3 Amadodana ayilifa elivela kuThixo,

abantwana bangumvuzo ovela kuye.

4 Njengemitshoko esandleni sebutho

anjalo amadodana azelwe ngumuntu esesemutsha.

5 Ubusisiwe umuntu

omxhaka wakhe ugcwele wona.

Kayikuyangeka nxa sebedibana

lezitha entubeni.

1 Babusisiwe bonke abamesabayo uThixo,

abahamba ngezindlela zakhe.

2 Lizakudla izithelo zomsebenzi wenu;

izibusiso lokuphumelela kuzakuba ngokwenu.

3 Umkakho wesifazane uzakuba njengevini elithela

kakhulu phakathi kwendlu yakho;

amadodana akho azakuba njengamahlumela e-oliva

esetafuleni yakho.

4 Ibusisiwe kanjalo

indoda eyesaba uThixo.

1 Babusisiwe bonke abamesabayo uThixo,

abahamba ngezindlela zakhe.

2 Lizakudla izithelo zomsebenzi wenu;

izibusiso lokuphumelela kuzakuba ngokwenu.

3 Umkakho wesifazane uzakuba njengevini elithela

kakhulu phakathi kwendlu yakho;

amadodana akho azakuba njengamahlumela e-oliva

esetafuleni yakho.

12 Kuzakuthi amadodana ethu ebutsheni bawo

azakuba njengezihlahla ezikhuliswa kuhle,

kuthi amadodakazi ethu

abe njengezinsika ezibazelwe ukucecisa isigodlo.

2 Abantwabakhe bazaba lamandla elizweni;

isizukulwane soqotho sizabusiswa.

28 UNkulunkulu wababusisa wathi kubo, "Zalanani lande ngobunengi; liwugcwalise umhlaba, liwubuse. Busani phezu kwenhlanzi zolwandle lezinyoni zemkhathini laphezu kwezidalwa zonke ezihambayo emhlabathini."

4 Inzalo yenu izabusiswa, lezithelo zomhlabathi wenu kanye lenzalo yezifuyo zenu, amathole emihlambi yenu kanye lamazinyane emihlambi yenu.

14 Lina lizabusiswa okungaphezu kwabanye abantu; kakho phakathi kwamadoda labafazi kini ozaswela umntwana, njalo lezifuyo zenu ngeke ziswele amankonyane.

6 Fundisa umntwana indlela amele ahambe ngayo,

kuzakuthi esemdala kayikuphambuka kuyo.

15 Ubuwula bugxilile enhliziyweni yomntwana,

kodwa uswazi lokuqondisa luzabuxotshela khatshana.

24 Lowo ongasebenzisi uswazi uyayizonda indodana yakhe,

kodwa lowo oyithandayo unqinekela ukuyiqondisa.

15 Uswazi lokuqondisa lunika ukuhlakanipha,

kodwa umntwana oyekelwayo uhlazisa unina.

13 Ungayekeli ukumlaya umntwana;

ukumtshaya ngoswazi akuyikumbulala.

1 Zwanini, madodana ami, izeluleko zikayihlo;

lalelani lizuze ukuqedisisa.

1 Izaga zikaSolomoni:

Indodana ehlakaniphileyo iletha ukuthokoza kuyise,

kodwa indoda eyisiwula iletha ukudabuka kunina.

6 Imilayo le engikupha yona lamuhla kumele ibe sezinhliziyweni zenu. 7 Igcizeleleni ebantwaneni benu. Likhulume ngayo nxa lihlezi emakhaya enu lalapho lihamba endleleni, lapho lilala lanxa livuka.

14 UJesu wathi ekubona lokho wacaphuka. Wathi kubo, "Yekelani abantwana abancane beze kimi, lingabavaleli, ngoba umbuso kaNkulunkulu ungowabanjengalaba.

11 Nxa lina elibabi likwazi ukupha abantwabenu izipho ezilungileyo, pho uYihlo osezulwini uzabapha kangakanani izipho ezinhle labo abacela kuye!

52 UJesu wakhula ngenhlakanipho, langomzimba langokuthandwa nguNkulunkulu labantu.

13 Ngendlela ubaba elozwelo ebantwaneni bakhe,

kanjalo uThixo ulozwelo kulabo abamesabayo;

1 Yeka ubukhulu bothando uBaba asinika lona, ukuba sibizwe ngokuthi singabantwana bakaNkulunkulu! Njalo lokho yikho esiyikho! Okwenza umhlaba thina ungasazi yikuthi laye kawumazanga.

24 "UThixo alibusise

njalo aligcine;

25 UThixo kakhazimulise ubuso bakhe phezu kwenu

njalo abe lomusa kini;

26 UThixo kakhangelise ubuso bakhe kini

njalo aliphe ukuthula." ’

28 Sengathi uNkulunkulu angakupha amazolo asezulwini

lokuvunda komhlabathi,

inala yamabele lewayini elitsha.

29 Sengathi izizwe zingakukhonza

labantu bakukhothamele.

Ube yinkosi phezu kwabafowenu,

njalo sengathi amadodana kanyoko angakukhothamela.

Sengathi labo abakuqalekisayo labo baqalekiswe

labakubusisayo babusiswe."

3 Ngoba ngizathela amanzi elizweni elomileyo,

lezifula emhlabathini owomileyo.

Ngizathela uMoya wami phezu kwenzalo yakho

lezibusiso zami phezu kwezizukulwane zakho.

4 Zizahluma njengotshani emadlelweni,

lanjengeminyezane ezifuleni ezigelezayo.

13 Wonke amadodana akho azafundiswa nguThixo,

njalo kuzakuba kukhulu ukuthula kwabantwana bakho.

5 "Ngingakakubumbi esiswini ngakwazi,

ungakazalwa ngakukhetha

ngakubeka ukuba ngumphrofethi ezizweni."

38 Bazakuba ngabantu bami, mina ngibe nguNkulunkulu wabo. 39 Ngizabenza babemunye enhliziyweni lasezenzweni, ukuze bahlale bengesaba, ukuba kube kuhle kubo lasebantwaneni babo emva kwabo.

13 Ngoba wadala ingaphakathi yobuyimi;

wangiphetha kuhle ndawonye esiswini sikamama.

14 Ngiyakudumisa ngokuthi ngabunjwa ngesimanga esesabekayo;

iyamangalisa imisebenzi yakho,

lokho ngikwazi kamhlophe.

15 Isimo samathambo ami sasingafihlekanga kuwe

lapho ngangisenziwa endaweni esithekileyo.

Lapho ngangiselukelwa ndawonye ezinzikini zomhlaba,

16 amehlo akho awubona umzimba wami ungakabi lesimo.

Zonke insuku ezamiselwa mina zabhalwa encwadini yakho

lalunye lwazo lungakabi khona.

10 Kusukela ekuzalweni kwami ngabekwa ezandleni Zakho;

kusukela esiswini sikamama ulokhu unguNkulunkulu wami.

25 Ngangimutsha, manje sengiluphele,

kodwa angizange ngibone abalungileyo bedelwa

loba abantwababo becela isinkwa.

26 Bayaphana kokuphela njalo bayebolekana nje;

abantwababo bazabusiswa.

4 Kasizukuzifihlela abantwana babo;

sizasitshela isizukulwane esizayo

ngemisebenzi emangalisayo kaThixo,

amandla akhe, lemimangaliso aseyenzile.

6 Abazukulu bangumqhele wabalupheleyo,

njalo labantwana baziqhenya ngabazali babo.

7 Umuntu olungileyo uphila impilo encomekayo;

babusisiwe abantwabakhe abamfuzayo.

1 Bantwana lalelani abazali benu eNkosini ngoba lokhu kulungile. 2 "Hlonipha uyihlo lonyoko," okungumlayo wakuqala olesithembiso, 3 "ukuze kukulungele lokuba ube lempilo ende emhlabeni."*

4 Bobaba*, lingabathukuthelisi abantwana benu kodwa bondleni ngokufundisa langokulaya kweNkosi.

20 Bantwana, lalelani abazali benu ezintweni zonke ngoba lokhu kuyayithokozisa iNkosi.

21 Bazali, lingabathukuthelisi abantwana benu hlezi badumazeke.

12 Hlonipha uyihlo lonyoko ukuze impilo yakho ibende elizweni akunika lona uThixo uNkulunkulu wakho.

7 Bekezelelani ukuhlupheka njengokulaywa; uNkulunkulu uliphatha njengabantwana bakhe. Kambe yibaphi abantwana abangalaywa nguyise na? 8 Nxa lingalaywa (umuntu wonke uyalaywa), liyabe lingabantwana abazalwa ngokungekho emthethweni njalo abangasiwo amadodana lamadodakazi uqobo.

4 Kodwa nxa umfelokazi elabantwana kumbe abazukulu, kumele bafunde kuqala kulakho konke ukusebenzisa ukholo lwabo ngokukhathalela abendlu yakwabo langokusiza abazali babo labazali babazali babo ngoba lokhu kuyamthokozisa uNkulunkulu.

21 Owesifazane nxa ebeletha uzwa ubuhlungu ngoba isikhathi sakhe sesifikile; kodwa nxa umntwana esezelwe uyabukhohlwa ubuhlungu lobo ngenxa yentokozo yokuthi sekuzelwe umntwana emhlabeni.

39 Kanti njalo lalabo abancane elalisithi bazathunjwa, abantwabenu abangakehlukanisi phakathi kokubi lokuhle, bazangena kulelolizwe. Ngizabapha lona njalo bazalithatha libe ngelabo.