5 तुश्शी नरमी सेब्भी मैन्हन पुड़ बांदी भोए, प्रभु नेड़ोए।

1 नर्म जुवाब शुन्ने सेइं सरक ठंडी भोतीए,

पन सकत गल्‍लन सेइं सरक भड़कतीए।

24 मन पसंद वचन मैछ़ी सेइं भेरतां कशेरे ज़ेरे प्राणन मिट्ठे लगतन,

ते हेड्डन हेरी-भेरि केरतन।

5 वक्त कीमती सेमझ़तां बेइरन साथी समझ़दैरी सेइं बर्ताव केरा। 6 तुश्शो वचन सदा अनुग्रहे सेइं ते एरो लूनो भोए, कि तुसन हर एक्‍की मैन्हु रोड़ेच़ारे जुवाब देनो एज्जे।

12 एल्हेरेलेइ परमेशरेरे च़ुनोरां केरे ज़ेरे ज़ैना पवित्र ते ट्लारेन, बड़ी करुणा, ते भलियाई, ते दीनता, ते नम्रता, ते बरदाशत धारण केरा।

22 पन पवित्र आत्मारो फल प्यार, आनन्द, शान्ति, सबर, ते दया, भलियाई, विश्वास, 23 नम्रता, ते बरदाश केरनू; एरां कम्मां केरे खलाफ कोई कानून नईं।

10 एल्हेरेलेइ ज़ैड़ी तगर मौको मल्‍ले सेब्भन सेइं भलियाई केरा; खास केरतां मसीही लोकन सेइं।

1 एक्‍की होरि सेइं ढ्ला ते बेइनां केरो ज़ेरो प्यार केरते राथ। 2 बखले लोकां केरि खातरदारी केरा, किजोकि एरू केरने सेइं किछेईं अनज़ाने मां स्वर्गदूतां केरि खातरदारी कियोरीए।

13 एल्हेरेलेइ अग्रोवं जो अस एक्‍की होरि पुड़ दोष न लाम, पन तुस एने थापा, कि कोई भी तुश्शे वजाई सेइं तुश्शो विश्वासी ढ्ला या बेइन पाप न केरे।

17 "अपने मने मां एक्‍की होरेरे लेई बैर न रेखथ; अपने पड़ोसी ज़रूर झ़िड़कथ, नईं त तैसेरे पापेरो भार तीं छ़ूनो पेलो। 18 बदलो न नेइयथ, ते न अपने कौमरे ढ्लान सेइं बैर रेखथ, पन एक्‍की होरि सेइं अपनो ज़ेरो प्यार रखनो; अवं तुश्शो यहोवा आईं।

9 सच़्च़ैई सेइं न्याय केरा, ते हर अक मैन्हु एक्‍की होरि पुड़ दया ते महरबानी केरतां कम केरे, 10 न त विधवा कौन्शी पुड़ अंधेर केरा, ते न अनाथ बच्‍चन पुड़, ते न परदेशी पुड़, ते न गरीब लोकन पुड़; ते न अपने-अपने मने मां एक्‍की होरि नुकसान पुज़ानेरी कोशिश केरा।"

20 अवं तुसन सेइं सच़-सच़ ज़ोताईं कि, ज़ै मेरे भेज़ोरे कबूल केरते तै मीं कबूल केरते, ते ज़ै मीं कबूल केरते तै मेरे भेज़ने बाले कबूल केरते।"