Graça
A graça de Deus é favor imerecido. Pela graça somos salvos, pela graça vivemos, pela graça somos sustentados. É o dom mais precioso de Deus — dado a quem não merece.
Salvos pela graça
Pela graça sois salvos, mediante a fé, e isto não vem de vós — é dom de Deus. Não por obras, para que ninguém se glorie.
Hinte aadho keehatethan ammanon attideta. Hessika, Xoossaa imotape attishin, hinte ooson bentidaba gidenna. Oonika ceeqetonna mela atotethay bentiday ooson gidenna.
Shin Xoossaa gita maarotethaafenne nuus de7iya gita siiquwape dendidaysan, hari attoshin nuuni nu qohuwan hayqidi de7ishin Kiristoosa baggara nuus de7o immis. Hinteka attiday Xoossaa aadho keehatethaana.
Asa ubbay nagara oothidosona; Xoossay entaw immida bonchuwafe haakidi attidosona. Shin enti Xoossaa aadho keehatethan, woziya Kiristoos Yesuusa baggara coo xillidosona.
Shin Xoossaa aadho keehatethay Addaame nagaraa mela gidenna. Issi asa nagara baggara daro asay hayqis. Shin Yesuus Kiristoosa baggara Xoossaa aadho keehatethay asa ubbaas daridi imetis.
Nagari hayqo wolqan kawotidaysa mela Xoossa aadho keehatethay xillotethaa wolqan kawotidi, nu Godaa Yesuus Kiristoosa baggara nuna merinaa de7uwako kaalethees.
Graça que capacita
A graça me basta, pois o poder se aperfeiçoa na fraqueza. Na graça, não estamos mais sob a lei, mas sob o favor de Deus.
Hinte Xoossaa aadho keehatetha garsan de7eetape attishin, higgefe garsan de7onna gisho nagari hintena haaranaw bessenna.
Yaatin, nu woyganee? Higgefe garsan gidonashin, Xoossaa aadho keehatetha garsan de7iya gisho nagara oothaneyee? Akay!
Xoossay ba sheneninne ba aadho keehatethan nuna ashshidi, ba geeshsha dere oothanaw nuna doorisipe attishin, nuuni oothida oosuwa gisho gidenna. Ha aadho keehatetha Kiristoos Yesuusa baggara merinaa wodetape sinthe nuus immis.
Ase ashshiya Xoossa aadho keehatethay asa ubbaas qoncis. He aadho keehatethay, nu nagaranne ha alamiya amuwa aggidi, ha wodiyan nuna haaridi, tuma ayyaana de7uwaninne xillotethan daana mela nuna tamaarsees.
Hessa gisho, oosos hintena giigisite; hintena haarite. Yesuus Kiristoosi qonciya wode hinte ekana aadho keehatetha ufaysan naagite.
Ba merinaa bonchuwas Kiristoos Yesuusa baggara hintena xeegida aadho keehatetha ubbaa Xoossay, guutha wodes hinte waayetidaape guye, I ba huuphen hintena shiishana, katisana, minthidi essana, xaalisana.
A graça de Deus
O Senhor é compassivo e gracioso, tardio em irar-se e grande em amor. Sua graça é nova a cada manhã.
Goday qadheteysanne maareysa;
hanqetanaw eesotenna; iya siiqoy daro.
Ne keehatethaynne ne maarotethay
ta de7o laytha ubban tana kaallana;
taani Godaa keethan merinaw daana.
Godaa nu Xoossaa keehatethay nu bolla gido;
nu kushe ooso ubba nuus ayfisa;
Ee, nu kushe ooso ubbaa ayfisa.
Godaw, taani meto ciimmon de7ashe,
neeko waassayis.
Godaw, ta waasuwa si7a;
ta woosa ne haythay hayzo.
" ‘Goday hintena anjo, Goday hintena naago;
Goday ba som7uwa hintew poo7iso; I hintew qadheto;
Goday ba keeha ayfiyan xeello; I hintew sarotethi immo’ yaagidi anjite" yaaga.
Shin Goday hintew keehanaw naagees; Goday xillo pirdiya Xoossi gidiya gisho hintew qadhetanaw dendana. Iya ammanetidi naagiya ubbay anjetidaysata.
Viver pela graça
A graça de nosso Senhor Jesus Cristo esteja convosco. Perdoando e confessando, experimentamos a graça restauradora.
Godaa Yesuus Kiristoosa aadho keehatethay hinte ubbaara gido. Amin7i.
Godaa Yesuus Kiristoosa aadho keehatethay hinte ayyaanara gido.
Hiza, maarotethaa ekanawunne maade koshshiya wode aadho keehatetha demmanaw aadho keehatethay de7iyasuwa Xoossaa araatako yayyonna shiiqoos.
Shin ta wothaa polanawunne Godaa Yesuus Kiristoosape ekida oosuwa, Xoossaa aadho keehatetha Wongela markateysa polanaw ta shempiw pathonnabada taybas.
Xoossaa Na7aa ammaniya ubbay merinaa de7uwa laattanaape attishin, dhayonna mela Xoossay ha alamiya daro dosida gisho ba issi Na7aa immis.
"Hinte hintena qohidaysata atto giiko, salon de7iya hinte Aaway hinte qohuwaka atto gaana.
Ba nagaraa genthiya asi aacenna;
shin paaxeynne nagara aggey maarota ekana.
Hizqiyaasi Godaa Isra7eele Xoossaa Paasika Ba7aale bonchanaw Yerusalaamen de7iya Xoossa keetha Isra7eele asaynne Yihuda asay yaana mela kiittis. Qassi, Efreema asaasinne Minaase asaas dabdaabe xaafis. Kawoy, halaqatinne Yerusalaamen shiiqida asa ubbay Paasika Ba7aale nam7antho ageenan bonchanaw qofa qachidosona. Gidiya kahineti bantana geeshshiboonna gishonne daro asay Yerusalaamen shiiqiboona gisho asay Paasika iya woden bonchanaw danda7ibookona. He qofay kawanne shiiqida asaa ufaysis. Hessa gisho, Godaa Isra7eele Xoossaa Paasika Yerusalaamen bonchanaw Barsaabepe doomidi Daane gakanaw de7iya Isra7eele asa ubbay yaana mela awaajanaw qofa qachidosona. Ha Paasika Baaliya kase higgiyan xaafetidaysada daro asi bonchibeenna.
Kawoy kiitan, kiitetidaysati, kawanne shuumata dabdaabiya ekidi Isra7eelenne Yihuda ubbaa bidosona.
Dabdaabey haysada yaagees; "Isra7eele asaw, Asoore kawa kushepe attida hinteko simmana mela hinteka Godaako, Abrahaame, Yisaaqanne Isra7eele Xoossaako simmite! Hinte kase be7idaysada enta bores aathidi immana gakanaw banta Godaas, banta aawata Xoossaas ammanetibona hinte aawatadanne hinte ishatada hanopite. Hinte Godaas kiitetite; kase hinte aawatada si7ishe ixas goopite! Hintenatethaa Xoossas immite. Goday merinaw geeshshida Xoossa keethaa yiite. Godaa hanqoy hintefe simmana mela Godaa hinte Xoossaa goyinnite. Hinte Godaako simmiko hinte ishatinne hinte nayti bantana di77idaysata sinthan maarota demmidi ha biitta simmana. Goday hinte Xoossay qadheteysanne maareysa gidiya gisho hinte iyako simmiko ba som7uwa hintefe qosenna" yaagis.
Kiitetidaysati Efreemanne Minaase biitta kanthidi Zabloona biitta gakanaw katamaape katamaa bidosona. Shin he katamatan de7iya asay enta kadhidi enta bolla miicidosona. Gidoshin, Aseerape, Minaasepenne Zabloona guutha asati bantana kawushidi Yerusalaame yidosona. Kawoynne kawa shuumati Godaa qaala maaran kiittidaysa polanaw issi wozanan gidana mela Xoossa kushey Yihuda bolla de7ees.
Nam7antho ageenan Uytha Ba7aale bonchanaw daro asi Yerusalaamen shiiqis. Enti dendidi, Yerusalaamen de7iya yarsho bessata laallidi, ixaane cuyisiya miishe ubbaa diggidi, Qediroona Zangaaran yeggidosona. Nam7antho ageenan, tammanne oyddantho gallasan Paasika dorsaa shukidosona. Bantana geeshshiboonna kahinetinne Leeweti yeellatidi, bantana geeshshidosona; xuussa yarsho Xoossa keethi ehidosona. Xoossa asi gidida Muse wogaada Xoossa keetha giddon banta bessan bessan eqidosona; kahineti Leeweta kushepe ekida suuthaa dharcidosona.
Asaa giddofe daroti bantana geeshshiboonna gishonne dorsata shukonna mela digetida gisho Leeweti entaw Paasika dorsata shukidosona. Efreemape, Minaasepe, Yisakoorapenne Zabloona kochaafe daro asay higgey kiitteysada bantana geeshshiboonnaba gidikoka Paasika Ba7aale gibira midosona. Gidoshin, Kawoy Hizqiyaas, "Abeeti keeha Godaw, higgey kiitteysada haysati bantana geeshshonnaba gidikoka enti nena Godaa, banta aawata Xoossaa koyanaw banta wozanaa giigisida gisho ne entaw atto yaaga" yaagidi woossis. Goday Hizqiyaasa woosa si7idi entaw atto gis.
Yerusalaamen shiiqida Isra7eele asay laapun gaalasi kumethi Uytha Baaliya gita ufaysan bonchidosona. Leewetinne kahineti yetha miishen yexishe gallas gallas Godaa galatoosona. Hizqiyaasi Godaa goyinno wogaa kaaleson eretida Leeweta minthethis.
Asa ubbay issifetetha yarsho yarshishe, Godaa banta aawata Xoossaa galatishe, mishenne uyishe ba7aale laapun gallas bonchidosona. Shiiqoy hara laapun gallas gujidi ba7aale bonchanaw zore qachidi laapun gallas ufaytidi bonchidosona. Yihuda kawoy Hizqiyaasi yarsho yarshanaw issi mukulu kormata, laapun mukulu dorsatanne deeshata asaas immis; qassi halaqati issi mukulu kormatanne tammu mukulu dorsata asaas immidosona; daro kahineti bantana geeshshidosona. Yihuda asay, kahineti, Leeweti, Isra7eelepe yida asay, ba7aale bonchanaw yida bete asaynne Yihuda biittan de7ida asa ubbay ufaytidosona. Dawita na7aa, Isra7eele kawa Solomone wodiyape doomin hachi gakanaw Yerusalaamen hessa mela ba7aaley bonchetidi eronna gisho Yerusalaamen asay daro ufaytidosona. Kahinetinne Leeweti dendidi, Goday asaa anjana mela woossin Xoossay salon, ba de7iya geeshsha bessan enta woosa si7is.