Sinais do fim dos tempos
A Bíblia descreve sinais que precederão a volta de Jesus. Guerras, falsos mestres, sinais cósmicos e a pregação do evangelho a todas as nações — tudo aponta para o fim dos tempos.
Sinais proféticos
Este evangelho do Reino será pregado em todo o mundo e então virá o fim. Os sinais dos últimos tempos já se manifestam.
De Xoulek Nimza tine en tete lalei eno tyek xel a neil e na eivek tembuing dalus en tembuing sapa na ngo, de woyom bouk loxyus eno tyek nam.
"Ka nimaying sapa tine na ma veil le, woyom lutika eno
"‘sayeiv tyek bo mapetok,
de dentouk tyek se teyeimbei tel, me
betum tyek detei nanghei tyoung nei,
de tyoung dalus tyek bo pimapi.’ Yesaya 13:10; 34:4
"Lek bouk kayon dee wei Xomaxoneing Neu Moux tyek nam mendei yaingateiv eivek tyoung, me xel veleivlei dalus wei tembuing eno tyek deeng. De tyek xel gyei Xomaxoneing Neu Moux mendi nam lek laxap, is nikanzek me xeiyaing ngandoung. Me moxo tyek bong e xe angelayeiw na is vukxax wei wo vya xoulekeing, me tyek xel qekuwou e xe xomaxoneing wei beyal o eivek tembuing sapa me ena tembuing myasepu dalus.
"Nambei nyon xam ghe gweiteyei xow, en nambei xam seng woulek bouk vati wei xam xe Tambiy Ngandoung tyek nam o. Ekom xam ghe bou naleimim bei, wangwei xomek ma boulek seivma vati wei xel panaxeing embei nam o, moxo tyek mendei bin e xe xomek en kandek xelti se dembu me na eivek. Om xam is ambei nyon xam ghe gweiwou xow, en Xomaxoneing Neu Moux tyek nam lek seivma wei xam seng woulek bei tyek nam o.
me teyoxe xel bei xel bongis lul tambak tiwei a mi peti wou xam o. Wei, inye neing ayang, a mindei is xam teyei lek bouk sapa ne, me tyek a mi mendei is xam me ena tyip wou bouk wei la tip lek o."
"Xelti se woulek bouk o seivma, me angelayeiw eivek tyoung gheyapu eno se woulek, o Neu moux se woulek is, qe Ma venaxow.
Os últimos dias
Nos últimos dias virão tempos difíceis, homens amantes de si mesmos. Mas derramarei o meu Espírito sobre toda a carne.
"‘Anutu neil, "Eivek bouk loxyus,
tyek a qapyex a xe Laweeng Vambuing lek xomaxoneing dalus.
Xam neumim moux me xam neumim vex tyek baluk ambei poropet, de
xam neumyeiw ghavis tyek mendghalus pekwi me gyei lul leimalei,
de teivateiv wei xam o tyek gyei maviing.
Eivek bouk tiyon eno tyek a qapyex a xe Laweeng Vambuing lek a xe xukxe moux alis vex dalus,
me tyek xel a neil qayeeng ambei poropet.
De tyek a talex lul nelu nelu eivek tyoung gheyapu nei,
me dee wei lulvako eno lek tembuing axone,
gyand me nenyex me nenyex lu ngandoung tyek na tyip.
Sayeiv tyek pekwi me bo mapetok
de dentouk tyek bong ambei gyand
natax en bouk ngandoung wei Tambiy Ngandoung nam is xeiyaing ngandoung me nikanzek wei e yo.
Me xel dalus tiwei tyek taxe
Tambiy Ngandoung lei yo eno tyek Anutu devind xel noum veil meyeing."’ Yoel 2:28-32
Esperança e prontidão
O dia do Senhor virá como ladrão. Mas nós não somos das trevas — estejamos sóbrios, vigiliando e esperando.
Yesu neil no, "Xam a mi gweiteyei xow, en xam se num me betiwou Kwa nol wei numeing o xam seng bou naleimim en lulul wei xe neing o, wangwei xam ghe bong ambei nyon, on tyek bouk wei Tambiy Ngandoung xe yo tyek qandi wou xam lutika nambei leliy mi eivek lepulek o. En tyek lulti yon qandi wou moux alis vex dalus wei toundei lek tembuing sapa yo. Xam a mi bale nikanzek me ghe gweiteyei xow taxombouk, me na mi zeimemamim wou Anutu, en kandek xam ghanaw lulul wei embei qandi yon. De tyek xam teyeimbei bale wou Xomaxoneing Neu Moux manghalus."
Woyom a xei tyoung gheyapu vako ti me tembuing vako ti, en tyoung gheyapu tiwei myaxeeng o me tembuing tiwei myaxeeng eno lati veil, de mamileeng ti se di yeip no. A xei beyeeng vambuing wei Yerusalem vako yo, eno toundei is Anutu me di lam axone veil tyoung gheyapu nambei vex wei embei mendei leya yo eno vunekwou xow atax wo nimza en leya. De a ngo vya taxeing ti nanghei siaking eno neil, "Wei! Anutu beeng eno toundei is xomaxoneing me e mindei is xel. Xel xomaxoneing on e xe, me tyek Anutu venaxow na toumendei is xel me mendei nambei xel xe Anutu. Moxo tyek davu xel mendlouk sapa veil xel mend. Me xelti tyek se nox amey no o bong talot o engeing o daxe vanei en lulul wei myaxeeng eno lati dei ti se toundei no."