Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
Asa ubbaas marka gidana mela Xoossaa kawotethaa Wongelay biitta ubban odetana. Hessafe guye, wursethay yaana.
"He wode he waaye gallasatape guye,
ellesidi away dhumana,
ageenay ba poo7uwa diggana.
Xoolintoti salope wodhana,
qassi salon de7iya wolqati buqettana.
He wode Asa Na7aa yuussaa mallay saluwa bolla bentana. Sa7an de7iya asi ubbay yeekana. Qassi Asa Na7ay, wolqaranne gita bonchuwara saluwa shaara giddora yishin enti be7ana. I ba kiitanchota gita moyze punora kiittana. Enti sa7aa oyddu baggaa bidi, ha gaxape ya gaxa gakanaw de7iya iyaw dooretidaysata shiishana.
"Hiza, hinte Goday ay gallas yaaneko hinte eronna gisho, minnidi naagite. Shin kaysoy qammafe ay saaten yaaneko goday eriyako, ba keethay booketonna mela barkidi naaganashin. Hessadaka, Asa Na7ay hinte qoponna saaten yaana gisho, hinteka giigidi de7ite.
Taani hintena kiittidaba ubbaa enti naagana mela enta tamaarsite. Taani wodiya wursethaa gakanaw ubba wode hintera de7ayis" yaagis.
"Shin he gallasaanne he saatiya Aawa xalaalape attishin, hari attoshin salon de7iya kiitanchota gidin woyko Na7aa gidin oonika erey baawa.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
Wursetha gallasan un7ethiya wodey yaanaysa era. Asay bantana doseyisata, miishe siiqeyisata, ceeqeteyisata, otoreyisata, cayeyisata, bantana yelidaysatas kiitetonaysta, galatonaysta, geeshshatethi baynayisata, siiqoy baynayisata, maarotethi eronnayisata, zigireyisata, bantana haaronnayisata, wozana minota, lo77o dosonnayisata, morkees aathidi immeyisata, qofi baynayisata, otoron sugeteyisata, Xoossaafe aathidi asho ufaysanaw doseyisata gidana. Enti ammaniya daanosonape attishin, ammano wolqaa kaddoosona; neeni hessa mela asatape baqata.
" ‘Xoossay, wodiya wursethan haysada hanana yaagees:
taani asa ubbaa bolla ta Ayyaana gussana.
Hinte adde naytinne macca nayti,
tinbite odana.
Hinte yalagati qoncethi be7ana;
hinte cimati amuho amuhana.
He gallasatan tana ammaniya adde aylleta bollanne macca aylleta bolla
taani ta Ayyaana gussana;
enti tinbite odana.
Qassi taani bolla salon oorathaba,
garsa sa7anka malla bessaana.
Suuthay, tamaynne wolqaama caaganay bentana.
Gitanne boncho gidida Godaa gallasay
gakanaape sinthe awi dhumana;
ageeni suuthi daanana.
He wode hessada hanana;
Godaa sunthaa xeegiya oonika attana’ yaagis.
Hizape guye haysada hanana;
taani asa ubbaa bolla ta Ayyaana gussana.
Hinte adde naytinne macca nayti tinbite odana;
hinte cimati amuho amuhana;
hinte na7atethati qoncethi be7ana.
He gallasatan ta adde aylleta bollanne
ta macca aylleta bolla ta Ayyaana gussana.
"He wode ne asaa naagiya gita halaqay, Mika7eeli dendana. Kawotethi medhetida wodiyape doomidi, hani eronna meto wodey yaana. Gidoshin, enta sunthay Xoossa Maxaafan xaafetida ne asa ubbay he wode attana. Hayqida asaape daroti dendana. Entafe baggati merina de7os, baggati qassi yeellasinne merinaa kawushas dendana. Cincati salo poo7oda qassi darota xillotetha oge kaaletheysati merinaw xoolintoda poo7ana.
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
Goday nuus odidaysada Goday yaa gallas iyara gahetanaw nuuni paxa de7eysati, hayqidaysatape sinthatoko. Goday wolqaama kiitara, kiitanchota halaqa girsara, Xoossaa moyze punora, salope wodhana. Kiristoosa ammanidi hayqidaysati koyrottidi hayqope dendana. Hessafe guye, he wode nuuni paxa de7eysati, Godaara shaaran gahetanaw entara issife salo eketana. Hessafe guye, nuuni Godaara issife merinaw daana. Hessa gisho, ha qaalan issoy issuwa minthethite.
Hessa gisho, nuuni harati dhiskeysada dhiskanaw bessenna; nuuni barkanawunne giigidi daanaw bessees. Dhiskeysati qamma dhiskoosona; mathoteysati qamma mathotosona. Shin nuuni gallasa asi gidiya gisho giigidi daanaw bessees. Ammanonne siiqo xurureda tiran ma7idi, atotetha ufaysaa huuphen wothiya ola birata barneexada wothidi daanaw bessees. Xoossay nuna nu Godaa Yesuus Kiristoosa baggara kumetha atotethi ekana mela doorisipe attishin, hanqos dooribeenna.
"Hiza, dhassi bayna de7on, ushsha daroninne duussabaas un7etethan hinte wozanay oyketonna melanne he qammay akeekona xiheda hinte bolla gakonna mela naagetite. He qammay biitta kumethan de7iya ubbaa bolla gakana. Hessa gisho, yaa iitaape attanawunne Asa Na7a sinthan eqanaw danda7ana mela ubba wode minnidi woossite" yaagis.
Shin ta siiqo ishato, ha issiba dogopite. Godaa matan issi gallasi mukulu laytha mela gideysanne mukulu laythi issi gallasa mela gideysa dogopite. Issoti issoti gam7is gidi qopeysada, Goday ba ufaysa qaala gisho gam7enna. Shin oonika dhayonna mela koyidi, ubbay banta nagaraape simmana mela hinte gisho gidi gencees.
Shin Godaa gallasay kaysoda yaana. He gallasan saloti wolqaama guunthan dhayana; salo medhetethati taman xuugetana; sa7inne iya bolla de7iya ubbay dhayana. Hiza, ubbabay hessada hanida dhayiyaba gidiko hinte ay mela asi gidanaw bessii? Hinte geeshshinne Xoossaa daaniya de7o daanaw bessees. Hinte sinthara yaa Xoossaa gallasaa naagishe hintew danda7etiyaba ubbaa oothidi he gallasaa eesoyite. He gallas salotinne iyan de7iyabay taman xuugetana; wolqaama suulan til7ana. Shin nuuni xillotethi haariya ooratha salonne ooratha sa7a Xoossaa ufaysa qaalada naagoos.
Ta hintew issi xuura odana. Nu ubbay hayqoko, shin wursethan ubbay laametana. Moyzey punetiya wode, ayfey qiphi xeellanaw hassayonna laametana. Hayqida asay wooqonna asi gididi dendana; nuka laametana.
"Heko, taani ooratha salotanne
ooratha sa7a medhana;
kaseba ubbay hassayetenna; qofetenna.
Shin taani medhiyaban
merinaw ufaytitenne hashshu giite.
Taani Yerusalaame ufaysasinne
I asaaka galatan kumidaysata oothada medhana.
Taani Yerusalaamen ufaytana;
ta asan hashshu gaana.
Hizape guye yeehoynne
un7a waasoy yan si7etenna.
"Heko, cooce tamada eexiya gallasi yaana; otoranchotinne iita ootheysati ubbay buure mela gidana. He yaa gallasay enta xuuggana; entaw xaphonne xeera ashshena" yaagees Ubbaafe Wolqaama Goday.
Shin "Hintew, ta sunthaas yayyeysatas, xillotetha awi ba qefe garsan paxotethi ekidi keyana. Hinte qashope yedetida ko77o galoda gupana.
Taani ooratha salonne ooratha sa7a be7as. Koyro saloynne koyro sa7i dhayis; abbayka dhayis. Geeshsha katamiya, ooratha Yerusalaamey, azina gelanaw alleeqetada giigada de7iya maccasada salope Xoossaa matape duge wodhishin be7as.
Araatape haysada yaagidi, odiya gita qaala si7as; "Xoossa Keethay asaara de7ees; Xoossay ba bonchuwara asaara issife daana. Enti iya dere gidana; Xoossay ba huuphen entara daana; I enta Xoossaa gidana. Xoossay enta ayfepe afutha ubbaa quchana. Hizape hayqoy woyko kayoy woyko waasoy woyko waayey deenna. Gal77ay ubbay aadhis" yaagis.