Graça
A graça de Deus é favor imerecido. Pela graça somos salvos, pela graça vivemos, pela graça somos sustentados. É o dom mais precioso de Deus — dado a quem não merece.
Salvos pela graça
Pela graça sois salvos, mediante a fé, e isto não vem de vós — é dom de Deus. Não por obras, para que ninguém se glorie.
किल्हैकि परमेशरै किअ आपणैं जशा करै थारअ उद्धार ज़ेभै तम्हैं विश्वास किअ, तम्हैं निं आपणैं उद्धार हणां लै किछ़ै मोल दैनअ। एता लै निं तम्हैं इहअ किछ़ै भलअ काम आथी किअ द ज़ेता लै तम्हैं घमंड करी सके।
पर परमेशरा लागा म्हारी खास्सी झींण अर सह करा हाम्हां लै खास्सी झ़ूरी। मसीहा दी विश्वास करनै का आजी तै हाम्हैं पाप करनै पिछ़ू मूंऐं दै ज़िहै, परमेशरै दैनी हाम्हां लै ज़िन्दगी ज़ेभै तेऊ मसीहा मरी करै भिई ज़िऊंदअ किअ अर परमेशरे जशा करै ई आसा थारअ उद्धार हुअ द।
किल्हैकि सोभी आसा पाप किअ द अर परमेशरे प्रतप्पा का आसा सोभै दूर। परमेशरै किई हाम्हां लै एही झींण कि म्हारै पाप करनैओ लिखअ-जोखअ पाअ मटाऊई बणाऐं हाम्हैं तेऊ धर्मीं। हाम्हैं निं एता लै किछ़ै किम्मत दैनी। मसीहा ईशू किअ अह काम हाम्हां लै छ़ुटकारै दैई पूरअ।
पर ज़ुंण दान परमेशरै दैनअ सह निं आदमी ज़िहअ आथी। किल्हैकि आदमी ज़ुंण सोभी का पैहलअ मणछ त, तेऊ किअ पाप अर तेता करै आई सोभी मणछा लै मौत। पर दुजअ आदमी ईशू मसीहा ज़ुंण बादा का आअ सह मूंअ हाम्हां सोभिए तैणीं, अह हुई हाम्हां लै परमेशरे झींण कि तेऊ बणाऐं हाम्हैं धर्मीं ज़ै कि हाम्हैं नांईं तै एता जोगी आथी।
ज़िहअ सोभी मणछै पाप किअ अर तिंयां सोभ मूंऐं, तिहै ई बणाणैं परमेशरा मसीहे जशा करै तिंयां धर्मीं अर तिन्नां भेटणीं सदा रहणैं आल़ी ज़िन्दगी।
Graça que capacita
A graça me basta, pois o poder se aperfeiçoa na fraqueza. Na graça, não estamos mais sob a lei, mas sob o favor de Deus.
तै निं तम्हां प्रैंदै पाप राज़ करी सकदअ, किल्हैकि ज़िहअ बधान बोला करना लै तेऊ साबै निं तम्हैं ज़िन्दगी ज़िऊंदै, पर तम्हैं ज़िऊआ तेऊ जशे साबै ज़िन्दगी ज़ुंण परमेशरै तम्हां का रहैऊ।
तै किज़ै हुअ? बधाने बशै निं हाम्हैं आथी हाम्हैं आसा परमेशरे जशा दी, तै कै हाम्हैं पाप करी सका? नां, हाम्हैं निं पाप करी ई सकदै।
परमेशरै किअ म्हारअ उद्धार अर तेऊ आसा हाम्हैं पबित्र ज़िन्दगी ज़िऊंणां लै शादै दै। ज़ुंण हाम्हैं भलै काम किऐ, तेऊ निं हाम्हैं तेता भाल़ी बच़ाऊऐ, पर तेऊ थिअ हाम्हां लै महान दान दैणें बारै संसार शुरू हणैं का आजी डाहअ द सोठी! परमेशरै पजैल़अ ईशू मसीहे जशा करै सह दान हाम्हां लै।
विश्वासी सखाऊ इहअ ई किल्हैकि परमेशरै किअ आपणअ जश प्रगट कि सह च़ाहा सोभी मणछा तिन्नें पापा का बच़ाऊंणअ अर अह आसा तिन्नां लै दान। एऊ जशा करै सखाऊआ परमेशर हाम्हां का कि हाम्हैं तिहअ बभार नां करे ज़ेता करै परमेशर खुश निं हंदअ तिहअ बभार करे ज़ेता करै परमेशर खुश हआ अर संसारे च़िज़ा लै च़ाहा डाहणीं छ़ाडे। पर एऊ जुगै हाम्हैं धर्म अर च़ाकरी डाही बभार करे ज़ेता करै शुझिए कि हाम्हैं करा परमेशरो अदर।
तैही करा आपणैं मन्नां काबू करी परमेशरे साबै हर कामां करना लै तैर एही आशा डाही करै कि परमेशरा करनअ तम्हां लै भलअ ई भलअ कि तेऊ दैणअ तम्हां लै आपणैं जशा दी उद्धार ज़ेभै मसीहा ईशू स्वर्गा का फिरी एछणअ।
परमेशर ज़ुंण जशा करै भरपूर आसा, तेऊ शादै हाम्हैं स्वर्गे सदा रहणैं आल़ै प्रतप्पे साझ़ू हणां लै किल्हैकि हाम्हैं आसा मसीहा संघै एक हुऐ दै। थोल़ी घल़ी दाह-दुख भुगतणै का बाद बणाणैं परमेशरा तम्हैं भलै, तेखअ निं तम्हां दी किछ़ै दोश हणअ अर तेऊ दैणअ तम्हां लै बल ताकि थारअ विश्वास पाक्कअ होए।
A graça de Deus
O Senhor é compassivo e gracioso, tardio em irar-se e grande em amor. Sua graça é nova a cada manhã.
बिधाता आसा झ़ूरनै आल़अ अर झणैल़ू,
तेऊ निं धखी का रोश्शै एछदी अर तेऊए झ़ूरी आसा अटल़।
अह गल्ल आसा पाक्की कि तूह झ़ूरा मुल्है अर ताह करनी मुल्है सदा झींण,
हे बिधाता, मुंह बस्सणअ तेरै घअरै सदा-सदा लै।
ए म्हारै मालक, हाम्हां लै लोल़ी तेरी बर्गत हुई।
हाम्हां कर हर कामां दी सफल।
हे बिधाता, खास्सै डुघै दी पल़ी पाआ हुंह
खरीए पलका ताह सेटा पकार।
हे मेरै मालक, ज़ीबाण, मुंह बाखा दै धैन,
तूह शुण मेरी लेर-पकार कि हुंह मांगा ताखा मज़त।
‘हुंह करा बिधाता का एही अरज़ कि
सह दैए ताल्है बर्गत अर
तेऊ लोल़ी सदा तेरी फाज़त किई,
बिधाता लोल़ी ताल्है आपणीं झींण
अर जश रहैऊअ।
ताह लोल़ी सुख-शांती भेटी अर
मेरी आसा बिधाता का एही अरज़ कि तेऊ निं लोल़ी
ताह बाखा कधि पिठ फरेऊई।’
तैबी रहा बिधाता न्हैल़अ लागी कि तम्हां लै तेऊओ जश होए। सह च़ाहा तम्हां लै झींण करनी, सह करा भलअ ई। सह हआ तिन्नां लै खुश ज़ुंण बिधाता दी भरोस्सअ डाहा।
Viver pela graça
A graça de nosso Senhor Jesus Cristo esteja convosco. Perdoando e confessando, experimentamos a graça restauradora.
हुंह करा परमेशरा का अरज़ कि म्हारै प्रभू ईशूए झींण लोल़ी सदा तम्हां सोभी लै हुई। एवमस्तू।
हुंह करा परमेशरा का अरज़ कि म्हारै प्रभू ईशूए झींण लोल़ी सदा तम्हां सोभी लै हुई। एवमस्तू।
एछा, हाम्हां करनी हिम्मत संघा डेऊणअ तेऊ मसीहा नेल़, ज़ुंण स्वर्गे राज़गाद्दी का राज़ करा। तेऊ किई हाम्हां लै एही झींण ज़ेते हाम्हैं हकदार बी नांईं तै आथी। म्हारी खरीए पलका रहणअ सह मसीहा ई हाम्हां लै झणैल़ू अर म्हारी मज़त बी करनी तेऊ ई।
पर हुंह निं आपणैं प्राणा किछ़ै समझ़दअ कि झ़ूरी करूं, पर इहअ कि आपणीं ठुहर अर च़ाकरी पूरी करूं, ज़ुंण मुंह परमेशरे जशे खुशीए समादे शाजत दैणा लै प्रभू ईशू का आसा भेटी दी।
"किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।
"ज़ै तम्हैं होरी मणछे पाप माफ नांईं करे, तै निं थारै पाप बी थारै स्वर्गै रहणैं आल़ै बाब परमेशरा माफ करनै।
ज़ुंण आपणैं पाप च़ोरी डाहा, सह निं ज़िन्दगी दी सफल हंदअ।
पर ज़ुंण तिन्नां मना अर आजू पाप करनअ छ़ाडा, तेऊ लै करा बिधाता झींण।
राज़ै हिजकिया दैनअ इज़राईल अर यहूदा मुल्खै सोभी लै समाद, एप्रैम अर मनिश्शे गोत्रा लै बी दैनअ तेऊ च़िठी लिखी समाद। तेऊ किअ सोभी लै छ़ांदअ कि राज़धानी एरुशलेम मनाऊंणअ इज़राईले परमेशर बिधाता लै ऊवार्णैओ थैर, तेता लै लोल़ी सोभै आऐ। राज़ै अर कार-करिंदै किई आप्पू मांझ़ै सट-सलाह कि ऐहा बारी मनाऊंणअ हाम्हां ऊवार्णैओ थैर बशाहै। एही ता मनाऊंआं तै ऊवार्णैओ थैर च़ैत्रै पर अज़ी ती कई प्रोहते शुधी हणीं बाकी अर सारै का होर लोग बी निं एरुशलेम अज़ी पुजै तै। तेखअ हुऐ ऐहा गल्ला लै राज़अ अर सारी सभा दी सोभ राज्ज़ी कि ऊवार्णैओ थैर मनाऊंणअ बशाहै। तेखअ पजैल़अ तिन्नैं दखण बेर्शेबा उझै उतर दान तैणीं सोभी इज़राईली सेटा समाद कि सोभै लोल़ी बधाने साबै आपणैं परमेशर बिधाते ऊवार्णे थैरा मनाऊंदै एरुशलेम आऐ। तधू आऐ तेऊ थैरा लै एतरै खास्सै मणछ कि तेतरै निं कधि आऐ तै। राज़ै हिजकिया ज़ुंण दूत छ़ाडै, तिंयां डेऊऐ इज़राईल अर यहूदा मुल्खै सारै दी तिन्नां का थिअ च़िठी लिखी इहअ सारी परज़ा लै इहअ छ़ांदअ दैनअ द,
"इज़राईली मणछो, ज़ुंण तम्हैं अश्शूरी राज़ै का बच़ै दै आसा, ऐबै फिरा आपणैं दाद-बाब आबराम, इसहाक अर इज़राईले परमेशर बिधाता बाखा, तै जाणअ बिधातो कोप तम्हां का दूर हई। थारै दाद-बाब अर इज़राईली मांझ़ै होर भाई-बंध ज़ुंण आपणैं परमेशर बिधाता लै शुचै-पाक्कै नांईं रहै, तम्हां निं तिन्नां ज़िहै हई। तम्हैं भाल़अ आपणीं आछी कि बिधाता तिन्नां लै केही सज़ा दैनी। तम्हैं निं तिन्नां ज़िहै जर्ड हई अर तम्हैं करै तिहअ ज़िहअ बिधाता हुकम करा। तम्हैं लोल़ी एरुशलेम बिधाते भबना लै आऐ, ज़ुंण भबन म्हारै परमेशर बिधाता सदा लै पबित्र किअ कि तिधी तेऊए पूज़ा होए। तेखअ जाणअ बिधातो कोप तम्हां का दूर हई। ज़ै तम्हैं बिधाता बाखा बापस एछे, तै जाणीं दुशमणा थारै तिन्नां भाई-बंधा लै झींण फिरी ज़ुंण तिन्नैं कैद करी गलामी दी आसा निंयैं दै अर तिंयां हेरनै तिन्नां घअरा लै बापस छ़ाडी। म्हारअ परमेशर बिधाता आसा झणैल़ू अर सह झ़ूरा हाम्हां लै खास्सअ। ज़ै तम्हैं तेऊ बाखा फिरे, तेखअ निं लाई तेऊ तम्हां बाखा पिठ डाही फरेऊई।"
नगरी-नगरी हांढदी पुजअ अह समाद एप्रैम, मनिश्शे, उतरा बाखा बस्सै दै ज़बलून गोत्रा आल़ै सेटा, पर तिंयां सोभै लागै तिन्नां लै हास्सदै अर सुहांगा करदै। पर तज़ी बी थिऐ आशेर, मनिश्शे अर ज़बलून गोत्रा मांझ़ै कई भलै मणछ अर तिंयां आऐ एरुशलेम नगरी लै। यहूदा सारै देशै बी हुअ बिधातो इहअ प्रतप्प कि तिंयां तैर्हुऐ ज़िहअ बोलअ तिहअ ई करना लै ज़िहअ राज़ै हिजकिया अर तेऊए कार-करिंदै हुकम किअ त।
बशाहै झाल़्हुऐ राज़धानी एरुशलेम ऊवार्णे अर आखरी रोटीए थैरा मनाऊंदै खास्सै मणछ। बिधाते भबना छ़ाडी एरुशलेम होर्ती नगरी ज़िधी बी बल़ीदान अर धूप ज़ाल़णा लै बेदी थिई बणाईं दी, तिंयां काढी तिन्नैं पोर्ही संघा शोटी किद्रोन नाल़ै। ज़ांऊं च़ौदा बशाहै लोग ऊवार्णै लै मिम्मूं काटदै लागै, प्रोहत अर लेबी पल़अ आप्पू लै शर्मिंदै हणअ, तेखअ किई सोभी आपणीं शुधी संघा आणै बिधाते भबनै हूम बल़ीदान। तेखअ हुऐ तिंयां तेऊ साबै बिधाते भबनै आपणीं-आपणीं ज़ैगा खल़ै ज़िहअ परमेशरे दास मोसा तिन्नां लै बधाना दी आसा लिखी डाहअ द। लेबी आणअ बल़ीदान किऐ दै पशूओ लोहू प्रोहता सेटा अर तिन्नैं छ़ल़िकअ सह बेदी दी। किल्हैकि लोगा मांझ़ै बी थिऐ इहै ज़ुंण अज़ी बी छ़ोतलै थिऐ। तिन्नैं लोगै ज़ुंण ऊवार्णे चैणैं बिधाता लै ज़ुदै शुचै तै डाहै दै, तिन्नें तिंयां मिम्मूं काटै तेखअ लेबी आप्पै संघा किऐ बिधाता लै अर्पण।
इना का लाऊआ ज़ुंण एप्रैम, मनिश्शे, इस्साकार अर ज़बलून गोत्रा का थिऐ आऐ दै, तिन्नां मांझ़ै निं खास्सै ज़ण्हैं बधाने साबै आपणीं शुधी आथी ती किई दी। पर तिंयां बी हुऐ ऊवार्णे मिम्मूंए शिखा खाणां लै साझ़ू। राज़ै हिजकिया भाल़अ कि तिन्नैं किज़ै किअ अर तेऊ किई तिन्नां लै बिधाता सेटा अरज़, "परमेशर बिधाता, एही ता निं आसा ईंयां बधाने साबै शुचै आथी हुऐ दै! तूह करै इनो पाप-दोश माफ, किल्हैकि ईंयां बी आसा इने दादा-बाबा ज़िहै तत्त-दिला का ताह बिधाता सेटा तेरी पबित्र ज़ैगा माथै टेक्कदै आऐ दै।" बिधाता शूणीं हिजकिया राज़े अरज़ संघा किऐ तिन्नें पाप-दोश माफ अर तिन्नें निं किछ़ हान्नी हुई। इज़राईली मांझ़ा का ज़ेतरै लोग एरुशलेम नगरी कठा हुऐ तै, तिन्नैं मनाऊंअ खुशी-खुशी साता धैल़ी तैणीं आखरी रोटीओ थैर अर हर धैल़ै करा तै लेबी अर प्रोहत गाज़ै-बाज़ै संघै बिधाते ज़ै-ज़ैकार। ऊवार्णे थैरा लै लेबी अर प्रोहतै ज़ेही समझ़कारी संघै काम किअ, तेते किई राज़ै हिजकिया खास्सी तिन्नें सर्राफी।
तेखअ रहै तेता बाद साता धैल़ै तैणीं भिई सोभ लोग थैरा मनाऊंदै लागी। संघा किअ मेल़-ज़ोल़े बल़ीदान करी सोभी लोगै आपणैं दादा-बाबे परमेशर बिधातो शूकर। सोभै हुऐ ऐहा गल्ला लै राज्ज़ी संघै रहै तेता बाद भिई होर साता धैल़ी तैणीं खुशी-खुशी ऊवार्णे थैरा मनाऊंदै लागी। यहूदा मुल्खे राज़ै हिजकिया दैनै लोगा लै एक हज़ार बाछ़ू, सात हज़ार भेडा-बाकरी हेल़्ही बल़ीदान करी धाम। कार-करिंदै बाखा बी दैनै लोगा लै एक हज़ार बल्द अर दस हज़ार भेडा। तेखअ किई खास्सै प्रोहतै बधाने साबै आपणीं शुधी। यहूदा मुल्खे प्रोहत, लेबी संघी सारी सभा, यहूदा बस्सै दै सोभ लोग, इज़राईल मुल्खा का आऐ दै लोग अर परदेसी बी ज़ुंण ऊवार्णे थैरा लै थिऐ आऐ दै तिंयां थिऐ सोभ खुश हुऐ दै। सारी नगरी ती फेर-फिरदी खुशी किल्हैकि एचल़अ बडअ थैर निं आझ़ तैणीं एरुशलेम नगरीए बस्सै दै लोगै इज़राईले राज़ै दाबेदे शोहरू सुलैमाने ज़मानै ओर्ही भाल़अ ई आथी त। तेखअ हुऐ खिरी प्रोहत अर लेबी खल़ै संघा मांगी सोभी लोगा लै बिधाता का बर्गत। बिधाता शूणीं स्वर्गै तिन्नें अरज़।