyôla binwa nkurhegesire ene bisêre omu murhima gwâwe. 7 Obibwîrize bagala bâwe, obaganîrirebyo nk’otamîre omu mwâwe erhi amango odwîrhe walambagira omu njira, amango ogwîshîre erhi amango oyîmanzire;

14 Erhi Yezu abona, agaya anababwîra, erhi: «Leki abâna! bajè ahandi; murhabahanzagya, bulya ababashusha*, Obwâmi bwa Nyamuzinda buli bwâho.

11 Mwe babî, mukamanya ebinja mwakahà abâna binyu, minjà manganaci Sho oli omu mpingu ankahà abamuhûna!

52 Naye Yezu akula omu bumanye, omu bushûke n’omu nshôkano embere za Nyamuzinda n’embere z’abantu.

13 Nka kulya îshe w’abâna abà mwonjo oku bâna bâge, kwo na Nyamuzinda ali mwonjo oku bamurhînya.

1 Mulole buzigire buci Larha Nyamuzinda arhuzigîre, mpu rhukâderhwa bâna ba Nnâmahanga; erhi kwo binali, rhuli bo! N’igulu lirharhwishi, bulya naye lirhamumanyaga.

24 "Nyakasane akugishe anakulange!" 25 "Nyamubâho akumolekere n’obusù bwâge, anakushobôze engalo zâge!" 26 "Nyamubâho akuyinamulire amalanga, anakuhè omurhûla!"

28 Nyamuzinda akushobôze olumè lw’oku nkuba, n’amashwa gashushagîre, engano nyinji n’idivayi linji. 29 Amashanja gakushige n’abantu b’emahanga bafukame embere zâwe. Obè murhambo wa bene winyu na bagala ba nyoko bafukame embere zâwe. Owakuhehêrere ahehêrewe, n’owakugishe anagishwe».

3 Bulya nkola nabulagira amîshi oku cihugo cifîre n’ecûmwe, nnampuluze enyîshi omu budaka buyûmûsire. Nabulagira omûka gwâni oku bûko bwâwe, n’obwangà bwâni oku iburha lyâwe. 4 Bâmera banakule nka byâsi by’omu mîshi, nka masheke g’oku burhambi bw’olwîshi.

13 Bagala bâwe boshi babà baganda ba Nyakasane, n’omurhûla gw’abâna bâwe gwabà murhûla munene.

5 Embere nkuleme omu nda ya nyoko, erhi nkuyîshi*., embere orhenge omu nda erhi namakwîshoga, nakujira nti obè mulêbi w’amashanja.

38 "Babè lubaga lwâni, bulya nie Nyamuzinda wâbo". 39 "Nkola nâshubibahà murhima muguma na ngeso nguma, lyo bashubinkenga lwoshi, nâbahà oluhembo na buzinda abâna bâbo".

13 We waburungusagya ensiko zâni,

We wambumbaga omu nda ya nyâmà.

14 Ncîkwitakîre bulya oku wanjirîre kusômerîne,

bulyâla emikolo yâwe eri ya kurhangâza.

Omurhima gwâni ogumanyire bwinjà,

15 na ntà kavuha kandimwo ohabire.

Nabîre ndwîrhe nabumbwa bushâla-shâla,

nabîre ncidwîrhe nashwinjirwa omu kuzimu,

16 erhi n’amasù gâwe mîra gabonaga ebijiro byâni,

erhi byoshi binakola biri biyandike omu citabu câwe;

ensiku zâni zayôrhaga ziri nganje,

erhi n’olurhanzi-rhanzi muli zo lurhacija oku nkuba.

10 Arhali wundi wankûlaga omu nda ya nyâmà, ci wêne, wandera n’omurhûla erhi ndi oku ibêre

25 Nali murhò, nie oyu nkola mushosi, ntasâg’ibona balekêrîre entagengwa, ntasâg’ibona iburha lyâbo lyafâ cizômbo.

26 Ngasi mango lukogo ebà na kuhoza ehoza, n’iburha lyâbo kugishwa lyâgishwe.

4 Rhurhankabifulika abinjikulu bâbo, rhurhankabula bwabimanyîsa abâna bâburhwa. Rhwababwîra oku Nyakasane alumeha kwoshi, obuhashe bwâge n’ebinja àjizire by’okurhangâza.

6 Ecimanè c’abashosi: bâna b’abâna bâbo, okukengwa kw’abâna erhi îshe.

7 Omushinganyanya, ilabarha lyâge, lya mudahemuka; abâna asiga, abasiga bany’iragi.

1 Bâna, mukaz’iyumva ababusi binyu muli Nyakasane: okwo kushingânîne. 2 Okaz’ikenga sho na nyoko, -ly’irhegeko lirhanzi lirimwo eciragâne-, 3 ly’obona iragi onalame myâka minji en’igulu✝.

4 Ninyu, mwe babusi, murhakâg’isholoshonza abâna binyu, ci omu kubalera, mubayigîrize munabahanûle muli Nyakasane.

20 Bâna, mukâyumva ababusi binyu muli byoshi, bulya okwôla kwo kusîmîsa Nyakasane.

21 Babusi, murhakâg’isholoshonza abâna binyu, mwakarhuma bârha omurhima.

12 Okazikenga sho na nyoko, ly’olama myâka minji omu cihugo ohîrwe na Nyakasane, Nyamuzinda wâwe.

7 Amalibuko ginyu buli buhane. Kwo Nyamuzinda ammujirira nka bâna bâge. Mwâna ohi orhahanwa n’îshe? 8 Erhi mwankabula kwahâbwa obuhane abandi boshi bashangîra, murhankacibà bâna b’okuli, ci mwanabà b’embuga.

4 Ci erhi omukana akabà a­gwêrhe abâna erhi abinjikulu, kukwânîne burhanzi bayigîrizibwe okukâkombêra omulala gwâbo n’okuyêreka ababusi bâbo omunkwa. Okwôla kwo kusîmîsa Nnâmahanga.

21 "Omukazi, nk’ali hôfi h’okuburha, oburhè bunamugwârhe, bulya amango gâge gahisire; ci kwônene nk’amâyûs’iburha omwâna, arhacikengêra galya malibuko gâge, erhi kucîshinga kurhuma, bulya omuntu abusirwe en’igulu".

39 Cikwône abâna binyu barhò, balya mwaderhaga mpu bakolaga bajibà mpira, na bagala binyu, abâla barhacimanya ene ebinja n’ebibî, abôla bo bacîjamwo, bo nacihà bo nanaciyankira cibè câbo.