Graça
A graça de Deus é favor imerecido. Pela graça somos salvos, pela graça vivemos, pela graça somos sustentados. É o dom mais precioso de Deus — dado a quem não merece.
Salvos pela graça
Pela graça sois salvos, mediante a fé, e isto não vem de vós — é dom de Deus. Não por obras, para que ninguém se glorie.
Ana God ene ere yugwa i, ye swara erukwa. Ene enene ere inaiglkwa kuno erekrukwa. Ta manugwa ba ene Jisas pre mediglko, God ye yene wakai prumere ene yoko kaima ere yugwa. Ye ene mabuno wakai swara ta beglkwa kandre, ene ta ere ikrukwa. Ene yoko kaima ere yugwa pre ene ta ere mogl, enene kagno ake mitna ede, yoba wakai mune dinaiglkwa i, kuno ta erekrukwa.
Ana nono okna yegl munga pre God nono dem podo kubro norabuka kuno erukwa ba ye yoko kaima no mitno goglsre, dem muduo podo norukwa. Yegl erukwa pre nono tadaglme ersre, kiano wagle gogl kodumga ba ye nono yoko kaima ere yugwa. Ye Kere Yugwa Yagl Jisas nono bogl i swara ede, ye Jisas ere i kor edumere mere yegl nono ama kiano mina ere i kor ede kodugo, nono Jisas bogl akie kor munga.
I siragl pre yoba mudu pra pra tadaglme ersre, God yagl du kaima mogl, abuglagemo podo kide sugo, moglmara enamga i, yage sumga. Ba God yene wakai prumere ere wakai ere norsre, Krais Jisas nono topo si ikne edumara i mina God yoko kaima no yoba du meglme dugwa.
Adam erukwa i ya Jisas erukwa i, nono mudu bi dugwa ba ye eribrika i, mabunomo pai pere pere edugwa. Adam ye God lomo si biglke dugwa i ya Jisas yoko kaima nono ere wakai ere norukwa i, mabunomo pai pere pere edugwa pre diga. Adam ye God lomo si biglke dumara i, yoba mere kide geglkwa ba Jisas Krais dem muduo yoko kaima norsre, yoba ere yumara i, God yoba yoko kaima ere wakai ere norukwa mabunomo i, Adam erukwa i egre atne edidre, yoba mere kide ama no bi di kodugwa.
Yegl pre nono okna tadaglme mina atne mogl, gunere mere kuno yegl, erme God nono yoba du meglmedi kanugwa pre nono ye yoko kaima ere yugwa mabunomo i mina atne munga. Te, nono Yaglno Kade Jisas Krais kogon erumara i mina nono aimadi kamin kor moramga i, God noro kodugwa.
Graça que capacita
A graça me basta, pois o poder se aperfeiçoa na fraqueza. Na graça, não estamos mais sob a lei, mas sob o favor de Deus.
I siragl pre erme tadaglme mabuno ene bitno morabuka i, kuno ta erekrukwa. Ene lo mina ta atne kra meglbi, kaima tadaglme mabuno ene bitno morabuka paugwa ba ene lo mina atne ta moglkrikwa. God ene yoko kaima ere wakai ere te moglko, ene ye moglmara swara i mina atne meglkwa pre tadaglme mabuno ene erme bitno moglkrabuka i, kuno paugwa.
Mabuno du niglmo kogonmo ere tenamga paugwa
Ana nono erme lo mina ta atne moglkre, God moglmara swara i mina atne munga pre, nono siragl eramne? God no wakai kan kodumedi prisre, tadaglme aimadi ere pai moramno? Kodo! Nono yegl ta erekramga.
Ana God moglkwa i, ye nono ere idre, nono ye yobama kaima moraiglmedi agle dugo, ede suna umga. Ye nono ere yugwa i, nono kogon wakai ta erumga pre nono ere ikrukwa ba yene wakai prisre, ere wakai ere noragledi prumere nono ere yugwa. God ye nono yegl mere ere wakai ere norukwa i, ye okna ibo, taragl swara ta ere yeikrukwa igne, Krais Jisas mina ere wakai ere noragledi di padigl kodugwa.
Ana God ye yoba mudu yoko kaima ere inagledi prukwa i, erme ede nogugl u kodugwa. Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.
God nono topo si ikne edugwa pre mabuno du eramga paugwa
Yegl paugwa pre ene ye kogonmo eramnedi nomano mina ake kun ere moglsre, yomere pamere mogl pai erio. Te, Jisas Krais okuo plau didre, yoko kaima ere wakai ere norabukra we di, nomano mina pre gi di molo.
Ana God moglkwa i, nono ege ege ere wakai ere norukwa yagle moglkwa. Te, God yene Krais Jisas kagie mina ene agle di suna edidre, ye abuglagemo mina aimadi kamin wakai moraiglmedi agle dugwa. Yegl pre ene ege sugunagle giugl pre moraiglkwa paugwa ba okuo God ene ere wakai ere tedre, deno muduno si gigle di te, ene adigl gigledi moraiglmedi ere tenabuka.
A graça de Deus
O Senhor é compassivo e gracioso, tardio em irar-se e grande em amor. Sua graça é nova a cada manhã.
Viver pela graça
A graça de nosso Senhor Jesus Cristo esteja convosco. Perdoando e confessando, experimentamos a graça restauradora.
Nono Yaglno Kade Jisas ene yoko kaima ere wakai ere te pai morabedi prika. Kaima.
Nono Yaglno Kade Jisas Krais ye ene mudu deno muduno mina ere wakai ere te pai morabedi prika.
Yegl pre nono kudugl goglkre, God ye sia kingmo mina moglmara ede magigl enamga paugwa. God ye sia kingmo mina moglsre, yoko kaima ere wakai ere noragledi prukwa. Yegl pre nono yubuno ta panabuka igne i, God nono mitno goglsre, ake ple di norabedi ye moglmara magigl enamga paugwa.
Yubun podo yegl inaglka mere di narukwa ba yoba na si kane sidre, na si goraiglkwa i, na pre mitna edekrie dugwa. Pre mitna edekrika ba Yagl Kade Jisas na kogon eratnedi narukwa i swara ere kodinagledi pre mitna edie dugwa. Na prika i, God ye yoko kaima yoba ere yugwa ka wakai i, yoba di te kodinagledi prika pre diwe di, Pol yegl dugwa.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Yoba ene aglau ere tenaiglkwa i, ene kide kodo tebi, ene Neno heven ibo moglkwa i, ene tadaglmeno ama kide kodo tenabuka.