Gratidão a Deus
A gratidão a Deus é atitude que transforma a vida. Reconhecer que toda boa dádiva vem de Deus nos leva a louvar, servir e viver com alegria e propósito.
Tudo vem de Deus
Toda boa dádiva vem do alto. Agradecer a Deus é reconhecer que Ele é a fonte de toda bênção e sustento.
कऊँकि परमेशरो री बणाई री हर एक चीज खरी ए और आसे कुछ बी खाई सकूँए, पर ये कि परमेशरो खे धन्यवाद करी की खाई जाओ।
कऊँकि परमेशरो री बणाई री हर एक चीज खरी ए और आसे कुछ बी खाई सकूँए, पर ये कि परमेशरो खे धन्यवाद करी की खाई जाओ। कऊँकि सेयो चीजा परमेशरो रे वचने की और प्रार्थना साथे परमेशरो खे मानणे जोगी ऊई जाओईया।
आऊँ आपणे प्रभु यीशु मसीह रा जिने माखे सामर्थ दित्ती, धन्यवाद करूँआ कि तिने माखे विश्वासो जोगा समजी की आपणी सेवा खे ठराई राखेया।
सबी ते पईले आँऊ तुसा ते ये आग्रह करूँआ कि सबी लोका खे प्रार्थना करो। परमेशरो ते माँगो कि से तिना री मताद करो और तिना खे आशीष देओ। तिना री तरफा ते बचोलेपणो री प्रार्थना करो। तिना लोका खे परमेशरो रा धन्यवाद करो।
तुसे लोक पिता परमेशरो रा धन्यवाद करदे रओ, जिने आसे एते जोगे बणाए कि स्वर्गो रे राज्य रे परमेशरो रे लोका साथे जायदाता रे बराबर इस्सेदार ओऊँ।
और तेसदे ई जड़ पकड़दे और बढ़दे जाओ और जेड़े तुसे सिखाई राखे, तेड़े ई विश्वासो रे पक्के ऊँदे जाओ और जादा ते जादा धन्यवाद करदे रओ।
शान्ति जो मसीह देओआ तुसा रे दिलो रे राज्य करो। एड़ी शान्तिया खे तुसे एक शरीर ऊई की बुलाई बी राखे। तुसे सदा धन्यवादी बणे रे रओ।
Louvor e gratidão
Louvai ao Senhor e dai-lhe graças! Ele fez maravilhas e é digno de todo louvor e agradecimento.
आऊँ यहोवे री तारीफ करूँआ कऊँकि से हमेशा ठीक काम करोआ;
मां यहोवे री तारीफ करने खे गीत गाणा, जो केसी बी दूजेया देवतेया रे मुकाबले परमपरदान ए।
परमेशरो खे तन्यवादो रा बलिदान ई चढ़ा
ओर परमपरदानो रिया तँईं आपणी मान्नता पुरिया कर;
मां गाणा गायी की यहोवे रे नाओं री स्तुति करनी
ओर तन्यवाद करदे ऊए तेरी तारीफ करनी।
पर जितणे ताखे टोल़ोए, सेयो सारे तेरिया बजा ते खुश ओर आनंदित ओ
ओर जो लोक तेरे उद्धारो ते प्यार करोए,
सेयो लगातार ये बोलदे रओ, "परमेशरो री तारीफ ओ!"
ओ परमेशर, आसे तेरा तन्यवाद करूँए,
आसा तेरिया महानता रे बारे दे,
ओर तैं केड़े-केड़े नौखे काम करी राखे,
सेयो बी सबी खे बताणे।
तेबे आसा जो तेरी प्रजा ओर तेरी चराईया रिया पेडा ए,
तेरा तन्यवाद सदा करदे रणा;
ओर पीढ़िया ते पीढ़िया तक तेरा गुणगाण सदा करदे रणा।
तेसरे मईलो रे तन्यवाद ओर तेसरे आँगणो रे स्तुति करदे ऊए आओ,
तेसरी सराईणा करो ओर तेसरे नाओं खे तन्य बोलो!
तैं मेरा दु:ख खुशिया रे बदली ता;
तैं मेरे दु:ख दूर करीते ओर मेरे चऊँ कनारे खुशिया ई खुशिया देईतिया।
ताकि मेरी आत्मा तेरा पजन गांदी रओ
ओर कदी चुप नि रओ।
ओ मेरे प्रभु परमेशर,
मां सदा तेरा तन्यवाद करदे रणा।
यहोवे रा तन्यवाद करो, तेसते प्रार्थना करो;
सबी देशा दे तेसरे कामो रा प्रचार करो।
यहोवे रा तन्यवाद करो, कऊँकि से खरा ए;
तेसरी करूणा सदा री ए।
Expressões de gratidão
Dar graças com oração e súplica. A gratidão se expressa em palavras, atos e atitudes que glorificam a Deus.
केसी बी गल्ला री चिन्ता नि करो। पर हर एकी परिस्थितिया रे तुसा री अर्ज, प्रार्थना और बिनतिया रे जरिए, धन्यवादो साथे परमेशरो सामणे ल्याए जाओ।
सदा सब गल्ला खे म्हारे प्रभु यीशु मसीह रे नाओं ते परमेशर पिते रा धन्यवाद करदे रओ।
और ना बेशर्मी, मूर्खता री गल्ल ओ, ना ठट्ठे री, कऊँकि यो गल्ला शोभा नि देंदिया, बल्कि तुसे लोक परमेशरो खे धन्यवाद ई देया करो।
तुसे लोक हर प्रकारा री आशीषा ते भरपूर ऊई जाणे। जेबे आसा तुसा रा दान बाँडणा तो बऊत सारे लोका परमेशरो रा धन्यवाद करना।
ये सब कुछ तुसा लोका री पलाईया खे ऊणे लगी रा, तेबेई जादा ते जादा लोका जाणी लणा कि परमेशर कितणा दयालु ए और तिना परमेशरो री तारीफ और धन्यवाद करना।
हर गल्ला रे परमेशरो रा धन्यवाद करो, कऊँकि तुसा खे मसीह यीशुए रे परमेशरो री येई इच्छा ए।
ये बोलणे लगे,
"ओ सर्वशक्तिमान् प्रभु परमेशर,
जो आए और जो था,
आसे तुसा खे धन्यवाद करूँए
तुसे बड़ी सामर्था खे कामो रे ल्याई की राज्य करी राखेया।"
पर मां जोरे की तन्यवाद करी की ताखे बलिदान चढ़ाणा, जो मान्नत मैं मानी राखी, से पूरी करनी। पक्का परमेशर ई उद्धार करोआ।