Gratidão a Deus
A gratidão a Deus é atitude que transforma a vida. Reconhecer que toda boa dádiva vem de Deus nos leva a louvar, servir e viver com alegria e propósito.
Tudo vem de Deus
Toda boa dádiva vem do alto. Agradecer a Deus é reconhecer que Ele é a fonte de toda bênção e sustento.
I siragl pre God kaya mokna kane kane ere yogwa i, wakai keme yogwa. Nono God di wakai yei tomun, kaya mokna kane kane yogwa i, i nenamga. Swara ta mawagl paikrukwa.
I siragl pre God kaya mokna kane kane ere yogwa i, wakai keme yogwa. Nono God di wakai yei tomun, kaya mokna kane kane yogwa i, i nenamga. Swara ta mawagl paikrukwa. Nono kaya mokna kane kane nenamga, mawagl ta paikrukwa. I siragl pre God yene ye kamo mina di norsre, kaya mokna mudu wakai yome dugwa. Te, kaya mokna pre nono kamage ersre, God di wakai yei tomnara i mina, kaya mokna i, taragl wakai, God yene norumiwedi, i nogugl edumga.
Na ege ege Krais Jisas, nono Yaglno Kade i, di wakai yei teiga. I siragl pre ye ere mogl, Pol na kogona wakai eratniwedi kandre, kogon wakai i na eratnedi dedidre, ama yobuglo bogl narukwa.
God yobama yoba mudu pre kamage eraiglkwa paugwa
Ana Timoti yo, ka swara ta podo kaima paugwa pre na ene God yobama di tenatnedi prika i, yegl paugwa, ene yoba di ten, ye ege ege kamage eraiglkwa paugwa. Ye God ake ple di norabedi agle didre, ye ama di wakai yei tenaiglkwa paugwa. Ye yegl ersre, te yoba mudu pre kamage ere tenaiglkwa paugwa.
Neno Kade di wakai yei tenaiglmedi kamage erubuglka. Neno Kade pre diga i, yene dumo ta abuglage podo paugo sugl moglmara i, God yobama taragl wakai wakai inaiglkwa i, ene ama akie inaiglmedi di paduglkwa.
No ene beke tomga i, ene yakinaiglkwa pre dumga. Yoba yugu kei ede mitna eimere ya, ede duglane ede atne kaima omere mere yegl, ene Krais bogl si dakagl mogl, ye kamo pre gi dinaiglkwa pre dumga. Te, ene yegl ersre, God ege ege di wakai yei te molo.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
Louvor e gratidão
Louvai ao Senhor e dai-lhe graças! Ele fez maravilhas e é digno de todo louvor e agradecimento.
Expressões de gratidão
Dar graças com oração e súplica. A gratidão se expressa em palavras, atos e atitudes que glorificam a Deus.
Ana ene taragl kane kane pre kamage ersre, taragl swara ta pre nomane sikrio. Ene kamage eraiglkwa i, taragl kane kane pre God agle di prisre, ye ama di wakai ye teo.
Te, nono Yaglno Kade Jisas, God Kere Yugwa Yagl i kogon erumara i pre ene God Nem ege ege di wakai yei teo. Jisas kogon erumara i mina God ene taragl wakai kane kane ere togwa pre ene ege ege ye taragl mudu erukwa i poglo di prisre, ye di wakai yei teo.
Te, ene ka tewe di, ka boglo gua gua ere, ka kide kane kane dinaiglkwa i ama kuno erekrukwa. Ba ene ka dinaiglkwa kuno erukwa i, ene God di wakai yei te wan moraiglkwa swara i kuno erukwa.
God ene taragl tau mere i pi yoba pere tenaiglmedi taragl kane kane ene tenan, ene taragl i, tau i makai sidre, no i pi tenaiglmedi noribi, no i pi yoba pere tomun, ye idre, God di wakai yei tenaiglkwa.
Ana taragl kane kane no munara plau dugwa pre diga i, siragl pre na prika, taragl kane kane i mina no ene ake ple di tomnedi prika. Te, no kogon erumnara i mina God yoba yoko kaima ere yugwa kamo i, ede eglke eglke enan, yoba mere ye mabunomo i, kan pogl sidre, God di wakai yei tebi, God kagie kade inabuka.
ege kide mo ege wakai yenabuka igne ama God di wakai yei te pai molo. I siragl pre ene Krais Jisas yobama meglkwa i, God ene mabuno yegl eraiglmedi prukwa.
yegl digwa,
Yagl Kade God yo, yobugln pai kawa togwa motnga i, no ene di wakai yei tomga.
Ene motnga i, ene okna aimadi kamin moglsre, erme ama mogl pai motnga.
No ene di wakai yei tomga i, i siragl pre ene yobugln podo pamara i mina
ene taragl mudu i atne ede kodidre, erme yoba mudu bitno motnga.
Ba na we, na ene wakai we di tenagledi giglage didre, ene tawa tenaglka. Na yegl eragledi ene ka giglede di te padiglka i, na dimere eragle dugwa. Ene swara yoba ere inga motniwe di, Jona yegl dugwa.