Fim do mundo: o que a Bíblia diz sobre o desfecho

35 अकास अऊ धरती ह टर जाही, पर मोर बचन ह कभू नइं टरय।(मत्ती 24:35)

29 "ओ दिनमन म, बिपत पड़े के तुरते बाद,

" ‘सूरज ह अंधियार हो जाही,

अऊ चंदा ह अपन अंजोर नइं दीही;

तारामन अकास ले गिर जाहीं,

अऊ अकास के सक्तिमन हलाय जाहीं।’*(मत्ती 24:29)

36 "ओ दिन या समय के बारे म कोनो नइं जानंय; न तो स्वरग के दूत अऊ न ही बेटा, पर सिरिप ददा ह येला जानथे।(मत्ती 24:36)

32 "ओ दिन या समय के बारे म कोनो नइं जानंय; न तो स्वरग के दूत अऊ न ही बेटा, पर सिरिप ददा ह येला जानथे।(मरकुस 13:32)

10 पर परभू के दिन ह चोर के सहीं अचानक आ जाही। अकासमन एक गरजन के संग गायब हो जाहीं। सार-तत्व मन आगी के दुवारा नास हो जाहीं। धरती अऊ येमा करे गय जम्मो काम ला जला दिये जाही।(2 पतरस 3:10)

7 ओहीच बचन के दुवारा, ये समय के अकासमन अऊ धरती ला आगी म नास करे बर बचाके रखे गे हवय। ओमन नियाय के दिन बर अऊ भक्तिहीन मनखेमन के बिनास बर रखे गे हवंय।(2 पतरस 3:7)

11 जब हर चीज ह, ये किसम ले नास करे जाही, त तुमन ला चाही कि पबितर अऊ भक्तिमय जिनगी जीयव, 12 जइसने कि तुमन परमेसर के दिन के बाट जोहथव अऊ भरसक कोसिस करथव कि येह जल्दी आवय। ओ दिन, अकासमन आगी म जरके नास हो जाहीं, अऊ सार-तत्व मन गरमी के मारे टघल जाहीं।(2 पतरस 3:11,12)

1 अब हे भाईमन हो, परभू के आय के समय अऊ तारिख के बारे म तुमन ला लिखे के जरूरत नइं ए? 2 काबरकि तुमन खुद जानत हव कि परभू के दिन ह अइसने आही, जइसने चोर ह रथिया आथे। 3 जब मनखेमन कहत होहीं कि सांति हवय अऊ जम्मो बने हवय, तभे जइसने देहें बोहे माईलोगन ला छेवारी होय के पीरा होथे, वइसने अचानक बिनास ह ओमन के ऊपर आ पड़ही अऊ ओमन बिनास ले बच नइं सकहीं।

4 पर हे भाईमन हो, तुमन तो अंधियार म नइं अव कि ये दिन ह तुमन ला एक चोर के सहीं अचम्भो म डारय। 5 तुमन जम्मो झन अंजोर के संतान अऊ दिन के संतान अव। हमन रथिया या अंधियार के संतान नो हन।(1 थिस्सलुनीके 5:1-5)

4 पर हे भाईमन हो, तुमन तो अंधियार म नइं अव कि ये दिन ह तुमन ला एक चोर के सहीं अचम्भो म डारय। 5 तुमन जम्मो झन अंजोर के संतान अऊ दिन के संतान अव। हमन रथिया या अंधियार के संतान नो हन। 6 एकरसेति, आवव, हमन आने मन सहीं सोवत नइं रहन, पर जागत अऊ सचेत रहन। 7 काबरकि जऊन मन सुतथें, ओमन रथिया सुतथें अऊ जऊन मन पीके मतवार बनथें, ओमन रथिया पीके मतवार बनथें। 8 पर जब हमन दिन के अन, त आवव, हमन छाती के कवच के रूप म बिसवास अऊ मया ला पहिरके अऊ टोप के रूप म उद्धार के आसा ला पहिरके सचेत रहन। 9 काबरकि परमेसर ह हमन ला दंड भोगे बर नइं, पर हमर परभू यीसू मसीह के दुवारा उद्धार पाय बर ठहिराय हवय।(1 थिस्सलुनीके 5:4-9)

14 यहोवा के भयानक दिन ह लकठा म हवय—

येह लकठा म हवय अऊ जल्दी आवत हे।

यहोवा के दिन के रोवई ह भयंकर ए;

बड़े बीर घलो दुख के मारे चिचियाथे।

15 ओ दिन ह कोप के दिन होही—

संकट अऊ पीरा के दिन,

समस्या अऊ बिनास के दिन,

अंधियार अऊ उदासी के दिन,

करिया बादर अऊ अंधियार के दिन होही—

16 गढ़वाले सहरमन के बिरूध

अऊ कोनटा के मीनारमन के बिरूध

ओह तुरही फूंके अऊ लड़ई के ललकार के दिन होही।

17 "मेंह जम्मो मनखेमन ऊपर अइसन बिपत्ति लानहूं

कि ओमन अंधरा मनखे कस टमड़हीं,

काबरकि ओमन यहोवा के बिरोध म पाप करे हवंय।

ओमन के लहू ला धुर्रा कस

अऊ ओमन के अंतड़ी ला गोबर कस फटिक दिये जाही।

18 यहोवा के कोप के दिन

न तो ओमन के सोन

अऊ न ही ओमन के चांदी ओमन ला बचा सकही।"

ओकर जलन के आगी म

जम्मो धरती ह भसम हो जाही,

काबरकि ओह ओ जम्मो के अचानक अन्त कर दीही

जेमन धरती म रहिथें।(सपनयाह 1:14-18)

9 देखव, यहोवा के दिन ह आवत हवय

—देस ला उजारे

अऊ पापीमन ला ओमा नास करे बर कोप

अऊ भयंकर कोरोध के संग एक निरदयता के दिन आवत हवय।(यसायाह 13:9)

12 जब मेढ़ा-पीला ह छठवां मुहर ला टोरिस, त मेंह देखेंव कि उहां एक भारी भुइंडोल होईस। सूरज ह बोकरा के रूआं ले बने बोरा सहीं करिया हो गीस अऊ चंदा ह पूरा लहू सहीं लाल हो गीस, 13 अऊ अकास के तारामन धरती ऊपर अइसने गिर पड़िन, जइसने गरेर म अंजीर के रूख के डोले ले अंजीरमन गिरथें।(दरसन 6:12,13)

9 ओ सांप सहीं पसु ला फटिक दिये गीस। ये सांप सहीं पसु ह ओ पुराना सांप ए, जऊन ला इबलीस या सैतान कहे जाथे अऊ जऊन ह संसार के जम्मो मनखेमन ला धोखा देथे। ओला अऊ ओकर दूतमन ला धरती म फटिक दिये गीस।(दरसन 12:9)

25 "सूरज, चंदा अऊ तारामन म चिनहां दिखहीं। धरती म, जम्मो देस के मनखेमन दुख भोगहीं अऊ ओमन समुंदर के गरजन अऊ भयंकर लहरा ले घबराहीं। 26 भय अऊ संसार म अवइया संकट के कारन मनखेमन के जी म जी नइं रहिही, काबरकि अकास के सक्तिमन हलाय जाहीं।(लूका 21:25,26)

36 हमेसा सचेत रहव अऊ पराथना करत रहव कि तुमन ओ जम्मो अवइया संकट ले बच सकव, अऊ तुमन ‘मनखे के बेटा’ के आघू म ठाढ़ होय के लईक बन सकव।"(लूका 21:36)

1 तब मेंह एक नवां अकास अऊ एक नवां धरती देखेंव।* पहिली अकास अऊ पहिली धरती दूनों लोप हो गे रिहिन, अऊ कोनो समुंदर घलो नइं रिहिस। 2 अऊ मेंह पबितर सहर नवां यरूसलेम ला परमेसर के इहां ले स्वरग ले उतरत देखेंव। ओह अपन घरवाला खातिर दुलहिन के सहीं सुघर सजे रहय। 3 अऊ मेंह सिंघासन ले ऊंचहा अवाज म, ये कहत सुनेंव, "देखव! अब परमेसर के निवास मनखेमन के बीच हवय, अऊ ओह ओमन के संग रहिही। ओमन ओकर मनखे होहीं, अऊ परमेसर ह खुद ओमन के संग रहिही। 4 ओह ओमन के आंखी के जम्मो आंसू ला पोंछही। उहां न मिरतू होही,* न कोनो सोक मनाही या रोही, अऊ न ही कोनो ला कोनो किसम के पीरा होही, काबरकि पुराना बातमन खतम हो गे हवंय।"

5 जऊन ह सिंघासन म बिराजे रिहिस ओह कहिस, "मेंह हर एक चीज ला नवां बनावत हवंव।" तब ओह कहिस, "येला लिख ले, काबरकि ये बात ह बिसवास लईक अऊ सत ए।"(दरसन 21:1-5)