14 Tsifa nana Nnoh ma ikpi kpra Agohmoh reh ma a nati hwra a bleh a treh inziyo agba areh la ti bleh na aniye anzoh ma kyangwri mboh, neh trina ka a nati a ba.

29 <<Heriheri iya amboh wohroh nza ka a gǝga reh>>

<nnoh a nati a hungwa

tasa nara a nati a zana za kpeh;

akpukpa mboh ma a nati a hwa anyi inza,

tasa wuwana Nnoh ata inza a nati a zuzu atsifi mboh reh nambri.>

30 <<Na ameh wohroh reh kpra amehreh kyangwri a nati a kate ma inza, tasa arimi mboh nambri ma inziyo ma a nati kpanga. Ma a nati a nza amehreh kyangwri atsi ba ma avereh ata inza, na wuwana tasa nga agba gaga. 31 Tasa a nati a tohmoh amehreh tohmoh a ŋoh na gohroh drumu mama atsi fi tasa ma a nati a suhru ŋoh amboh ata Nnoh nza a seh mboh anyi avohvoh anneh ata inziyo areh, anyi mgba anyimbehreh ata inza a na mgba anyi.>>

42 <<Lisa shi nza noh, tsifa ni sohroh wina noh ibi ata Ada nza a nati a ba reh kpeh. 43 Mohnoh neh wina noh ata areh, bu ma bleh la kyangwri afiya a nati a wina ibi ata ayuhu a nati a ba reh, a nati a tuma a sumu ta a kira la mata a vasa afiya reh aniye kpeh. 44 Tuma noh na iyo alete, amehreh kyangwri a nati a ba, na ameh ata nza ni nati wina noh kpeh.>>

20 tasa za ti tsana mboh nnoh mata tufa andromboh ata mya nza ni bleh noh nambri reh Nza nnoh meh nati yama na amohnoh na tutu na ni te ma trina inziyo.>>

32 Akyo a sohroh a wina ibi wohroh ha ameh ata wohroh kpeh, mara tohmoh Nnoh mboh ma inza ma a sohroh a wina kpeh, ha amehreh a ŋoh, a bu Ada ŋoh tsene.

1 Timoti meh bleh noh: Nimeh ibi amboh trina ŋoh, amboh agugu ma a nati a de amboh tufa yehlehleh a te iya. 2 Kyangwri ma a nati a bu amboh kira ikpi amoh, ma a nati a kira hungroh veve kpeh, ma a nati a ka a gu ikpi amoh a ka, ma ta ka a rya itoh, ma a nati a ka a kya kyangwri mboh, ma a nati a sehreh tsifa amboh ata nza ma a mara mboh kpeh, ma a nati a bu amboh kwende kpeh, 3 ma a nati a lisa alindeh ma kyangwri mboh kpeh, ma a nati a bu amboh soh ivoh yira kpeh, ma a nati a wina sumu ikpi amoh kpeh, ma a nati a ka a kputu isa kyangwri mboh, ma a nati a nza kwini kyangwri mboh kpeh, ma a nati a ka a leke andromboh ata nza a bu alindeh, 4 kyangwri ma a nati a te agugu ma iziza amoh mboh, ma a nati a bu na kpi kpeh, ma a nati a ka rya itoh, ma a nati a kira nza nana a keh kira na Nnoh, 5 ma a nati a ka a landa la mboh ma a bu amboh tufa Nnoh dehreh neh ma a nati a ka a rina wuwana Nnoh. Kama dohsoh ikpi na kyangwri amboh ika wohroh kpeh.

17 <Nnoh a bleh la, areh a bu andromboh ata meh nati lisa,

Meh nati were Huru amya reh ba ma kyangwri mboh nambri.

Mara anzoh kawa nyifa anzoh mboh ma a nati a nza tohmoh a bleh,

kafa kyangwri mboh ma a nati a nza yafa mboh,

Agbugba kyangwri za ma a nati a te wono.

18 Tasa ahwra amya mboh za, kawa ahwra tsifa tasa ahwra ifya mboh,

Meh nati were huru amya na mboh ibi amboh wohroh,

tasa za ma a nati a bleh tsifa ma ikpi amya.

19 Meh nati tsana noh ndohmoh ŋara aniye ma avereh inza

tasa za meh ti tsana noh kpra mboh ma inziyo,

Imya tasa shira tasa inzo hungwa.

20 Nnoh a nati a gyuru a hungwa

tasa za nara a nati a gyuru a te imya

a treh feh ibi agba ata Nnoh nza a nati a ba reh.

21 Tasa akyo ata nza a nati a fi

isa Ada reh a nati anvara.>

15 Meh bleh noh ata areh anyi na Ada reh: Mbohroh nza meh tre bu na fene na ameh ata Ada nza a nati a gyuru a ba reh, meh nati mishi hinga na amboh ma ta ka a jiji a kwo reh kpeh. 16 La a bu Nnoh na ikpi a ŋoh a nati a tamba anyi inza, na fi na wuwana, na agba agbugba mara tohmoh Nnoh mboh tasa wri huya fi ata Nnoh, tasa amboh nza ma a kwo nimeh kristi reh, mboh ma nati jiji a hinga. 17 Neh, Mbohroh amboh nza meh tre yama na fene na ameh wohroh, ma a nati a gu reh Mbohroh ma amboh nimeh avereh, meh ti dohsohna na Nnoh ma inza, meh nati tuma atono na Nnoh. 18 A bu dehreh, nga nnoh wuwa agohsoh ma itoh amohnoh na tsifa amboh ata areh.

6 nza ka a bu dehreh, mbohroh meh ti kama leh mla tswanza amboh tswa nza ma a wina Nnoh kpeh maka a leh reh, mbohroh meh ti tuma kya iyo tasa kuku kpi. 7 amboh ata nza maka a leh mla reh, maka a leh nashi ni, amboh nza maka a te fiya za maka a te fiya reh nashi ni. 8 Mbohroh neh nza meh bu ata ibi reh, meh ti kuku ikpi ambohroh, meh ti tuma kya iyo, meh ti were kuri ata nza a wuwana ata gya agohsoh tasa ata nza bu ata kira, tasa za meh ti gya agohsoh hunji nvara, wohroh nza bu agamburu ambohroh ata nza a wuwana. 9 Nnoh a seh reh la meh ti bu kyangwri a ŋoh mboh la ŋoh ta a te gofo na ambohroh kpeh. A seh reh la meh ti hunji nvara a ŋoh ma aki andromboh ata Ada Yeso kristi nza a lisa reh,

34 <<Lisa tuma nza noh feh, kama kira nnoh la tsifa rya irya tasa tsifa wa te ifiya mboh mata a fira kohnoh awumu inziyo mata a fira agohsoh amohnoh kpeh. Nza a bu dehreh kpeh, a nati a bleh a gya feh sa a ba ti a de noh kpeh 35 tswanza arishi reh. A nati a ba na amboh ata nza ma a bu ma inziyo areh nambri. 36 Tuma ti kǝ lisa nza noh feh, tasa za ti kǝ kwere nnoh Nnoh na tutu la ti hunji noh wuwana ti nvara nnoh na awumu amboh ata nza ma a nati a ba reh, tasa za ti wina shi nnoh ma tohmoh amehreh kyangwri.>>

8 Iza amya mboh kama gu ata areh te nnoh kohhroh kpeh: Na Ada ibi anyimbehreh a tswanza ahushi mboh dubu, tasa ahushi dubu ma tswanza ibi anyimbehreh. 9 amboh tswa ma a bleh la, Ada ka a te yangru ma aki bleh tsifa a ŋoh gya kpeh. Ŋoh a bu na soh ivoh yira na amohnoh, neh la kyangwri mboh nambri mata ata aki kpakpana amoh mboh.

10 Ibi ata Ada neh a nati a ba tswanza ayuhu. Inza a nati a lalana a bleh nza gbalala tana ahwra; awumu ata nza ma a lisa inza tasa inzi na wohroh a nati afya a te tushira, tasa inziyo na awumu ata nza a yama nimeh a nati a bleh.

11 Nza awumu amboh areh nambri ma a nati a lofona dehreh, a ka bu kyangwri ika atamaa ŋa a zohhoh mbohroh meh ti bu? A zohhoh ti tuma noh na huru zanana ata Nnoh, 12 Nza ni tuma bana nnoh ibi ata Nnoh tasa ni kira nnoh ta ba fifi. Ibi wohroh a nati a ba na druhu inza na shira, tasa awumu nza ma a lisa inza a nati afya a te tushira. 13 Ma ikpi tsifa bleh gya a ŋoh ata nza meh tuma bana inza afeh tasa inziyo afeh, atsi ata lisa yehlehleh nza a bu ma a huru.

51 Neh meh nati bleh noh andromboh ata Nnoh kǝ hehreh vuru tsana akyo nza kpeh: ambohroh amboh tufa amboh tswa ma a nati a sohroh a kwo kpeh. Dehreh neh, Nnoh a nati a sehneh reh nambri ma ambohroh 52 a nati a bu ma hwana anyimbehreh, tswanza kya iyo, nza meh sere wri drumu Nnoh ata trina ŋoh. Nza meh sere wri drumu wohroh, amboh nga agohsoh amboh ata nza ma a kwo ma a nati a gyuru a hinga na fene tasa ma a nati a hunji itoh ata nza ma a sehneh, itoh ata nza a nati a sohroh a hwina kpeh.

1 Neh meh kǝ nza Inza afeh reh tasa Inziyo afeh reh. Inzi tasa Inziyo atono kǝ lalana bre, fini agba za ka trina. 2 Meh kǝ nza akpo afya ata zanana, wurushalima afeh reh, waka tamba anyi na Nnoh Inza, ma a lisa a gya a bana, tswanza afya afeh nza ma a lisa a bana dohsohna na atsifa a ŋoh reh. 3 Meh kǝ sere agba anyi ka atsifa anyi ma kpra Agohmoh Nnoh la: <<Nehnehreh afya Nnoh a bu na kyangwri mboh! A nati a tuma na amoh, tasa ma a nati a bu kyangwri a ŋoh mboh. Nnoh na ikpi a ŋoh a nati a bu na amoh, tasa a nati a bu Nnoh amoh. 4 A nati a firu mboh mwueneh anyi ma iyo amoh mboh. Kwo a nati a za a yama kpeh, kputu agohsoh ha kpanga ha rina. Awumu amboh atono maa a lalana a bleh.>>