Sinais do fim dos tempos

14 ओटन राज्यल ईका चान्याथाई सोगल सङ्सारला सोगलै जातियाङल साचील नाल्ट प्रचार ढान्या लेसिया, नकाल छिन्ट खेमन्यालेया।

रुल ज़ाल आगमन

29 नका दुखला दिनल छिन्ठक्कै, नम्युउ चिऊन्या लेया, ओटन ह्यावए होएन्या माल्दी, सनर हरवएयाङ नमतन तेइन्यालेरा, अथाबा नमता सक्तियाङ हल्लाइन्या लेसिया।✝ 30 तब ओवाए बेला रुल ज़ाल चिन्न नमत रंनन्या लेया, ओटन पिरथ्बीला सोगल जातियाङ व्‌रन्या चिचच्याइन्या लेरा, ओटन नकाङै रुल ज़ाजन नमता बादलसकाए सक्ति ओटन घिन्या महिमासकाए आरांज्यान्या रङन्या लेरा।✝ 31 ओले आमि स्वर्गदुतयाङजन तुरहील घिन्या ग़ा सकाए परिङौरा, ओटन नकाङै नमल तवङ्ङन छुट्टै वङ समन चारै दिसाङन ओले आछेलन्याङजन दुउन्या लेरा।

42 "नैताइस्यु सनसिस्यु लिज्याच्यो, दानाङभन्या खकाछिम जे प्रभु रांङालिज्याऔ, ना जे मासन्चिदी। 43 तर आका सनच्यो, कि झिमल खसमले गोए रिउल ईका बेला रांया ऐलेस्यु आसन्न्या ताहकन, सनर ना आसन्सिज्यान्या ताहकन आझिम पाकौ मायोव होला।✝ 44 नैताइस्यु जे बै तयार लिज्याच्यो, दानाङभन्या रुल ज़ा मायिङसिन्या बेला रांन्यालेया।

20 ङा जेजन आग्या ङायान्या सोगलै छेन मानिन्या नकाङजन ह्युउचिरते। खिम्चिते, ङा जुगल आसाप समन सदाई जेस लिज्याङा।"

ना दिन ना बखत काङ्काईले मासनौदी

32 "तर नका दिन सनर नका बेलाल बारेङन काङ्काईले मासनौदी, सिरिप बौले जाई सन्वा, न त स्वर्गला दुतयाङै न ज़ा ले।✝

17 आसापटा दिनयाङल ऐटाइन्या लेया ओमनलेस्यु परमेस्वरले ऐलेऊ,

ङा सोगल रुयाङत ङाआत्मा नाएङा,

ओटन जेमि ल्हेपाज़ायाङ, सनर जे मेएमा ज़ायाङै भबिस्यबानी छ्योङन्या लेरा,

ओटन जे जवानयाङै दर्शन रङन्या लेरा,

ओटन जे सेरयाङ मङ दर्शन रङन्या लेरा।

18 औ, ङा ङानोक्कर नोक्करनियाङ यर्त ना दिनल ङाआत्मा झोअस्योङरा,

ओटन नकाङ भबिस्यबानी छ्योङरा।

19 ङा हर्त नमत अचम्मला काम

सनर वान्ल पिरथ्बील अचम्मला कामयाङ ठनन्या लेङा,

अथाबा जी, मी सनर मीकुईल मुल्का।

20 परमप्रभुल महानता

सनर गौरबला दिन आरांऔ हादेए नम्युउ चिऊन्याल

सनर ह्यावए जीत फिरिसिन्या लेया।

21 ओटन जोले प्रभुल मिन पुकारिऊ,

नकाले उद्दार डोएवा।