10 For the rote of alle yuelis is coueytise, which summen coueitinge erriden fro the feith, and bisettiden hem with many sorewis.

9 For thei that wolen be maad riche, fallen in to temptacioun, and in to snare of the deuel, and in to many vnprofitable desiris and noyous, whiche drenchen men in to deth and perdicioun.

24 No man may serue tweyn lordis, for ethir he schal hate the toon, and loue the tother; ethir he shal susteyne the toon, and dispise the tothir. Ye moun not serue God and richessis.

5 Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;

3 And fornycacioun, and al vnclennesse, or aueryce, be not named among you, as it bicometh holi men;

15 And he seide to hem, Se ye, and be ye war of al coueytice; for the lijf of a man is not in the abundaunce of tho thingis, whiche he weldith.

36 For what profitith it to a man, if he wynne al the world, and do peiryng to his soule?

19 Nile ye tresoure to you tresouris in erthe, where ruste and mouyte destrieth, and where theues deluen out and stelen;20 but gadere to you tresouris in heuene, where nether ruste ne mouyte distrieth, and where theues deluen not out, ne stelen.

4 Nyle thou trauele to be maad riche, but sette thou mesure to thi prudence.

11 Hastid catel schal be maad lesse; but that that is gaderid litil and litil with hond, schal be multiplied.

10 Where ben many richessis, also many men ben, that eten tho; and what profitith it to the haldere, no but that he seeth richessis with hise iyen?

15 Outirli it is a wretchid sijknesse; as he cam, so he schal turne ayen. What therfor profitith it to hym, that he trauelide in to the wynde?

26 Al dai he coueitith and desirith; but he that is a iust man, schal yyue, and schal not ceesse.

6 For therfor ye yyuen tributis, thei ben the mynystris of God, and seruen for this same thing.