10 काकरेकी रुपिया-पैँसक लालच सक्कु मेरके खराबीक जर हो। बहुत्ते मनै धिरे-धिरे ख्रीष्टके बारेमे रहल शिक्षामे विश्वास करना बन्द करदेले बताँ। काकरेकी ओइने रुपिया-पैँसक धेउर लालच करिँत। और आब अपनहे अप्निहीँ कौनो एकथो हँथियारलेके गोझल हस ओइने बहुत मेरिक दुःखमे परल बताँ।

9 पर जेने धनी हुई चहथाँ ओइने सक्कु मेरिक पाप करक लग महा सहजिलसे परीक्षामे परजिथाँ। और एकथो जनावरके हस असिन फन्दामे फँसजिथाँ। और उ चिज करे चहथाँ जोन चिज ओइन्के लग मूर्खता भरल और खतरनाक बतिन। और असिन इच्छा ओइन्हे बर्बादी ओहोँर लैजिथिन, और ओइन्हे नाश करदेथिन।

24 कौनो फेन मनैया एकथो समयमे दुईथो मलिक्वनके सेवा करे नै सेकत। काकरेकी ऊ एकथोहे घृणा करी, और दोसुरहे प्रेम करी या ऊ एकथोक कहल मानी, और दोसुरके कहल नै मानी। तुहुरे परमेश्वर और धनसम्पति दुनुहे सेवा करे नै सेक्बो।"

5 तबेकमारे तुहुरे उ खराब काम करना छोरदेऊ, जोन काम तुहुरिन्के पापी स्वभावसे सम्बन्धित बा। और जोन पृथ्वीमे बताँ जसिके कि व्यभिचार, अशुद्धता, कामुकता और खराब इच्छा। और लाल्ची ना बनो, जोन मूर्तिपुजा करल हस हो।

3 पर तुहुरिन्के बिच्चेम छिनार काम, या कौनो मेरिक फेन अशुद्ध काम या कौनो चिजके फेन लालचके एकथो संकेत फेन नै रहे परत। काकरेकी यी काम परमेश्वरके पवित्र मनैनके लग सहि नै हुइँत।

15 ऊ ओइन्हे फेनदोस्रे कलाँ, "हौश्यार रहो, सक्कु मेरिक लालचसे बँच्ना काम करो। काकरेकी मनैयक जिन्गी ओकर धनसम्पत्तिक प्रशस्ततामे नै रहत।"

36 यदि कौनो मनैया संसारके सक्कु चिज भेटाके धनी बन्जाई। पर ऊ परमेश्वरके संग सदाकालके जीवनके मौका गुमादेहल कलेसे उहिहे का फाइदा हुइहिस? कुछु फेन नै।

19 "अपन लग पृथ्वीमे धन-सम्पति जमा ना करो, जहाँ किरा और खियासे उ नाश होजाइत, और जहाँ चोरनके घर फोरके उ चोरैथाँ। 20 पर भलाई करके अपन लग स्वर्गमे ईनाम जमा करो, जहाँ किरा और खियालेके नाश नै हुइत, और ना ते चोरवा चोराइत।

6 तबेकमारे तुहुरे ओइन्हे कर फेन देहे परत, काकरेकी शासन करुइयन परमेश्वरके सेबक हुइँत। और ओइने अपन जिम्मेवारी निभाइक लग अपनहे समर्पित कर्ले रथाँ।