Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
और राज्य रा ये सुसमाचार सारी दुनिया रे प्रचार ऊणा, ताकि सब देशो रे लोका खे सुसमाचारो खे मानणे रा मौका मिलो, तेबे दुनिया रा अन्त आयी जाणा।
"तिना दिना रे, तेस क्ल़ेशो ते बाद सूरजो रा चमकदा प्रयासा न्हेरा पड़ी जाणा और चांदे प्रयासा नि देणा। और सर्गो ते तारे छुटणे शुरू ऊणे और सर्गो रिया शक्तिया इलाईया जाणिया। तेबे माणूं रे पुत्रो रा चिह्न् सर्गो रे दिशणा। तेबे तरतिया रे सबी कुल़ा रे लोका छातिया पीटणियां और माणूं रा पुत्र बड़ी सामर्थ और महिमा साथे सर्गो रे बादल़ा पाँदे आऊँदे ऊए देखणा। तेस तुरहिया रे बड़ी आवाजा साथे, आपणे स्वर्गदूत पेजणे और तिना सर्गो रे एकी कनारे ते लई की दूजे कनारे तक, चारो दिशा रे तेसरे चूणे रे कट्ठे करने।
तेबेई तो, जागदे रओ, कऊँकि तुसे नि जाणदे कि तुसा रा प्रभु केस दिने आयी जाणा। पर ये जाणी लओ कि जे कअरो रा मालक जाणदा कि चोर कदी जे आऊणा तो, से जागदा रंदा और आपणे कअरे चोरी नि ऊणे देंदा। इजी री खातर तुसे बी त्यार रओ, कऊँकि जेसा कअड़िया रे बारे रे तुसे सोचदे पनि, तेसी कअड़िया रे आँऊ माणूं रा पुत्र आयी जाणा।
और तिना खे सब गल्ला, जो मैं तुसा खे आज्ञा देई राखिया, मानणा सिखाओ; और देखो, आऊँ दुनिया रे आखरी तक सदा तुसा साथे ए।"
"यो गल्ला कदी ऊणिया तेस दिनो रे बारे रे या तेसा कअड़िया रे बारे रे कोई नि जाणदा, न स्वर्गदूत और ना पुत्र, पर बस पिता जाणोआ।
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
ओ तीमुथियुस, ये समजी लओ कि अंतो रे दिनो रे मसीह रे वापस आऊणे ते पईले कठण बखत आऊणा। लोक मतलबी, पैसेया रे लोबी, त्वाल़िया मारने वाल़े, कमण्डी और निन्दा करने वाल़े ऊणे। तिना आपणे माया-बाओ रा कईणा नि मानणा। सेयो लोक मतलबी और अपवित्र ऊणे। सेयो लोक दया ना करने वाल़े, माफ ना करने वाल़े, ओरी पाँदे दोष लगाणे वाल़े और सब्र ना राखणे वाल़े ऊणे। सेयो लोक कठोर और अच्छाईया ते बैर राखणे वाल़े ऊणे। सेयो लोक विश्वासघाती, उतावल़े और कमण्डी ऊणे। सेयो लोक परमेशरो खे नि बल्कि सुख बिलासो खेई चाणे वाल़े ऊणे। तिना भक्तिया रा पेष तो तरना, पर तिजी री सामर्थ नि मानणी जो तिना री जिन्दगिया खे बदली सकोई। एड़ेया माणूंआ ते दूर रणा।
परमेशर बोलोआ कि आखरी रे दिना रे एड़ा ऊणा,
कि मां आपणा आत्मा सबी माणूंआ पाँदे लटणा और तुसा रे माठे-बेटिया भविष्यबाणी करनी
और तुसा रे जवाना दर्शण देखणे और तुसा रे बुजुर्गा सुपने देखणे।
बल्कि मां आपणे दास और दासिया पाँदे तिना दिना रे आपणी आत्मा बीचा ते लटणा
और तिना भविष्यबाणी करनी
और मां ऊबे सर्गो रे अचम्बे रे काम और ऊँदे तरतिया रे चिह्न्,
मतलब-खून, आग और तुएँ रे बादल़ दखाणे।
प्रभुए रा न्याय रा दिन आऊणे ते पईले सूरज काल़ा
और चाँद खूनो जेड़ा लाल ऊई जाणा।
और जेस केसी प्रभुए रा नाओं लणा,
तेसरा ई उद्धार ऊणा।
तिना गल्ला ते बाद मां सबी प्राणिया पाँदे आपणा आत्मा पेजणा, तुसा रे माठे-बेटिया भविष्यबाणी करनी ओर तुसा रे बुजुर्गा सुफने देखणे ओर तुसा रे जवाना दर्शण देखणे। तिना दिना दे मां आपणा आत्मा आपणे दासा पाँदे पेजणा, से चाए मर्द ओ या जवाणस।
रेशमो रे टाल्ले पईने रे स्वर्गदूते माखे बोलेया, "तेस बखते महान स्वर्गदूत मीकाएल, जो तुसा लोका री रक्षा करोआ, प्रकट ऊणा। तेबे मुसीबता रा बखत ऊणा, देशा रे बणने ते बाद सबी ते बुरा बखत। जेबे से बखत आऊणा, तो तुसा रे देशा रे सारे लोक जिना रे नाओं परमेशरो री कताबा दे लिखी राखे ए, बची जाणे, जो लोक पईले ई मरीगे दे ए, तिना बीचा ते बऊत सारे लोक जागी की उठणे, कई लोक सदा री जिन्दगिया रा मजा लणे लगणे, ओर कई तो सदा तक बऊत जादा घिनौना ऊणे खे। जो लोक समजदार ए सेयो सर्गो री चमका जेड़े चमकणे। जो लोक दूजेया खे सई काम करने खे उकसाओए सेयो सदा-सदा खे तारेया जेड़े चमकणे।
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
कऊँकि आसे प्रभु यीशुए रे वचनो रे मुताबिक तुसा खे ये बोलूँए कि आसे जो जिऊँदे ए और प्रभुए रे फेर वापस आऊणे तक बचे रे रणे, तो सेयो पईले मरे रे विश्वासी आसा ते पईले मसीह साथे मिलणे। कऊँकि प्रभु यीशु स्वर्गो ते आपू ई उतरना, तेस बखते ललकार और प्रदान दूतो रा शब्द सुणना और परमेशरो री तुरही बजाई जाणी और जो विश्वासी मसीह रे एसा दुनिया खे छाडी की चली गे रे सेयो पईले जिऊँदे ऊणे। तेबे आसे जो जिऊँदे और बचे रे रणे, तिना साथे बादल़ो पाँदे चकी देणे ताकि सर्गो रे प्रभुए साथे मिलूँ और तेसी बखतो ते आसे सदा प्रभुए साथे रणे। तो इना गल्ला ते एकी-दूजे खे औंसला देया करो।
इजी री खातर आसा खे ओरी जेड़ा सये रे नि रणा चाईयो, पर जागदे और सावधान रणा चाईयो। कऊँकि जो सओए, सेयो राथियो खेई सओए और जो नशे रे मतवाल़े ओए सेयो राथियो खेई मतवाल़े ओए। पर आसे तो दिनो रे ए, विश्वास और प्यारो री झिलम पईनी की और उद्धारो री उम्मीदा रा टोप पईनी की सावधान रओ। कऊँकि परमेशरे आसे आपणे गुस्से ते सजा देणे खे नि चूणी राखे, पर इजी खे चूणी राखे ताकि आसे आपणे प्रभु यीशु मसीह रे जरिए उद्धार पाऊँ।
इजी री खातर सावधान रओ, एड़ा नि ओ कि तुसा रे मन, खुमार, मतवाल़ापण और एसा जिन्दगिया री चिन्ता ते सुस्त ऊई जाओ और सेयो दिन तुसा पाँदे फंदे जेड़ा अचाणक आयी जाओ।
"कऊँकि से सारी तरतिया पाँदे और सब रणे वाल़ेया पाँदे ईंयां ई पड़ना। इजी री खातर जागदे रओ, हर बखत प्रार्थना करदे रओ, ताकि तुसे इना सबी आऊणे वाल़िया घटणा ते बचणे, और माणूं रे पुत्रो सामणे खड़े ऊणे जोगे बणो।"
ओ प्यारेओ, ये एक गल्ल तुसा ते छिपी री नि रओ कि प्रभुए रे कअरे एक दिन ह्जार सालो रे बराबर ए और ह्जार साल एक दिनो रे बराबर ए। कुछ लोक सोचोए कि प्रभु वापस आऊणे रे आपणे वादे रे बारे रे देर करने लगी रा। पर प्रभु आपणे वादे रे बारे रे देर नि करदा। बल्कि से तुसा रे बारे रे सब्र राखोआ और ये नि चांदा कि कोई नाश ओ, पर ये कि सबी खे पापो ते मन फेरने रा मोका मिलो।
पर प्रभुए रा दिन चोरो जेड़ा आऊणा। तेस दिने सर्ग बड़ी-पारी गिड़ने रिया री आवाजा ते नाश ऊई जाणा और तत्व बऊत गर्म ऊई की गल़ी जाणे। तरती और तिजी पाँदले कित्ते रे काम प्रकट ऊई जाणे।
कऊँकि परमेशरो यो सब चीजा पक्का ई नाश करी देणियां जेड़ा कि मैं बोली राखेया, तो तुसे पवित्र चाल-चलण और भग्तिया रे ईंयां जिन्दगी बिताओ जेते की परमेशर खुश ओआ। जेड़ा कि तुसे तेस दिनो रा बड़ी बेसबरिया ते इन्तजार करने लगी रे जेस दिने परमेशर दुनिया रा न्याय करने आऊणा और आपणी तरफा ते कोशिश करो कि से दिन चट आई जाओ। तिना दिना रे सर्ग आगी की गल़ी जाणा और नाश ऊई जाणा और सर्गो रे गण बऊत जादा गर्म ऊई की गल़ी जाणे। पर आसे विश्वासी परमेशरो रे वादे रे मुताबिक एक नये सर्ग और नई तरतिया रा इन्तजार करूँए। जिदे सिर्फ तर्मी लोका ई वास करना।
देख, आऊँ तुसा खे पेतो री गल्ल बताऊँआ कि आसा बीचा ते कुछ तो नि मरने पर बदली जाणे। और ये सब कअड़िया रेई, पलक झपकदे ई आखरी तुरही फूकदे ई ऊई जाणा, कऊँकि तुरहिया रे फूकर बाई जाणी और मुड़दे अविनाशी दशा रे ठवाल़े जाणे और आसे बदली जाणे।
यहोवा बोलोआ, "कऊँकि देखो, मां एक नया सर्ग ओर नई तरती बनाणी ओर लोका मेरे लोका रिया पईलकिया गल्ला याद नि राखणियां ओर सोच बिचारो रे पनि आऊणियां।" इजी री खातर जो आऊँ पैदा करने वाल़ा ए, तेतेरी बजा ते तुसे खुश ओ ओर सदा मगन रओ; कऊँकि देखो, मां यरूशलेम मगन ओर तेथो री प्रजा खुश बनाणी। आऊँ आपू यरूशलेम शईरो रिया बजा ते मगन ओर आपणी प्रजा रिया बजा ते खुश ऊणा; तिदे फेर मतादा खे रोणे रा ओर चींगणे री आवाज नि सुणनी।
सर्वशक्तिमान परमेशर बोलोआ, "तुसे बेफिकर रओ, यहोवे रे न्याय रा दिन आऊणे लगी रा। मेरा गुस्सा भट्टे दे धधकदिया आगी जेड़ा धधकणा। सारे कमण्डी लोक सूके काओ जेड़े ऊई जाणे। ओर सेयो सब जो बुरे काम करोए, सेयो बी। आऊणे वाल़े दिनो दे सेयो आगी दे एड़े फूखी जाऊणे कि तिना रा नाओं-नशाण नि रणा, सेना रे यहोवे रा येई वचन ए। पर तुसा रिया तँईं जो मेरे नाओं रा डर मानोए, तर्मो रा सूरज निकल़ना ओर तेसरी किरणा ते तुसे ठीक ऊई जाणे ओर तुसे बारे जाणे ओर अच्छे ते पाल़े रे बाच्छूए जेड़े जो गवाईणी ते बारे निकल़ोआ उछल़-कूद करदे रणे।
तेबे मैं नया सर्ग और नयी तरती देखी, कऊँकि पईला सर्ग और पईली तरती खत्म ऊईगे थे और समुद्र पनि रया। तेबे मैं पवित्र नगर यरूशलेम स्वर्गो पाँदो ते परमेशरो गे ते उतरदे देखेया और से तेसा लाड़िया जेड़ा था, जो आपणे लाड़े री तँईं श्रृंगार करोई। तेबे मैं सिंहासनो ते कोई जोरे की ये बोलदे ऊए सुणेया कि देख, परमेशरो रा डेरा माणूंआ बीचे ए, तेस तिना साथे डेरा करना, सेयो तेसरे लोक ऊणे, परमेशर आपू तिना साथे रणा और तिना रा परमेशर ऊणा। तेस तिना री आखी ते सारे आसू टूसणे, इजी ते बाद मौत नि रणी, ना शोग, ना बिलाप, ना पीड़ रणी, पईलकिया गल्ला चली गिया।