Graça

8 काकरेकी जब तुहुरे विश्वास कर्लो ते परमेश्वर तुहुरिन्हे अपन अनुग्रहसे बँचालेलाँ। और तुहुरे अपनहे अप्निहीँ नै बँचैलो, बेन यी ते परमेश्वरके दान हो; 9 और यी तुहुरिन्के कर्लक मजा कामके कारण नै हो। तबेकमारे तुहुरिन्के थेन घमण्ड करना कौनो कारण नै हो।

4 पर परमेश्वर बहुत दयालु बताँ; वहे हुँकार महान प्रेमके कारण ऊ हम्रिहिन्हे प्रेम करलाँ। 5 पाप कर्लक कारण हम्रे मुअल मनैनके हस रही। पर हमार सम्बन्ध ख्रीष्टके संग हुइलक कारण परमेश्वर जसिके ख्रीष्टहे मुअलमेसे जिवैलाँ, ओस्तेहेँके हम्रिहिन्हे फेन ऊ जीवन देलाँ। और परमेश्वर अपन अनुग्रहक कारण हम्रिहिन्हे बँचालेलाँ।

23 काकरेकी सक्कु जाने पाप करल बताँ, और परमेश्वरके देना महिमासम नै पुगल हुइँत। 24 पर परमेश्वर अपन अनुग्रहसे हम्रिहिन्हे येशू ख्रीष्टके माध्यमसे हमार बहुत पापके दण्डसे छुटैले बताँ। और हम्रे बिना कुछु कर्ले परमेश्वर हम्रिहिन्हे धर्मी बनैले बताँ।

15 पर आदमके पाप उ वरदानके हस नै हो, जोन वरदान परमेश्वर हम्रिहिन्हे अपन अनुग्रहसे देथाँ। काकरेकी एकथो मनैयक पाप बहुत मनैनके लग मृत्यु लेके आइल। पर जोन अनुग्रह और धार्मिकतक वरदान परमेश्वर हम्रिहिन्हे देले बताँ, ओकर मूल्य आदमके पापसे धेउर बा। और बहुत्ते मनै ओकर अनुभव कर्ले बताँ। और येशू ख्रीष्ट एकथो मनैयक रुपमे अपन अनुग्रहसे उ काम सम्भव करलाँ।

21 कि जसिके सक्कु मनै पाप करलाँ, और ओइने सक्कु जाने मुगिलाँ। ओस्तेहेँके हमार प्रभु येशू ख्रीष्टके माध्यमसे परमेश्वर अपन अनुग्रहसे सक्कु मनैनहे धर्मी बनैलाँ। और ऊ ओइन्हे सदाकालके जीवन दिहीँ।

14 तब तुहुरिन्केमे पापके कौनो अधिकार नै रहिहिस। पाप तुहुरिन्केमे राज नै करी। काकरेकी तुहुरे मोशक नियम कानुनके अधिनमे नै जिथो। पर परमेश्वरके अनुग्रहक अधिनमे बतो।

धार्मिकतक नोकर

15 ते का हुइल? काकरेकी हम्रे मोशक नियम कानुनके अधिनमे नै हुइती। पर परमेश्वरके अनुग्रहक अधिनमे बती। तबेकमारे हम्रे पाप नै करे परत।

9 परमेश्वर हम्रिहिन्हे मुक्ति देलाँ। और हम्रिहिन्हे पवित्र जीवन जिअक लग बलैलाँ। हम्रे मजा काम कर्ली कहिके ऊ हम्रिहिन्हे नै बलैलाँ। पर अपन योजना और उ अनुग्रहक अनुसार बलैलाँ। परमेश्वर यी संसारहे बनैनासे आघे येशू ख्रीष्टहे यी संसारमे पठाके अपन कृपा देखैना योजना पैलेहेँसे बनालेले रहिँत।

11 विश्वासीनहे असिके सिखाऊ, काकरेकी परमेश्वर सक्कु मनैनहे अनुग्रह करके पापमेसे बँच्ना डगर देखैले बताँ। 12 अपन कृपासे परमेश्वर हम्रिहिन्हे सिखैथाँ कि हम्रे असिन व्यवहार ना देखाई, जोन व्यवहार परमेश्वरहे खुशी नै बनाइत। और जोन चिजहे भेटैना अविश्वासीनके इच्छा रथिन, ओसिन चिजके इच्छा हमारमे नै रहे परत। और हम्रे संसारमे बती कलेसे समझदारी और धार्मिकतासे परमेश्वरहे खुशी बनैना व्यवहार देखाई परत।

पवित्र होऊ

13 तबेकमारे तुहुरे का करतो कहिके मजासे सोँचो, और अपनहे नियन्त्रण करो। मुक्ति भेटैना आशा करो, जोन मुक्ति अनुग्रहसे आइत, जोन मुक्ति तुहुरिन्हे येशू ख्रीष्ट यी संसारमे फिर्ता अइलक दिनमे देजाई।

10 परमेश्वर, जे पूरा रुपमे अनुग्रह करथाँ, येशू ख्रीष्टके संगक हमार सम्बन्धक कारण अपन सदाकालके महिमामे हम्रिहिन्हे साझेदार हुइक लग बलैले बताँ। तुहुरे कुछ समयसम दुःख भोगके सेक्बो ते परमेश्वर तुहुरिन्हे मजा बनैहीँ, ताकि तुहुरिन्केमे कुछु गल्ती ना रहे। और ऊ तुहुरिन्के मनहे बल्गर बनैहीँ, और पक्का हुइक लग हुँकारमे विश्वास करनाहाँ बनैहीँ।

21 मै प्राथना करतुँ कि प्रभु येशू परमेश्वरके मनैनहे अनुग्रह करिँत। आमेन! (यकर मतलब हुइत, अस्तेहेँ होए।)

25 मै प्राथना करतुँ कि प्रभु येशू ख्रीष्टके अनुग्रह तुहुरिन्के संग पलिरहे। आमेन! (यकर मतलब हुइत, अस्तेहेँ होए।)

16 तबेकमारे हिम्मत करके परमेश्वरके आघे जाई, जे अनुग्रहसे भरल बताँ। परमेश्वर हम्रिहिन्हे दया और अनुग्रह देखैहीँ, और जरुरीक समयमे हमार सहायता करहीँ।

24 पर मै अपन जीवनहे कौनो मोलके और अपन लग दुलार नै मन्थुँ। बेन अतरा किल चहथुँ, कि परमेश्वरके अनुग्रहक खुशीक खबरके गवाही देहक लग मोरिक दौड़ और प्रभु येशूकमेसे मिलल मोरिक सेवकाई मै पूरा करे सेकुँ।"

16 काकरेकी परमेश्वर संसारके मनैनहे असिन प्रेम करलाँ कि ऊ अपन थेन रलक एक्केथो किल छावाहे दैदेलाँ, ताकि हुँकारमे विश्वास करुइया केऊ फेन नाश ना होए, पर ऊ सदाकालके जीवन भेटाए।

14 "काकरेकी तुहुरे मनैनके पाप माफ करबो कलेसे तुहुरिन्के स्वर्गमे रहुइया बाबा फेन तुहुरिन्के पाप माफ करी।