Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
एने राज ने ज्यी हाजाली खुबेर आखी देरती पोर पारचार एय जाय। काय आखी जाती पोर गोवाय रेय, तेवी सेवल्यो टेम आव जाय।
ता दिह्या माय सेताव ने पासाण तुलेचबूखे दिह आदारो एय जाय, एने चांदान उजेड़ जात रेय, एने तारा जुगाम रेन बुई पोर आव पोड़ती एने जुगान ताकेत आलाड़ाय जाय। तेवी माणहान बेटाख ने निसाणी वादला माय देखाय, एने तेवी देरतीन आखा जातीन माणहे साती ठोकती; एने माणहान बेटाख मोटली ताकेत एने बोड़ाय हिऱ्यो जुगान वादला पोर आवतालो देखती। तो पावलान सोबदा हिऱ्यो तान हेरोगदुताह मुकल्यो, एने ता वादलान ज्यी उगे रेन ती उगे वोर चार उगे रेन तान निवाड़ेल माणहाह एकठा केरती।
तानकेरता जाकता रिवो, काहाकाय तुमू जाणते नाह काय तुमरो मालीक काल्ले दिह आवी।
पुण ज्य जाण लिवो काय केदी गेरान मालीक जाणतो काय चोर कुलबुखे आवण्यो हे, ते जागतो रितो, एने तान गेर लुटणे नाय दितो। तानकेरता तुमू बी तियार रिवो, काहाकाय ज्यी टेम माय तुमू विचार नाय केरती, ती टेम माय माणहान बिटोख आव लागी।
एने ताह सोब वातु जो मी तुमूह उकुम आपेल हे माणनेन हिकाड़ो; मी देरतीन आखरी वार वोर जेलेमक्योस तुमू हिऱ्यो हे।"
ता दिह्यान एने ती गेड़ीन बाराम कुण नाह जाणेत, नाह हेरगान हेरोगदुत एने नाह बोगवानान बिटोख; पुण आबोख बोगवान ओलोच जाणेह।
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
पुण सेवल्या कालाम केठीण दिह आवती ज्यो तु सोमजी ले। काहाकाय माणहे कोपटी, लोबी, मोठलाय केरनारे, मोठाय, चिहटा केरनारे, आईख आबाख ने मान नाह मेलनारे, उपकाराह एर नाह केरनारे, एठा, गीण नाह केरनारे, माफ नाह केरनारे, चुगली केरनारे, सोता पोर काबु नाह केरनारे, विरोदी, हाजालान दुसमोन, बुरहो तोड़नारे, पिटारा, मोठाय माय फुलनारे, एने बोगवानाह मोंग केरनारे नाह पुण मोज मोचती होदणारे रेती। ता बोक्तीन वेह ते देरती, पुण तान सेक्तीह नाय मानती; ओहला माणहा हेऱ्या रेन सेटा रिज्यो।
बोगवान किथे, ‘सेवेटल्या दिह्या माय ओहलो एय काय मी मार चोखाला जीवाह उतारूह।
तेवी तुमरा सोरा एने सोर्यु बोगवानान उगे रेन जाणाव केती;
एने तुमरा जुवान्या देरसेन देखती,
एने तुमरा डावाला माणहे होपनो देखती।
एने मी मार पावोर एने पावेरन्यु पोर चोखाला जीवाह उतारूह, एने ता जाणाव केरती।
एने मी जुगाम मोटला कामे एने निड़ो देरती पोर निसाणी,
मतलब लुय एने आक्ठो एने दुवाड़ान वादेल देखाडुह;
बोगवानान मोटला
एने उजालान दिह आवणेन पेल दिह आंदारलो,
एने चांद लुयीन गेत रातलो एय जाय। एने जो कुण मालीकान नाव लेन विन्ता केरी, ताच ने सुटकारो एय।’"
तुलेचबूखे देरसेन वालो माणुह केयो, "एय दानिएल, तुलबुखे मिखाएल नावान एक मुखी हेरोगदुत उब रेय, मिखाएल तुमरा यहुदि माणहान राखवाल्यो हे; ओवतो जुलूम तेकलीतान टेम आवी, देरती पोर देस बोणेल तुलबूखीन ओहलो टेम केदी आवो निह, पुण दानिएल, तुलबुखे तारा माणहाम रेन जान नाव बोगवानान पुस्तेक माय लिखेल हेते, ता आखा वोच जाती। देरतीन जुलूम होवटा माणहे जा मोर जायेल हेते एने जाह बुज दियेल हेते, पोशा जीव जाती; एने ताम रेन थोड़ाक जेलेमक्यी जीवाय जीवणेन केरता जीव उठती, पुण थोड़ाक ज्यानकेरता जीव उठती काय कायेम ने लाज एने खाराब ठेराणेन केरता। सोमेजदार माणहे जुगावाला उजेड़ान गेत चोमेकती, जा सोमेजदार माणहे दिहराह हाजाली जीवायीन वाट देखाड़ेल एता; ता कायेम ने केरता तारान गेत चोमेकती।"
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
जो मालीक हिकाड़ेल हे तोच तुमूह आमु केतेह, काय मालीकान आवणेन एय तुलबूखे वोर आपु जा जीवतालाच वोचीन रेहु, एने जा मसी पोर बुरहो केरीन मोर जायेल हेते ताह रेन ओंगाण आपु केदी बी जाहुच नाय। काहाकाय मालीक खुद हेरगाम रेन उतरी; तुलबूखे ललकार, एने मुखी हेरोगदुतान बोल होमलाय, एने बोगवानान पावली फुकाय जाय; एने जा मसी माय बुरहो केरीन मोर जायेल हेते, ता पेल जीव उठती। तेवी आपु जा जीवताला एने वोचेल हेते, ता हेऱ्या वादला पोर उखलीन जाहु काय वाहला माय मालीकाह मीले; एने तिहेस केरीन आपु कायेम मालीक हेऱ्या रेहु। केरीन ज्यी वातु माय एका दिहराह दिलासो आप्या किरो।
तान केरता आपु दिहरान गेत हुवते नाह रेता, पुण जागती एने जोगवीन रेता। काहाकाय जा हुवतेह ता रातीच हुवतेह, एने जा पितेह ता रातीच पिन दुंदवाय रेतेह। पुण आपु जा दिह्यान हेते, बोरहान एने मोंगान कवच पेरीन एने सुटकारान आसान टुपो पेरीन जोगवीन रिवो। काहाकाय आपु पोर बोगवानान राग आवी केरीन नाह, पुण आपणा मालीक यीशु मसीन द्वारे आपणो सुटकारो एय, केरीन बोगवान आपुह निमेल हे।
"तानकेरता जोगवीन रिवो, तुमरो मोन साकवालो एन खुमारी माय नाय रेणु जुवे, एने जीवणान फिकरीह रेन मोंदड़ालो नाय एणे जुवे, नाहते ता दिह तुमरी पोर फासान गेत उचकाहुच आव जाती। काहाकाय तो आखी देरती पोर रेणारे आखा माणहा पोर इहीचकेरीन आव पोड़ी। तानकेरता जागताला रिवो, एने देर टेम विन्ता किरते रिवो; तेवी ज्यी आवणार आखी गेटनाह रेन वोचहो एने माणहान बेटाख ने ओंगाण उब रेणेन लायेक बुणो।"
एय मोंगाल्ला, ज्यो मा विहरो, काहाकाय बोगवानान नेजरी माय एक दिह एने एजार वोरह्या कायच फारेक नाह सोतो; तानकेरता दुयू हारका हेते। मालीक तान वचनाह पुरो केरनेन वार नाह लागाड़ेत, जोहली वार थोड़ाक माणहे सोमेजतेह; पुण तुमरे बाराम दिर दिरेह, एने एगदान नास एय नाय ओहली तान मोरजी हे, पुण ज्यो काय आखाह पासतावो केरनेन टेम जुड़ी।
पुण मालीकान दिह चोरान गेत आवी, ते दिह जुग मोटला गाजणा हेऱ्यो आरताय जाय, एने जुगान आख्यु वोस्तु हेलगीन खेतेम एय जाती, देरती एने ती माय वाल्यु आख्यु वातु आरताय जाती। ते ज्यी आखी चिज इहकेरीन खेतेम एणी हे, ताहार तुमू कोहली बातीन माणहे रेणे जुवे? तुमरो जीवणो चोखालो एने बोगवानान उगे हुपेल रेणे जुवे। एने बोगवानान ता दिह्यान वाट किहकेरीन जोवणे जुवे, एने ताह उतवाल्योच आवणेन केरता किहीक कोसीत केरने जुवे, जान केरता जुग आक्ठा केरीन खेतेम केराय जाय, एने जुगान आख्यु वोस्तु ताताला केरीन पिगील जाती। पुण तान वायदान गेत आपु एक नोवालो जुग एने नोवाली देरतीन वाट जोवतेह जा माय सिदा माणहे रिकती।
मी तुमूह मालमात ने वात केथु, आपु आखा नाय मोरहु, पुण आखा बोदली जाहु, एने ज्यो एकुस ताल माय पापण्या पाड़तास सेवली पावली फुकतास एय। काहाकाय पावली फुकाय जाय एने मुरेल सेरीर बिगेर खेतेम एण्यी हाल माय उठ जाती, एने आपु बोदेल जाहो।
ज्यान पासाण मी एक नोवालो जुग एने नोवाली देरतीह दिख्यो। काहाकाय पेल्लो जुग एने देरती आरताय जायेल एतो, एने देरीयो बी नाह रियेल एतो। तेवी पुशो मी चोखालो हियोर नोवालो यरूशलेम, बोगवानान उगे रेन आमरा वोवड़ान केरता तियार वोवड़ीन गेत हेरगाम रेन नेचो उतेरतालो दिख्यो। पुशो मी राजगादि माय रेन कुणी तीबी मोठेस आयड़ीन ज्यो केतालो होमल्यो: "दिखो, एवी बोगवानान गेर माणहान विची माय हे! एने बोगवान ता हिऱ्यो रेय, एने ता तान माणहे एती। बोगवान खुद ता हिऱ्यो रेय, एने तान बोगवान एय। बोगवान तान डोलाम रेन आखा आहवा नुस देय। एने ज्यान पासाण मोत, दुख, रेड़नो नाय रेय, एने पिड़ा बी खेतेम एय जाय। काहाकाय जुनाल्यु वातु एवी गायेब एय गीयो।"